رواية عودة الجاحد الفصل التاسع9بقلم الاء الرحمن
المأذون :بارك الله لكما وبارك عليكما وجمع بينكما بالخير
وبص لنقاء وريم :مبارك ليكم وعمل نفس الحاجة لاطلس وسهم
فريد بسخرية :وبتبارك لنقاء ليه يا سيدنا الشيخ اضن الي بتتجوز ريم
المأذون :انا كتبت كتاب سهم على الدكتورة ريم
وكتاب الدكتور اطلس على الدكتورة نقاء
استأذن انا بقى
فريد بعدم استيعاب :ههههه انت لسعت يا شيخنا
نقاء بعدم فهم بصتله ومررت نظرها لاطلس : مش فاهمة انت قولت ايه حضرتك
اطلس قام ببرود :اتفضل انت يا شيخنا
فريد بغضب :يتفضل فين ايه الي قاله ده بالزبط
سهم بنفسه :ربنا يستر
المأذون :انا كتبت دلوقت كتاب الدكتور سهم وريم
والدكتور اطلس والدكتورة نقاء
نقاء بغضب :ده على اي اساس ده ليه كنت سألتني موافقة ولا لا ولا انا وقعت على ورق جوازي وانا مش عارفة
فريد بغضب قرب من اطلس :اتقي شري وابعد عن سكتنا
اطلس طنشه ووصل المأذون للباب تحت نظراتهم المتجننة
ورجع بص لسهم : هو ما يعرفش انه الشاهد على جوازي وبص لفريد وغمزه انت ما تعرفش يا فريد تؤ تؤ ازاي تشهد وتوقع على حاجة مقريتهاش
نقاء بغضب :ايه البرود ده كلامك ده على اساس اني موافقة عليك واني وقعت برضايا ايه الجنان والهبل ده
اطلس بصلها بطرف عينه وسابها تتكلم زي ما هي عايزة
فريد زقه بغضب ولكمه بوكس واطلس رده ليه وضربه وكأنه بينتقم من عذاب سنين في اللحظة دي
وفريد بيحاول يقاوم على قد ما يقدر
سهم كان بيحاول يفكهم يبعدوا عن بعض لكن لا كل واحد مثبت في التاني وبينتقم منه
نقاء حضنت ابنها الي خايف جدا و بصرااخ :بس اسكتوا واطلعوا لاتنين بره بيتي
اطلس بعد عنه وهو متعصب واتكلم وبصوت عالي : اسمعني يله من هنا وجاي الست الي هناك دي مراتي لو شفتك بس جي ناحيتها اقسملك ما هيحصل طيب هدفنك مطرح ما تكون اتقي شري فااهم
فريد بغضب:وانا اقسملك بالذي احل القسم انك ما هتشوف يوم حلو معاها وبصلها بغضب
كل الوقت ده بتقرطسيني كنتي تقدري تقولي عادي مش عايزاك لكن ما تلعبيش بمشاعري بالاسلوب الوسخ ده بالاول خنتيني مع امير واتجوزتيه مع اننا كنا بعلاقة ودلوقت خونتيني مع الوسخ ده اقسملك ما هحلك لا انتي ولا هو
خرج فريد
واطلس متابعة
ونقاء لسه مصدومة
وريم الصمت غالب على ملامحها وكأنه مفيش حاجة خلاص بقت تفرق معاها
سهم حاول يهدي الوضع :اهدوا يا جماهة كل حاجة تتحل بالتفاهم
نقاء نزلت لمستوى سيف ومسحت دموعه :سيف حبيبي ادخل اوضتك دلوقت وانا هجيلك
سيف بص لاطلس بغضب :انا مش عايز عمو الوحش ده عايز عمو فريد عمو فريد بيحبني جدا ارجوكي يا ماما جيبيلي عمو فريد انا مش عايز حد غيره
اطلس شد على ايده بغضب
نقاء مسحت دموعه من تاني :صدقني يا حبيبي هرجعلك عمو فريد لكن مش عايز اشوف دموعك دي مرة تانية انت راجلي ولا ايه
سيف جري لاوضته
ونقاء اخذت نفس عميق وقربت من اطلس وضربته بالألم
