روايةحب في الجامعه
الفصل الرابع4
بقلم ايه منصور
ايه ده حسام كلم ماما ،هو عرف انى اغمى عليا ؟
لين : دكتور حسام كلمك قالك ايه
سعاد :قال انك اغمى عليكى فى الكليه ،طمنينى عليكى
لين :لا يا ماما انا ضغطى وطى بس
سعاد :طب الدكتور قال ضغطك واطى بس
لين :اه يا ماما وهما ركبولى محلول هيخلص ونروح
(بعد اما خلص وروحنا ،روحت تانى يوم الكليه وحظى أن أول محاضره كانت لدكتور حسام )
بعد اما خلصت المحاضره لقيت زمايل كتير بيقولولى الف سلامه عليكي
سلمى : الكليه كلها ملمومه عليكى ماعدا حبيب القلب الى وصلك المستشفى
لين :قصدك ايه
سلمى :قصدى أن دكتور حسام هو إلى وداكى المستشفى
لين :مش وقته هزار
سلمى :انا بتكلم جد
لين :طب وسعى من طريقى
(دخلت لدكتور حسام المكتب )
حسام :بدون اى اهتمام ،عايزه ايه يا لين
لين :انت إلى عايز منى ايه
حسام :هكون عايز منك ايه ،احنا اتكلمنا فى الموضوع ده انبارح
لين :وياترى كل طالبه بيحصلها اغماء بتوديها المستشفى يا دكتور
حسام :اه عادى موقف إنسانى ،بس انتى جايه ليه
لين :حبيت اشكرك على الموقف الانسانى
حسام :العفو على ايه ده واجب عليا
(بعد اليوم الدراسي جه ياسر ياخدنى ،بس المره دى لقيته واقف مع سلمى وبيتكلموا )
لين :الله الله على جو الحبيبه القدام لما يتقابلوا
سلمى :حبيبه قدام مين
ياسر :خليكى محضر خير يا لين
لين :طب اوريكى حاجه تصدقى بيها أنه لسه بيحبك
سلمى :مافيش حاجه هتقنعنى
لين :حتى دبلتك إلى لسه فى أيده
سلمى :انت كل ده لسه لابسها
ياسر :والله ماقلعتها ولا مره
سلمى :طب ليه مافهمتنيش أن الموضوع موضوع فلوس
ياسر :لانى عارف الوضع المادى لعيلتكم وانك هتفكرى تساعدينى ،وانتى عارفه أن كرامتى غاليه عندى اوى
لين :موافقه ترجعيله ولا لا
سلمى :ليا اهل تروح تكلمهم
ياسر :شكلك هتطلعى عينى
سلمى :طبعا اربع سنين كاملين هطلعهم عليك
ياسر :انا بقول اسافر تانى احسن
لين :وده رأى انا كمان
سلمى :يلا نروح يا ست لين عندنا امتحانات
( تانى يوم روحت الكليه لقيت دكتور حسام ملفوف حواليه بنات كتير ،بصراحه كنت يغلى ،بس مادتلوش اهتمام )
حسام فى نفسه :انت إلى غبى بزمتك فى دكتور يحب طالبه عنده ،ماطبيعى تبقى دى النهايه بتحب واحد تانى ،بس انا كنت متاكد انها بتحبنى ،نظره عينيها كانت بتقول كل حاجه واللمعه إلى فيها بتقول انها بتحبنى ،بس ازاى حد بالبرائه دى يعرف يخون ،انا مش هفضل واقف مكانى كتير انا لازم اواجها ،هخلى حد يندهالى ويجى
(بعد مرور فتره قصيره دخلت عنده المكتب )
لين :خير حضرتك عايزنى
حسام :اه ،عايز اعرف منك شويه حاجات ماتخصنيش اوى بس لازم اعرفهم
لين :تحت امر حضرتك اتفضل
حسام :هو ازاى انتى وصاحبتك بتحبوا نفس الشخص ،يعنى مره اشوفه حاضنك وماسك ايدك فى المستشفى ،ومره تانيه واقف مع سلمى وبيقولها لسه بحبك
لين :انت فاهم غلط
حسام :لسه ماكملتش كلامى ،عارفه جو الاحضان وكده مش فى الحرم الجامعي يا استاذه يا محترمه ده فى أماكن تانيه وانتى فهمانى كويس
