رواية عودة الجاحد الفصل الثاني2بقلم الاء الرحمن
خبطت نقاء ودخلت كان مديها ظهره وبأيده فنجان القهوة
نقاء :مساء الخير انا الدكتورة نقاء
زين لفلها عينيه متسلطة عليها بطريقة غريبة جدا
نقاء بصتله بصدمة ووقعت الورق الي بين ايديها :ا ان انت
زين قعد على الكرسي ببرود ولسه عينيه متسلطة عليها : اطلس زين السامري
نقاء فضلت متنحة فترة مش عارفة تعمل ولا تقول ايه
زين قام وسند بجذعه على المكتب : اتصدمتي ليه
نقاء تداركت نفسها :ازاي
زين ببرود :عادي يا دكتورة اسمي اطلس واسم والدي زين وبحب يندهولي بالاسم ده اكتر
نقاء من توترها ورجفت ايديها وقعت الورق الي في ايدها :انا اسفة هلمه حالا
زين قرب منها ولسه هتمسك الورق مسك ايدها
نقاء بصتله بغضب
زين :الي زيك ما تنزلش الارض ابدا
نقاء بعدت عنه بغضب :هو في ايه
زين وقف وهو بيبصلها بصمت
نقاء لملمت الاوراق بسرعة وهو لسه بيخترقها بنظراته
نقاء وهي خارجه :انا لغيت اللقاء
اطلس بغضب :استني عندك هو انا سمحتلك تخرجي
نقاء بصتله بغضب مشابه :وانت مين على شان تسمح او لا
اطلس شد على ايده بغضب وحاول يهدا :انا بعتذر عن الي حصل
اتفضلي اقعدي
نقاء زفرت بغضب وقعدت
اطلس طلب اتنين قهوة
اطلس بصلها :قهوتك ايه
نقاء :سادة
اطلس :اتنين سادة يا عم محمد
اطلس بصلها :اتفضلي
نقاء اتنهدت :مش هقدر دلوقت لو عندك وقت نأجل المقابلة دي
اطلس بصلها بغموض
نقاء :احم هو انت دايما غامض كده
اطلس رجع بظهره لورى وهو بيلعب بمفاتيح العربية على المكتب :لا انا اكتر حد واضح في العالم لكن بتجنن لم حد يقل احترام
نقاء رفعت حاجبها :تقصد دلوقت اني قليت احترامك
اطلس اخترقها بنظراته :دخلتي هنا وشفتيني كأنك شايفة عفريت
نقاء :اها ما توقعتش تكون نفس الشخص الي قابلته في المطعم اي حد مكاني هيتصدم
اطلس :امممم عموما اسأليني الي عايزاه لاني مش هعرف الاقي وقت تاني للمقابلة دي
نقاء :حقيقي مش هقدر دلوقت
اطلس بمكر :اقدر اعرف السبب
نقاء غمضت عينيها بألم وحاولت تتكلم بطبيعتها :لما بتصدم من حد ما بعرفش ادي شغلي حقه فلو عندك وقت اشوفك مرة تانية
هنا دخل محمد وفي ايده القهوة حطها قدامهم ومشي
اطلس ببرود :اها اتفضلي اشربي القهوة
نقاء حاولت تشرب القهوة بسرعة لدرجة انها اتلسعت وده كله بسبب نظراته الي بتاكلها
نقاء :هو ممكن سؤال
اطلس : اتفضلي
نقاء بصت في عينيه:انت بتبصلي كده ليه
اطلس بص في عينيها واتكلم بكل جرأة :عجباني
نقاء وقفت بغضب :ما تحترم نفسك يا جدع انت
اطلس فضل زي ما هو ملامحه ساكنة :تقدري تتفضلي دلوقت وانا هبقى اخلي سهم يكلمك ويقولك موعد المقابلة الجاية
نقاء خدت شنطتها ونسيت الورق حتى ومشيت
خرجت كانت ريم بانتظارها
ريم بلهفة :هاه حصل ايه
نقاء بنرفزة :امشي دلوقت عايزة اطلع من القصر الخنيق ده
ريم :في ايه يا بنتي ما تفهميني
نقاء ركبت عربيتها تحت استفسارات ريم الي ما بتخلصش وخرجت بر ه القصر
