رواية جبروت انثي وسطوة رجل الفصل التاسع الاربعون49بقلم الاء الرحمن
المحكمة
حضر المحاميين وفعلا كانت نور مش موجودة ودخلوا الجلسة
ولسه هيبتدوا دخلت نور بكل برود
ادهم ما بصلهاش خالص والتزم الصمت
القاضي ابتدا الجلسة وسأل نور
نور العمري موافقة على الطلاق من ادهم العمري بكل ارادتك وبدون ضغوطات من اي حد
نور من غير تردد :ايوه موافقة
القاضي :ادهم العمري موافق على طلاق نور العمري ومن غير اي ضغوطات من اي حد
ادهم بجمود وهو باص للقاضي بدون اي نظرة لنور : لا يا حضرة القاضي
نور بصتله بصدمة واستغراب وعدم فهم
ادهم كمل بنفس الجمود :انا احب زوجتي احبها جدا وليس لدي اي نية لتطليقها
القاضي : لكن في الاوراق الطلاق موجود بالتراضي
ادهم :يكتبوا الي يكتبوه حضرة القاضي انا مفيش عندي نية اني اطلقها خالص
نور كانت بتبصله بصدمة ولسانها متربط معرفتش تعمل ايه بصت لاسد عشان يتصرف
اسد :لكن حضرتك
القاضي بص لادهم وجموده : ايه بالنسبه للتهم الي موجهالك بأنك بتضرب زوجتك ولاغي كيانها وغير معترف بذاتها
ادهم ببرود :حضرتك فين الورق الي يثبت اني بضربها
القاضي بص لاسد
اسد بغيظ :الورق اختفى الصبح
ادهم : ولو على اني بلغي كيانها ادهم مسك ورق من قدامه حضرتك مراتي عندها شركة وبتشتغل وعندها بيتها وحاليا عايشة فيه وبتخرج وبتيجي زي ما هي عايزة فين الكيان الملغي بالكلام ده
القاضي :نور العمري انتي بتشتغلي
نور توترت :ايوه حضرتك
القاضي : ايه الكيان الي بتتكلمي عليه
نور بصت لاسد ينقذها
ادهم ضحك بسخرية :انا اقولك يا سيادة القاضي الغاء الكيان الي بتقول عليه لما اقولها كلمة بتضرها واقولها ما تعملهاش وتعملها بالعند فيا
الغاء الكيان عند نور العمري غيرتي عليها من واحد انا متأكد انه عينه منها وهي شافت ايه الي حصل بسببه
الغاء الكيان الي بتقول عنه خوفي عليها من اي حاجة ممكن تضرها
لو الي بقوله ده الغاء كيان يبقى فعلا انا بلغي كيانها
القاضي سكر الملف : تقفل قضية الطلاق برفض القضية واعطاء فرصة للطرفين بالاتفاق
ادهم استأذن ومشي من غير ما يبصلها ونور حصلته وهي متعصبة
ادهم طنشها وشغل عربيته ومشي
نور بغضب :عايز ايه ده انا مش فاهمة حاجة
اسد من وراها :عايز يسيبك على راحتك لكن وانتي على ذمته
نور بغضب :والحل
اسد :للاسف لو التقارير لسه معانا هنعرف نتصرف لكن غير كده مفيش حل غير انكم تتفقوا على الطلاق
نور بغيظ :ااه يا ربي هخلص منه امتى بس
.................................................
عند ادهم رجع الشركة
مازن :حصل ايه اتطلقتوا
ادهم بص للورق الي قدامة :لا
مازن :ازاي حصل ايه
ادهم بصله وشبك ايديه :يهمك في ايه تعرف
مازن بغيظ : ادهم ما تستهبلش انت عارف انه امرك يهمني اكتر من نفسي
ادهم : ما حصلش حاجة قلي موافق قلتله لا وبس
مازن :يا سلام بس كده
ادهم :ايوه بس كده
مازن :وانت هتفضل كده بعيد عنها وسايبها
ادهم :هي عايزة كده وانا بلبي رغبتها
مازن :ايه رائيك النهادة في سهرة لوز الوز في شقتي الي في التجمع
ادهم :بتهزر صح سيرين عايشة فيها
مازن :لا سيرين رجعت للڤيلا في بيت العيلة
ادهم :اها
مازن :ايه ازبط قعدة حلوة نهيص فيها
ادهم 🤨 :ومراتك
مازن :يوووه هتقطمني دلوقت اسهر لوحدي فكك من دور الشرف والمخلص الي عايشة ده شوف نفسك يا كينج وسيبك منها وهي هتجري وراك وقول مازن ما بيفهمش لو ما جريتش وراك هي لما تصدرلها عدم الاهتمام رد على اخوك تكسب
ادهم ببرود طنش كلامه:هشوف هعمل ايه ولو فضيت هعدي عليك
.................................................
