رواية دادي سنجل
الفصل الحادي عشر والثاني عشر
بقلم ياسمين علاء الدين
👑اللهم صل وسلم علي سيدنا محمد 👑
كانت تجلس في غرفتها وهي تسشيط غيره ..
هو كان يفكر في طريقه ليرد بها عما فعلته
انتهت حفله عيد الميلاد .. وخرج مصعب وهو يحمل الكانز( علب الصودا) ليرن جرس باب فرح
فتحت حنان وهي مبتسمه
مصعب: ازيك يا ماما
حنان: الحمد لله يا بني . تعال اتفضل
خرجت فرح عندما سمعت صوته .
مصعب: اتفضلي يا فرح البيبسي
فرح: مش عايزه
مصعب: ازاي . انتي بتحبي البيبسي
فرح: لا ما انا خلاص كرهته وبطلت اشربه
مصعب: لا . انا كده هزعل ..يرضيكي يا ماما اجبلها البيبس وهي ترفض
حنان بعدم فهم : لا ميرضنيش
فرح: مش عايزه
مصعب: هتخديهم وتشربيهم . يلا افتحي واحده
فرح: مش هفتح
مصعب: يرضيكي يا ماما
حنان: افتحي واحده واشربي يا بنتي هتزعليه منك
( سمعت صوت الهاتف لتذهب وتتركهم واقفين امام بعض )
نظر لها بتحدي . لتتضطر ان تاخذ واحده وتفتحها فارت الصودا واغرقتها
لتنظر الي مصعب بغيظ : ارتحت كده
ضحك عليها: ايوه. علشان تحرمي تعملي كده تانيه .
حنان : انتي عملتي ايه يا هبابه انتي
مصعب : رجت العلبه يا ماما وبهدلت الدنيا
ضربت بقدمها الارض وهي تنظر له بغيظ
ليضحك .. حنان : والله هبله . امسحي بقي الارض كلها .عقابا ليكي
كانت ستبكي
مصعب: احسن
فرح: اصلا عادي
حنان نظرت لهم : في ايه
مصعب : مفيش يا ماما . عايزه حاجه
حنان : لا يابني . عن اذنك. وتصبحو ع خير
فرح: وانت من اهله يا رخم
مصعب : سمعتك يا هبله
صرخت بغيظ واغلقت الباب خلفه ليضحك ع اغاظتها
حنان : في ايه . افهم
فرح: اصل انا اللي عملت كده . اما دخلت المطبخ رجيت الكانز . وهو عرف جه يردهالي
نظرت لها من اسفل الي اعلي :عوض عليا عوض الصابرين يارب . حتي يوم ما تحب. تحب واحد اهبل زيها ...
فرح : يا ماما متقوليش عليه اهبل ..
حنان: اخرسي يا هبابه وامسحي الارض
فرح : حاضر يا ماما .. (وبهمس ) ده اهبل ده عسل يا ماما
مسحت الارض ودخلت غرفتها . لتجد رساله ع هاتفها
مصعب : مسحتي الارض
ابتسمت وردت عليه برساله : اه مسحت .
ليرد عليها برساله : تستاهلي . احسن
فرح : كده . انت السبب .
مصعب :انا وله انتي
فرح : انت
مصعب : انتي اللي عملتي كده علشان كنتي غيرانه
فرح : هغير من مين دي سلعوه .
ضحك ليبعث برساله: قصدك منار مش انا اللي عزمتها ده زميلي .
فرح : ميهمنيش اصلا
مصعب برساله: ريحي نفسك . هي متهزش فيا شعره
قرأت الرساله لتجيبه: انا مرتاحه. شايفني مضايقه
رد عليها: اه مضايقه. بس اللي عايزك تعرفيه ان محدش يعرف يوصل لقلبي
قرأت الرساله كثيرا وهي تفكر في الرد
لتبعث له: يعني ايه
رد عليها: الكلام مفسر نفسه.
