روايةحب في الجامعه
الفصل العاشر10
بقلم ايه منصور
(بعد اما روحت البيت بعد ساعتين عرفت أن حسام جه عندنا هو ومامته )
بابا (على ): لين
لين :ايوه يا بابا
على :موافقه على حسام
لين :باحراج اه
على :طب عندك مشكله لو نعمل خطوبتكم مع ياسر وسلمى
لين :لا خالص يا بابا الى حضرتك تشوفه
على :طب اطلعى هتفضل قاعده هنا
لين :حاضر هلف الطرحه بس
على :ماشى
(خلصت وخرجت ،حسام قعد معايا ،وطنط دخلت مع ماما وبابا دخل ينادى ياسر )
حسام : وحشتينى
لين :كنت لسه معاك من شويه
حسام :مافيش وانت كمان
ياسر :لا مافيش
حسام :اه محرم وكده ،ومافيش وماتتكلميش وكده
ياسر :عندك مانع
حسام :لا بس بحقد عليك
ياسر :ليه
حسام : علشان خطبت وقولت كل إلى عايزه
ياسر :يا عم دى ارزاق وبعدين والد سلمى بيبقى قاعد زيى كده
حسام :طب هشوفك بكره ،لين
لين :نعم
حسام :ركزى فى الامتحان
لين :حاضر
ياسر :هتمشى بسرعه كده
حسام :انا كنت جى اقعد مع لين مش معاك
ياسر :معلش اعذرنى انت صاحبى بس هى اختى
(حسام روح هو ومامته وانا كنت طايره من الفرحه من أننا هنتخطب )
دخلت القوضه وقعدت أغنى (انا نفسى اطير فرحانه جدا ودايبه وبغير حاسه بسعاده وده احساس خطير مجنونه بيك نفسى افضل قصادك واقولك بحبك كتير وده مش كلام دا انا جايه اغرق عنيك اهتمام وده وعد عليا وقرار والتزام لو كنت اطول كنت امسح حياتى ونبدأ من الليله اوام )نداء شرارة
ياسر :انا بفكر اكلم حسام واقوله احنا نلغى الخطوبه لان البت اتجننت
لين :ماترخمش عليا لانى بجد فرحانه جدا ،على فكره اى بنت لما بتفرح بتتنطط
ياسر :ده بجد يعنى سلمى عملت الى انتى بتعمليه ده
لين :اه طبعا واكتر ،انت إلى قاطعتنى فى نص الاغنيه
ياسر :طيب ماشى ،بس جى اقولك ماتنسيش امتحاناتك
ماما (سعاد ):هاتى حضن بجد ربنا يتمملك على خير
ياسر :انا حاسس انك كلتى منى الجو
سعاد :بس يا واد ده كفايه العياط إلى عيطهولك علشان هتسيبنى
ياسر :ماهو علشان كده قولنا خطوبتين فى مره واحده ،علشان ماتعيطيش لكل حد مره لوحده
ليندا :اهو كله هيمشى مش هيتبقى غيرى معاكى ياست الكل
لين :لا ياختى هنيجى عالطول عند ماما وانتى فكرانا هنسبهالك ولا ايه
ليندا :ياسر ماعندكش اصحاب تانين ينوبك ثواب فيا
ياسر :ليندا تعالى هنا هفهمك براحه ،حسام ماكنش يعرف أن لين اختى ،والختم الطبيعى لأى اخ حنون (قفا محترم )كلنا عارفينه طبعا
ليندا :اه ،ربنا يكون في عونك يا سلمى
سعاد :يلا يا واد انت وهى بره علشان لين تذاكر
لين :انا هنام ساعتين واصحى اذاكر
سعاد :ربنا معاكى ويوفقك
