رواية الاخ الاكبر
الفصل الثامن والثلاثون38
بقلم حبيبه
ارتمى فارس ارضآ اثر ضربة محمد
روح: يالهوي محمد اهدي ياحبيبي هافهمك
تجاهلها محمد تمامآ وهبط لمستوى فارس واخذ يلكمه
روح: محمد يامحمد اهدى مش ده والله ما ده اهدى ابوس ايدك تهدر
محمد: تفهميني ايه غير انه بنأدم ما تر باش
روح: ياحبيبي مش ده اللي اتعرضلي والله مش ده
ده اللي ضربهم علشاني
#توقف محمد فجأه: قصدك انه مالكلمكيش
روح: اه ياحبيبي مش ده
تركه محمد ووقف وساعده في الوقوف: انا اسف على الخرشمه اللي في وشك دي
روح: معلش يافارس اخويا محمد كان خايف عليا
فارس: ده اخوكي
روح: اه
مد فارس يده: اتشرفت بحضرتك كان نفسي اشوفك علشان اقولك ان اختك بميت راجل ربنا يحفظها ويحميها ليك يارب........
محمد: طب وال.....:
فارس: ههههههه لا ولا يهمك عادي دا كان سوء تفاهم وحصل خير.....
محمد: يعني انت مش عاوز تتخانق
فارس: ههههههه اتخانق علشان اخد في وشي اسبوع كمان وانا لسه مافرحتش باللي خلص لأ ياعم يفتح الله
محمد: تمام بس لسه ماعرفش مين حضرتك وتعرف روح ازاي
فارس بتلقائيه: اصدقاء
محمد برفع حاجب: اصدقاء
روح: قصده اننا كأخوات
محمد: حتى لو كأخوات ذي مابتقولي اظن اني انا وروان وندى وعماد بس اللي اخواتك حضرتك بقى اخوها ازاي
فارس: لأ انا بس بعتبرها اختي وصدقني والله عمري مااتخطيت حدودي....
محمد: ماتقدرش اصلآ تتخطى حدودك روح متربيه على ايدي وانا واثق فيها وفي تربيتي وعارف كويس قوي ان اختي مش ضعيفه
روح بسعاده من كلام اخوها: حبيبي ترتبيتك تاج على راسي عمرها ماتتهز
فارس: ربنا يحفظكم لبعض يارب 😍
محمد: امين يارب لو سمحت اقطع علاقتك باختي خالص
فارس: يااستاذ محمد انا والله عمري ماكلمت روح غلط ولا قربت منها واذا كان على اني مسكت ايدها فاده والله العظيم من فرحتي اني شوفتها بعد الاسبوع اللي اتفصلنا فيه انا بس بلاش تخليني اديك كلمه انا مش هاقدر انفذها بلاش لو سمحت
#ظل محمد ينظر لها بنظرات شك ثم نظر لروح وجدها تنظر له بأستغراب فاابتسم على سذاجة اخته ولكن التزم الصمت...
محمد: بص يافارس انا هاخد منك كلمه في حاجه تانيه
فارس بحزن؛: يعني برضو مصمم
محمد: اخرك مع اختي تحية الاسلام وعامله وصباح الخير وبس
فارس: ننننعم
محمد: افندم
فارس: ااا اه قصدي علم وينفذ تحت امرك
محمد: انا خدت كلمتي من راجل مش من عيل وبرضوا واثق ان روح مش هاتخالف كلامي
فارس: وانا ان شاءلله هاكون قد ثقتك
محمد مقبل راءس اخته: انا اسف ياحبيبتي لو ازعجتك في جامعتك بس كنت خايف عليكي ياقلبي
روح: حبيبي ولا يهمك ربنا يخليك ليا يارب وميحرمنيش منك ياسندي وضهري يااحلى اخ ليا
محمد: في ضهرك دايما ياروحي هاسيبك انا السلام عليكم ورحمة الله وبركاته
الجميع: وعليكم السلام ورحمة الله وبركاته
فارس: صباح الخير
روح: يسعد صباحك
فارس: سلام
ايمان: ايه ده بقى دا بقى دا بقى
روح: ايه يابت مالك انتي وهي
ايمان: هو ايه اللي ايه هو ماحدش واخد باله هنا غيري ولا ايه
ندى: انا خدت بالي ياختي خدت بالي
روح: خدتوا بالكم من ايه يابت انتي وهيا
ايمان: من فارس
روح: ماله
ندى: متغير كليآ
روح: متغير ازاي مش فاهمه
ايمان: اه دي عاوزه شرح وانا الشرح بيوجعلي بطني
بصي يابنت الناس فارس كان دايما فاشل وبتاع بنات وعمره ماكان بيحضر محاضرات ابدآ
ندى: بيعتمد على فلوس بابا وبيصرفها على المخديرات
ايمان: مخديرات
ندى: اه
ايمان: يخربيت المدارس الحكومي اللي عملت فيكم كده
ندى: اه والبرنسيس كانت في لغات وانا ماعرفش ولا ايه