احست بالحزن لماذا دائما يحب ان يصدمها
بعث برساله: هي واحده بس اللي قربت من قلبي اوي
فرح فهمت انه يتكلم عن زوجته المتوفيه : ربنا يرحمها
مصعب برساله: مش بتكلم عن ام فريده
فرح: عن مين
لتبعث برساله اخري: هي مين
رد برساله: أنتي
نظرت للهاتف بصدمه وفم مفتوح من شده المفاجاه
هل قال انتي.
فرح : انا. ايوه بيقولي انا. انا اللي وصلت لقلبه
مصعب: فرح روحتي فين
فرح: انا هنا .بس مصدومه
مصعب: انا مكنتش هقول حاجه. بس بجد انتي الوحيده اللي شغلتني وشغلت قلبي.
فرح بفرحه: اخيرا نطقت
مصعب وهو ضحك بعث لها برساله: اخيرا اعترفت لنفسي وليكي. انك عندي غير اي حد.
فرح لنفسها بحبك اووي يا مصعب.
.........
في اليوم التالي قرر مصعب ان يتحدث مع والد فرح ليخبره انه يريد ان يرتبط به.
👈خلاص مفيش مفر وله هروب مره تانيه من مشاعري وقلبي . انا بحبها وهي كمان
حدد معاد مع مسعد واخبر امه اعتماد التي كانت ستطير من الفرحه وابيه ايضا. اخيرا سيستقر
كانت فرح تشعر انه تلامس السما من الفرحه.
مصعب سياتي لخطبتها كيف لا تسعد وكيف لا تفرح.
في نهايه الاسبوع ..
دخل مصعب ومعه امه وابيه وفريده. الي شقه فرح
ليستقبله مسعد وحنان بترحيب ..
كانت فرح في الغرفه ترتدي فستان جميل اوف ويت وبه زهور بالوان مختلفه
جلس الجميع. ودخلت فرحه بالمشروبات ورحبت بالكل .. والفرحه تنط من عينها
اعتماد: تعالي يا فرح اقعدي جنبي
جلست فرح بجانب اعتماد ...
مصعب: عمي انا جايه انهارده علشان اطلب فرح للجواز
نظرت حنان الي مسعد بقلق فهي تخاف ان يرفض
فرح كانت تترجي ابها بعيناه ان يقبل
مسعد : بص يا مصعب . انت راجل وانسان ممتاز واخلاق . وكل حاجه فيك كويسه . انا مش معترض علي فكره الارتباط. بس عندي شرط
توتر الجميع
مصعب: اتفضل يا عمي . كمل كلامك. انا سامعك
مسعد: انت سبق واتجوزت قبل كده وخلفت . وانا بنتي لسه بنت .
انقبض قلبها فهي ع وشك سماع صدمه من ابيها
مسعد: بنتك هتعيش فين
مصعب: اكيد هتعيش معايا
مسعد: ليه متسبهاش تعيش مع امك . يعني بنتي هتتجوزك انت . مش لازم عليها تخدم بنتك وتراعيها
صدمه حلت ع الجميع . لينظر مصعب الي فرح بابتسامه ساخره
فرح: انت بتقول ايه يا بابا . انا بحب فريده وموافقه انها تكون معانا
مسعد: اسكتي انتي. لسه مش فاهمه حاجه عن الحياه. انتي فاكره هتقدري.تعيشي معه هو وبنته
وقف مصعب عندما رائ فريده تنظر لهم بحزن ودموع
لم يتحمل اكثر. انها ابنته التي رفض ان يتزوج من اجلها . لولا انه وجدها تحب فرح ما كان فتح قلبه لها
مصعب: شكرا لحضرتك. بس فريده دي عمري وعمري ما هتخلي عنها ابدا.
انحدرت دموعها علي وجهها وهي تنظر لهم بصدمه .
اعتماد ومرزوق لم يتكلمو . حمل ابنته وخرج من الشقه بخيبه امل .
