رواية عودة الجاحد
الفصل الحادي عشر11
بقلم الاء الرحمن
مساء الخير
اصدقائي جالي تحذير من فيس بوك يعني حلو لما يغلقوا الصفحة اكيد لا فضلا الكل يتفاعل ولايكات كتير
اطلس بصلها بجمود :لمي نفسك يا دكتورة
وبص لريم :وانتي اقعدي وما تلفتيش النظر لحد كا يقوم منها ويعرف هيعمل ايه في علاقتكم
ريم بدموع :عايزة ادخله يا اطلس ارجوك
ريتا قربت منهم :ادخليله يا ريم انا عارفة انكوا اتجوزتوا امبارح
نقاء بصدمة :ان انت ي بتتكلمي مصري
ريتا ونظراتها لريم :اتعلمت قريب مش من بعيد
اطلس قرب منها باستغراب :عرفتي منين
ريتا بصتله بنظرات غامضة : من فريد
اطلس شد على ايده بغضب :اممممم يعني
ريتا بصت لريم بنظرات توعد :عادي هيطلقها بس هو يقوم بالسلامة
ريم بصتلها بدموع
نقاء حضنت ريم :مش وقته ده يا ريتا الي حصل حصل لما يفوق سهم كل حاجة هتتحل
ريتا قربت من ريم ونزعتها من حضن نقاء :امتى عايزة اعرف امتى حبيتوا بعض امتى هاه ليه يتجوزك انا متأكدة انها رغبة وخلاص متأكدة مستحيل سهم يفكر في غيري وانتي شفتي هو حفي على شان يتجوزني ازاي اقلها ما اتجوزنيش بالسر زيك عرض عليا الجواز قدام الكل والمشفى ده بيشهد
اطلس بغضب :بس اسكتي
ريتا بصتله من فوق لتحت :حسابكم مش هنساه اوعدكم
وسابتهم ونزلت الكافتيريا بتاعت المشفى
اطلس قرب منها :ربم ما تاخديش على كلامها
ريم بصتله بدموع وقهر داخلي واتكلمت بصوت مبحوح :ما قالتش حاجة غلط يا دكتور كل الي قالته انه هي الي في النور وانا الي قضيت حياتي معاه في الضلمة ومعاها حق في كل كلمة قالتها انا خربتلها حياتها معاه
نقاء بزعل عليها :ما تعيطيش يا ريم محدش يستاهل دموعك صدقيني
ريم بصت لباب غرفته بتردد ومسحت دموعها :انا هروح
نقاء :وسهم
ريم بألم داخلي وقلب محترق :مليش دعوة فيه بعد كده يرجع لمراته يهبب يعمل اي حاجة لكن يبعدني عن وساخته دي
وسابت نقاء ومشيت
ولسه نقاء هتحصلها
اطلس شدها عليه من دراعها بغيرة
نقاء بصت في عينيه بتوتر :في ايه ابعد كده احنا في مشفى
اطلس بنفاذ صبر واشتياق وغيرة وهمس مغري سند جبينه على جبينها وانفاسه بتتسارع : ابعديهم عن حياتك ما تقربيش منهم انتي ليا وهتفضلي ليا
نقاء اتخدرت بين ايديه وغمضت عينيها وبنفسها :امير بهمسه وحنيته وعينيه
نقاء وعيت لنفسها وزقته عنها :ابعد انت اتجننت اوعى تصدق اننا متجوزين بجد
ولسه هتمشي
حضنها من ظهرها وهمس في ودانها : افتكري اني الاطلس وانتي نقائه زي البحر الي بيكون هايج ومتلخبط وغامض في كل حاجة لغاية ما يوصل لعندك انتي سكونه ونقائه انتي الي بيهدي ثورانه
انا بعشقك يا نقائي اطلس بيعشقك
نقاء كانت بتتنفس بسرعة جدا وكأنها في سباق وسابته وجريت وايدها على قلبها الي هيخرج كن صدرها
ريم كانت واقفة عند العربية
ريم :في ايه مالك بتجري كده ليه