عند نور روحت البيت وهي متجننة واول ما شافوها منال :طمنيني حصل ايه
نور بجنان :ما قبلش يطلق انا مش فاهمة هو عايز ايه
نبيل :اهدي كده وقولي ايه الي حصل
نور قصت عليهم الي حصل
ندى بنفسها :جدع يا ادهم والله ما تستاهل الرزلة دي
نبيل :طيب وانتي ايه الي مدايقك راجل وشاري مراته ومتمسك فيها وعلى فكرة ادهم انا معاشرة وعارفة هو عايزك تجيبي اخرك
نور بجنان :ما تجننونيش لو ما كنتوش على كل المشاكل الي حصلت بينا من ضرب لشتيمة لتملك لاتهامي بالخيانة وميت حاجة وحاجة وبصت لندى مش عايز اشوف في عينيكي النظرة دي
انتي الي كنتي عايشة معايا وشايفة كل الي عمله معايا من اول يوم كنا متفقين نعيش في بيت لوحدنا وبعدين اخلف بالموضوع
عايز يلغي كلمتي ومش عايزني اتكلم مع اي حد خالص ولو ضحكت قدام حد بيتجنن
كان هيقعدني من الشركة لمجرد اني بتناقش معاه
طلقني من غير اي سبب
ضربني
واغتصبني
وكان هياخد شركتي الي تعبت فيها
عايز يبعدني عن كل الي بحبهم واولهم خالتوا مروى
لو عايزة اقعد يومين عند ماما ممنوع
ممنوع اتأخر بره البيت وهو عارف ومتأكد انه احيانا كتير شغلي بيكون بالليل
وبصتلها ودمعة نزلت منها الي حصلي من ادهم مش قليل بيحبني اه لكن بيهتم فيا لا اهم حاجة عنده انه كلمته تمشي ما بيعرفش يحتويني خالص
ليه انا الي دايما لازم امشي المركب ليه انا الي لازم اداريه واحاول ارضيه
هو هو الي لازم يعرف يحتويني هو مش طفل مش طفل يا ماما عايزني دايما جنبه وبدموع
احنا القوارير مش هما احنا الي لازم تخافوا علينا لا نتكسر مش انتوا
منال بدموع عليها :اهدي يا حبيبتي اهدي ندى ما تقصدش
نور بدموع :لا تقصد يا ماما تقصد من لما ادهم عمل موقف العسكري وغيرته عليا وهي بتبصلي بنظرات لوم
لا يا ندى لا لو انتي موافقة تفضلي زي ما انتي وادم يجي عليكي كتير قوي وتستحملي وتقولي عشان الي ببطني انا بقولك انا لا انا كنت لوحدي طول عمري وعرفت ابني نفسي من اللا شيء وانا الي صرفت عليكي وكبرتك وعلمتك لو ناسية افكركك
مش هستنى راجل يجي عليا دلوقت ويضربني وبالاخر يعمل كم حركة تبينلي انه بيحبني انا عارفة ومتأكدة انه بيحبني لا بيعشقني لكن مجنون ادهم مجنون لما بيغير ما بيشوفش حاجة قدامة يعني مستعد يقتل قتيل ويجي يقولك بسبب الغيرة وبصت لوالدها لو عايزني في يوم ابقى بكفني قدامكم هرجع لادهم وهيكون سبب الوفاة ادهم العمرة قتل مراته بسبب الغيرة
انا اقدر اربي ابني لوحدي ومن غير مساعدة من حد وهو الي هيبقى سندي بعد ربنا
ندى :نور انا والله ما اقصد كل الي فهمتيه
نور سابتهم وطلعت وقفلت الباب عليها عيطت جامد
نور حطت ايدها على بطنها بدموع :هاخد بالي منك ومش هسمح لحد يقرب منك وده وعد مني ليك هنسند بعض وهربيك واكبرك واعلمك احسن تعليم
نور مسحت دموعها وخدت شاور
وفرشت سجادة الصلاة وبكت بين ايدين ربنا
تحت عند منال
