رواية دادي سنجل
الفصل التاسع عشر والعشرون
والحادي والعشرون
19
👑 بسم الله الرحمن الرحيم👑
ركضت لخارج الغرفه كالفار وهو يحاول ان يلحقها ولكنه يفشل ان يمسك بها .
لتركض معاها فريده وهو يحاول ان يمسك بواحده منهم
مسكين مصعب يفشل كلما حاول ان يمسك بواحده منهم
جلس بعد ساعه في الارض وهو ياخذ نفسه سريعا ..
وهم يجلسون بعيدا عنه يحتضون بعد وينظرون اليه كان الشرير الذي خرج للتو من احدا الافلام التلفزيونيه
مصعب بتعب : الله يخربيتكم . هو ده يوم الاجازه اللي مفروض ارتاح فيه . كان يوم اسود علي دماغي .
فرح: بعد الشر عليك يا مو. متقولش ع نفسك كده
مصعب : الشر شفته من يوم ما شفتك يا فرح .
لتنظر له باسف : اخص عليك يا مصعب .
مصعب : انتي يا هبابه يا صغيره . بتسمعي كلامها وتضربي الولد ليه
كانت فريده خائفه وتخبئ وجهها في صدر فرح
فرح: صل علي النبي كده اهدي. علشان الشوجر والضغط وانت لسه صغير وقمر في نفسك كده
ضحك علي هذه البلوه التي رزقه الله بها. ليرفع راسها الي السما يشكو الله وهو يردد في سره : كان مالي انا ومال الجواز. ما انت كنت معتزل صنف الحريم. ومن دون الستات احب الهبله دي
فرح : انت بتدعي عليا وله ايه يامصعب
مصعب: لا بدعي علي نفسي يا قدري
نظرت الي فريده : ادخلي جوه ومتخفيش انا هتكلم معاه
فريده: هيزعقلك
فرح : لا . مش هيزعق . ادخلي
وقفت فريده ودخلت لغرفتها . وفرح اقتربت من مصعب
وجلست بجانبه
لينظر لها بتعب وارهاق. ابتسمت له ووضعت يدها علي خده برقه
فرح : نتكلم بالعقل. انا سبتك تطلع طاقتك السلبيه
مصعب : قصدك فرهدتيني
فرح : لا عاش ولا كان. انت اسد
ضحك مصعب بقله حيله
فرح : بص بقي ابن الراجل ده قليل الادب . فريده قالتلي ان الولد بيضيقها وكل شويه يشدها من شعرها ويخلي صحابه يضحكو عليها وهي شكت للميس ومعملتش حاجه. فانا امبارح اللي هو الخميس روحتلها المدرسه وخلتها تاخد حقها وتضربه وتشده من ....شعره زي ما هو بيعمل علشان. يحرم . لازم تكون قويه وتاخد حقها بايديها
مصعب: ومحكتيش ليه من الاول كل ده
فرح : انتي فاضي يا مصعب . كفايه مشاكل الشغل ومشاكلي. هتتحمل ايه وله ايه
مصعب: علي رايك. ده انتي لوحدك كارثه متحركه
فرح : عندك حق. مش هعترض .
. مصعب : بالعقل كده. انتي مفروض الكبيره يعني لو كنتي داخلتي للمديره وكلمتيها علي المشكله كانت هتتصرف
فرح : بس الولد بيتنمر علي فريده. وانا ضد التنمر.
مصعب: واللي انتي عملتيه ده اسمه ايه.
فرح : اسمه اخد الحق. انا خليت فريده تاخد حقها من الواد ده
مصعب بعصبيه : الطريقه غلط يا فرح.
فرح: طيب خلاص مش تتعصب . بعد كده لو حد عملها حاجه . هدخل اقول للمدير . تمام
مصعب : تمام يا كارثه
لتضحك وتجلس علي قدمه وهي وجهها مقابل لوجه
امسكت خدوده : بحبك يا مو
وضع يده علي خصرها ليقربها منه : وانا بحبك اكتر يا بلوه عمري
تذمرت : مش تقولي بلوه .
مصعب : اقولك مصيبه
فرح : لا. لا. قولي يا حبيبتي.
اقتربت منه لتقبله ليبادلها القبله .
مصعب: احلي مصيبه حصلتلي
ضمها لتسند راسها ع كتافه لتفتح عينها سريعا
فرح : اوعي اوعي.
