روايةمات ولكنه حي
الفصل التاسع9
بقلم ايه منصور
(عدى اليوم بهدوء لحد اما حسام جه يصحينى )
حسام :ميرى حبيبتى اصحى يلا علشان نخرج
مرام :لا لا بصريخ
حسام :مرام مالك حبيبتى ده حلم
مرام :صحيت ،بعياط حلمت بيه يا حسام
حسام :حسن تانى يامرام
مرام :اه هو
حسام :حلمتى بايه
مرام :حلم وحش خايفه يتحقق
حسام : خلاص قومى اتوضى وصلى الظهر ويلا علشان ننزل هنروح يخت احنا الأربعة
(لما وصلنا اليخت حسام مارداش يجى )
مرام :حبيبى انا خلصت يلا
حسام :روحوا انتو انا ورايا مشوار وهاجى على بالليل لما تكنوا روحتوا
مرام : اتفاجئت ،انت فعلا مش جى
حسام :اه
منى : خلاص روح انت وانا مرام هتقعد معايا
مرام :انا فعلا مش فاهماه،ده فعلا مشى
منى :انتى مزعلاه فى حاجه
مرام :لا مش مزعلاه
منى :اكيد مزعلاه حسام مابيقلبش كده الا لو حد ضايقه
مرام :مش عارفه هفكر
(بعد شويه كنت واقفه سرحانه )
حسن :يا ترى جبتيه ولا لسه بتفكرى فيا
مرام :عايز منى ايه يا حسن ،ابعد عنى بقى وبعدين منى بتحبك
حسن :ليه قولتى انى ميت
مرام :علشان انت بالنسبالى .....
منى :ها كلمتى حسام ولا لا
حسن :كنت لسه بقولها تصالحه
مرام :عينى دمعت
منى :للدرجه دى زعلانه انك مزعلاه ،خلاص هروح أكلمه اخليه يجى
حسن :كملى
مرام :اكمل ايه انت ماعندكش دم افرض سمعت
حسن :كملى بدل ما اقولها انا بنفسى
مرام :علشان انت بالنسبالى من يا حسن خلاص واه انا حاليا بحب حسام وبتمنى اكمل حياتى معاه ،لانه مش زيك
حسن: وانا المفروض اقتنع اومال مش قادره تبصى فى عينى ليه وتقولى انك بتحبى حسام ومش بتحبينى
مرام : بصيت فى عينه ،انا بحب حسام جدا و.....
حسام :مرام وانا بحبك جدا وحضنى وقالى تعالى معايا
مرام :كويس انك جيت انا مبسوطه ب.......
حسام :حسن كان بيقولك ايه
مرام :(قصيت عليه ما حدث )وانا كنت هقوله انى بكره لحد اما انت جيت
حسام :انا كنت مش جى لحد اما حسيت انك خايفه فجيت
مرام :انا عارفه انى مزعلاك بس مش زنبى انى احلم بيه
حسام : إلى مضايقنى انك خايفه وانتى معايا ،عارفه احساس واصلى انك جنب جوزك ومش حاسه بالامان احساس يقتل
مرام :والله انا عمرى ما حسيت بالأمان ولا كنت مطمنه غير وانا فى حضنك
حسام :حضنى ،حلو الأمان ده
مرام :ضحكت
منى :العرسان الحلوين ،الاكل جاهز يلا ،مرام تعالى هسالك على حاجه
مرام :ايه يا حبيبتي
منى :هو حسن قالك حاجه
مرام :حاجه زى ايه
منى :يعنى قالك أن هو مش بيحبنى وبيحب واحده تانيه
مرام :ليه بتقولى كده
منى :سمعته بيقول لواحد صاحبه هقول لمنى على كل إلى كان بينا من حقها تعرف بردو
