رواية لم تكن هي
الفصل الثاني2
بقلم ياسمين الكيلاني
" عدي خمس سنين كانت حاله من البؤس والحزن الشديد اللي عاش في قلبه ود.فن نفسه معاه... "
" كانت الحياة اصعب من أنه حتي يتكلم ويقول اللي جواه! مكنش عارف يقول اي من كسـ.رته وحُزنه علي فراق حبيبته قصاد عينه وهو عاجز عن اللي قتـ.لها!.. "
"ضحـ.ت ب نفسها عشانهُ وسابته وحيد وسط اهله وصحابه ولكن ..."
" في مكان تانى لبيت بسيط جداً عدد افراده اب و بنت بلغت من العمر ٢٥ عام...
كانت قعده علي فراش التعب جمب والدها المريض وبتحاول تداويه ومش عارفه!
: وبعدين يا سي بابا انت برضو مش عايز تاخد الدواء! ولا عشان انا انشغلت شويه عنك تعمل كده! هات الدواء...
_خلاص يا اسيل انا هخده روحي انتي....
_لا انت بتضحـ.ك عليا فين علبة الدواء يا منصور عشان بنتك متزعلش منك ويا كده يا هقعد جمبك طول اليوم مش هنزل....
" ضحك بخفة من نهدتها لي واتكلم بحب
: هناك يا اسيل هاتي العلبه....
"جابت الدواء ببتسامة جميله وقعدت جمبه وناولتله المياه بس ابتسامتها اختفت تدريجياً لما لقت علبة الدواء فاضيه!
_اي دا يا بابا انت دواك فاضي من امتي؟!
_فاضي؟ ازاي وريني كده...
_انت هتضحـ.ك عليا يا منصور اديني كشفتك اهو يعني بقالك يومين خا.يف تقولي علي الدواء لحسن اجيبه مش كده...
_يا بنتي انتِ حِملك تقل وبتدفعي ايجار الشقة وفلوس الدواء والدكاترة اللي مش عارفين اخرهم لحد فين!!
" دا غير السقف اللي هيقع علينا وفلوسك أنتِ! بصي علي نفسك كده؟ انتِ حتي معندكيش لبس جديد بقالك فترة مغيرتيش الأسود اللي عليكي يا بنتي من يوم و.فاة امك...
" حاولت تبتسم بهدوء رغم الحزن اللي جواها لكنها رجعت تضحك تاني وخدت الموضوع بهزار
: شوفت اديك قعدت تتكلم ونستني اروح اجيب الدواء يلا سلام يا حاجوج...
_سلام يا آخرة صبري ربنا يراضيكي يا بنتي ويرزقك ب ابن الحلال اللي يريحك من كل اللي انتِ فيه ...
ــــــــــــــــــــــــــــــــــــــــــــــــــــــــــــــــــــــ
_وبعدين يا ادهم هتفضل علي الحال دا لحد امتي؟
_.............
_يا بني افهم اللي أنت فيه دا مش هيرجع اللي راح يعني شكلك ودقنك دي ولا لبسك هيرجع حاجه!!
" حاول تنساها يا صحبي اديك شايف حالك وقفت شغل و سبت حالك كله حتي الكلام مش راضي تريح حد فينا، انت مش فاهم احنا قد اي قلقانين عليك وامك الست الغلبانه نسيت انها مريضه!
" نسيت انها محتاجالك اكتر من نفسك وشركت الادوية اللي بسبب اهمالك وقفه اكتر من خمس سنين!!
" فيه ناس محتاج للعلاج دا ويا عالم كام واحد بيموت فيه اليوم عشان الجرعه دي ومنهم والدتك وناس كتير ولا خلاص عشان رنا ميهمكش حد ...؟!
_............
_برضو مش هتتكلم!! طب مش مشكله تعالي نخرج نفك شويه....؟
_...........
_خلاص تعالي معايا هشتري حاجات من السوبر ماركت ونعدي علي والدتك اللي مشوفتهاش من يوم الحدثه....
ـــــــــــــــــــــــــــــــــــــــــــــــــــــــــــــــــــــــ
" في الصيدلية.... "
_يعني ازاي مش موجود يا دكتور دي سابع صيدلية اروحها وملقيش الدواء....!!
_الدواء نادر جداً يا انسه والسوق واقف يعتبر منه بقاله فترة كبيرة منزلش...
_ايوه بس انا والدي مش هيستحمل بابا تعبان جداً اعمل اي؟....