رفع يده : في ايه
فرح وهي تتحدث سريعا : انهارده الجمعه والصلاه قربت . ولسه هعمل الغدا لمامتك وباباك
مصعب : صبرني يارب
فرح : يووه يا مصعب. انت مش مقدر ليه انشغلاتي
مصعب : ان ايه
فرح : لاتي. يعني مشغوله يا شبح
نظر لها بياس : انتي كنتي شغاله علي ميكروباص قبل كده
فرح : اها .. عرفت منين
مصعب : باين عليكي يا فرح .
...............
وقف ودخل غرفه فريده ليجدها تجلس علي الفراش . جلس بجانبها وقبل راسها
فريده : انت زعلان مني
مصعب : لا. بس عايزك لو حد عملك حاجه. متسكتيش ومتخفيش من اي حد. قولي للميس ولو معرفتش تعمل حاجه. تعالي قوليلي
فريده: حاضر يا دادي
مصعب : انا مش بحب اشوفك خايفه من حد. انتي اقوي واحسن من اي حد. فاهمه
.فريده: فاهمه
قبل راسها ويدها : انتي بنتي حبيبتي وقلبي
لتضحك فريده : انت دادي حبيبي وقلبي
ضمها اليها بحنان وهو يمسد علي شعرها : قومي اتوضي علشان تصلي الجمعه
فريده: حاضر يا دادي
............
وجدته يخرج من غرفه فريده لتنادي عليه بدلع ودلال
فرح : مصعبي
نظر لها بطرف عينه بشك : مصعبي . خير يا مصيبتي
فرح بابتسامه بريئه: عايزه شويه طلبات كده.
مصعب : قولي وانا راجع من المسجد اجيبهم
فرح : عايزه بيبسي وجاتوه وشوكولاته وتفاح و برتقال وموز. وهات طماطم وخيار . ... وهات .........
دخل للحمام وتركها تتحدث.... توضا وخرج ليجدها مازالت تتكلم . ليضحك ويدخل غرفته يرتدي الجلباب الابيض للصلاه . وخرج وهي ما زالت تتكلم
مصعب : انا نازل يا فرح وهدعيلك في الجامع وهخلي الشيخ كمان يدعيلك
فرح : هتدعي بايه
مصعب : ربنا يهديكي وتعقلي
فرح : يووه يا مصعب
مصعب: ادخلي اتوضي وصلي يا فرح انتي وفريده
. فرح : حاضر يا حبيبي
.......
بعد صلاه الجمعه . رجع للبيت.
ليجد حنان وفرح وفريده في المطبخ
مصعب: السلام عليكم
الثلاثه : وعليكم السلام
مصعب': اذيك يا ماما. اخبارك ايه
حنان: الحمد لله يا بني. انت اخبارك ايه
.
مصعب :: الحمد لله .. ناقصني دعواتك
حنان : بدعيلك دايما يا حبيبي . ربنا يقويك ويكرمك
مصعب : اللهم امين. عايزين حاجه مني
. فرح : انت رايح فين
مصعب : هنام ساعه كده لحد اما تخلصو
فرح : ماشي
...
دخل مصعب الغرفه وابدل ملابسه .. لينام ع الفراش
بعد دقيقه وجد من يحتضنه من الخلف
ليبتسم : مش كنتي بتعملي الغدا
فرح : وحشتني
مصعب : ايه الرضي ده . ربنا استجاب مني
. ضحكت هي : انت ع طول واحشني يا مصعب.
مصعب: بحبك يا فرح القلب .
لف بجسده ليواجهها . نظرت في عينه بحب وعشق
مصعب : عايز فيلم
ضحكت فرح فهذه هي الشفره الخاصه بينهم : مفيش فيلم
مصعب : كده
فرح : بليل . انت ناسي ان مامتك جايه وباباك
مصعب : اه صح . خلاص بليل بقي
ضحكت وقبلته. ليضمها اليه ويغمض عينه
فرح: عايزه اقوم اعمل الغدا
مصعب: انتي اللي جيتي لعندي
فرح : كنت عايزك احضنك
مصعب : وانا عايز انام . نايمييني
ضمتها وهي تمسد علي شعره بحنان وحب . بعد دقائق ذهب في ثبات عميق .
لتخرج من الغرفه
انضمت لامها لتصنع الغدا
وبعد وقت جاءت اعتماد ومعاها مرزوق ..
وجسلو معا
اعتماد : فين مصعب
فرح : نايم . هدخل اصحيه
دخلت الغرفه لم تجده : مصعب انت في الحمام.
شعرت بيده تضمها لتبتسم بفرحه : مامتك وباباك بره
مصعب : شويه ونخرج
فرح: لا . هنخرج دلوقتي . مش هينفع نتاخر . عيب
مصعب: عيب ليه .
