روايةحب في الجامعه
الفصل الثاني2
بقلم ايه منصور
احمد :لين اتفضلى الدكتور مستنيكى
حسام : ازيك يا لين ،اتفضلى اقعدى واقفه ليه
لين :قعدت ،شكرا يا دكتور ،انا الحمدلله تمام
حسام :عرفت انك فى أول 3سنين جبتى امتياز ودى اخر سنه فممكن تبقى معيده ،عايز اقولك أن دى أهم سنه فى حياتك وهى إلى هتحدد مصيرك أو مستقبلك كله متوقف عليها ،انا بس حبيت اقولك الكلام ده لانى كنت فى يوم من الايام فى مكانك ،لما مانفعش اكون فى النيابه اجتهدت وربنا عوضنى فحبيت اعرفك من أولها أن الدنيا مش هتقف عند حاجه
لين :بصتله بابتسامة ،تعرف ده نفس إلى حصل مع بابا زمان بس هو حاليا فاتح مكتب محاماه ومشهور
حسام :ايه ده الموضوع بالوراثة عندكم
لين :ضحكت ووشى احمر ،طب حضرتك تامر بحاجه تانيه
حسام :لا شكرا حبيت انصحك النصيحه إلى كان نفسى حد ينصحالى بدل سنه الاكتئاب إلى عشتها دى
لين :بصتله بإعجاب بشخصيته ،هو جنتل اوى ،كنت نفسى اسمع الكلام ده ،الحمدلله شجعنى جدا بكلامه ده
(مر اول اسبوعين من الترم كنت بستنى محاضرات دكتور حسام ياه ايه الجمال ده )
عقلى : لين بطلى هبل فاضل سنه عديها على خير مش وقته حب خالص
قلبى :ماهو يتحب بردو دكتور وجنتل وزى القمر لا بجد جميل جدا
عقلى :انتى عبيطه هيسيب الكل ويحبك انتى فيكى ايه زياده
قلبى :ماتسمعيش كلامه ده اهبل انتى حلوه وجميله وتتحبى
(بس انت وهو جبتولى صداع )
احمد : دكتور حسام عايزك
حسام :لين لو سمحتى عايز البحث ده يخلص كمان يومين قبل امتحانات الميد ترم ،عارف أن الوقت صعب بس ده مهم جدا ، هما قالولى رشحلنا طالب وانا رشحتك
لين :حاضر يا دكتور أن شاء الله وخرجت من كتر ما انا حابه اتعامل معاه واكسب ثقته خلصته فى 12ساعه
(روحت تانى يوم الكليه ودخلت على مكتبه وقعدت وهو دخل بعد ربع ساعة )
حسام :لين بتعملى ايه هنا
لين :مستنيه الدكتور
حسام :ضحك ،جايه تعتذرى عن البحث ،طيب مافيش مشاكل عارف ان الوقت صعب
لين :ضحكت اوى ،لا خالص انا جيت اديهولك اصلى خلصت
حسام :لين بجد احلفى انك خلصتيه
لين :يا دكتور بجد والله خلصته
حسام :ازاى فى 24ساعه
لين :لا هما 12ساعه بس وبعدين دى قدرات
حسام :شكرا يا لين انك ماضيعتيش ثقتى فيكى
لين : العفو بعد اذنك ،ومشيت وانا فرحانه
حسام لنفسه :ايه يا دكتور هتحب طالبه عندك لا اعقل كده مش فاضيين للحب
(بعد اليوم الدراسي خبطت فيه وانا بتكلم فى الفون )
لين :ايوه خليك معايا وحشتنى اوى ،جيالك حالا
حسام لنفسه :بتكلم حد وتقوله وحشتنى اوى ،لا لازم اشوف بتكلم مين وريحاله بسرعه ،لا استنى انت مالك ،لا ليا لازم اشوف وخلاص ،وانا رايح بقدم خطوه وبرجع خطوه ومن جوايا خايف تكون بتحب حد لحد اما روحت واتصدمت اوى لما لقيتها حاضنه واحد
لين :حبيبى يا ياسر وحشتنى اوى ،ليه ماقولتليش انك جى بس حتى كنت استنيتك فى اى حته بره الكليه ،بدل ماواحده من البنات تبصلك ،بجد وحشتنى جدا
ياسر :حضنى جامد وباس راسى وقال والله اول حد رحتله انتى