نقاء ركبت العربية بسرعة :عايزة امشي من هنا بسررعة حاسة اني بتخنق
ريم :مش هنروح المشفى مفيش حد يغطي مكانا
نقاء بتوتر ظاهر عليها :مش هروح في حتة انا متلخبطة جدا
ريم :طيب قوليلي في ايه حصل ايه
نقاء ركنت العربية في حتة وعيطت جامد
ريم بقلق :قلقتيني في ايه يا بنتي
نقاء بصتلها بدموع :هو هو يا نقاء بهمسه وحروفه هو بأسلوبه هو بغيرته وحنيته ولهفته نبرة صوته عينيه كل حاجة في بتذكرني بأمير انا خايفة خايفة يا ريم
ريم بسخرية :انتي حبيتيه صح
نقاء هزت دماغها بلأ :لأ لأ مش حب مستحيل ده حب لكن
ريم :لكن ايه انتي بتكدبي على مين انتي عايزة حد يعبي الفراغ الي سابهولك امير على شان كده شايفاه هو
عايزاه هو فهمتي انتي لسه بتعشقي امير ولو جه دلوقت هتترمي في حضنه وتنسي هو عملك ايه وسببلك ايه وعشتي بسببه بأيه
وضحكت بسخرية ببساطة انتي بتقولي اني انا ضعيفة هه لا بالعكس انا بعد الي تحملته ولسه بتحمله انا كويسة قوي عنك انتي الي ضعيفة لانه بعد كل الي عمله لسه بتحبيه
لا وبتشوفي اطلس فيه لكن انا بفوقك اطلس بيختلف تماما عن امير اطلس راجل عارفة يعني ايه راجل ما بيضحكش على بنات الناس ويسرقهم ويرميهم ويبعت ورقة طلاقك من بعيد من غير حتى ما يجي يواجهك ويقولك اهو انا راجل ومش عايزك وطلقتك
اطلس راجل لانه عمل حاجة مفيش حد يقدر يعملها تخيلي يتجوزك بس لمجرد انه عايز يربط اسمك بأسمه
نقاء سكتت وشردت وشغلت العربية ومشيت
....................................................
عند اطلس
كانت ريتا شاردة بسهم وحالته
فلاش باك
سهم :ريتا لو سمحتي لا تتكلمي معي بهذه الطريقة
ريتا :انا عملت العملية سهم والمخاطر كلها ترتبت نحوي هذه المخاطر كانت لاجلك انت فقط ما كنت سآخاطر في مستقبلي الا لاجلك
سهم بعدم فهم :يعني
ريتا قربت منه وبصت في عينيه :انا وانت سنتزوج عند وصولنا لبلدك العربي
سهم بعد عنها بغضب :ماذا تقولين ريتا اجننتي ام ماذا
ريتا بتهديد :هناك يومان يومان فقط فكر بهم ان لم تعرض علي الزواج وامام جميع من في المشفى الذي نعمل به سأخبر نقاء بكل ما حصل هنا وسأخبرها بكل ما عملتوه والامر بين يديك الان
بااااااااااااااك
ريتا نزلت منها دمعة ومسحتها بسرعة
هنا جت ست كبيرة في العمر لكن. باين عليها الاناقة والرفاهية
ريتا اول ما شافتها جريت عليها وعيطت في حضنها : سهم سهم في خطر امي
ليلى (والدة سهم ) :ما تقلقيش يا حبيبتي هيبقى بخير اطلس لسه مطمني
ريتا بدموع :مش كويس مش كويس بصي عليه عامل ازاي
ليلى :ما تقلقيش هيبقى بخير كوني قوية حبيبتي
وقربت من الزجاج وشافت فلذت قلبها بين الاجهزة
جه اطلس من وراها وايده على كتفها : هيبقى بخير
ما تقلقيش
ليلى وهي باصه لسهم :يا رب يا رب
ريتا بعدت عنهم تتكلم بالفون جالها اتصال خارجي
اطلس حصلها من غير ما ليلى تاخد بالها