فرح : اسمع الكلام عشان بليل اعملك مفاجاه
مصعب. : مفاجاه ايه
فرح : مفاجاه مش هينفع اقولك سر .
ابتسم بمكر وهو يغمز لها : سر
لتشير براسها : ايوه
قبلها سريعا : قشطه يا فرح
مصعب: قشطه يا عيون فرح
..........
كانو يجلسون معا في جو اسري . يضحكون
مصعب : والله مش بهزر. ....... حتي السوبر ماركت. بيشتكي منها
فرح : يا مصعب. هو اللي غلطان.
مصعب: عملك ايه. ده واد غلبان اللي بيوصل الطلبات
.فرح: قولتله عايزه جبنه موتزريلا. راح جابلي فيتا ويقولي الاتنين جبنه
اعتماد وهي تضحك : وانتي عملتي ايه
مصعب : ايوه. احكي بقي عملتي ايه
فرح : معملتش حاجه .
مصعب : مين اللي لابس الجبنه في وش الواد.. الواد بقي بيخاف يجي هنا منك
مرزوق : والله عسل يا فرح . سيبها يا واد تعمل اللي هي عايزاه.
فرح : ربنا يخليك يا بابا . انت اللي عسل
حنان : رينا يكون في عونك يا مصعب . انا عارفه بنتي مصيبه .
فرح نظرت لمصعب : مش عجبك رجعني
مصعب : ارجعك فين
فرح : لامي.
مرزوق : لا تعالي يا فرح معانا
فريده: وانا اجاي معاكم
فرح: لو مش عايزني . هاخد فريده واروح لبابا
اعتماد : تنورو البيت
مصعب : وانا مقدرش استغني عنكم.
ضحكت بخجل. ليغمز لها .
د............
بعد وقت ذهب الجميع وبقي مصعب وفرح وفريده نامت
. مصعب: انا هشيل الكوبيات واغسلها. انتي تعبتي انهارده
فرح : لا خليهم. والصبح اغسلهم
مصعب : مفيهاش حاجه يا فرح . انا كنت بعمل كل حاجه .
فرح : ماشي . هدخل انا اخد شاور
مصعب : هتعمليلي المفاجاه
فرح : ايوه . هعملك احلي مفاجاه
طبعت بوسه رقيقه علي فمه ودخلت الحمام
رتب المكان وغسل الاطباق والكوبيات . ودخل الغرفه .
ليتلاقي المفاجاه ..
نظر لها بصدمه ليجدها نائمه ع الفراش .
. مصعب: مفاجاه . هي دي المفاجاه يا فرح . .
جلس بجانبها ليبعد شعرها عن وجهها: تصبحي علي خير يا مصيبتي
قبل راسها وابدل ملابسه ونام هو الاخر 😁......
......ً........
#دادي_سنجل
20
👑 استغفر الله العظيم واتوب اليه 👑
رجع مصعب من عمله . ليجد فرح وفريده يجلسون معا يشاهدون التلفاز
جلس معاهم . لتجلس فريده علي قدمه تقبله
فرح : عامل ايه
مصعب: الحمد لله.
فرح: ثواني والغدا يكون جاهز
مصعب: لا خليكي. مش جعان دلوقتي.
فرح: ماشي. قوم غير هدومك وتعال اقعد معانا
مصعب: اوك . بقولك ايه. يوم الخميس معزومين ع فرح واحد زميلي في المكتب
فرح: ماشي نروح
مصعب: تمام
دخل ابدل ملابسه وجلست هي وفريده يتهامسون
خرج وجلس امامهم ينظر لهم وهم يتهامسون
مصعب : خير يا مصايب . بتخططو لايه
فريده : ولا حاجه
فرح: احنا اتكلمنا
مصعب: بتخططو لحاجه . انا عارف
فرح : احم . انت مش بتقول معزومين ع فرح صحبك
مصعب: ايوه
فرح : في فستان جنجاه عايزه اشتريه
استغرب من الكلمه : ايه جنجاه ده. اسم الفستان
ضحكت فريده : لا يا دادي ده لون الفستان
مصعب : لونه جنجاه. ايه اللون ده .
فرح : لون يا مصعب .
مصعب : اممم . حلو يعني اللون ده
فرح : اه حلو.
