روايةحب بدون اراده
الفصل الثامن8 والاخير
بقلم ايه منصور
مى : شكلها متغير اوى
زين : ممكن افهم ايه إلى مزعلك اوى كده
مى :مشاء الله عليك اكتر من نص الحفله بنات وكلهم صاحبتهم وارتبط بيهم وحبيتهم ،كان المفروض افهم كده من كلام علياء لما قالتلى حد عرف كميه البنات دى معنى كلامها انك مقطع السمكه وديلها ،المهم انك اتجوزتنى علشان ماعرفتش حد قبلك ،وده إلى خلاك تتجوزنى صح ،بعد اذنك يا باشمهندس
زين :ماتكلمش ولا دافع عن نفسه وقال يسيبنى لما أهدى
(فى اليوم التالى استيقظ زين ولكن لم يجد مى فى الفيلا بأكملها )
زين :ريناد ماشفتيش مى
ريناد :لما شنطتها ومشيت
زين :راحت فين
ريناد : ماعرفش ،هى قالتلى قولى لخالو يبعتلى ورقتى على بيتنا وباستنى ومشيت ،بس ماقالتليش ورقه ايه
علياء :بتدور على مى صح
زين :اه ،ماتعرفيش ايه إلى حصل علشان تمشى
علياء : اعرف ،تعالى بره اقولك
زين :بره اهو قولى
علياء :هو انت ماخدتش بالك كام واحده ادلعت عليك امبارح ولا كام واحده اتصورت معاك
زين :وهى مشيت علشان كده
علياء :ياريت كده وبس ده البنات كل واحده قالتلها حبيتها أد ايه وسهرت معاها كام مره ،وان هى كانت فكراك بتحبها زى اما هى بتحبك ،بس كل واحده قالتلها أن هى مجرد وقت حلو بالنسبالك وهتسيبها عادى ،بس عارف انا كنت فكراها موقعاك بس صعبت عليا لما عرفت أن انت إلى موقعها وبتتسلى بيها
(زين طلع ولبس ووصل عند بيتها وخبط على الباب )
مى :زين عايز ايه
زين :اسمعينى بس ده قبل اما اعرفك لكن لما عرفتك ا.........
مى :مالوش لازمه كلامك يا حضرت الباشمهندس
زين :مش بمزاجك انتى هتسمعى بمزاجك أو غصب عنك
مى :سبته ورايحه امشى ،امشى يا زين لو سمحت
زين :مسك دراعى ،مش هتسيبنى بعد اما اتعلقت بيكى ،مش بمزاجك تحبينى وقت اما تعوزى وتسيبينى وقت اما تعوزى ،انا بقى مش هسيبك وهاخدك معايا دلوقتي ،كان بيتكلم بزعيق
مى :اتكلمت بزعيق مش هتسيبنى ليه
زين :بعصبيه ،علشان بحبك
مى :بتقول ايه
زين :بحبك ومش هسيبك
مى : وده من امتى
زين : من اول مره لمستى فيها ايدى ،واول حضن حضنتيهولى كان نفسي اللحظه دى ماتعديش ،بس كنت خايف تكونى بس قبلتى بالوضع ده علشان اهلك بس وساعتها قررت اتعامل عادى لحد اما شوفتك نايمه كنتى زى الملائكة وساعتها قرأت جزء من مذكراتك وعرفت انك بتحبينى زى اما بحبك ،وانا فعلا إلى كل بنات الحفله كانت بتحبه وهو كان مع كل واحده شويه ،عارفه انا لما قعدت على كرسى كله بعد عنى كأنها عدوى ،انا ماكنتش مصدق انى همشى تانى انتى الوحيده إلى صدقتى انى ممكن امشى ،انتى الوحيده إلى حبيتى زين علشانه مش علشان فلوسه ولا فلته ولا شغله ،انتى الوحيده إلى وقفتى جنبى ايوه انتى الوحيده إلى حبيتها بجد (وقام بالنزول على الأرض وقدم لى خاتم تقبلى تتجوزينى )
مى : ايوه اقبل وحضنته وانا بعيط
زين :مسح دموعى وقالى ماشوفش دموع تانى وحضنى
والد مى :انت جى انت ومى تحضنوا بعض على السلم
زين :هو الحضن ده مالوش نصيب يكمل ،لا ياعمى جينا علشان نقولكم هنعمل فرح علشان قدرت امشى دلوقتي فنقدر نعمل الفرح
والد مى :ماشى ادخلوا بقى ،وبركه انك بقيت كويس
مى :زين انا بحبك اوي
زين :وانا بحبك اوى
تمت