نبيل : البنت دي قوتها دي هتجيبها الارض في الاخر لازم ترجع لادهم بكيفها او غصب عنها
منال بسخرية :ايه عايزها هبلة زيي
نبيل رفع حاجبه :ما تتكلمي عدل
منال بنظرة خذلان :طول عمرك كده يا نبيل وهقولها والي يحصل يحصل طول عمرك جبان وعمرك ما وقفت في وش حد على شاني اتهموني بشرفي وما رفعتش صوتك حتى وكنت متأكد انه فريدة الي عملت فيا كده وبرضه سكت
من زمان وانت مش مسؤول عن حاجة وانا معدية المركب بعدت عنك وكبرت بناتي وربتهم ما يكونوش زيي يا نبيل وبدموع ولما شوفتك من جديد ما قدرتش ابعد عنك كنت عايزك جنبي في اخر ايامي عايزة حبيبي الي عمري ما نسيته لثانية لكن انت انت ما تغيرتش دايما بترمي كل حاجة على الغير ومش متحمل مسؤولية حد اهم حاجة نفسك وبس يا نبيل انا تعبت تعبت بجد
ندى :ماما بلاش تتعصبي انتي حامل
نبيل بغضب :بعد كل الي عملته على شانك بتقولي انتي كده ده انا خسرت عيلتي كلها على شان بس اتجوزك
منال زقته بغضب :روح روح ارجع لبيتك انا مش عايزاك هنا روح من بيتي
ندى :اهدي يا حبيبتي ارجوكي بابا روح دلوقت وهي لما تروق ارجعلها
نبيل :ماشي ماشي يا منال
نبيل سابها وراح القصر
..................................................
في القصر
سامي قرب من مروى الي يدوب بتتكلم من لما خرجت
سامي مسح على شعرها بحنية :وحشني صوتك يا مروى وحشني اسمعك وانتي بتخانقي وبتصرخي وبتضحكي
مروى بصتله والدمعة في عينيها
سامي قربها من وحضنها وهي استكانت في حضنه :كل حاجة هتعدي هتعدي ووعيالنا شوية سوية هينسوا كل الي حصل وداني اهو ابتدا ياخد على الوضع
مروى :انا عايزة ابعد عن هنا
سامي بعد عنها بغضب وبصلها بحزم :نجوم السماء اقربلك مش بعد مل الي حصل ده تقوليلي ابعد انا لو هعيش يومين كمان هايز اعيشهك معاكي انتي وبس كفاية يا مروى بعد السنين دي استاهل انك تسامحيني انا والله استغفرت وتوبت ارحميني بقى
هنا دخل داني وقرب منها بابتسامة
ست الكل عاملة
مروى ابتسمتله
داني حس انه في حاجة
بص لسامي :في ايه
سامي سابهم ومشي متعصب
مروى مسكت ايده :انت عارف اني بحبك قوي مش كده
داني باس دماغها : عارف يا امي عاف وانا بتأسف لو اتعصبت عليكي في يوم انا لما تعبتي عرفت يعني ايه اني ممكن اخسرك لو للحظة
مروى بدموع :عايزك تعيش معايا هنا وتتجوز هنا
داني :بس
مروى حطت ايدها على بوقه :ما بسش عايزك تتجوز واشوف ولادك قبل ما اموت
مروى بتردد اوعى تكون لسه بتفكر بنور
داني بغضب :انتي بتقولي ايه يا ماما نور اه كنت بحبها لكن والله عمري ما خونتها ولا أذيتها ولما عرفت انها متحرمة عليا مش عارف وكأنه ربنا شال كل حاجة حلوة ليها بقلبي وكأني عمري ما حبيتها
انا دلوقت بحبها وبخاف عليها اه بس مش حب حبيب
حب صديق حب عم لبنت اخوه وبس
مروى :ربنا يكملك بعقلك يا حبيبي لكن الي يقولك انه شافلك عروس جميلة وبنت ناس