مصعب : طيب شوفي يوم وانزلي اشتريه
فريده: وانا هشتري فستان نفس اللون
مصعب: حاضر يا ديدا . بس مش فاهم انتم بتلبسو زي بعض ليه
فرح: علشان نكون اسره حلوه. انت كمان هتلبس معانا
مصعب: ما انا لابس
ضحكت فرح: قصدي البس بدله لون جنجاه
مصعب : مستحيل . عارفه يعني ايه مستحيل.
ضحكت فريده علي منظر مصعب
فرح: يا مصعب . هنلبس زي بعض
مصعب: يبق نختار لون حلو . مش فنجاه ومنجاه
ضحكت فريده: جنجاه يا دادي
مصعب : وات ايفر
.......
في اليوم التالي ذهب مصعب مع فريده وفرح ليشترو فساتين لهم
يتحرك مع كارثتين بمعني الكلمه. فهما يتحركان بكل مكان في المحل . وبشكل سريع. ليصيب بالصداع .
جلس علي مقعد ونظر لهم بياس .
يدخلون ويخرجون يبدلون الفساتين وهو يجلس يحرك براسه بنعم او لا
البنت : حضرتك المدام بتزعقلي
مصعب: عادي
البنت : يا فندم. اتصرف معاها
لتسمع صوتها من الخلف : بتكلميه ليه
البنت : يا فندم . ..انتي بتزعقي وانا معملتش حاجه.
شد شعره بقوه لتنظر له بقلق : يا مصعب معملتش حاجه
وقف امامها : اقفي هنا متتحركيش .
حركت راسها بنعم .
ليصرخ علي فريده . التي ركضت تقف امامه
. مصعب : مفيش فساتين
ليتعترض الاثنان ع القرار
مصعب : هشششش. يلا قدامي
خرجو من المحل بصمت وهما ينظران اليه ببراءه
ليرق قلبه لهم : انتم اللي بتعملو كده
فرح: اصل انت مش فاهم
مصعب: اه انا غبي مش بفهم
فرح: مش قولت كده يا مصعب. انا عايزه البس فستان زي بتاع فريده . احنا الاتنين نفس الفستان
مصعب: اوك . يبق تهدو شويه علشان نعرف ندور. انت وهي اتحولت منكم .
فريده: خلاص هنسكت
فرح : اه هنسكت
امسك يد فرح واليد الاخري فريده ومشي معاهم .
ليدخلو محل . حتي وجد ما يريدون
فستانان متطابقان بلون الاسود وبه ورود
ليبتسم مصعب وهو ينظر لهم . كانتا جميلتان جدا
مصعب: ما شاءالله عليكم . قمرات
فرح وهي تدور حول نفسها وفريده نفس الشئ
ليجد رجل ينظر لهم ويبتسم .
مصعب: ادخلي انتي وهي غيرو يلا .
دخل الاثنان وهو نظر للرجل بغضب : بص قدامك
لينظر الرجل الي الجهه الاخري سريعا
دفع الحساب وخرج بهم.
فرح: نجيب بقي شوز وطرحه
مصعب: حاضر .
اشتري لهم كل ما يريدون وتناولو العشا في الخارج وعادو الي البيت معا
......
يوم الخميس
كان الاثنان مستعدين ويرتدون الفساتين ومصعب يرتدي بدله سودا
. لتقف فرح وتاخذ صور لهم وهم بجانب بعض
لتشعر بيده علي خصرها ويضمها
نظرت له . مصعب: بحبك يا فرح قلبي
. تشعر بصدق حبه لتبدله النظره بعشق: وانا بموت فيك يا قلبي
فريده ذ: احم احم . انا هنا
ضحك مصعب وحملها علي يده : ماشي يا لمضه .
فريده: انا بحبكم انتم الاتنين كتير اوي
فرح: وانا بحبك كتير خالص .
مصعب : هنتاخر كده . واحنا بنحب في بعض
ليخرج بهم. . وصلو للفرح ليدخل وهو يحتضن يد فرح وباليد الثانيه يمسك يد فريده ..
دخل وجلس لياتي اصدقائه يرحبون به .
نظر لفرح : خليكي قاعده هنا. ثواني وراجع
فرح: حاضر
وقف يتحدث مع اصدقائه وهي تراقبه بعينها وفريده بجانبها
لتجد فتاه تتمايل وتفترب منه .
فرح: مين دي
فريده: مش عارفه
فرح: انا هقوم
فريده: لا. هبتعصب ويزعقلنا
فرح: مش قادره اقعد . بصي بتقرب ازاي وبتضحكله. هقوم اجيبها من شعرها
فريده : مش هينفع. دادي هيزعق استني وهو هيجي
لتقف فرح بعد ما وجدت الفتاه تضع بدها ع الكرافته
. لتخبط فريده علي راسها بصدمه.
