رواية الوحل الفصل الحادي والعشرون والثاني والعشرون بقلم شروق الجندي
ظهرت الدموع فى عينيها بعدما سمعت رفض سارة فأسرع حسن قائلا:-سارة بتهزر يانارين ودى بنتك ولكى حق فيها زينا
سارة_ياخبر أنتى زعلتى منى أنا بهزر والله وياستى 5دقايق واجهزلك هدومها"ثم أكملت ممازحه_وبعدين الحساسيه دى للى مش بتخلف لكن أنتى وصفوت زى الفل بس مش عايزين عيال عشان تسافروا براحتكم كل شويا"مسحت دموعها ورتبت على شعر جورى:-أصلكم مش عارفين أنا بحبها قد ايه,ويلا عشان نلحق الملاهى والبيتزا"عانقتها وهى تصرخ بمرح:-هييه هروح الملاهى أنا هلبس بسرعه ياطنط"وبعد نصف ساعة كان حسن يضع حقيبه جورى فى سيارة نارين ويودعهم وسارة تنظر من النافذة ولا تعلم لماذا يتأكلها القلق ولم تشعر الإ بذلك الذى عانقها بحب وهو يشم رائحتها الذكية وهمس لها:-وحشتينى"بدالته العناق وهمست بخجل:-أنت أكتر"وفجأة رن هاتفه فزفر بضيق وسب المتصل عدة مسبات وسارة تضحك بشدة وكان معاذ هو المتصل فرد بغضب:-ايه زفت ده وقته
:-فى مصيبه أم رحمه وأبوها أتقتلوا بليل فى بيتهم"صعق من النبأ وجحصت عيناه:-أنت متأكد?
:-فى خبر كمان
:-كفايه مصايب بقى
:-دى مش مصيبه بس أنا ضغطت على سمير وقالى معلومه هتكشفهم قريب وقال ع مكان مخزن الاعضاء
الفصل الثاني والعشرون
"يشعر أن أنفاسه ثقيله والعرق يتصبب منه ويده ترتجف,فزفر حسن بضيق وضرب سطح المكتب بقوة:-يابنى ماتنطق قرفتنى بقالى ساعتين صابر عليك"أنتفض سمير بخوف وأبتلع لعابه بتوتر:-هكلم ياباشا بس تحمى أمى واخواتى أنا عملت كل ده عشانهم ومش مستعد أخسرهم"تحكم حسن فى غضبه فيجب أن يطمئنه:-متقلقش أنا هبعت حد تبعى يخبيهم لحد ما القضيه تخلص بس أتكلم عشان تكون شاهد ملك مش متهم زيهم
:-بص ياباشا أنا كنت مساعد أحمد أخرى اساعده فى العمليات ومتولى وفتحى مسئولين عن الخطف وساعات قتل وأحمد كان هو اللى بيدنا الفلوس وكان بيحط الأعضاء فى صندوق معقم لحد مايمشى وفى مره فضولى جرنى أنى أروح وراه لاقيته دخل مستشفى خاصه نضيفه أوى بس دخل من باب خلفى مضلم ودخل فى أوضه بس الغريب أنى لما بصيت من خرم الباب ملاقتش أى حد واحمد أختفى فخوفت ومشيت"عقد حاجبيه بدهشه:-ازاى مفيش حد?
:-والله ده اللى حصل ومعرفش غيره بس فى مره سمعته بيقول,أنا خايف من الأنتربول يكشفك فى فرنسا معنى كده أنهم شغالين برا كمان"ضيق عينيه وقال:-فرنسا..اسمها ايه المستشفى دى?
:-الرحمه التخصصى فى المعادى"وقف وأمسك هاتفه وقال بلهفه:-جهز القوة بسرعه يامعاذ خلاص هانت وهنكشفهم.