ريم :ممكن تهدي وتفهميني حصل ايه خلاكي اتجننتي كده
نقاء ركنت العربية وبصت لريم :عارفة زين السامري يطلع مين
ريم باستغراب :مين احنا نعرفه
نقاء بغيظ :هو نفسه اطلس الراجل الي شفناه مع سهم وريتا
ريم بصدمة :بتهزري صح
نقاء :اه والله
ريم :طيب وحصل ايه باللقاء عملتيه
نقاء زفرت بغضب :اتصنمت ما عرفتش اكلمه كان بيبصلي بطريقة تخوف كنت حساه بيجردني من هدومي
ريم :غريبة يعني ليه ما قالش من الاول
نقاء :ده الي جنني
ريم : حصل ايه تاني
نقاء اتنهدت :نظراته خوفتني سألته بتبصلي كده ليه لو تعرفي الوقح جاوبني بأيه
ريم :ايه
نقاء بغيظ :قالي بكل برود عجباني
ريم :هههههههه بتهزري
نقاء :بتصحكي ده انا كان نفسي اطول زمارة رقبته واخنقه
ريم :وانتي متجننه ليه ما يعجب ولا يفطس المهم المقابلة
نقاء :قلي انه هيكلم سهم ويحدد موعد تاني
ريم شردت :سهم تلاقيه مع ريتا هو فاضي لحد
نقاء بحزن عليها مسكت ايدها : حاسة فيكي يا ريم لكن الي يبيعك بيعه
ريم نزلت دمعه منها : بحبه بحبه يا نقاء مش قادرة اخرجه من دماغي انا حاسة اني بخون ريتا لكن قلبي مش في ايدي وهو الي كان اهتمامه غريب جدا
نقاء :انتي الي غلطانة سهم طول عمره بيعتبرك اخته وانتي الي كنتي مدياه كل مشاعرك من لما دخل المشفى وهو بيجري ورى ريتا وانتي عارفة كده وانتي الي بتفتكري اهتمامه حب
ريم اتنهدت ومسحت دمعتها :انسي ربنا يهنيهم مع بعض
نقاء ربتت على كتفها وشغلت العربية ومشيت
....................................................
نقاء روحت بيتها ودخلت
بصت لسيف كان بيلعب مع فريد فضلت فترة مراقباهم من بعيد
فريد خد باله منها وبص لسيف بابتسامة :شوف من جه يا سيف
سيف جري عليها :مااااما وحشتيني
نقاء باسته من خده وحضنته :وانت يا روح قلبي وحشتني جدا جدا عملت ايه النهاردة
سيف :جبت علامة كاملة بالساينس واونكل فريد خدني الملاهي ولعبنا مع بعض وجابلي كمان العاب كتير قوي ورتبناهم في الاوضة
نقاء باسته :طيب روح العب فيهم واني هاجي كمان شوية العب معاك
سيف جري من عندها
نقاء بصت لفريد بابتسامة :شكرا يا فريد انا مش عارفة اشكرك ازاي على الي بتعمله مع سيف ده
فريد بابتسامة :ده ابني يا نقاء تصدقي لو قلتلك والله لو خلفت ولد مش هحبه الحب الي بحبه لسيف
نقاء اكتفت بابتسامة
فريد قرب منها ومسك ايدها : لسه مستني ردك على طلبي يا نقاء هتفضلي كده لامتى لو مش عايزة تفكري بنفسك فكري بسيف سيف محتاج يشوف اب يهتم فيه زي باقي صحابه محتاج يشوف عيلة بتكمله
نقاء نزعت ايدها منه :مش وقته يا فريد انا مش عايزة اتجوز خالص انا هعيش لابني وبس وبصتله برجاء ارجوك خلينا صحاب
الجواز لو دخل بين الصحاب والاخوات بيخربه صدقني
فريد بغضب :لكن انا عمري ما شفتك اختي يا نقاء من اول يوم جيتي فيه المشفى وانا بحبك وانتي عارفة ده كويس ولما اتجوزتي امير بعدت برضه لاني بحبك وشفت انك هتكوني سعيدة معاه لكن ايه الي حصل هاه سابك وخد فلوسك وطلقك اهداف امير كانت واضحة وظاهرة من الاول يا نقاء انتي الي ما كنتيش عايزة تشوفي الحقيقة دي وكنتي مدياه امان كامل