ايمان: ااا ايه
ندى: تك اوه
روح: في ايه يابت مالك انتي وهي
ايمان'روح من الاخر كده الواد ده بيحبك
روح: نعم
ندى: نعم الله عليكي ياقطه بتقولك انه بيحبك
روح: لأ طبعاً دا مستحيل دا من ابعد المستحيلات
ندى: الحب اتصنع من المستحيل ياروح واهو قدام عينك كنتي مش بتطيقي فارس وكنتي دايما تتجاهلي الكلام معاه لكن ياسبحان الله الاحوال تتغير وتكلمي فارس وتهزري وتضحكي معاه فاانك تحبيه دا مش مستحيل او اصلا بتحبيه بس بتكدبي نفسك. وبتخبي علشان حضرتك رافضه حبه ده
ايمان: بسم الله ماشاء الله شوف مين بتتكلم ندى بتقول الكلام السكر ده سبحان الله
روح: انا لا بخبي ولا بداري انا قولتهالك وهاقولها تاني مستحيل احبه مستحيل تمام
ايمان: بس
روح: ايمان لو سمحتي خلص الكلام بعد اذنكم عندي محاضره باي
ايمان: اممممممم برضو مصممه على تكديب نفسها اختك دي دماغها جزمه انا مش عارفه هي رافضه ليه دا حتى الواد شرح وبرح ويرد الروح
ندي: هو مين ده اللي شرح وبرح هو شقه ياختي
يلا يلا خلينا نلحق محاضرتنا ونلحق الشغل
ايمان: طوييب
♡♕♕♕♕♕♕♕♕♕♕♕♕♕♕♕♡
"والله إن الإنسان ليخجل من زيادة نعم الله عليه وقلة شُكره عندها، تنام دون مهدئات، تستيقظ في عافية وأهلك حولك وليس هناك موعد عملية يقلقك أو جرعة كيماوي تنتظرك، تتحرك بأريحية دون أن تنتظر أحد يساعدك، تتنفس بلا أجهزة، تأكل دون أن تطرق باب أحد ليعطيك! نِعم لا تعد فاللهم ارزقنا شكرها"🤎🤎
اللهم صلِّ وسلم وبارك على سيدنا محمد وعلى آله الطيبين الطاهرين اجمعين 🌹🌹💚💚🌹
♡♕♕♕♕♕♕♕♕♕♕♕♕♕♕♕♕♡
كانت روان في المطبخ بتغسل المواعين ثم سمعت طرق على باب المنزل:..
روان: ايوه حاضر
#ذهبت وفتحت الباب بعد ارتاءها النقاب
روان: انت
عز: اه انا ياروح الروح
روان: لا والله
عز: طب يلا وسعي وسعي خلينا نسلم المزه بتاعتنا
روان: مزة مين معلش
عز: ناديه يابنت
روان: ههههههه في الصاله جوه
عز: ندوشه ناديتي
روان: بس يخربيتك هاتفضحنا وطي صوتك ده
عز: ليه ياقلبي اتغارين علي صوتي ان يسمعه احد
روان: اغير على مين معلش
عز: صوتي
روان: خش ياعز خش مش ناقصه وجع بطن
عز: ههههههه حاضر بس بقولك ايه
روان: ايه تاني
عز: بحبك
روان:.......
عز: لسه ماحبتنيش ياروان قلبك مابيدق طيب لما بتسمعي كلمة بحبك مني مش بوحشك لما بغيب عنك ذي لما ببعد عنك بموت لسه ياروان احساسي اتجاهك. ماوصلكيش عارفه نفسي اكون انا اول حد تكلميه لو زعلانه نفسي اكون انا امانك انا سرك انا اللي تاخدي رائيه في اي حاجه حتى لو حاجه تافهه عندي حاجه كبيره اوي اوي
روان:...........
عز: مش مهم تحبيني مش عاوز حبك انا بس عاوزك جنبي واشوفك كل يوم قدام عيني بس هو ده اللي انا بتمناه من ربنا سبحانه وتعالى.....
روان: شكرا ياعلى
عز: على ايه ياقمر
روان: على صبرك وعلي حبك ليا على الحنان الكبير النابع منك. الي محاوطمني في اي مكان شكرا ياعز انك صمتت عليا رغم رفضي ليك شكرا بجد الف شكر
عز: تمام
روان: هو ايه اللي تمام يابني
عز: مالها ياختي
روان: مالهاش بس يعني مش حلوه
عز: نعم نعم نعم ياختي دا انتي مافيش على لسانك غير تمام نعم حاضر اعااااااااااايارخمه
روان: ههههههنهه طب اهدى اهدى انا اسفه
عز: فين ماما ناديه ياذفته
روان: خير طيب في حاجه
عز: ياستي خير ماتقلقيش انتي بس اتنيلي قولي فينها وانتي هاتعرفي لوحدك اخلصي بقى يارخمه
روان: اممممممم ماشي ورايا
عز: وماله ياختي مايضرش
روان: ماما حبيبتي
ناديه: تعالي ياقلبي
روان: خلصتي قرءان ياروحي
ناديه: اه الحمدلله
روان: طيب ع..