حتما ستحدث مشكله الان.
. اخذت كوب ماء من الطاوله وذهبت لتقف بجانب مصعب وهذه الفتاه الغبيه. لتسكب المياه علي فستانها
. شهقت البنت بصدمه
البنت : انتي عاميه ولا غبيه
. فرح وهي تمسك يد مصعب الذي ينظر اليها بغضب
فرح: انتي اللي عاميه وغبيه ومتخلفه وضيفي عليها قليله الادب. بتمدي ايدك عليه ليه . .
البنت : مين دي يا مصعب
ضيقت عينها لتهجم عليها . ليمسكها سريعا مصعب. ويضمها اليه لتهدا فهو يعام انها الان في قمه غضبها وغيرتها ..
مصعب: دي مراتي. مدام فرح
فرح وهر تنظر للبنت بشماته : شوفتي مراته. وانتي ولا حاجه
البنت : انا زميلته في المكتب.
مصعب: سوري يا سوزي . فرح مكنتش تقصد توقع الميه عليكي
سوزي : ولا يهمك يا مصعب
فرح: اسمه بشمهندس مصعب .
سوزي : مراتك شكلها غيرانه. بس عادي . انا ومصعب اصدقاء شغل بس
فرح: بلا شغل بلا بتنجان . متقربيش منه تاني . فاهمه
سوزي: فاهمه
امسك يدها وهو يضغط عليها بغضب ليذهل وياخذ فريده ويرحلون من الفرح فقد احرجته امام زملائه في العمل
.
صعدو الي السياره .. وطول الطريق صامت وهي ايضا وفريده
رجعو الي بيتهم....... ليمسك يدها ويدخل بها الي. غرفتهم ..
مصعب بغضب : انتي اللي عملتيه ده في الفرح
فرح: عملت ايه . انا مغلطتش .
مصعب: كل ده ومغلطيش. انتي كسفتيني قدام زمايلي
فرح : الهبابه زميلتك هي السبب . سيبها تقرب منك وتمسك الكرافته وتتمسح فيك
مصعب : الموضوع مش زي ما انتي فاكره .
فرح بعصبيه : فهمني يا بشمهندس
مصعب: اتكلمي كويس يا فرح .
فرح : كويس اللي هو ازاي يعني
يحاول ان يتحكم بنفسه حتي لا يغضب عليها
مصعب : سوزي متجوزه اصلا وبتحب جوزها . واللي بينا شغل وبس . الكرافت كان مش معدول وهي عدلته. هي بتتعامل عادي معايا ومع اي حد.
فرح : والله . مفروض بقي اكون عادي وانا شايفه واحده بتعدل لجوزي الكرافته .. معندكيش ايد لامواخذه
ليضرب قدمه في الباب بقوه.: اتلمي يا فرح
نظرت له بدموع. لتسمع دق ع الباب
فتح الباب ليجد فريده تنظر له بخوف وهي تنظر داخل الغرفه .. بصوت عالي وعصبي : عايزه ايه
بكت هي ايضا . لتخرج فرح من الغرفه وهي تبكي وتنظر له بغضب : متزعلقهاش كده
لينظر لها بصرامه : دي بنتي انا ع فكره
فرح بسخريه : عارفه علي فكره .
حملت فريده ودخلت لغرفتها لتجلس الاثنان في احضان بعض يبكون ... خلع سترت بدلته والحذاء وشمر القميص ليجلس وهو يضع يده علي خده
👈. حرجتني قدام الناس وهي اللي زعلانه. عارف انها غيرانه عليا . بس تصرفاته متهوره جدا وطايشه .
هدا اعصابه. ليبدل ملابسه ويخرج الي المطبخ. صنع عشاء لهم. ودخل ليطرق الباب
لم يردو ليفتح الباب وجدهم يجلسون معا.
جلس بجانبهم : جهزت العشا . غيرو هدومكم وتعالو نتعشا
لم يجيبو عليه
ليتنفس حمل فريده ووضعها علي قدمه وهو يقبل جبينها : ديدا. كنت متعصب متزعليش مني
فريده : انت كنت بتزعق لفرح وانا خفت عليها
مصعب : اي اتنين ماما متجوزين بيتخانقو مع بعض .
فريده : بس انت كنت بتزعقلها وهي معملتش حاجه . كانت مضايقه من الست اللي قربت منك
مصعب : ديدا في حاجات كبار مينفعش تتكلمي فيها . وبعدين انا بحب فرح وهي كمان بتحبني مهما حصلت مشكله هعرف اصالحها
. فريده : هتصلحها يعني
. مصعب : اه. غيري هدومك وتعالي نتعشا.