نقاء حطت ايديها على ودانها :بس بس بس مش عايزة اسمع حاجة اخرج بره بره بس اسكت خلاص
فريد بغضب اكبر :لا مش هسكت مش هسكت واسيبك تدمري نفسك على ذكرى واحد ما يستاهلكيش يا نقاء
بعد ما كنتي صاحبة المشفى دلوقت مجرد دكتورة فيه ممكن يقولولها مع السلامة في اي وقت
نقاء بدموع ورجاء :ما تكملش سبني لوحدي يا فريد ارجوك
فريد بصلها بغضب وخرج متجنن
وخبط الدريكسون جامد
هتحسي فيا امتى بس ده انا نسيت نفسي وعايش شانك انتي وابنك
هنا ضرب موبايله
فريد :الووو
مدير المشفى :فريد بكره هيجي المالك الجديد للمشفى تمام الكل لازم يكون موجود مفيش اعذار
فريد بغيظ :طيب هشوف
مدير المشفى بتأكيد :فريد سمعت انا قولت ايه
فريد بنرفزة :طيب خلاص هكون موجود سلام
فريد بسخرية :اااه يا لسخرية القدر بعد ما تكون مالك تبقى موظف بعد ما تكون كل الاسهم ليك بلحظة ما يبقاش ليك حاجة واتنهد جاااامد وراح بيته
............................................
نقاء قفلت الباب بعد ما خرج فريد وسندت ظهرها عليه ودموعها بتنزل
بكرهك يا امير بكرهك على قد ما حبيتك بكرهك
فلاش باااك
امير : ما تعمليش فيا كده ما تعمليش فيا كده يا نقاء ابعدي عنه بقولك
نقاء بغضب :ليه ليه فهمني بس ابعد عنه ليه
امير بغضب :بقولك ابعدي عنه انتي ما بتفهميش ليه
نقاء :ليه انا مش فاهمة حاجة
امير بغضب مسكها من كتافها :لانك ملكي انا ليا انا مفيش حد يقرب منك طول ما انتي تخصيني انا وبلهفة نقاء انا بحبك بحبك ما تخليش فريد يقرب منك ما تديهوش امل انك ممكن في يوم تبقي ليه انتي ما بتعرفيش بيحصلي ايه لما بشوفه قريب منك انا مش عايز اخسرك ولا اخسره هو صديق طفولتي مش عايز اخسره ابعديه عنك وما تديهوش امل انك تبقي في يوم ليه
نقاء اتصدمت من اعترافه ده واستجمعت نفسها: لكن انت قولت الي عندك انا بقى عايزة اقرر انا عايزة ابقى مع مين
امير مسك دراعها بغضب :مفيش قرار انتي بتاعتي فاهمة انتي ليا انا يا دكتورة واميؤ ما بيخسرش فاهمة انتي ملكي انا
نقاء بغيظ :هو انت فاكرني لعبة في ايدك ملكي ملكي انا مش ملك لحد انا ما بح
امير ما سبهاش تكمل جملتها وابتلع حروفها وقبلها لاول مرة بتملك ونقاء مصدومة من الي عملة وكان بيتعمق بقبلته مش قادر يبعد بعد ما تذوق شهد شفايفها
بعد عنها بعد ما حس بالاكسجين بيقل منهم وسند جبينه على جبينها :بحبك
وسابها ومشي وهي متلخبطه ومش عارفة ازاي سمحتله وسكتت عن الي عمله ده واعترافه لاول مرة بحبها والعلاقة هتكون عاملة ايه ما بينهم بعد كده
باااااك
نقاء مسحت دموعها :منك لله يا امير دمرتني منك لله
ودخلت خدت شاور واطمنت على ابنها وضربت على سهم
سهم :اهلا يا نقاء عاملة ايه
نقاء بغموض:ليه نا قولتليش انه زين السامري نفسه اطلس الي شفناه بالمطعم