هو من فعل ذلك في نفسه. كيف يسمح لقلبه ان يدق مره اخري.. اين حصونه التي شيدها من اجل المحافظه علي نفسه
مرزوق: انا هروح اتكلم معاه مره تاني
مصعب: خلاص يا بابا الموضوع ده اتقفل نهائي .
اعتماد : مصعب يا بني .البنت ملهاش ذنب دي بتحبك . انت مشفتشكانت بتعيط ازاي
مصعب: لو سمحتم يا جماعه . الموضوع ده مش عايز حد يتكلم فيه ..
دخل غرفه فريده ليجدها تبكي . حملها واجلسها علي قدمه
مصعب: ديدا قلبي. بتعيطي ليه
فريده: دادي . انا موافقه اروح اعيش مع نانا. انت اتجوز فرح .
مصعب: انا عمري ما هسيبك تبعدي. انتي قلبي واغلي حاجه في حياتي . انا كنت هتجوز فرح علشانك انتي. عارف انك بتحبيها
فريده: بس هي طيبه اوي .
مصعب: بصي انسي كل حاجه . انا وانتي عمرنا ماهنبعد عن بعض .. ومش عايزين اي حد يدخل في حياتنا . اتفقنا
فريده: اتفقنا
........
فرح كانت منهاره بما للكلمه من معني.. كانت تبكي بقوه .
انكسرت فرحتها وانكسر قلبها . كم كانت تدعو الله ان يشعر مصعب بحبها .. وعندما استجاب انكسر قلبها من ابيها ...
حنان: حرام عليك يا مسعد . البت بتحبه
مسعد : انا خايف علي بنتك . هي مش هتقدر تراعي طفله . وكمان هتظلم نفسها
حنان: هي راضيه وبتحب فريده
مسعد: بتحبها . بس صعب تقدر تعيش معاها علي طول وتراعيها مع جوزها . وافرضي حملت وخلفت هتعمل ايه . كل ده حمل عليها
حنان : البت موته نفسها من العياط
مسعد : وانا شايف اني مظلمتهاش . انا قولتله اني موافق . بشرط بنته تعيش مع امه
حنان : هو مش هيقدر يستغني عم بنته
مسعد : هتفرحي يعني اما بنتك ترجع مطلقه. بسبب المشاكل اللي هتحصل بينهم
حنان : يا مسعد انت بتقدر البلا قبل وقوعه . البت بتحب الواد وهتعمل اي حاجه هلشان بيتها
مسعد: هتيجي علي نفسها وعلي حياتها وصحتها علشان ترضيه وترضي بنته وفي الاخر يا عالم هتنجح وله لا . هو حتي متمسكش بيها وخد وادي في الكلام . ده استسلام من اولها.
حنان : انت اللي حطيت العقده في المنشار
مسعد: كنت عايز اعرف لو حصلت مشكله هيعمل ايه. هيفهم ويفكر بالعقل وله هيختار بنته .. الحياه مش سهله يا حنان . وبنته كل حاجه عنده وبنتي انا هتكون الدخيله بينهم . واي مشكله هيظلمها
حنان : يا مسعد انت مكبر المواضيع.
مسعد : متهيالك يا حنان . انا بتكلم بالعقل والمنطق .
...........
رواية #دادي_سنجل
الفصل الثاني عشر
👑 سبحان الله . الحمد لله. لا إله إلا الله . الله اكبر👑
جلست تبكي وهي تشعر ان روحها ستخرج من جسدها .
مصعب كان حزين لفقدنها ولكن لن يتخلي عن ابنته. لن يكون اناني ويترك طفله صغيره لاجل قلبه ..
قرر ان ينقل عمله الي فرع الشركه في احدي البلاد العربيه. سيبتعد عنها حتي لا يحن قلبه لها ...
اسبوع مر وحاله فرح تزداد سؤ .