فريده : اوك يا دادي. انا بحبك اوي. وبحب فرح اوي
مصعب : وانا بحبك اووي. هاتي حضن كبير وبوسه
لتضمه بقوه وتقبله.
وقف مصعب ليمسك يد فرح : قومي يا فرح غيري هدومك وتعالي نتعشا
لم تجيبه .
ليقترب منها وهو يتحدث في اذنها : هو الصوت مش واصل ليكي
ابتسمت رغم عنها . جلس بجانبها وضمها وقبل راسها
مصعب : متنسيش اني مدير الشركه . وانتي باللي عملتيه خليتي شكلي قدام الموظفين مش حلو
فرح : منصب ايه وشكل ايه . انا بدافع عن حقي في جوزي
مصعب: كان ممكن تهزقيها بالكلام مش ترمي المايه عليها كده
فرح : لو انت اللي شفت واحد بيقرب مني وبيعدلي الطرحه
مصعب: هدفنك انتي وهو
فرح: شوفت اشمعانه
مصعب : اشمعانه ايه يا فرح . انا بقولك الطريقه اللي اتعملتي بيها مش كويسه . بس انا عارف انك غيرانه عليا . مع اني يعني مش بتاع الكلام ده . انتي عارفه كده كويس .
فرح : انت زعقتلي واتعصبت عليا
مصعب : انتي اللي غلطتي يا فرح
نظرت له بدموع. ليقبل جبينها ويضمها : خلاص متزعليش
فرح : مش زعلانه
لتركض فريده وتجلس بينهم وهي تضحك : انا غيرت هدومي. وانتم اتصلحتم
فرح : اه. انا هقوم اغير هدومي. ونتعشا
مصعب : العشا جاهز. غيري وحصلينا
خرج مع فريده وهي ابدلت ملابسها وخرجت لهم
.........
#دادي_سنجل
21
👑اللهم لك الحمد 👑
مر 6شهور علي زواج مصعب وفرح ...
كانت تجلس مع امها حنان يتحدثون
لتفتح موضوع طفولتها وكيف كانت شقيه وهي صغيره
حنان: فرح في دكتوره اعرفها كويس . ايه رأيك تيجي تكشفي عندها ونتطمن عليكي ونسال ليه الحمل اتأخر
فرح: ماشي . انا كمان كنت بفكر انزل اكشف .
حنان : طيب كلمي مصعب وقوليله انك هتنزلي
فرح بتوتر : ماشي يا ماما
دخلت حنان الشقه تلبس .. وفرح اتصلت بمصعب
مصعب: الو يا حبيبي . عامله ايه
فرح: الحمد لله . انت اخبارك ايه
مصعب: الحمد لله.
فرح : هنزل مع ماما اروح اشتري حاجات
مصعب: ماشي يا قلبي . معاكي فلوس
فرح : اه معايا الحمد لله
مصعب: تستاهلي الحمد يا حبيبتي . اما ترجعي طمنيني عليكي
فرح : ماشي . انا كلمت فريده وهي مع ماما اعتماد وهترجع بكره
مصعب: تمام . خلي بالك من نفسك
استغلت فرح ان فريده ليست بالبيت لتوافق امها ان تذهب الي دكتوره النسا لتطمأن علي تاخير الحمل. فهي تشعر بالخوف والقلق
نزلت حنان وابنتها فرح وتوجههو الي عياده دكتوره نسا معروفه
حجزت الدور وجلست مع امها تنظر حولها الي النساء الحوامل الذين يجلسون حوالها وهي تتمني في نفسها ان ترزق بطفل مثلهم ..
لتسمع الممرضه تنادي باسمها . نظرت الي امها بخوف ..لتربت ع يدها تشجعها
. دخلت حنان وفرح الي الطبيبه التي استقبلتهم بوجهه بشوش وابتسامه عليه
الدكتوره : اتفضلي يا فرح اتكلمي
فرح: انا عندي٣٠ سنه متجوزه من 6 شهور ولسه محصلش حمل
الدكتوره: ان شاء الله خير . اتفضلي اعملك اشاعه سونار
صعدت علي سرير لتضع الدكتوره سائل لزج علي بطنها واشاعه السونار تحرك الجهاز هنا وهنا وملامحها جاده لا يظهر عليها شئ لينقبض قلبها ولكنها ظلت صامته لا تتكلم
بعد وقت اعطتها الدكتوره منديل ورقي لتمسح السائل عن بطنها ..
