روايةحب في الجامعه
الفصل الحادي عشر11
بقلم ايه منصور
كنت مستنيه حسام لحد بعد الفجر هيجى ولا لا
(نمت وصحيت بعدها بساعتين وقعدت اذاكر لحد الفجر وبصيت من بين الشيش بتاع الشباك على حسام ،اشوفه جه ولا لسه لقيته بعت رساله )
حسام :خيالك باين من الشباك ،بس كنت عايز اشوف مستنيانى ولا لا
لين :اه مستنياك
حسام :عارفه ايه هو السر إلى لو كنت قولته كنت هقفل
لين :ايه هو
حسام :أن انتى صاحبه اجمل عيون ،عارفه كنت ناوى اقولك شويه كلام عن جارتكم علشان اعرف هتتعصبى ولا لا ،بس اول ما عينك دمعت قولت كل حاجه
لين :انا مش هعرف اقولك حاجه غير بعد كتب الكتاب ،انا بس عايزه اعرف خلال فتره الخطوبه انت بتحب ايه وبتكره ايه وبتاكل ايه وايه الاكل إلى مش بتحبه والتفاصيل العاديه
حسام :نعم انتى مستنيانى علشان اقولك بحب ايه وبكره ايه
لين :لا لا انت فهمتنى غلط ،انا اقصد ناجل الكلام الى بتكسفنى بيه لحد بعد كتب الكتاب ،ساعتها هقدر اتكلم انا كمان لكن خلينا فى الخطوبه كلام عادى
حسام :ماشى إلى يريحك ،ذاكرتى ايه وفاضلك ايه
لين : الحمدلله ذاكرت كل حاجه وفاضل مراجعه الصبح قبل الامتحان
حسام :لا اتفقنا قبل اللجنه بساعه تيجى
لين :اه صح نسيت أسألك ليه قبل اللجنه بساعه
حسام :لا ده هتعرفيه بكره ،المهم تنامى علشان تصحى فايقه
لين :حاضر ،تصبح على خير
حسام :وانتى من أهله
لين:قفلت وبدأت أفكر هو ناوى على ايه
(تانى يوم )
ماما (سعاد ):لين رايحه بدرى ليه ،لسه بدرى على الامتحان
ليندا :سبيها يا ماما دى خطيبه دكتور لازم تروح بدرى وغمزتلى ،يلا يا عم الله يسهلك
لين :اهو النق ده إلى هجيبنا ورا ،هروح مش عارفه هو حسام قال تعالى بدرى مش عارفه ليه
ماما (سعاد ): متتاخريش طيب وانتى جايه
لين :حاضر
(روحت الكليه وانا كل إلى بفكر فيه يا ترى حسام عايزنى بدرى ليه )
لين :حسام ،اقصد دكتور حسام لأننا فى الكليه
حسام :يا حبيبتي قولى إلى يريحك
لين :المهم ايه إلى عايزنى فيه بدرى كده
حسام :خدى
لين :قماشة سوده ،ليه
حسام :اربطيها على عينك
لين :ايه الجو الرومانسى ده
حسام :هو انتى لسه شوفتى حاجه ،اصبرى على رزقك
لين :فى دكتور يقول اصبرى على رزقك ،لو سواق مش هيقول كده
حسام :ضحك جامد ،اسكتى بقى ماتضيعيش اللحظه
(دخلت معاه مش عارفه فين وانا مغمضه بس كنت خايفه وفى نفس الوقت متحمسه جدا اشوف المفاجئه
حسام :جاهزه
لين : ايوه جدا
حسام :هشيل الرباط فتحى واحده واحده
لين :فتحت قولى انى مش بحلم