سهم :احم عادي يعني دي رغبته ما بيحبش يقول ويكشف عن شخصيته لاي حد على شان الاطماع والمصالح
نقاء بعدم تصديق :اممممم انت مش مخبي عني حاجة
سهم بغيظ :وهخبي عنك ايه بس تعرفي انا الحق عليا اني عايزك تكبري قناة اليوتيوب بتاعتك اما بت رزلة بصحيح
نقاء :اها هحاول اصدقك ريتا عاملة ايه
سهم بص لريتا الي كانت بتشتغل على الابتوب :اهي بتشتغل
نقاء :وانتوا لحقتوا
سهم :عادي شغلها
نقاء :اهاا طيب سلم عليها سلام بقى
سهم قفل معاها وبص لريتا
ريتا
ريتا :امممم
سهم : الى متى ستبقين على هذا الجهاز انتي تعملين منذ اكثر من اربع ساعات
ريتا : لدي الكثير من الطلبات سأنجزها سريعا
سهم 😏:خذي وقتك انا سأذهب لارى احد اصدقائي
ريتا اشرتله بأيدها وخرج
......................................................
في الصباح
وخصوصا في المشفى
كانت نقاء في المكتب بتاعها وبتراجع مع المرضى
بتوعها
دخلت عليها ريم :بقولك ايه مشتري المشفى هيوصل كمان شوية مش هتيجي
نقاء بتعب :هخلص المرضى الي عندي واشوفه بعدين
ريم :لكن المدير اكد عليا وعلى فريد انه الكل لازم يحضر
هنا دخل فريد :يالله يا بنات المستثمر الجديد للمشفى وصل
نقاء خلعت نظارتها وقامت :يالله اما نشوف حظرته
فريد :ما تزعليش يا نقاء كل حاجة هتتحل والمشفى دي صدقيني هترجعلك من جديد
نقاء :ما بقتش تفرق يا فريد ما بقتش تفرق
راحوا لمكان التجمع
وريم فتحت عينيها :بت يا نقاء شوفي مين المستثمر ده اطلس
نقاء بصت للمكان الي بتبصله ريم واتصدمت لما شافته
جت عينها في عينه وما نزلهاش ومن جديد بقى يبصلها بنظراته الغامضة دي
ريم :ههههه ده هياكلك بعنيه
فريد بص ناحيته واتجنن من نظراته لنقاء
قرب منه
مدير المشفى :فريد اعرفك مالك المشفى الجديد اطلس زين السامري
فريد مدله ايده :اهلا تشرفنا فيك سمعت عنك كتير قوي كأهم مخترع لمستحظرات التجميل
اطلس بترفع سلم عليه :شكرا ورجع بنظراته لنقاء
حاولت تستجمع نفسها وقربت منه هي وريم : اهلا فيك
اطلس مدلها ايده : هكون مبسوط جدا بالتعامل مع دكاترة موهوبين زيكم
نقاء بادلته السلام بأحراج وهو شد على ايدها جامد
نقاء حاولت تسحب ايدها الي كان متمسك فيها جامد وما سابهاش غير لما ريم مدت ايدها ليه بادلها السلام ببرود
اطلس بص لمدير المشفى :عايز كشف بكل العاملين بالمشفى دي وكشف حساب لكل حاجة وكشف بكل العمليات الي عملتها المشفى من عشر سنين للنهاردة تمام
المدير :تمام زي ما تحب
نقاء بتهرب :عن اذنكم انا عندي عملية دلوقت
المدير :تمام روحي انتي
مشيت نقاء وكأنها بتجري وعينيه متابعاها وده الي جنن فريد
فريد بجنان وجه كلامه لاطلس :هو في حاجة يا دكتور
اطلس وابتسامة ما عدتش لزاوية شفايفه وعينيه مغلفها المكر والغموض :فيه كل خير يا دكتور فريد
فريد شد على ايده بغضب ومشي من قدامه
............................................