_للأسف مفيش حل تاني غير انكم تستنوا الشركة اللي بتصدرة يعتبر قفله بقالها فترة كبيره والدواء خلص من الصيدليات... استأذنك اشوف الاستاذ....
" كانت وقفه محتارة في الكلام اللي قاله ميطمنش ودي كانت اخر علبة دواء عندها! لكنها فكرت بسرعة وكلمت امل صحبتها عشان تشوف حل للموضوع دا.... "
: ايوه يا امل انا....
_استني يا اسيل اخد نفس للمصـ.يبه الجديدة مهو انتِ مش بتعبري اهلي غير ف المصايب....
_خلاص انا غلطانه سلام...
_يا ستي استني انا بهزر خمس دقايق وابقي عندك انتِ فين؟...
_ف الصيدلية اللي علي الشارع وهاتي معاكي فلوس احتياطي عشان يمكن الحوار يطول ونلف...
_عيوني دقايق وابقي عندك...
ــــــــــــــــــــــــــــــــــــــــــــــــــــــــــــــــــ
" في السوبر ماركت... "
_هه قولي بقا هتاكل اي انهارده...؟
_............
_مفيش مشكله هختارلك علي ذوقي وطنط بقا عليها العين تعملنا مولوخيه ب الارانب جنان....
ــــــــــــــــــــــــــــــــــــــــــــــــــــــــــــــــــــ
_اي يا بنتي قلقتيني عمو كويس؟
_لازم ادور علي الدواء دا ف أسرع وقت بس قبليها محتاجه اجيب اكل وحاجات عشان باب يتغذي....
_خلاص سيبي عليا الحوار دا هروح انا اجيب الحاجات من السوبر ماركت وانتِ شوفي كده ف الصيدليات وبعدين ارجعي هستناكي هنا....
_ماشي يا امل يلا روحي عقبال ما اشوف حل للحوار دا....
_متقلقيش خير يا سولا مش انتِ دايما بتقولي الخير جي جي اتشجعي كده...
_حاضر تسلميلي يا امل والله مش عارفه انا من غيـ....
_لا انتِ غاوية عطله وتهز.يق بس بعدين نتحا.سب علي الكلام دا يلا سلام....
ــــــــــــــــــــــــــــــــــــــــــــــــــــــــــ
_بقالنا عشر دقايق بنلف ومش فاهم ليه الكارت معلق كده....
" فتكلمت بصبر وطولة بال
: لو سمحت حضرتك معطل الكاشير ومعطلنا معاك ممكن تحاسب عشان ننجز....
" التفت للي بتتكلم وبصلها بغيـ.ظ
: والله مش ذنبي الكارت معلق ولازم احاسب ولا حضرتك تحسبي افضل يعني لو مستعجله...
"اتكلمت بنفاذ صبر
: والله لو حضرتك قابل إن واحده تدفعلك يبقي مفيش مشكله حسابك كام....؟
" اتحر.قة د.مه من طريقتها ولف تانى بعدم اهتمام لكنها مسكتتش ووقفت قصاده عشان تعدي وتمشي
_انتِ باين عليكي عايزة تتهز.قي عشان قلت الذ.وق كترت...
" لفت وشها واتكلمت بستفـ.زاز
: مهو لو عندك منها مكنش دا كله حصل يا حضرت....
" جي يرد عليها حاسبت بسرعة ومشيت من قصاده ذي الهواء فتكلم بغيـ.ظ شديد
: بني ادمه غر.يبه ومجنو.نه.... يلا يا ادهم عشان ندخل المحل التاني نجيب حبت حاجات كده ل والدتك وبالمره تجبلك قميص جديد بدل الاسود دا...
" اما هي ف اتكلمت بستهـ.زاء وهي ماشيه والبر.كان طالع من عينيها
: بني ادم رخـ.م و مهز.ق مش فاهمه الأشكال دي تدخل اماكن ذي دي ازاي و....
" سكتت بسرعة من مكالمة صحبتها لما افتكرت هي هنا ليه!
_ايوه يا اسيل انتِ فين؟
_...............
_بتعملي اي عندك!!
_................
_طب خلاص انا جايه جايه سلام...
" جريت بسرعة علي صاحبتها عشان تطمن انها بخير
: اي حصل مالك؟
_كنت بدور ف الصيدليات علي دواء وبعد ما كنت خلاص لقيته ملقتش فكه معايا فضطـ.ريت ادخل محل الملابس دا عشان افك ومن دوشتي نسيت كود الكارت اعمل اي!
_خلاص اي المشكله انا هدفعلك الفلوس بس يلا نلحق نجيبه....
_طب ثواني اجيب الكارت....