اما مصعب فجهز حاله وابنته وجمع حقيبته . ليبدا رجله جديده. سيسافر الي بلد جديده ويبدا حياه جديده . ويترك قلبه محطم. هنا ...
ودع امه بدموع وابيه ايضا. وسافر بالطائره مع طفلته فريده
اكتفت من الدموع والحزن مر ١٠ ايام وهو لم يحدثها .. لابد ان تفعل شئ . تريده وتريد الحياه معه . ستتحمل الصعاب من اجله .
خرجت من الشقه وركضت الي شقته ترن الجرس وتطرق الباب بقوه ليفتح لها .. لا رد ..
ظلت هكذا فتره .
اتصلت ع هاتفه مغلق . هل تركها ورحل . اتخلي عنها
بهذه السهوله ..
لتجده امها تبكي ع الارض امام شقته
ساعدتها ودخلت بها الي غرفتها
حنان : ايه يا فرح . هتموتي نفسك علشانه
فرح : انا عايزه اموت . انا مش عايزه غيره . مش هكون غير ليه هو
حنان: عيب كده . كل شئ قسمه ونصيب
فرح: انتم السبب . كسرتو فرحتي وقلبي .
صمتت حنان وخرجت لتترك ابنتها تعيش في حزنها
استقر مصعب في عمله رغم وبدا دوامه العمل ومع مراعاه لابنته فريده. كانت الايام تمر من بين يديه ولكن لم يمر يوم دون ان يتذكرها ويتذكر كل شئ تفعله
هي كل يوم تذهب للشقه وتترك الباب ولا احد يفتح . تتصل بيه والهاتف مغلق . تعيش في دومه الحزن.
مرت خمس سنوات بصعوبه علي فرح
موت ابيها ورحيل حبيبها كان كفيل لجعلها تتغير من طفله ساذجه تضحك دائما .. الي امراه جاده
تهتم بعمل ابيها في محل لبيع قطع الاثاث وتراعي امها التي تدهورت صحتها بعد موت زوجها.
اصبحت الان في عمر ٣٠ عام .. لم تتزوج رغم تقدم العديد لخطبتها ولكن لم تجد احد اقترب من قلبها كما فعل هو .
......
👈 بعد خمس سنين غربه الشركه قررت نقلي لفرع الشركه الي في مصر بعد ما ترقيت وبقيت مدير . كنت بشتغل بمجهود كبير علشان انساها وابطل افكر فيها. ..
فريده بقت عندها ٩ سنين دلوقتي .كبرت
وانا كمان كبرت ٣٣ سنه. ولسه سنجل
( دادي سنجل ✌زي فريده ما دايما بتقول عليه كده )
وصلت انا وفريده الي الشقه ذكريات كتير عمرها ما غابت عن بالي .. فتحت الشقه ودخلت وبصيت ع باب شقتها ياتري لسه موجوده . وله اكيد اتجوزت وعاشت حياتها . من حقها طبعا تتجوز
مر يومين. واستقريت في الشقه
فريده : دادي. انا عايزه اشتري اوضه جديده ليا . الاوضه اللي هنا صغرت عليا
ضحك مصعب : صغرت عليكي وله انتي اللي كبرتي عليها
فريده : الاتنين يا دادي .
مصعب : عيوني ليكي . ادخلي البسي وننزل نشتري احلي اوضه للانسه فريده
فريده : ربنا يخليك ليا يا قلب فريده
مصعب : ويخليكي ليا يا قلب مصعب
......
بعد وقت كان الاثنان يبحثان عن محل لبيع الاثاث .
دخلو محلات كثيره ولم يعجبها شيء
لتدخل اخيرا مخل اخر. اسمه فرح للاثاث
كان هذا المحل هو ملك لفرح من ابيها.
دخل مصعب مع فريده.
ليسالهم العامل عن طلبهم .. مصعب : عايزين اوضه نوم بناتي
العامل : في اوض نوم نازله جديده تفاصيل تركي وشغل مصري
مصعب: ممكن نتفرج .
