روايةحب في الجامعه
الفصل الثالث3
بقلم ايه منصور
المنظر ده هيخلى حسام يتغير
(بعد فتره كل اما اشوف حسام يدير وشه الناحية التانية حتى لما بشوفه بيبصلى بطريقه وحشه )
لين : دكتور حسام
حسام :خير عايزه حاجه
لين :هو فى حاجه يا دكتور مزعلاك منى
حسام :نعم
لين :اقصد ضايقت حضرتك فى حاجه
حسام :ليه يا لين، انتى مجرد طالبه عندى وانا الدكتور بتاعك مافيش حاجه تخلينى ازعل منك او حتى اصاحبك، انا الدكتور بتاعك وياريت ماتنسيش حاجه زى كده ،الى بينى وبينك علاقه دكتور بطالبه، اوعى تفتكرى انى علشان نصحتك أو ضحكتلك بقيت بحبك وبموت فيكى ،تبقى غبيه لو فكرتى كده
لين :حسيت ساعتها كان جردل مايه ساقعه وقع على دماغى ،قلتلو لا طبعا يا دكتور انا فعلا طالبه عندك بس ،ولسه همشى سلمى مسكت ايدى ماحستش بنفسى غير وانا فى المستشفى
سلمى :ايه يابنتى إلى حصلك ده ،مش واحد زى ده إلى يعمل فيكى كده ،اجمدى كده يا لين
لين :انا ماكنتش عامله حسابى احبه بس حصل وحبيته غصب عني بس انا عملت ايه لكل ده انا مش فاهمه
سلمى :ولا حاجه عادى فى ناس بتحب توصل للشخص وبعدين تسيبه، بتمل ، بس ليه ماقولتليش أن ياسر رجع من السفر ،اعرف بالصدفة كده
لين :لسه بتحبيه
سلمى :لسه بحبه ،انتى عارفه مابطلتش احبه ما ايام ماكنا اطفال لحد اما فسخ الخطوبة من 4سنين
Flash back
ياسر :سلمى عايزك فى موضوع مهم
سلمى :ايه يا حبيبي مالك
ياسر :انا مسافر بره مصر
سلمى :نعم ،وانا اخر من يعلم ولا ايه
ياسر :لا انتى اول حد يعرف
سلمى :طب هنتجوز ونسافر ،ماعنديش مشاكل ،حتى دراستى هنقلها علشانك بره المهم اكون معاك
ياسر :حتى دى كمان مش هتنفع ،انا جيت بس علشان اقولك أن مش لازم اعطلك جنبى وتفضلى مستنيانى لحد اما ارجع وانتى ممكن تشوفى حد احسن وانسب منى ويكون مناسب ليكى
سلمى :ياسر انت بتقول ايه ،قول انك اكيد بتهزر
ياسر :انا مش بهزر يا سلمى ،انا بتكلم جد
سلمى :طب ليه انا عملتلك ايه ،ده من واحنا لسه اطفال مستنيه اليوم إلى نتجوز فيه تيجى تقولى كده
ياسر : ماتزعليش منى ،حقك عليا ،انا اسف
سلمى :ليه انت خبطنى من غير ما تقصد ،اتفضل دبلتك اهى ،بعد اذنك
Back
لين :انتى شوفتيه لما جه
سلمى :لا ماشوفتوش ومش عايزه اشوفه ،كفايه إلى عمله فيا زمان خلانى احبه لحد اما بقى كل حياتى وبعد كده بمنتهى البساطة سابنى
لين :سلمى انتى بتعيطى ليه دلوقتى
سلمى :لا مش بعيط عينى دمعت بس
لين :افتكرتى
سلمى :مانستش علشان افتكر ،انا همسة دلوقتي لان ياسر هيجى وانا مش حابه اشوفه
ياسر :بس انا حابب اشوفك واسمع صوتك
سلمى :بدموع بعد اذنكم ومشيت
لين :وانت لسه بتحبها
ياسر :والله ولا حبيت ولا هحب حد قدها هى بالنسبالى كل حاجه حلوه عدت وكل حاجه حلوه لسه هتيجى
لين :طيب ليه سيبتها
ياسر :افضل معاها واربط حياتها بواحد مش معاه حتى فلوس يتجوز ولا اروح لبابا اقوله معلش يا حج على شوفلى فلوس علشان عايز اجيب هديه لخطيبتى ولا شوفلى فلوس علشان اخد مراتى وننزل
لين :يعنى انت مشكلتك كانت فى الفلوس مش فى سلمى
ياسر :طبعا وسلمى هقابلها واشرحلها كل حاجه ،المهم خلينا فيكى انتى
لين :ايه إلى فى ايدك ده لسه لابس دبلتها
ياسر :ولا حتى فكرت إقلعها من ايدى
ماما (سعاد):ايه يا لين إلى حصل فى حد اسمه حسام كلمنى خلانى جيت جرى على هنا