نقاء بغضب :من اول يوم شفتك فيه وانا حاسة انك عايز حاجة ملامحك واسلوبك فيهم حاجة بتحاول تتطبع وتتشبه لاسلوب امير فاكرني بكده هتشدلك انا بكرهه بكرهه بكره الانسان الي انت بتشبه
اوعى تفتكر بلي انت عملته ده اني خلاص بقيت مراتك لا ده انت بتحلم استحالة اكون مراتك ما تفكرش حتى بده ابعد عني وابعد عن حياتي
اطلس قرب منها وانفاسه وكأنها بتسابق الزمن والساعات
اطلس بغضب :لا انتي بقى الي هتسمعي دلوقت انتي من الساعة دي بقيتي مراتي على اسمي فاهمة لو شفتك قريبة من الي اسمه فريد ده اقسم بالله ما هيحصلك خير خالص
حاجة تانية هتنقلي انتي وابنك لبيتي
حاجة تالتة لسانك ما يطولش عليا خالص لاقصهولك
حاجة رابعة المشفى بكرة كله هيعرف انك بقيتي مرات اطلس زين السامري
وحاجة خامسة واخيرة هسيبك دلوقت على شان تتقبلي الي حصل دلوقت وهلاقيكي بكره الصبح هنا نروح مع بعض على المشفى
وسابها ومشي وهي لسه هترد على كلامه
نقاء بصت لسهم بغضب :اه يا وسخ
سهم بتهرب :هاااه بقولك ايه انا مليش دعوة خالص بلي حصل وما اعرفش هو متفق مع المأذون عليه وبعدين اقولك حاجة بصي وصل على النبي امانة عليكي تصلي على النبي يا شيخة
هو قال يفتكر ايه يفتكر انه خلاص اتجوزك العقد باطل يا اختي ده اسمه تزوير اه والله لو منك اقسم بالله ارفع عليه قضيت نصب وتشهير وتزوير وساعتها هيثبتوا انه العقد باطل ويا دار ما دخلك شر اه والله يا اختي
نقاء بصراخ :انت انت بتهزر وانا في المصيبة دي وبصت لريم جوزك بيهزر هينقطني
نقاء دخلت جوه وهي متجننة مش عارفة تفكر مش عارفة هتعمل ايه في ساعة وحدة بس بقت على ذمة راجل ما تعرفوش
وبصت لصورة خرجتها من الدرج
ودموعها بتنزل ما توقعتش في يوم اتجوز غيرك وبقهر رغم الي عملته لسه بحبك مش قادرة اكرهك مش قادرة اصدق انك في يوم خنتني او خلفت من غيري مش قادرة اصدق انك خدت روحي مني وهربت ليه ااه لو اشوفك من تاني هسألك حاجة وحدة بس ليه ليه تعمل كده فيا ليه ما تسألش عن ابنك وانت شايف ومتأكد انه هيموت ويشوفك
ليه تبعتله حاجة تفكره فيك وانا بحاول امحيك من دماغه
يااااه ده الزمن غدار قوي بعد ما خلاص قولت هفتح قلبي واديه لفريد لانه يستاهل تلف الايام واغدر فيه نفس الغدر الاول
فلاش بااك
في مكان اقرب حاجة توصفه الجنة مية ورد وشموع وطاولة متوسطها عشاء من كل ما تشتهي الانفس
تقف هي معصوبة العينين
نقاء :ريم انتي واخداني لفين يا بنتي طيب فتحيلي عينيا على الاقل هقع
هنا قرب امير من عنقها وقبله قبلة رومانسية رقيقة اذابت مشاعرها واثلجت فؤادها :بعشقك
نقاء اتصنمت من الي حصل
وشال العصبة عن عينيها
نقاء لفتله واتصدمت :ام ي ر انت بتعمل ايه هنا
امير قرب منها وسند جبينه على جبينها :جبتك هنا على شان اقولك حاجة وحدة وبس وهي الي بقالها فترة منعشة قلبي وردت ليا الحياة
وبص في عينيها
نقاء انا زمان كنت عايش للجيم ولشغلي وللعمليات بتاعتي بس وكنت بحس حياتي فارغة جدا ومملة جدا مفيهاش جديد هي هي نفس الروتين الممل
وسكت شوية وزفر بارتياح
