روايةحب في الجامعه
الفصل السابع7
بقلم ايه منصور
(بس يارتنى ما روحت لوحدى ،هقولكم ليه )
شخص ما :ايه يا حلو ماشى لوحدك ليه
لين :مابصتش وعملت نفسى مش واخده بالى
نفس الشخص :طب ما تبصيلى ما يمكن اعجبك
لين :استغفر الله العظيم ،حاولت اتصل بياسر مش بيرد ،فينك يا ياسر
نفس الشخص :لو لازمك ياسر انا احسن منه
لين :ملاقتش حل غير انى اتصل بحسام بسرعه
نفس الشخص :هتفضلى ممشيانى وراكى كتير
لين :ابعد عنى بقى وسيبنى فى حالى
نفس الشخص :طب بذمتك فى قمر كده بتساب لوحده ،احكمى انتى
حسام :هحكم انا ،اركبى العربيه
الشخص :جرى طبعا بعد اما اضرب من حسام
__________________________
لين :بعياط ،انت عرفت منين انى هنا
حسام :اصل اول مره تتصلى بيا فقولت اكيد فى حاجه وبعدين قولت لازم الحقك لانك مابعدتيش عن الكليه ،وبطلى عياط بقى الموضوع خلص
لين :وعرفت منين انى فى الشارع ده بالذات
حسام :بشوفك وانتى مروحه فعارف بتروحى منين ،بطلى عياط بقى
لين :انا خفت عليك
حسام :قولتى ايه
لين : خوفت يحصلك حاجه ابقى انا السبب
حسام :شكرا ،بس على فكره انا خوفت عليكى
لين :ايه
حسام :مش بغير كلامى ،قولت خوفت عليكى
لين :طيب ايه مش هتروحنى
حسام :لا هتيجى معايا
لين :على فين
حسام :البيت
لين :نعم يا استاذ ،انت اتجننت
حسام :انتى فهمتى غلط ،هعرفك على ماما
لين :اسفه شكيت فيك
حسام :ايه تيجى معايا
لين :لا
حسام :ليه
لين :عرفها عليا فى خطوبه ياسر
حسام :ماشى ياستى
لين :ممكن تروحنى بقى ،بس هو انت ليه عايز تعرفنى على مامتك
حسام :عادى عايز اوريها اصحابى
لين :نعم ،اصحابك
حسام :اه ،هو احنا مش اصحاب ولا ايه
لين :لا طبعا اصحاب ،قولتها وانا متضايقه ،مش عارفه ليه ،حسام
حسام :نعم
لين :هو كلامنا رسايل حرام ولا لا حسام :بتسالى ليه
لين :عادى بس مش عايزه اكون بعمل حاجه حرام
حسام :لا مش حرام
لين :ازاى يعنى
حسام :هتعرفى بعدين ،وصلتى اهو
(بصراحه قعدت افكر كتير بأنه مش حرام وهتعرفى بعدين ،مره يدينى امل انه بيحبنى وبعدين يقولى احنا اصحاب ،بس قطع تفكيرى ،خبط ياسر على الباب )
لين :ادخل
ياسر : ليه ماحكيتليش إلى حصل
لين :احكيلك ازاى وانت مش بترد ،عالعموم حصل خير وحسام جه فى الوقت المناسب
ياسر :صح ماقولتليش ايه موضوع حسام ده
لين :هو دكتورى عادى
ياسر :لا بسال على شخصيته ايه رأيك فيها
لين :كويس جدا
ياسر :الظاهر أن شخصيته عجباكى
لين :اه ودكتور ،حد يطول
ياسر :يعنى لو اتقدملك حد زيه توافقى
لين :حد زي حسام ،لا ده مافيش زيه ،فارفض