وخد منها الفون قفلة
ريتا بغضب :جننت اطلس ماذا حصل
اطلس بتهديد :بحذرك ريتا والدة سهم تعرف انه اتجوز اوعي تقوليلها حاجة
ريتا بصتله باستهزاء :وانت بقى بتخوفني ولا ايه
اطلس بغضب مكتوم :اعتبربها زي ما انتي عايزة لو لو وزك شيطانك تعملي حاجة غير الي انا قولت عليها مش هيحصل طيب لا مني ولا من سهم
هنا جت الممرضة واخبرتهم انه سهم ابتدا يفوق
اطلس بفرحة :بجد
وجري عليه وريتا وراه وكانت امه سابقاهم لاوضته
اطلس بفرحة :كفارة يا صاحبي
سهم بتعب :الله يسلمك
وبص حواليه لعل وعسى يشوفها قدامه لكن لا بائت محاولته بالفشل
ريتا قربت منه وباسته : كنت سأفقد عقلي حبيبي
سهم بص للناحية التانية
امه كانت ماسكه ايده ومش سايباها
ليلى :حصل ده ازاي يا سهم
اطلس :ما انا قولتلك طلق نار بالغلط والبوليس بيحقق بالموضوع
ليلى بعدم اقتناع :امممم وبصت لسهم بحنية اهم حاجة سلامتك يا حبيبي
سهم اومألها بدماغه وبص لاطلس :عايز اخرج من هنا
اطلس :ما ينفعش تخف الاول ما تهزرش
سهم بغضب مكتوم بأنة تعب :عايز اخرج عندي شغل ضروري
اطلس ببرود :مش النهاردة ارتاح وبعدين تحل كل حاجة
سهم سكت وزفر بغضب
والدته :تعالي يا ريتا نجيب حاجة من تحت
ريتا اومأتلها بدماغها ومشيت
واول ما خرجوا
سهم بتعب :امي جت ازاي هنا
اطلس بغيظ :ريتا في غيرها اكيد هي الي قالتلها
سهم :عايز اشوفها يا اطلس ارجوك بأي طريقة لازم اشوفها
اطلس :كانت هنا من شوية واتواجهت مع ريتا
سهم بعدم فهم :اتوتجهت ازاي مش فاهم
اطلس زفر بغضب :الكلب فريد قال لريتا انك اتجوزت
سهم بغضب :انت بتهبب ايه
اطلس :اهدا اهدا ما تتعصبش كل حاجة هتتحل قريب
سهم بغضب :واكيد ريتا واستفزازها قامت بالواجب
اطلس :ده اكيد
سهم :وريم عملت ايه
اطلس :نقاء خدتها وروحتها
.......................................................
عند فريد
ورد دخلت مكتبه :بقولك ايه المشفى النهاردة فاضي ايه رائيك نعمل عملية فاشلة ونلبسها لاطلس
فريد : المريض موجود
ورد :وبيفرفر
فريد بغضب من نفسه :تمام الاوراق وقع عليهم اطلس
ورد :لا الي وقعت عليهم دكتورة نقاء العملية كانت ليها وانت في التقرير كاتبه انك هتساعدها العملية للبنت الي وشها متشوه خالص وعايزين تاخدوا جلد من جسمها
فريد :نقاء لا
ورد :مش فاهمة
فريد وقف :يعني نقاء لا انا مش هسمح انه نقاء تتأذي انا هعمل العملية طبيعي جدا
جهزي اوضة العمليات
ورد : لكن صدقني مش هتصحلنا فرصة تانية لازم نيتغل الفرصة دي ده مفيش ولا حد في المشفى النهاردة
فريد خبط على الطاولة بغضب :مش هأذي نقاء انا هدفي معروف خلصنا جهزي الاوضة انا هعمل العملية عنها
ورد خرجت وهي بتكلم نفسها
فريد بغضب :هرجعك لقلبي يا نقاء مش هتكوني لحد غيري من تاني حتى لو بالغصب
.........................................................
