روايةحب في الجامعه
الفصل الرابع عشر14
بقلم ايه منصور
(النتيجه هتيجى ازاى ده اهم حدث في حياتى )
لين :صحيت مخضوضه جامد ،بصراحه كنت عايزه حد يطمنى فاتصلت على حسام
حسام :ايه يا حبيبتي مستنيه الفجر زيى
لين :لا يا حسام (بعياط )
حسام :يخضه ،لين بتعيطى ليه ايه إلى حصل
لين :حسام انا خايفه
حسام :براحه كده فى ايه ،خايفه من ايه
لين :حلمت بكابوس
حسام :لين أهدى ده مجرد حلم ،هتلاقيكى متوتره شويه ممكن علشان النتيجه
لين :اه اكيد
حسام :لين انتى عملتى إلى عليكى وتعتبى وذاكرتى واجتهدتى اما النتيجه دى مش فى ايدك فى ايد ربنا ،خلى عندك ثقه أن ربنا مش هيضيع تعبك وانا واثق أن خير وانك هتبقى اكبر دكتوره واجمل معيده ،بس مش معنى كده تغطى عليا ،انا دكتور وليا وزنى ولا ايه
لين :فصلتنى ،طب اعيط تانى ازاى خرجتنى من مود العياط
حسام :ولما انتى تعيطى وانتى معايا ،انا يبقى لزمتى ايه
لين :تمسحلى دموعى
حسام :طالبه معاكى زرافه على الفجر
لين :ضحكت ،بهزر ايه مابتهزرش يا رمضان
حسام :لا ياختى بهزر
لين :الله عليك وانت تافه،الراجل التافه رزق
حسام :طيب قومى صلى الفجر وبعدين نتكلم
(قمت وصليت ورجعت نتكلم تانى )
لين :حرما
حسام :جمعا أن شاء الله
لين : حسام هو ممكن اطلب طلب
حسام :انتى تؤمرينى
لين :عايزه اسافر اى مكان نغير جو فيه
حسام :أن شاء الله بعد الفرح ب3ايام نسافر اى مكان، تحبى نروح فين ؟اختارى بره مصر ولا فى مصر ؟
لين :لا فى مصر
حسام : اسكندريه تمشى معاكى
لين :ايوه اى مكان فى بحر
حسام :حاضر بس كده عيونى ،انت تؤمر يا قمر ،بس دى طلبات بعد الساعه 4الفجر ولا ايه ،عالعموم ماشى يا ستى
لين :حسام بص بقولك ايه اقفل علشان انام ولما اصحى ابقى قولى النتيجه اخبارها ايه
حسام :حاضر ،انا كمان هنام ونقوم على الساعه 10الصبح
لين :تصبح على خير
حسام :وانتى من أهله يا قلبى
(عدى الوقت كله وانا نمت طبعا لحد اما حسام اتصل )
لين بنوم :ايوه مين
حسام :انتى نايمه ولا ايه
لين :اه انت عايز ايه دلوقتي ،بتصحينى ليه
حسام :اصل كانت فى ناس عايزه النتيجه بتاعتها
لين :بجد انت جبتها
حسام :اه والله جبتها ،خلاص نامى
لين :انام ايه انا فوقت اصلا ،التقدير ايه
حسام :اتحايلى عليا شويه
لين :بجد قول انا قاعده على العصابى طول اليوم
حسام :صعبتى عليا خلاص ،امتياز يا سياده المعيده
لين :احلف يا حسام
حسام : وحياه لين عندى
لين :انا مبسوطه جدا وتعالى اقعد معايا
حسام :هشوف ظروفى الاول
(بعد اما حسام جه عندنا وانا عرفت البيت كله وكلهم كانوا فرحانين بيا جدا لان ده كان حلمهم ،حلو اوى انت تكون سبب فرحه إلى حواليك )
لين :حسام
حسام :مبسوط اوى علشان انتى فرحانه
لين :بحبك
حسام :نعم دى تخيلات
لين :لا انا بحبك
حسام :هو كان رد فعله أنه حضنى
لين :حسام بتعمل ايه
حسام :مراتى وانا بحضنها عندك مانع
لين :لا ماعنديش
حسام :وانا الى فاكرك مؤدبه ،يا عمى يا عمى
بابا (على ):ايه يا حسام بتنادى ليه
حسام :انا عايز نعمل فرح بقى
على :إلى انت عايزه انت عارف ان كل حاجه جاهزة قبل الامتحانات
حسام :ماشى يا عمى ،لى لى
لين :نعم
حسام :هو ايه إلى نعم ،رايك ايه
لين :الاسبوع الجاي
حسام :ماشى موافق