روايةحب يتحدي المرض
الفصل الرابع4
بقلم ايه منصور
طبعا كالعادة الدنيا مش هتفضل حلوه عالطول لقيت فى زيارة جايه بعد شهر دخلت اشوف مين بس كانت المفاجئه غير متوقعة
سامر : وحشتيني
سارة :ايه إلى جابك هنا
سامر :جيت اطمن عليكى وزى ما قولتلك وحشتيني
سارة :امشى لو سمحت انا مش عايزاك وحضرتك راجل متجوز
سامر :بس انا طلقت
سارة :وطبعا جاى علشان ترجعلى
سامر :اه، بحبك يا سارة
(الممرضه :دكتور احمد بيقولك يلا معاد الجلسه )
سارة :حاضر هاجى ،بعد اذنك يا استاذ عندى معاد للجلسه
سامر :انا عارف انك ماقدرتيش تنسينى
سارة :بعد اذنك مش عايزه اتاخر
سامر :ماشى يا ساره بس هجيلك تانى
(بعد اما روحت لقيت احمد مستنينى جوه الأوضه بتاعت الجلسه )
احمد :سارة ازيك عامله ايه
سارة : الحمدلله تمام
احمد :طيب اتاخرتى ليه
سارة :لا مافيش كنت بصلى بس
احمد :طب مال عينك محمره ليه
سارة :لا مافيش
احمد :لا بجد محمره
سارة :قلتلك مافيش خلاص يا احمد
احمد :سارة مالك بتكلمينى كده ليه
سارة :قلتلك مافيش حاجه
احمد :خلاص يا ساره براحتك بس لما تبقى عايزه تحكى انا موجود بعد اذنك ومشى
سارة :حسيت بالذنب جدا انى زعلته وبصراحه فضلت افكر كتير ومش عارفه انا ليه خبيت عليه أن سامر كان هنا ،ممكن علشان مايحصلش مشاكل بس الى انا متاكد منه انى مش عايزه سامر ولا طايقه ابص فى وشه لكن إلى بحبه ونفسى اكمل معاه هو احمد أو دكتور احمد انا حباه جدا ومعجبه بيه اوى ونفسى يبقى هو زوجى المستقبلى والى اكمل معاه حياتى ،انما سامر ده كان موضوع واتقفل واستحالة افكر اكرره تانى لان إلى سابنى مره هيسيبنى تانى وتالت والى ماحبنيش من الاول عمره ما هيحبنى تانى
(بصراحه روحت اتكلم معاه هو وحشنى الشويه دول ولازم اصالحه استحاله اسيبه زعلان )
سارة : دكتور احمد
احمد :نعم
سارة :انا اسفه
احمد :على ايه
سارة :احمد متبقاش قموصه بقى
احمد :ايه قموصه دى
سارة :جايه من القمصان فتبقى قموصه
احمد :ضحك جامد ،فصلتينى اكمل زعل انا كده ازاى ،ماعلينا عايزه ايه منى بقى
سارة : وحشتنى
احمد :الجمله دى ليا
سارة :اومال لمين
احمد :وانتى وحشتينى بس انا زعلان ازاى تكلمينى كده
سارة :سورى بقى يا دكتور علشان خاطرى ماتزعلش
احمد :ماشى بس ماتتكررش تانى
الممرضه :فى زيارة لحضرتك
احمد :مين
الممرضه : الاستاذ إلى كان عند حضرتك انبارح