ريم :هههههه اما حتة مفاجأة هههه ما توقعتش صراحة انه معاه فلوس للدرجادي
نقاء بقلق :انا مش مطمناله مش عارف ليه قلبي مقبوض
ريم :ليه يعني اهو مالك زي اي مالك جه وهيروح وهتخسر المشفى كالعادة عايزة الحق من غير ما تزعلي الوحيد الي عرف يدير المشفى دي ونجحت على ايده
امير هو الوحيد الي عارف كل التكنكيك بتاعها كل المشاهير اختفوا وبطلوا ييجوا المشفى دي وخسرت من لما راح ما تزعليش لكن ده الحق
نقاء عينيها ترقرت فيها الدموع والتزمت الصمت
ريم حطت ايدها على كتفها :اهدي يا نقاء دي حياة وهتعدي وان شاء الله يكون الي اسمه اطلس هيعرف يديرها وترجع زي ما كانت بالاول
نقاء مسحت دمعه نزلت منها : انا مبارح كلمت الزفت سهم وما جبليش سيرة انه في حد هيشتري الاسهم الحيوان ده عارف اني بجمع القرش على القرش على شان ارجع المشفى ليا وبعد اما خلاص كنت هوصل للي كنت عايزاه يجي واحد غريب وياخد كل تعبي
وقامت
ريم :هتروحي فين
نقاء بغضب مكتوم :هفهم من سهم مين ده وليه يعمل فيا كده وهو عارف اني اولى بالمشفى من اي حد
نقاء مشيت وريم بتنهده عليها
.............................................
عند سهم كان بيراجع ورق مريض وبيحضر لعملية
دخلت عليه نقاء من غير ما تخبط
سهم باستغراب :في ايه
نقاء بغضب :ليه تعمل كده ليه ما قولتليش انه في مشتري جديد
سهم وقف قدامها ببرود وايديه بجيبه : ما كنتش عايزك تتأملي الاسهم مبالغها عالية قوي وانا عارف ان المبلغ ده مش معاكي ان دعمت حد هيرجع المشفى زي الاول واحسن صدقيني يا نقاء
اطلس ده صاحب طفولتي ومدمن عمليات وفنان ومعاه جوايز في عمليات التجميل كتيرة قوي هو الوحيد الي هيقدر يرجع المشفى زي ما كنتي عايزة واحسن
نقاء بغضب :لكن مش هتبقى ليا مش هقدر اكسر عين الوسخ الي سافر وباعني وباعها دي الحاجة الوحيدة الي كانت هتكسره وتدمرة
وزقته من صدره ليه ليه ما قولتش يا سهم انت دمرتني كده المشفى دي الحاجة الوحيدة الي كانت هتبرد النار الي شعلت جوايا سنين
هنا جه صوت من وراها
للدرجادي المشفى دي مهمة بالنسبالك
نقاء دارت وشها للصوت كان اطلس
ريم حطت ايدها على بوقها
نقاء بصتله بغضب
ولسه هتخرج
مسك دراعها
نقاء بصتله بغضب :ايدك عني
اطلس :اقدر اخدلك حقك من امير جوزك انا عارف مكانه