ليسمع صوت ليس غريب عليه ..
كانت فرح في هذا الوقت واقفه تحاسب رجل من العمال لانه لم يسلم الشغل بالمواصفات المطلوبه
فرح : انت مهمل وانا حذرتك قبل كده.
العامل : عايز فرصه تانيه
فرح : مفيش فرصه . دي كانت اخر فرصه ليك اما تبطل القرف اللي بتشربه وتركز في الشغل ابق اتكلم عن الفرص. يلا بره
العامل : ابوس ايدك يا ست هانم. اخر مره. انا عندي عيال
فرح بجديه : قول لنفسك . متقولش ليا . قولت بره
دخل احد العمال واخرج هذا العامل سريعا من امامها
تنفست بغضب لتصرخ باعلي صوت : عارررف
دخل العامل سريعا : امرك يا ست هانم
فرح : تعرف بيت عيد
عارف : اعرفه
. فرح اخرجت نقود من جيبها : تروح جري وتدي الفلوس دي لمراته في ايديها . مش ليه هو. هيشرب بيهم الهباب اللي بيشربه.
عارف : ربنا يوسع رزقك يا ست فرح وميحرمناش منك يا بنت الاصول
فرح : هتعرف تعمل اللي قولتلك عليه وله اشوف حد تاني
. عارف : عيب عليكي يا كبيره. اعتبري الفلوس مع مرات عيد
فرح : تمام . انطلق انت. اما اشوف اللي ورايا
خرج عارف. سريعا ليذهب في مهمته
كان مصعب يتابع الموقف وهو يبتسم ويشرد بها. كيف كبرت هكذا ونضجت اصبحت انسانه اخري ليست التي يعرفها.
احس بقلبه يدق مره اخري ملامحها الجميله جعلته يبتسم ..
فريده كانت تنظر لابيها وهي ينظر الي هذه المرأه لا تعرفها فهي كانت صغيره عندما سافرت
فريده' : دادي .انت تعرف الست دي
مصعب : اه .كانت جارتنا .اسمها فرح
فريده: فرح اسمها مش غريب عليا .
مصعب: مش هتفتكريها.. المهم لاقيتي حاجه عجبتك
فريده: في اوضه عحباني لونها بينك
مصعب: اللي يعجبك اختاريه
فريده بتفكير؛ خلاص هختار الاوضه دي
مصعب: تمام .
بعد ان كلم العامل واختار الغرفه ..ذهب به الي مكتب فرح ليدفع الحساب .
دخل مصعب خلف العامل وبجانبه فريده ..
وقعت عينها عليه هل يمكن ان يكون هو اما انها تتخيل فقط.
اغمضت عينها وهي تتنفس بصوت وفتحتها مره اخري
لن تنهار امامه هي ليست هذه الساذجه التي كان يعرفها من خمس سنين ...
فرح: اتفضل يا بشمهندس
اندهش من رده فعلها. .. وجدت بجانبه فتاه لتبتسم لها
فرح: فريده . ما شاء الله. كبرتي
اقتربت فريده ومدت يدها لتسلم عليها لتضمها فرح
مصعب: كبرت
فرح: ايوه . ما شاء الله. ربنا يبارك فيها
العامل: يا ست فرح البشمهندس جاي وعايز يشتري الاوضه التركي البينك
فرح: يا غبي انت مش عارف ان في ناس حجزينها
العامل: اه. صح . نسيت يا ست فرح
مصعب: خلاص يا فريده اختاري واحده تانيه
فريده نظرت لفرح بزعل: لا.
فرح قبلتها من وجنتاها : وله تزعلي الاوضه ليكي ..
فريده: والناس
فرح: هعملهم واحده تانيه غيرها .
فريده قبلتها بحب: انتي عسوله اوي ..
ابتسمت بحزن .: انتي احلي
مصعب كان ينظر لها بشوق.
...
ليدخل طفل صغير عمره 4سنوات بشعر اسود يبكي ..
