روايةمات ولكنه حي
الفصل السادس6
بقلم ايه منصور
(تانى يوم حسام اخدنى وروحنا عند منى علشان ماتحسش بحاجه )
منى : مرام حبيبتى وحشتينى
مرام :نعم ياختى ماكنت لازقه فيكى طول اليوم انبارح
منى :اه صح نسيت
مرام:شكلك نسيتينا كلنا نمشى بقى
منى :لا طبعا أنا لازم اعرف موضوع حسام كله
حسام :ليه يعنى
منى :لا احكولى هموت واعرف من انبارح
حسن :ايه ده حسام نورت ومرام وانا اقول الشقه احلوت ليه إتارى مرام عندنا
حسام :شكرا ،بابتسامه صفراء
منى :احكولى بقى الفرح امتى
مرام :الاسبوع الجاى
منى: يبقى تيجوا معانا شهر العسل
حسام :نعم
منى :فى ايه
حسام : اقصد انكم عرسان نرخم عليكم ليه
حسن :ما أنتم كمان عرسان تعالو معانا ولا ايه رايك يا منى
منى :طبعا ،وانا هروح فى مكان من غير مرام
حسام :ايه رايك يا مرام بلاش صح
مرام :إلى انت تشوفه
منى : خلاص انا اخدت قرار يلا احجزلهم معانا يا حسن
حسن :حاضر عنيه الاتنين دلوقتي حالا
حسام :ماشى شكرا يا حسن على الحجز ،يلا يا ميرى
مرام : اوك اشوفك قريب لازم تيجى علشان الفستان وكده
منى :اكيد وانا عندى غيرك
(بعد اما خرجت انا وحسام )
حسام :تعالى نقعد فى مكان
مرام :ماشى ،حلو الكافيه ده تعالى ندخل
حسام : اوك
مرام :مال شكلك متضايق
حسام :اه جدا ،انتى ماشوفتيش حسن بيبصلك ازاى من ناحيه انتى مراتى ومن ناحيه تانيه منى اختى ،وانا حذرتها كتير بس هى بتثق فيه ثقه عمياء
مرام :طب نقولها أن هو بتاع بنات وكده
حسام :مكانتش يتصدق وهما مخطوبين هتصدق بعد اما اتجوزوا
مرام:طب الحل ايه دى مصممه نروح معاهم
حسام :نروح بس تسمعى كلامى كله بالحرف
مرام :ماشى حاضر إلى تشوفه
حسام :الله عليكى وانتى مطيعه كده وبتسمعى الكلام ،اموت انا فى الصنف ده
مرام :الصنف ده ،دى اخرت إلى تتجوز ظابط شرطة
حسام :اول اقول ايه وانت هادى كده شبه الظباط البنات إلى لسه متخرجين
مرام :وحياة امك
حسام :ايه ده انتى بتتحولى ليه
مرام :انا ماشيه وخليهم ينفعوك
حسام :هما مين
مرام :البنات إلى لسه متخرجين
حسام : خلاص تعالى ماتزعليش فى واحده تزعل من جوزها كده
مرام :لا لا احنا لسه ماتجوزناش اصلا
حسام :ماتخليهاش تضرب فى دماغى واكتب الكتاب حالا
حسام :ولا هتعمل حاجه ،بس صح ايه الكلام الى عايزنى اسمعه
حسام :بصى اولا لو حاول حسن يكلمك ماترديش ولا تقفى معاه اصلا وحاولى تعتبريه مش موجود ،ولو حاول يلمح إلى حاجه كلمينى أو نادى عليا
مرام :حاضر تعالى روحنى يلا
حسام :ماشى
(بعد الوصول لمنزل مرام )
حسام :عمى كنت عايز اكلمك فى موضوع
(بعد شويه دخلت ماما قالتلى يلا ألبسى الفستان علشان كتب الكتاب )
مرام :حسام انت بتهزر
حسام :مش قولتى مش هقدر اعمل حاجه
مرام :انت بتهزر صح
حسام :يلا علشان المأذون والناس