رواية تزوجت عمياء
الفصل الرابع4
بقلم شيماء ناصر
رشيد:حضرو وليمه
كبير الخدم:امر جنابك
رشيد:الناس كلها هتيجي بكره تشوف مرات حفيدي ابدا وجهز كل حاجه ومش عايز غلطه
=حاضر
نسمة:هو احنا رايحين فين!!!؟
ناهد :انا هوديكي جناح مازن
منار:ست هانم انا طلعت شنط نسمة هانم فوق
ناهد :احنا دلوقتي هنطلع السلم ماشي
نسمة ماسكه فيها وطالعه علي مهلها لحد ما وصلو لجناح مازن
ناهد:دي بق اوضتك زي ما هي أوضته اسيبك بق تاخدي راحتك ولو عزتي حاجه اندهي عليا
نسمة بتوتر:ماما ممكن قبل ما تمشي تسعدني اغير هدومي
ناهد:بس كده عيوني تعالي
احمد بسخريه:هتفضل قاعد في المكتب لحد امتي يا عريس
مازن:عريس اي بق
احمد:هتتعود يلا اطلع استريح قبل ما جدك ياخد باله انك لسه هنا
نسمة غيرت هدومها وقاعده علي السرير خايفه ...
الباب اتفتح مره واحده
نسمة:مين الي دخل؟
مازن ببرود مردش عليها
نسمة عرفت ان ده هو واكملت:الطريقه الي كلمتني بيها تحت انا محبتهاش
مازن:محدش قالك حبيها
نسمة بكسره:انت قولتلي انك اتدبست في واحده زي لي ؟
مازن بسخريه:هو انتي شايفه نفسك ..وأكمل بخبث :وهتشوفي ازاي وانتي عمياء
مازن غير هدومه وراح نحيت السرير اتفجاء لما شاف شكلها
ملامح اطفال وشكلها جميل جدا وكان احلي بسبب عيطها الي حمر وشها
مازن بابتسامه:بتعيطي لي
نسمة بشهقه:انت بتزعقلي انا مش عاوزه أفضل هنا انا عاوزه امشي
نسمة قامت من السرير ومشيت لحد ما خبطت في صدره
مازن بيمسح علي وشه:بقولك اي مش فاضي لجو العيال ده روحي نامي دلوقتي
نسمة بتفرك في اديها:انا عاوزه ارجع لخالتي
مازن:اعتقد انها استريحت منك زي اهلك هما فين اهلك مشفتش غير خالتك وبنتها...وأكمل بسخرية
مازن:اكيد اتبرو منك
نسمة بعياط:هما ..هما ماتوا في حادثه وانا كنت معاهم ونظري راح من وقتها..
مازن قلبه وجعه من عيطها
ناهد قلقانه علي نسمة
احمد :مش هنام بق في يومنا ده
ناهد:نام انت
احمد :اعملها ازاي يافالحه وانتي مشغله النور انا عندي شغل الصبح اخلصي اطفي النور واتخمدي
ناهد طفت النور وهي مكسوره
=انا قدرت استحمل كل السنين دي معاك بس نسمة هتستحملها ازاي
فعلا هذا الشبل من ذاك الاسد
مازن بخنقه قعدها علي السرير :نامي هنا وانا هنام في حته تانيه
نسمة مسكت في ايده :متسبنيش لوحدي
مازن:متخفيش انا موجود نامي
مازن راح علي الشزلونج وهو باصص علي نسمة وبيفكر
انا اي الي خلني اتسحب من لساني واطلب مأذون كان فين عقلي وانا جايب معايا المصيبه دي