داني :ايه هتشتغلي ليا خطابة يا مارو ولا ايه
مروى :انت ابن قلبي يله
دخل مالك :وانا ابن ايه ابن البطة السوداء
مروى ابتسمت
داني بمرح :ههه قديمك قديمك يا حبيبي
مروى :انت حتة وداني الحتة التانية مفيش واحد بيزيد عن التاني ولا حتة صغيرة
مالك باس دماغها :ربنا يخليكي لينا وبهمس لكن ايه الج طالع متعصب من عندك في ايه ولا باين جه يقولك تلبسيله شفتيشي ما قبلتيش
مروى😳:بس اخرس يا ولد
داني :ههههههه ولا يمكن كان هياخد بوسه والحجة اتحججت بتعبها حجج النسوان انت عارفها
مروى خبطتهم بالوسادة : امشي يله امشي منك ليه مش عايزة اشوف حد فيكم هنا امشوا
داني ومالك خرجوا وهما بيضحكوا
كان ادهم وقف ببرود :مساء الخير
داني باستفزاز : مالك انا هروح اطمن على خالتي واحشاني قوي
ادهم شد على ايده بغضب
مالك اتجنن من داني :مساء النور يا ادهم عامل ايه
ادهم :كويس هاخد شاور وهرجع اخرج عندي معاد مع واحد صاحبي
وبص لداني بسخرية سلملي على الي واحشاك يا يا عمي وسابه ومشي
مالك بص لداني :انت ليه بتكرهه
داني :ما بكرهوش لكن بحب استفزه
مالك🤨
...................................................
عند نبيل
طلع لسناء اوضتها وهي استغربت
سناء ببرود :في ايه داخل هنا ليه
نبيل :ايه هاخد معاد على شان ادخل لأوضتي ولا ايه
سناء :ما بقتش اوضتك يا نبيل اخرج بره ولو انا كنت لسه على ذمتك يبقى على شان العيال
نبيل مسك دراعها بغضب :ايه القطعة بقت بتخربش ولا ايه
سناء بغضب :سيب دراعي
نبيل :ولو ما سبتش
سناء :هصوت والم عليك كل الي بالقصر حاي هنا ليه هاه جاي ليه ولا اتخانقت مع ست الحسن والجمال جيت تقضي وقت عند الهبلة سناء
انا بكرهك بكرهك يا نبيل وبكره اليوم الي اتجوزتك فيه
جت منال نسيت نفسك ونسيت عيالك وبدموع نادر من شهر ونص مش في البيت عارف يعني ايه شهر ونص
نبيل بغضب :ما قالولك انه مسافر في شغل
سناء :هههههههه شغل شغل ايه يا ابو شغل الي يخليه ما يطمنش عليا ده ما كانش بيعرف ينام قبل ما يجي يبوس دماغي ازاي بقى اختفى كده من غير اي سابق انذار
وزقته بغضب ودموع ابنك بيتعالج من الادمان يا نبيل ابنك هرب للادمان مننا اختار حد يهتم فيه وملقاش غير المخدرات
نبيل بغضب :ايه الي بتقوليه انتي مستحيل امتى وفين
سناء وهي بتعيط قصت عليه كل الي حصل
نبيل سابهم وراح لمازن بيته الي في التجمع
.........................
عند ادهم
خد شاور وبدل هدومه ونزل راح لمازن كان مزبط قعدة حلوة وفيها بنات
ووحده منهم ادهم كان عاجبها من زمان
قربت منه : تعرف انا نفسي من زمان اعرفك واقرب منك كنت حلم بعيد عني وحطت ايدها على كتفه بدلع
ادهم شرب كاس وزق ايدها عنه بغضب :ولسه بعيد
مازن كان بيرقص مع وحده وادهم متجنن مش عايز يكون هنا
وقف هيمشي فتح الباب لقى بوشه نبيل
نبيل زقه ودخل واتصدم منهم بنات وشرب ورقص وحاجات تقرف