روايةحب في الجامعه
الفصل السادس6
بقلم ايه منصور
حسام :لين عملتى ايه فى الامتحان
لين :ليه يخصك فى حاجه
حسام :طب ممكن نتكلم فى مكان تانى بره الكليه
لين :وترضى على نفسك تخرج مع واحده بتخون صاحبتها وبتحضن واحد فى الكليه ،لا اقصد الحرم الجامعي ،لو انت ترضاها على نفسك انا مردهاش عليك ،عن اذنك يا دكتور
(عارفين انا كان نفسى اعرف هيقول ايه، بس انا مبسوطه جدا بالى عملته معاه احسن يستاهل )
بعد ساعتين صحيت من النوم وطلعت بره اقدم عصير للضيوف الى عندنا لقيت حسام واصحاب ياسر بس الى استغربتله أن ليه عين يجى عندنا ،فضلت قاعده بفكر بس قطع تفكيرى رساله منه
حسام :انا مشيت بس كان لازم اشوفك
لين :ماردتش عليه بس كان نفسى اساله ليه ،ماشغلتش بالى بيه وقعدت اذاكر لحد الفجر ،وصليت بس جت رساله منه تانى
حسام :حرما ونامى بقى علشان تركزى فى امتحان بكره وبعدين لازم تقدير لان دى مادتى
لين :ايه ده هو عرف منين انى صليت ،لا وكمان صاحيه وبذاكر
(المره دى ماعرفش ماردش ورديت عليه برساله )
لين :انت عرفت منين انى صاحيه وانى صليت
حسام :لما يكون شباك قوضتك منور يبقى صاحيه وبتذاكرى ،اما صليتى عرفت من ياسر انك ملتزمه
لين :انت فين علشان تشوف الشباك
حسام :بصلى فى الجامع إلى تحت بيتكم
لين :ليه
حسام :علشان اطمن عليكى
(اقولكم على حاجه حسيت أنه مجنون بس حبيت جنانه )
لين :رده عليا خلانى اعمل حاجه مجنونه زيه وفتحت الشباك علشان اشوفه
حسام :بعت رساله ،ادخلى جوه بسرعه واقفلى الشباك
لين :رديت عليه برساله ،انت متعصب ليه
حسام : وانتى عيزانى استنى وحد خارج من الجامع يشوفك ،وابقى عادى وكول وفيها ايه
لين :سكت وقعدت بضحك ومبسوطه لحد ما بعت رساله
حسام : من غير تفكير كتير ،اه بغيرعلى فكره ،ونامى يلا ،تصبحى على خير
(صحيت تانى يوم وروحت الكليه وخلصت الامتحان بس اتضايقت من نفسى انى ازاى ارد عليه وكده )
حسام :شكلك متضايق ليه
لين :فى سرى هو باين عليا اوى
حسام :اه باين جدا
لين :تنحت هو بيعرف منين انا بفكر فى ايه
حسام :عملتى ايه فى الامتحان
لين :كان حلو جدا
حسام :مالك بقى
لين :عارف أن ياسر هيزعل لو عرف أننا اتكلمنا
حسام :لا مش هيزعل
لين :ايه إلى يخليك متاكد كده
حسام :اسمعى كلامى مش هيزعل ،تحبى اوصلك
لين :لا شكرا ،ياسر هيجى
حسام :ياسر مش جى ،عنده شغل
لين : طيب انا هروح لوحدى بعد اذنك
(بس يارتنى ما روحت لوحدى ،هقولكم ليه )