في المشفى
ريتا بهمس :اعملي زي ما بقولك
الممرضة :لكن لو حد عرف هروح فيها حضرتك
ريتا :ما تخافيش محدش هيعرف وخدي دول ثلاثين الف جنية لكن اتقني الي هقول عليه
عند نقاء كانت مع ريم وسيف بيتغدوا
ضرب موبايلها
نقاء:الووو
الممرضة :انا دكتورة من مشفى ..... المريض سهم بحالة حرجة جدا وطالب انه يشوف وحدة اسمها ريم
نقاء بقلق :انتي بتقولي ايه
الممرضة فصلت الفون
نقاء بصت لريم :قومي
ريم :في ايه
نقاء :قومي بسرعة لازم نروح المشفى
ريم وايدها على قلبها :سهم ما حصلوش حاجة مش كده ارجوكي قولي غير كده
نقاء بدموع عليها :ان شاء الله لا قومي لازم نروحله هو بحاجتك دلوقت
سيف :وانا هاجي معاكم
نقاء اومأتله بدماغها
...........................................................
عند سهم واطلس
دخلت والدته وريتا عليهم ومعاهم قهوة زحاجات تانية
والدته :اعملك حاجة يا حبيبي
سهم ببرود :شكرا هترجعي امتى
والدته 🤨 واتكلمت ببرود وهي بتشرب قهوتها :مش عارفة واحتمال كبير والدك يرجع ونستقر هنا
اطلس بنفسه :كملت
ريتا شافت ريم من الشباك وانها قربت تطلع قربت من سهم :اعملك حاجة عشقي
سهم :لا شكرا
دخلت ريم بسرعة لاوضته من غير ما تخبط
اطلس :ايووه ده الي كان ناقص
ريتا بعدت عن سهم وبصتله بلؤم
نقاء دخلت وراها وبأيدها ابنها
ريم اتصدمت ومعاها نقاء انه كويس
ريم اتصنمت مكانها ما عرفتش تعمل ايه وسهم موجه نظراته ليها
نقاء تداركت الموقف :حمد الله على السلامة يا دكتور قلقتنا عليك
ريم فضلت ساكتة
نقاء بصت لوالدته :ازيك يا طنط
ليلى :اهلا با حبيبتي ما شاء الله ابنك كبران قوي
نقاء بابتسامة لطيفة ذوبت اطلس :شكرا ليكي
ليلى بصت لريم ببرود لانها عارفة حقيقة مشاعر ابنها ليها :ازيك يا ريم
ريم فضلت ساكتة وكأنه الصدمة كلت لسانها
ريتا قربت من ليلى :مش تباركي لريم وسهم يا ماما
سهم بص لريتا بغضب
ريتا بصتله بسخرية
ليلى :اباركلهم على ايه
اطلس بغضب :بس خلاص
ريتا كملت :اصل سهم اتجوز ريم امبارح
ليلى بغضب :ايه الي بتهببيه ده مستحيل سهم يتجوز البيئة دي ده طول عمره بيقول عنها من الشارع وملهاش حد هنا يسأل عليها واهلها سايبينها تتربى لوحدها
يجي بتجوزها وبصتلها بغضب ضحكتي عليه ازاي
نقاء قربت منها بغضب :انا هحترم انك ست كبيرة ومش هتكلم معاكي
سهم بتعب :بس خلاص مش عايز اسمع ولا كلمة
وبص لنقاء خديها من هنا دلوقت ارجوكي
ريم بصتله بصدمة اكبر وسهم فهم معنى نظراتها لكن سهم عارف لو فضلت هنا وسمعت اكتر من كده هتروح فيها
ريتا بصتلها بسخرية
اطلس لنقاء :خديها من هنا
سيف بغيظ :لكن احنا لسه جايين
اطلس بصله والابتسامة اترسمت لوحدها على شفايفة برغم الي هما فيه :عايز تفضل هنا
سيف بغيظ :ايوه انا قرفت من العياط وقعدت الستات انت مين انا سيف امير
اطلس ههه :وانا اطلس زين
نقاء بغيظ :ده وقته ده مش شايفين الوضع متوتر ازاي
ريم جريت من قدامهم
ونقاء شدت سيف معاه لكن كان ماسك بأطلس
اطلس :سيبيه هجيبه كمان ساعة
نقاء ترددت لكن سابته وجريت ورى ريم
سهم بعد ما خرجوا بص لريتا بغضب : تخرجي من هنا مش عايز اشوف وشك وورقة طلاقك هتوصلك بكرة