عز: القمر اللي وحشني
ناديه: عز منور ياحبيبي
#ذهب عز اليها قبل راءسها ثم يدها: حبيبتي منور دايما بوجودك
روان: هو انا مش قولتلك اعرفها الاول وبعدين تشوفها..
عز: روان ياحبيبتي ماما ناديه كانت في الصاله مش في اوضتها فاتنيلي اسكتي ها
روان: بس...
ناديه: ايه ياروان مايدخل دا ابني حبيبي يدخل ذي ماهو عاوز
عز: انا لو منك احط دماغي في حله واداري كسفتي
روان: بس ياسكر بس
ناديه: ههههههه عيال عياال بقى دول فرحهم بعد اسبوع
عز: علشان كده جيت ياست الكل اقولك سر خطييير
ناديه: خير ياحبيبي في ايه قلقتني
عز: بصي ياروحي ان شاءلله فرحي انا وروان الخميس الجاي
ناديه: اه ياحبيبي
عز: جاي استأذنك نعمل فرح محمد ونور معانا
ناديه: بس
عز: مابسش ياماما علشان خاطري توافقي ومالكيش دعوه بالتجهيزات انا مهتمه بكل حاجه
محمد من خلفه: لأ طبعاً ياعز فرحي هاجهزه من مالي
عز: ايه اللي بتقوله ده يامحمد هو احنا من اخوات
محمد: طبعاً اخوات واصحاب وارجوك ماتفهمنيش غلط بس هايبقى منظري ايه قدام نور لما اخوها يعمل فرحنا على حسابه انا مش عويل ولا مكسور ياعز الحمدلله انا قادر اصرف على اهلي فاانا اللي هاعمل الفرح
عز بفخر: ماشي ياصاحبي اللي يريحك
محمد: عز ماتزعلش مني
عز: بس ياض حد يزعل من اخوه يالا هاسيبكم انا دلوقتي
ناديه: ماشي ياحبيبي خلي بالك من نفسك روان وصلي عز للباب
روان: حاضر
عز بغمز: يافرحتي القمر بذات نفسه جاي يوصلني ازغرط ياناس
روان: ههههههه يابني اسكت
عز: ماقدرش ياقلب وروح وعقل ابنك
روان:.....
عز: بحبك ياروان والله بحبك حسي بيا بقى يااللي ماعندكيش دم
روان وهي تدفعه للخارج: انا عديمة دم طب يلا بقى طرقنا
عز: على فكره
روان: نعم
عز: برضو بحبك سلااام
روان: ههههههه مجنون
♡♕♕♕♕♕♕♕♡♡♡♕♕♕♡
لا حول ولاقوة الابالله العلي العظيم 💚💚🌹💚💚
♡♕♕♡♡♕♡♡♡♡♕♡♡♡♕♕♕♡
يوم ورا يوم ويمر الاسبوع على ابطالنا بدون ذكر احداث ولكن لم يخلوا من مزاح ايمان واقتراب التوربيني منها ومحاولة اسلام من التقرب من ندي وتقرب محمد من نور اكثر وارتياح روان لعز والتقرب منه.... واخيرآ حل اليوم المنتظر
روح: لولي لولي لولي لولي لولي لولي علي الدچي يلا العريس وصل اؤ اؤ اؤ لولي لولي لولي لولي لولي
روان ياروحي نور العرايس تحت ياقمامير
نور: ايه ده جم بجد بت ياروح شكلي حلو
روح: مزت المزاميز بس سيبك انتي وخلينا في الملاك اللي جنبك دي بسم الله ماشاء الله قمر في النقاب الابيض ياروان اخواتي عسلات ياناس يحفظكم يارب ويبعد عنكم العين يارب...
روان: حبيبتي تسلميلي وانتي قمرين ياعيوني
روح: خدي بوسه يابت المهم يلا بينا الكتاكيت طالعين
#ومر الوقت وذهبوا جميعآ لمكان العرس. وجلس كل منهم في مكانه
اقترب محمد من اذن نور: ماتزعليش اني ماعملتش فرح كبير اسف يانور
نور بأبتسامة حب: وجودك جنبي اهم عندي من اي حاجه بحبك يامحمد
محمد بحب: بحبك ياقلب محمد
#راءت نور نقطه حمراء فوق موضع قلب محمد فالتفتت لترى من اين تأتي فراءت من يقف فوق احدى البنايات فعلمت سريعآ انه تبع والدها فابدون تفكير ركضت اليه سريعآ واحتضنته وانتلقت الطلقه الناريه....