الفصل الأول1
بقلم ايه منصور
{سبب يخلينى اسيب حبيبى }
بصراحه قعدت افكر ارد عليها اقولها ايه اه سورى نتعرف الاول (انا مرام عندى 23سنه ،دارسه علم نفس وبعرف اتعامل مع الأشخاص كويس فاى بنت عندها مشاكل بتبعتلى على صراحه وانا احللها المشكله لحد اما جالى السؤال ده )
رديت على سؤالها ببوست على الفيس [الإنسان بيسيب الشخص إلى معاه لما يبدأ يحس بعدم الأمان ،لما يكون مش مطمن ويحس أنه فى أقرب وقت ممكن يتساب وبسهوله ،لما يحس أنه عالهامش بالنسبه للشخص إلى بيحبه ،لما يحس أن الحب ده مش سبب سعادته ،لما يفتقد الضحكه إلى من قلبه ،لما يكون بيحاول يبين عكس إلى جواه ،لما يفقد الاهتمام من إلى حبيبه ]
بعدها جاتلى ماسج صراحه تانى من نفس البنت {اعتبر ده إلى حصل معاكى }
الجمله صدمتنى خلتنى افتكر حسن لما جه وإدانى الدبله قبل الفرح باسبوعين
Flash back
مرام :حسن مالك شكل فيك حاجه
حسن :مرام انتى عارفه انى بحبك
مرام :طب ما انا بحبك
حسن :بس تعرفى تنسينى صح
مرام :ايه جو الدراما إلى عامله ده وبعدين انساك ليه بس وبعدين فى هزار كده قبل الفرح باسبوعين
حسن :مرام معلش بس مش انتى الشخصيه الى فى دماغى
مرام : نعم واكتشفت كده دلوقتي
حسن :معلش اكتشفت الموضوع متأخر
مرام :كويس انها جت قبل اما نوزع الدعوات
حسن :انا مش بهزر ليه مش مصدقه
مرام :علشان انت حلفت انك مش هتسيبنى، وعلشان انت قولت أن عمرك ما حبيت غيرى ،وعلشان قولت أن الراجل عمره ما يخلف وعده ،وعلشان قولت أن حبنا ده إلى هنتحدى بيه الكون
حسن :انا اسف يا مرام بس انا مسافر ومش هتشوفينى تانى
مرام :مش انت قولتلى أن انا روحك ومافيش حد بيقدر يعيش من غير روحه وان انا النفس إلى انت بتتنفسه ازاى تسافر وتسيبنى
حسن :انا اسف وساب الدبله ومشى
Back
فوقت على دمعه نزلت غصب عنى ،مسحتها وكتبت بوست رد على سؤالها [افضل فتره حب انا عشتها فى حياتى واستحالة تتكرر تانى ،انا حبيبى كان شخص محترم وعمره ما خلى دمعتى تنزل منى ،عمرى ما نمت غير وانا فرحانه ،هو راجل بمعنى الكلمه عمره ما غلط فيا ولا حسسنى بمره انى مش حلوه حتى وانا تعبانه فضل جنبى وأخلاقه وأدبه واحترامه يخلى الدنيا كلها تحكى عليه هو مش موجود بينا دلوقتي لكن كلنا فاكرينه ]
اتصلت بعدها منى (دى بقى البيست من ابتدائى معايا ،هى مخطوبه لواحد عايش بره وكتب كتابهم النهارده فهو هينزل علشان كتب الكتاب )
منى : وبعدين معاكى بقى هتفضل تتكلمى عن حسن لحد كام سنه بقاله 4سنين ميت ارحمى نفسك بقى ،هتموتى وراه لازم تتجوزى ويبقى ليكى حياتك
مرام :انتى عارفه انا كنت بحب حسن أد ايه
منى :يابنتى إلى بتتكلمى عليه ده واحد ميت
مرام :انا عارفه أنه ميت يا منى (بدموع )
منى :لو بتحبينى حاولى توافقى على العريس إلى متقدم
مرام :هشوفه ، لو كويس هوافق ،وبعدين فين عريسك إلى ماشوفتوش لحد هذه اللحظه مش راضيه تورينى حتى صوره ليه
منى :يابنتى عايزاكى تشوفيه على الطبيعة وبعدين كل إلى اسمهم حسن حلوين
مرام :انا جيالك على العصر كده علشان اساعدك يا عروسه
منى :مستنياكى
مرام :عيونى البس بس واجيلك
(انا قلبى مقبوض ليه ياترى ايه إلى هيحصل قومت اصلى الظهر بس حاسه ان فى حاجه هتحصل )