روايةحب يتحدي المرض
الفصل الثاني2
بقلم ايه منصور
سارة :انا عندى كانسر
سامر : بتتكلمى بجد
سارة :ودى حاجه اهزر فيها
سامر :طب بصى يابنت الناس كل واحد فينا يروح لحاله ،معلش بس انا مش هقبل ولادى يطلع عندهم مرض زى ده ،معلش انا اسف بس انا مش هتجوز واحده مريضه اصرف على مرضها وياريت ماتتصليش بيا تانى واعتبرى كل إلى بينا انتهى وقفل
سارة :انا انصدمت وعيطت وانا فى المستشفى وجالى حاله انهيار دخل الدكتور وإدانى مهدئ وبعدها ماحستش بحاجه غالبا نمت
(بعدها بفتره عرفت أنه اتجوز ندى صاحبته فى الشغل وعمل فرح عادى وعرفت كمان أنهم كانوا بيحبوا بعض وانتهز فرصه أنه يضحك عليا علشان بابا متوفى فماليش ضهر )
بعد اما قفل قعدت افكر كتير انا ايه إلى يخلينى احب حد خاين كده هى دى تعاملاته الى كنت بشوفها وبعمل نفسى مش عارفاها وغادر ساعتها عرفت انى بجد كنت غبيه وساذجه بس مش دى حكايتى انا حكايتى لسه بتبدا
بعد اما اخدت مهدئ وبعدها نمت صحيت كنت لسه بفتح لقيت حد جميل جدا ،الظاهر أنه الدكتور
الدكتور :صباح الخير يا ساره
سارة :....
الدكتور :سارة
سارة :ايه
الدكتور :صباح الخير
سارة :صباح النور
الدكتور :ينفع إلى عملتيه فى نفسك ده ،اصلا ايه إلى حصل لكل ده
سارة : خطيبي سابنى
الدكتور :ده سبب مقنع ؟،وبعدين انتى عملتى ايه علشان يسيبك
سارة :ماعملتش حاجه
الدكتور :هو كان بيحبك
سارة :لا كان بيتسلى بيا وهو خطيبى
الدكتور :وماسبتيهوش ليه
سارة :قولت هيتعدل بعد فترة
الدكتور :ووالدك سابك كده
سارة :هو فعلا سابنى بس مش بمزاجه
الدكتور :قصدك مسافر يعنى
سارة :لا والدى الله يرحمه
الدكتور : البقاء لله
سارة :لله وحده ،هو انت اسمك ايه
الدكتور:احمد
سارة :على فكره هو لما عرف انى مريضه سابنى مع أن مش بمزاجى المرض
الدكتور :سارة انتى عارفه أن لازم يكون عندك اراده علشان تخفى
سارة :اجيب اراده منين
الدكتور (احمد):انا معاكى وانتى عارفه أن شاء خير وربنا بيحبك
سارة :بس انا انصدمت فيه ،وراضيه وصابرة وبحمد ربنا والله
احمد :تسمحيلى اقولك على حاجه
سارة :اتفضل
احمد :انتى إلى غلطانه الى بيحب حد عمره ماهيفكر بيسيبه كان من الاول لازم تشوفى بيهتم بيكى وبيتعامل معاكى ازاى ،،وبيكلمك ويسأل عليكى وعمره مايزعلك ومش بينيمك معيطه وبيجيبلك هدايا وبيعيد عليكى فى المناسبات ،مشكلتك انك حطيتى هدفك انك تتجوزى وخلاص ،لا لازم تدى لنفسك فرصه حبتيه ولا لا وكويس ولا لا ومحترم ولا لا وتعمليله اختبارات
سارة :ضحكت جدا وقتها ،اختبارات يعنى واحده تكلمه وكده
احمد :اكيد مش الاختبارات دى بس على فكره ضحكتك حلوه اوي
سارة :شكرا ،بصراحه وبينة وبينكم لما بتكلم معاه بحس كلامه بيريحنى
(عدى اسبوع وفى خلال الأسبوع بقينا أصحاب جدا لحد اما جه قالى تعالى علشان نشوف نتيجه التحليل