لكن دلوقت فيها حاجة جميلة جدا انا بقيت عايش على شانها بقت حياتي واملي ونجاحي
نقاء انا بحبك لا مش بحبك بس انا عشقتك عشقت روحك الحلوة قبل شكلك
يمكن زمان لو سألوني هتتجوز مين كنت هقولهم ملكة جمال
لكن لا اكتشفت ان الجمال مش كل حاجة
انتي جميلة وجدا كمان جدا جدا
لكن روحك اجمل احساسك بالناس قبل نفسك كل حاجة عجبتني فيكي
نقاء كانت دموعها بتمزل بفرح
امير انحنى قدامها وخرج من جيب الجاكيت خاتم :تتجوزيني يا نقاؤ وتبقي نصي الحلو
نقاء هزت دماغها بآه
امير فرح جدا وحضنها جامد
هنا خرجوا كل اصدقائهم
ريم وسهم فريد الي عرف متأخر وريتا
امير لسهم وفريد :وافقت وافقت يا شباب
فريد اتقهر جدا
وسهم اتبسطله جدا جدا
ريتا قربت من سهم : جميل جدا سنفعلها عما قريب عزيزي
سهم طنشها وبارك لامير
وفريد خرج من سكات بحجة الشغل
وبعث رسالة لنقاء :الصبح قولتيلي كوافقة تديني فرصة ودلوقت بتتجوزي امير
باااااااااااااااااك
فاقت نقاء من ذكرياتها على صوت ريم الي بتصرخ
ريم بغضب :يعني ايه ده
سهم بغضب اكبر :افهميني مقدرش دلوقت اعلن جوازنا ما اقدرش على شان مصلحتك انتي
ريم بدموع وقهر :انت جبان جبان يا سهم انا هفضل في بيتي وهقولك لعيلتي اني اتجوزت وما اتفهمناش واتطلقت وكده كده بابا نازل اليومين دول هعرف ازاي هتصرف معاه
لكن اقسملك هتندم على الجرح الي جرحتهولي من تاني دلوقت
سهم بغضب :اسمعيني وما تحكميش كالعادة من نفسك عارفة لو ماما عرفت اننا اتجوزنا هتعمل ايه هاه هتحاربك هتحاول تسقطك بأي طريقة دي امي وانا اعرفها اكتر منك افهميني افهميني لمرة وحدة بس والله هعلن جوازنا لكن في الوقت المناسب
خرجت نقاء :انت الي اسمعني يا سهم انت جبان زي ما قالت ريم الي ما يعرفش يحكي مراته وابنه ما يستاهلش اصلا انه يكون راجل روح زبط امورك ولما تعرف تحميها اعرف ازاي ترجعها
يالله بقى من غير مطرود
سهم بصلها بغضب وخرج
ونقاء حضنت ريم وعيطت في حضنها
..............................................
في المستشفى
الو و ازيك
اهلا انا بخير
بقولك انا عرفت حاجة مهمة جدا عن المالك الجديد للمشفى
مجهول بتركيز في ايه وعرفتي ايه
المالك الجديد نفسه القديم
ازاي يعني وبغضب ما توضحي كلامك اكتر
اطلس هو نفسه امير ازاي ما اعرفش لكن انا سمعتهم في وداني بيتكلموا هو وسهم وحتى سهم قال انه جوازوا من ريتا كان بالغصب وانها هددته لو ما اتجوزهاش هتتكلم هتتكلم ايه بقى مش عارفة
امممممم والله وجت برجليها لعندي
تمام تمام عندي حاجة دلوقت هخلص واكلمك
...................................................
عند فريد
فريد بغضب :بقولك ايه اهو الراجل الي قاعد هناك ده عايزه ما يطلعش عليه نهار فاهم
الراجل :هخلصلك عليه نظيف نظيف تمام لكن زود المبلغ يا باشا
فريد بحقد :لو عملت الي قلتلك عليه وقتلته صدقني هترضى جدا وبعد ما تخلص ترمي جتته لكلاب البحر تاكله
الراجل :تمام الصبح هيعلنوه مع الوفيات اوعدك
فريد بسخرية :وزي ما قتلتلك الاول اوعدك التاني هيحصله النهاردة