![](https://blogger.googleusercontent.com/img/b/R29vZ2xl/AVvXsEiH3c9qqK7vvW0atOPSykkkyEhAMaHW5vzHZs3RXOwBWf9cw-s4kztVYRf5Dy-TDIMRQ2fy0E_cqjun-fcEkHMNC8B7wDicOk7lRCmRk8nRS7bAc5qAU8WnOJeNjKfbw0tTQ6YtEO5tN9HJibIftLhInl8jLHaVa84hCUl69f8_z8471h8KPxIcuCheIY6J/s320-rw/FB_IMG_1693853584308.jpg)
رواية حظ الملايح
الفصل الرابع4بقلم حنين ابراهيم الخليل
سمر:يا بنتي إستهدي بالله خلينا نفهم
نورهان ببكاء :بقولك زعقلي
سمر :لا عايزه الحكايه من الأول
نورهان :بصي إحنا من يومين من أول ما جينا و أنا حساه مش طايقني و بيتعصب عليا من أقل كلمه
سمر:أه كملي
نورهان تكتم شهقاتها :قولت يمكن متعصب من حاجة بره البيت خصوصا إن مديره مرضيش يزود الأجازه أكتر من أسبوعين
سمر: يقوم يعكنن عليكم في الأسبوع الي فاضله من الأحازه تمام كملي
نورهان:منا برضو أستغربت التغيير ده و حسيت ان في حاجه مش مضبوطة
قولتله فاروق حبيبي إيه الي مزعلك فضفضلي و إحكيلي
لقيته فجأه فتح في وشي وبقا يزعق إنتي إزاي النهارده متساعديش مرات أخويا و أمي في المطبخ و فوق ما إنتي سيباهم كمان مستنيه منهم يحطولك الأكل
كل ده عشان مرات أخوه طلعت الصينيه لعندي لما كنت برتب الشنط في الدولاب ؟هي كانت مره وحده و من نفسها أنا مطلبتش حاجه من حد
سمر : فاروق قلك كده ؟ غريبه لو مكنتش أعرف طريقه تفكيره كنت هقول أمه ملت دماغه و حرضته و بعدين عملتي إيه
نورهان:نزلت المطبخ و عملت أكل للبيت كله زي ما هو عايز
سمر :حلو إنك مكترتيش الجدال و عملتي الي يرضيه إتصلتي بيا ليه برضو
ثم نظرت الى الغرفه:بما أنك رتبتي الهدوم يوم ما وصلتو إيه الكركبه الي إنتي عملاها دلوقتي
نورهان:منا لما خلصت فضلت مدايقه قولت قولت أشغل نفسي و أفضي الدولاب و أطبقه تاني بعد ما أنفض ورى الدولاب و أمسحه
نظرت لها بغباء:يعني إنتي عايزه إيه دلوقتي
نورهان:منا معرفتش أحركه و إتكسفت أطلب من حد يساعدني قمت إتصلت بيكي و بالمره أفضفص معاكي
مسحت سمر وجهها بضيق:هترتاحي كده يعني ؟ذض
نورهان : أه
سمر ساعدتها بتحريك الخزانه و التنظيف
بعد دقائق:يلا أنا ماشيه و إنتي خلصي بسرعه قبل ما جوزك ييجي ميلاقيش مكان ينام فيه
نورهان كانت ترتب الغرفه ببطء إستفز سمر
لتنظر لها نورهان رافعة حاجبها بسخرية:يبقى ينام عندها بقى ها
سمر ضحكت بشده عندما فهمت مقصدها:برنس . الله يعينك يا فاروق على الموقف الي حطيت نفسك فيه
في المساء كان فاروق عاد بعد أن أحضر هديه ليعتذر من زوجته عما بدر منه في الصباح فهو يعرف أنه تكلم معها بطريقة فضه ليفاجأ بغرفته مقلوبه رأسا على عقب
نورهان ببرود :إيه ده إنت جيت؟ ثواني هسخنلك الأكل أنا النهارده عملتلك كل الأكل الي قولتلي إنك بتحبو وكملت غسلتلهم المواعين و نضفت البيت الدور الي تحت و لسا طالعه لأوضتي عشان تعرف بس إن مراتك مش خايبه زي ما إنت فاكر اهو بس هي مكانتش واخده على جو البيت بس و كانت متوقعه إن حماتها هتقسم الشغل علينا و تشرحلنا كل واحده هتعمل إيه
فاروق:أنا مكنتش أقصد الي قلته الصبح أنا بس
نورهان:و ليه متقولش الي إنت عايزه بوضوح و من غير شخط و عصبيه
تخلت عن برود عندما غلبتها دموعها عارف لو إنت كنت طلبت الي عايزه بهدوء و كلمه طيبه كانت هتفرق معايا مش تحسسني إنك جايبني هنا خدامه ليك ولأهلك و أنا الي مقصره معاكم
فاروق بحنيه :خدامه مين ده إنتي برنسس البيت ده و كوين قلبي
نورهان :ايوه كده كل بعقلي حلاوه
أعطى فاروق الهديه لنورهان التي سعدت بها
نورهان:طيب أنا هحطلك الأكل في الوقت ده إنت رتب الأوضه لغايه ما أرجع
قبل أن يوفتح الباب كانت جنى و والدتها يركضان إلى الغرفة المجاورة قبل أن تكتشف أنهما كانا يتنصتان عليها
عند نزولها المطبخ
جنى بخبث :شوفتي أهو لا عملو مشكله ولا إتخانقو شكوتك ليه طول اليوم إن مراته طول الوقت نائمه و سلفتها هي الي بتوصلها الأكل لأوضتها مجابش نتيجه
أقطع ذراعي من هنا إن مكانتش عملاله عمل واهو كمان هو الي بيوضبلها الأوضه
أمها:عمل إيه أعوذ بالله ربنا يستر عليه
جنى:بكره هثبتلك كلامي
__________
بعد أيام سمر كانت تتحدث في الهاتف مع نسرين و تسأل عن أحوالها نسرين بدموع:سمر أنا في مشكله و مش عارفه أكلم مين يساعدني
قلقت سمر من نبره صوتها و سألتها عن طبيعه مشكلتها بما أنها في سن المراهقه شئ واحد خطر على بالها
سمر:مشكله إيه تخص شاب كلمك ووعدك بحاجه ورجع في كلامه إنطقي
نسرين:حاضر سيبيلي فرصه أتكلم ،لا مش بكلم حد و المشكلة متخصنيش تخص ماما و بابا
سمر:مالهم
نسرين:بابا قرر يتجوز على ماما