روايةحب في الجامعه
الفصل الثالث عشر13
بقلم ايه منصور
(لبست الفستان بلونه الدهبى كنت عامله شبه الاميرات كنت لابسه الطرحه بنفس لون الفستان وعليها تاج ،بصيت لنفسى فى المرايه كنت شايفه شكلى جميل جدا وانا مستنيه حسام يجى )
حسام :طيب اقول ايه بسم الله مشاء الله ،سبحان الله هو الجمال ده حقيقى
لين :بصتله كان لابس بدله وشكله حلو اوى كانى اول مره اشوفه وابتسمت
حسام :على فكره انا فرحان جدا وانتى
لين :انا حاسه انى بحلم
(ومسك ايدى ونزلنا بس الى حصل مفاجئه غير متوقعه لقيت المأذون تحت )
لين :حسام احنا ماتفقناش على كده
حسام :لو اتفقنا مش هتبقى مفاجئه
(كتب كتاب ياسر وسلمى وهى اتفاجئت اكتر منى ،وبعدين انا وحسام وخلص كتب الكتاب )
حسام :نقعد مع بعض شويه
لين :لا خليها بكره لحد اما استوعب إلى حصل النهارده
حسام :ايه إلى حصل النهارده وغمزلى
لين :امشى دلوقتي وننزل بكره نروح اى مكان أو تعالى اقعد هنا
حسام :فى واحده تقول لجوزها امشى
لين :جوز مين
حسام :اومال المأذون كان هنا بيكتب كتاب مين
لين :كنا عازمينه عادى
حسام :بصوت عالى يا حج انا ناوى ارجع فى كلامى
لين :تصدق انا غلطانه انى بهزر معاك ،امشى من هنا يلا
حسام :اتفرج على اختك يا ياسر بتطردنى
ياسر :بتطرديه ليه
لين :يرضيك اهزر معاه يقولى عايز ارجع فى كلامى
ياسر :بقولك ايه انا رايح لمراتى مش فاضيلكم
حسام :يعنى حتى مش هتعشى عندكم
سعاد :لين موقفه حسام على الباب كده ليه ،ادخلوا ويلا علشان تتعشوا مع بعض
لين :حاضر يا ماما ،حسام
حسام :نعم يا حبيبتي
لين :انت عندكم اكل فى البيت
حسام :اكيد
لين :اومال لازم تأكل عندنا ليه
حسام :لين امشى بجد
لين :لا طبعا ،بس محتاجه 10دقايق بس البس حاجه تانيه علشان اعرف اقعد بيها
حسام :بقالك ساعه معطلانى علشان 10 دقايق
لين :كنت محرجه اقولك انى مش عارفه اقعد بالفستان لانه تقيل ومش عارفه اتحرك بيه
حسام :خلاص هقعد استناكى
(انا بقى دخلت فردت شعرى ولبست فستان قصير وبقط وحطيت برفان وخرجت )
لين :انت قاعد فى الضلمه ليه
حسام :علشان القمر بيطلع بالليل
لين :أدت النور
حسام :ايه الحلاوه دي ،الله انتى حلوه اوى كده ازاى
لين :اتكسفت اوى وخدودى احمرت
حسام انا زعلان منك اوى
لين :ليه بس
حسام : لانك كنتى عايزه تمشينى من غير لما اشوف القمر ده وده اولا ،وثانيا أن لو اعرف انك كده كنت عملنا الفرح علشان اشوفك كل يوم وكل دقيقه وكل ثانيه
لين :حسام وبعدين معاك
حسام :طب ناكل ولا لا لانى جعان
لين :اه ناكل
حسام : حسس على شعرى وقالى تعرفى أن بحب الشعر الطويل وبعدين اول مره اشوف شعر اصفر كده وبالشكل ده
لين :حسام على فكره انت جعان جدا
حسام :ليه
لين :لان انت مش انت وانت جعان ،وضحكت
حسام :انا هاكل احسن
لين : هو انا قولتلك انك زى القمر
حسام :نعم
لين :وضحكتك بتخطف قلبى
حسام :لا استنى استوعب
لين :هو ممكن طلب
حسام :انت تؤمر يا جميل
لين :اشتغل مع بابا فى المكتب
حسام :ماشى لو مش هيجى على حسابى انا والبيت والاولاد
لين :حسام ينهار ابيض
حسام :ايه
لين :احنا لسه مش عندنا بيت ولا اولاد انت اندمجت اوى
حسام :عارف انا بتكلم بالمستقبل
لين :اه ،ماشى
حسام :سرحانه بتفكرى فى ايه
لين :بفكر فى النتيجه
حسام : علشان كده متوتره
لين :اه
حسام :ممكن يا حبيبتي ماتقلقيش خالص ،ان شاء الله خير
لين :حاضر