وقفت فرح سريعا و حملته علي يدها
فرح: مروان حبيبي مالك
مروان ببكاء: بابا زعقلي
دخل حسن ابن عمه فرح خلفهم ..
فرح ؛ عملته ايه يا حسن.
حسن : لحق يشتكي
فرح : مش قولتلك ميت مره متزعقش لمروان
حسن : مش طريقه دي يا فرح .انتي بتدلعيه اوي .
فرح: يدلع براحته .
مصعب نظر اليها بحزن وهي تحمل مروان علي يدها وبجانبها حسن . ظنا منه انها تزوجت حسن ابن عمتها وانجبت مروان. ليس من حقه ان يحزن فهذه حياتها تعيشها بالطريقه التي اختارتها ..
امسك فريده ابنته ليخرج .
حسن : خليك يا استاذ . احنا هنمشي
مصعب : مفروض احنا اللي نمشي
حسن : هو انا شفتك قبل كده
فرح تدخلت : هو مروان كان عايز ايه وببعيط ليه
حسن : شوفي انتي شغلك . وانا هاخد مراون واتصرف معاه
فرح: خلي بالك منه ومتزعلوش يا حسن
حسن : حاضر. سلام
طبعت قبله علي جبين الصغير لياخذه حسن ويخرج
...ً.....
جلست فرح علي مكتبها : اتفضلو ارتاحو لحد اما يجهز الغرفه ويفكها ويلمعها
مصعب : ابنك جميل اوي . اسمه ايه
نظرت له كثيرا لتبتسم له : مروان
مصعب: ربنا يخليه
فرح : يارب .
فريده : طنط فرح
ضحكت فرح : نعم يا ديدا
فريده: هو حضرتك كنتي جارتنا
فرح : لحد دلوقتي كمان جارتكم . تشربو ايه
مصعب : مفيش لازوم
فرح : لا ازاي . لازم تشربو حاجه .
مصعب: ممكن قهوه
فرح ؛ تمام . وانتي يا ديدا
فريده : بيبسي
فرح: مبلاش بيبسي ده . ايه رايك تشربي عصير مانجه. انتي بتحبيه
فريده: اوكي
طلبت لهم فرح .. وجلست تتحدث مع فريده عن الدراسه ويضحكون وهو صامت تماما .
ليس من حقه ان يشعر بما يشعر الان اتجاهها قلبه ما زال مشغول بها ويحبها
دخل العامل بعد وقت : كله حاجه جاهزه يا ست فرح
فرح : ماشي يا رجب . روح انت واتنين مع البشمهندس وركب الاوضه وارجع تاني
رجب : اعتبريه حصل يا ست
فرح : اتفضل مع العمال . الاوضه جاهزه وعلي العربيه
مصعب: الحساب كام
فرح : الحساب وصل ..
مصعب: وصل ازاي
فرح: دي هديه مني لفريده .
مصعب : لا طبعا . ده شغل يا فرح ومفيش هدايا .
فرح : لا في يا بشمهندس . دي هديتي لفريده .
مصعب : فين الحاج مسعد
فرح : تعيش انت
مصعب : لا إله إلا الله . امتي حصل كده
فرح : من ٣ سنين .
مصعب : البقاء لله. انا اسف جدا مكنتش اعرف
فرح : ونعم بالله. ولا يهمك انت كنت مسافر هتعرف منين .
مصعب : وماما حنان اخبارها ايه
فرح : الحمد لله بخير ... اتفضل انت مع العمال
مصعب. : بس كده مينفعش.
فرح : ينفع يا بشمهندس .. اتفضل انت
كان هاتف فرح يرن . لترد عليه
فريده: يلا يا دادي . ونبق نتكلم معاها مره تاني ..
مصعب : ماشي
خرج مصعب مع ابنته . لتجلس هي بتعب وحزن علي المكتب . تشعر بدموعها تسيل علي وجنتاها ..