وذهبت لتجلس علي المكتب . لتجلس امامها فرح وحنان
الدكتوره : الاطفال دول رزق من ربنا. و كل واحد بياخد نصيبه في الحياه
شعور سئ جدا اجتاح قلبها حتما ستتلاقي خبر صادم الان
حنان : خير يا دكتوره
الدكتوره بطريقه عمليه وجديه : للاسف يا مدام فرح. انتي مش ممكن تخلفي. حجم الرحم صغير ومستحيل يحصل حمل. لا بالطرق الطبيعيه ولا بالعمليات. انا اسفه
شحب وجهها وشعرت بدوار في راسها. لتمسك راسها بالم .
حنان ايضا كان حالها لا يختلف كثيرا عن حال فرح غهي ابنتها التي طلما تمنت ان تراها وهي حامل ومعاها اولادها
ضاق صدرها وشعرت باختناق. لتخرج سريعا من العياده وحنان معاها ....
كانت دموعها تهبط علي وجنتاها . وقلبها يبكي ايضا من شده الوجع .. اصبحت عقيمه. لن تشعر بطفل في احشائها
وضعت يدها علي بطنها وهي تلوم جسدها وهذا الرحم العقيم الذي اعاقها ان تصبح ام كباقي النساء.
بكت كثيرا هي وامها ولا تدري. كيف ستتحمل هذه الصدمه . لياتي علي بالها مصعب. يتمني ان يرزق بطفل منها.
كان الصمت يعم في الشقه ولكن ضجيج مشاعرهم وخيبه امالهم تحدث عاصفه في داخلهم
. فرح : لا . الدكتوره دي كدابه. انا هروح لدكتوره تانيه.
حنان : اهدي يا فرح. وصلي علي النبي. وهننزل نروح لدكتوره تانيه غيرها
فرح برجاء : ماما. هي كدابه صح ..
كانت تبكي علي بنتها وصدمتها : اه . كدابه.
احتضنها امها وظلو يبكون كثيرا .
مصعب كان يشعر بالقلق عليها لم تتصل به . انصل بها كثيرا .ولكنها لا تجيب. ايضا اتصل بحنان ولم تجيب.
كانت هواتفهم في الحقيبه. ليس بهم راس ان يفكرو في شئ غير هذا الابتلاء الذي اصابهم
خرج من الشركه وتوجهه الي البيت وهو يشعر بالقلق عليها. اول مره تفعل ذلك. لما لا تجيب
رجع الي البيت ودخل شقته لم يجدها . ليعلم ان هناك خطب ما..
اين يبحث عنها .. ليخرج ويقترب من شقه امها
. رن الجرس . لتذهب حنان تفتح الباب . كانت تبكي لتنظر اليه
وقع قلبه في هذه اللحظه : ماما في ايه . فرح كويس. هي هنا
هزت حنان راسها : جوه. ادخلها
مصعب : انتي بتعيطي ليه . في حاجه
حنان : لا مفيش . ادخل لمراتك يا بني . انا كويسه
لم يصدقها. كيف يصدقها وهي تبكي بهذه الطريقه .
دخل سريعا لغرفه فرح القديمه في بيت امها . ليجدها تبكي بطريقه تقطع القلب. ليسرع اليها
امسك كتافعا واعدل جسدها لتنظر اليه : في ايه يا فرح
عندما راته بكت اكثر .
مصعب بتساؤل وحزن علي حالتها : بالله عليكي اتكلمي . مالك انتي كويسه . حد عملك حاجه . يا فرح كلميني ورد عليا
ارتمت في حضنها لتبكي اكثر وهو يشد علي ضمتها ويشعر ان دموعها تحرق جسده.
مصعب: فرح حبيبتي . قوليلي مالك . متعمليش في نفسك كده ..كل حاجه هتتحل
فرح ببكاء وقهر : طلقني
مصعب: ليه. انا عملت ايه علشان تقولي كده. اكيد في حاجه غلط
فرح: انا اللي غلط. انا منفعش خلاص
نظر لها بشك والف قصه وقصه مرو علي باله وكل واحده اسؤ من اللي قبلها
مصعب: اهدي كده واتكلمي معايا. مش انا حبيبك وجوزك. فهميني ايه اللي حصل .
فرح . ببكاء : انا مش بخلف. روحت للدكتوره وقالتلي اني مش هينفع اخلف خالص.