" راحت بسرعة للكاشير وخدت الكارت منه وطلعت هي وصحبتها علي طول ف نفس اللحظه اللي دخل فيها زياد وادهم المحل يشتروا شويه حاجات... "
_اتفضل الفلوس اهي فين الدواء....
_للأسف فيه شاب جي خده وكانت اخر علبه موجوده هنا...!
_اي انت بتهزر!! ازاي دا يحصل انا حتي متاخرتش...؟
_اسفين بس كان محتاجه ضروري واحنا كدكاترة مينفعش نشوف مريض محتاجه جرعه ذي دي ومندلهوش...
" اتكلمت بغضـ.ب وغيـ.ظ
: دكاترة!! دكاترة اي....انتوا لو فعلاً دكاترة تفهموا إن فيه ناس ممكن تمو.ت بسبب قلة الجرعات دي وانها لازم تكون موجود ف السوق وفي اي وقت...
" لكن انتوا مبيهمكمش ولا ارواح بتمو.ت ولا خسائر بضيع كل يوم....
_اهدي يا اسيل مش كده هو برضو مش ذنبه دي شركات يا حبيبتي... معلش هي بس اعصبها تعبانه عشان باباها تعبان شويه عن اذنك....
" خدت صحبتها وخرجت من الصيدلية وهي حزينه جدا انها مش عارفه تعمل اي حاجه عشان تساعد والدها...
_اسيل هتفرج سبيها علي الله واكيد ف حل...
_مش عارفه اعمل اي تاني يا امل حاسه إني تايهه وخا.يفه بابا يروح مني ذي ماما ما راحت! هعمل اي من غيره؟ هتصرف ازاي بعد كده!...
_اهدي يا حبيبتي وان شاءلله ليها حل هندور تاني ونلف تاني وتالت انا معاكي متقلقيش....يلا بقا عشان نروح لان باباكي اكيد قلقان عليكي...
ــــــــــــــــــــــــــــــــــــــــــــــــــــــــــــــــــــــــ
_ هه اي رايك ف دا؟
_..............
_طب دا؟!
_..............
_طب داااااااا!!
_..............
_مفيش فايدة انت هتيجي بقلة الذ.وق فعلاً ذي ما المجنونه التانيه قالت....
" كان علي وشك أنه يلبسله القميص ويقلع السلسلة اللي ف رقبته لكنه مسك ايده جامد وهو باصصله برفض تام أنه ميعملش كده... "
" استغرب زياد طريقته لكنه رجع ايده تاني ل وراء وفهم انها سلسلة رنا الله يرحمها وانه مش حابب يقلع الاسود مهما حصل...
_خلاص يا صحبي فهمت يلا بينا عشان منتأخرش....
" طلعوا من المول بهدوء وزياد بيحط الحاجة ف العربيه عشان يمشوا في نفس الوقت اللي اسيل افتكرت فيه
رقم الكارت ورجعت تاني عشان تفك الفلوس اللي معاها عشان تحاسب امل علي الفلوس دفعتها. "
_اسيل انتِ اتجننتي انا.....
_خلاص والله افتكرت خليك بس هما ثواني ورجعه...
" جريت بسرعة وفستانها شبك ف العربيه؛ حاولت كتير تفكه
لكنها معرفتش ف شافها زياد من المرايا ونزل تاني يشوف اي الحكاية...
" لقاها قعده بتحاول تفك العقدة فساعدها من غير حتي ما يبصلها
ودخل العربيه بهدوء وادهم ساند راسه علي الكرسي بتعب ومغمض عينه بشرود ف حبيبته اللي راحت... "
" بصت اسيل علي امل لقتها بتشاورلها تنجز فتكلمت اسيل بغيـ.ظ وصوت عالي شويه
: خلاص خمس دقايق وجايه استني....
" فتح عينه فجأة من الصوت اللي سمعه مش غريب عليه نهائي وطلع من العربيه تحت استغراب زياد؛ فبص
يمين وشمال عشان يشوف مين صاحب الصوت فتكلم زياد بتساؤل
: اي يا بني مالك ف حاجه وقعت منك ولا اي؟!
" قعد يدور ويبص يمين وشمال فظن انه
بيتخيل مش اكتر ورجع تاني ركب العربيه وساق زياد علي طول...
" طلعت هي من المول وهي ماسكه الفلوس ف ايديها وبصت علي
العربيه و هي ماشيه من بعيد ابتسمت برضاء
وحمد لربنا ذي ما علمها والدها دايما ب الرضا عشان كل ما بنرضي ربنا بيراضينا... "