نظر اليها بصدمه والي الحزن والكسره التي بها . ليضمها بقوه الي احضانه وهو يربت علي ظهرها لتهدا . تمني ان يأخذ هذا الحزن منها . لا يليق الحزن بها وبهاتان العينين.
مصعب: انا مش عايز اطفال. انتي بنتي . وانا ابنك
فرح: بس انا عايزه.
مصعب: ربنا كتبلك حاجه احسن . افرضي كان رزقك بطفل مريض . او عاق وتعبك . ربنا رحيم يا فرح
فرح: انت بتقول كده وبس ده كلام عشان تسكتني . بعد كده هتزهق وطلقني
مصعب: مش هيحصل يا فرح . انا اتجوزتك علشان بحبك انتي . ولو كنت عايز قبل كده اولاد فانا عايزهم منك انتي . ربنا اكيد ليه حكمه . احنا عندنا فريده هي بنتك كمان زي ما هي بنتي
كانت تبكي وهو يضمها يحاول ان يمتص حزنها منها .
قلبه يولمه ولكن ما باليد حيله. هذا ابتلاء من الله وعليها ان ترضي
ظلت يومان وهي بهذه الحاله الحزينه تبكي وتجلس بمفردها. ترفض ان تعود الي شقه ولا تريد ان تتحدث مع احد. ولكنه لم يتركها يجلس معاها ويحاول ان يخرجها من هذا المود السئ .
بعد اسبوع بدأت ان تستجيب لهم وبدأت ان تعود الي الشقه وتعيش حياتها ولكن بحزن وهدوء . اصبحت بارده لا تتكام كثيرا ولا تضحك لا تفعل ما تفعل في العاده.
قلب مصعب كان حزين لاجلها يفعل اي شئ ليضحكها ولكن فشل .. يشتري لها كل ما تحبه ولكنها لا تضحك مثل السابق
. جلست فريده مع مصعب وهي تساله لماذا اصبحت فرح هكذا
ليجيب عليها انها لن تستطيع ان تصبح ام. لانها مريضه ولذلك هي حزينه.
لتقف وتدخل لها وجدتها نائمه علي الفراش وعينها تنظر الي اللاشئ
لتجلس بجانبها وتضع يدها ع شعرها
فريده : انتي زعلانه ليه .
فرح بدموع : مش زعلانه .
فريده : بصي عندي حل كويس اوي
مسحت دموع فرح بيدها الصغيره الجميله
لنبتسم فرح لها : حل ايه
فرح: انتي تقوليلي يا بنتي . وانا اقولك يا مامي
فتحت عينها بصدمه ودموع اسرعت بالهطول علي وجهها. لتبكي فريده معاها : انتي مش عايزاني اقولك يا مامي
فرح: لا عايزاكي تقوليلي . قوليلها يا فريده نفسي اسمعها منك . انتي بنت قلبي
لتضمها اليها وهي تبكي . لقد رزقها الله بفريده من سنين . تعاملها كابنتها ولكن اليوم شعرت انها ابنتها حقا
مصعب ادمعت عينه فهو كان يقف امامهم ويتابع هذا الحوار . . ليشعر ان الله فعل ذلك ليجمعه بفرح
فقد اكتملت الدائره الان كل واحد منهم كان يفتقد الي شئ عوضه الله بالاخر
مصعب كان يفتقد الي الزوجه ورزقه الله بفرح
وفريده كانت تفتقد الي الام ورزقها الله بفرح
فرح كانت تفقتد الي الامومه والي الحب ليرزقها الله بفريده ومصعب .
اصبحو الان عائله مكتمله كل منهم يكمل الاخر ..
ليدخل ويجلس معاهم وهو يضمهم اليه في لحظه اسريه دافئه . يستطيعون ان يعالجو احزانهم معا الان. فهم عائله . والعائله يد واحده قلب يخاف علي القلب الاخر
. مرت الايام والجميع تبدل الحزن والكسر بداخله الي فرح وورود . لينبت الله مكان الكسر ورد
. اليوم هو يوم مميز لهم . فقد مر سنه علي زواج مصعب من فرح .. استيقظت من النوم ليفاجاها بباقه ورد كبيره
ضحكت وهي تنظر للورد بفرحه
ليقبلها من يدها : اضحكي يا فرحي وفرح عمري كله
عناقته بعشق : بعشقك يا مو
مصعب : وانا بعشق يا عشق مو.
.
اخذها مصعب الي مكان خاص بهم ليقضو اليوم معا برومانسيه .. كانت فريده تجلس مع حنان.
وهو يتفنن في اسعادها لكي يري ضحكتها وفرحتها
