![](https://blogger.googleusercontent.com/img/b/R29vZ2xl/AVvXsEjef7fR4etTjl6b36lZKgVjUnoY6p4Mdp89ir2etGwtVu62EtbPEndcLz6vCnbgZA7AULecjqF-J34ROhQR8iSGDbF1cS0ZLz2CLuu2dAG69HXava_baIXBuxP3HdEPV3hH2VIlp4nBdVbdqIVGFafnxvWOeV49THIlX2Qb894qveYVAVD0SJV1soDmVtpN/s320-rw/FB_IMG_1697815256751.jpg)
رواية خطوات حائره
الفصل الثامن8والتاسع9
بقلم منال عباس
اعصابي تعبت ما قدرتش اتملك نفسي اكتر من كده لقيت نفسي بصوت بصوت عالي صريخ صريخ صريخ لحد ما لقيت فجاه واحده طويله لابسه جلابيه سوداء خبطتني على دماغي ما حسيتش بالدنيا بعدها الله
اصوات ناس كتير حواليا وانا مش شايفه قدامي غير غيامه سوداء سامعه صوت عالي في ناس بتعيط وميزت صوت سامر في وسطهم وست ماما صوت بابا حتى طنط حنان واختي ما بقتش عارفه انا عايشه ولا ميته انا صاحيه ولا نايمه انا في حلم ولا علم كل حاجه ملخبطه حواليا وبعد وقت لقيت ماما بتقول لي حبيبتي يا بنتي كان مستخبي لك ده فين وبصت على بابا وقالت بقلم منال عباس
سميرة : انا مش عايزه الناس تعرف ان احنا هنا لازم نمشي
حمدى : انت بتقولي ايه البنت لسه خارجه من العمليات ازاي يعني نخرج بيها وهي لسه تعبانه عايزه تمشي انت امشي
فتحت عينيا وقتها بس فهمت ان في المستشفى واني جالي فعلا نزيف بسبب الاجهاض اللي حصل والدكتور صمم ان يعمل لي عمليه تنظيف ودخلت وعملت العمليه وبابا كلم سامر وطنط حنان وكلهم وصلوا وكلهم حواليا
سامر : انا اسف... انا اسف يا هنا ما كانش قصدي ما كانش قصدي ازعلك ولا اضايقك ارجوك سامحيني
لقيت ماما هى اللى بترد كالعادة ..ما انا ماليش رأى
سميرة : انت ليك انت تتكلم بعد اللي عملته في بنتي اعمل حسابك هي مش راجعه تاني
حنان : معلش دي غلطه وما فيش داعي نخرب عليهم سيبيهم هم يتصافوا مع بعض وهنا بنت عاقله
هو معترف بغلطه وحقك يا هنا انا اللي هجيبه لك.
حمدى : انتوا بتتكلموا في ايه انا بنتي لسه خارجه من العمليات ما حدش ليه دعوه بيها سيبوها في حالها بقى ويلا لو سمحت كله يخرج بره
الحقيقه قد ما كنت زعلانه على نفسي كنت زعلانه علشان طنط حنان اصلها ست طيبه جدا وهي ما لهاش ذنب في اي حاجه وحسيت قد ايه هي حزينه ان انا مش راجعه معاها بس غصب عني انا مش قادره استحمل اكتر من كده انا محتاجه اكون بعيد بس للاسف اكون بعيد فيه عند ماما وبابا اللي هم طول اليوم خناق بس ما ليش مكان ثاني مضطره ارجع معاهم...
طنط حنان: طيب يا هنا يا بنتي اسيبك تستريحي وان شاء الله هاجي لك بكره تكوني فكرت ورجعت نفسك يا بنت ولقيت سامر بيبص عليا هو كمان وعيونه كلها حزن ما انا ما غلطتش في حقه عشان يغلط فى حقى ...
ما انا لحد دلوقتي مش فاهمه ايه العلاقه المريبه اللى بينه وبين صافى ...
وفعلا طنط حنان وسامر مشيوا ..
أما ماما قالت انا مقدرش ابات فى المستشفى ..افرض حد شافنى ..يبقي. كل اللى عملته للانتخابات هيروح فى لحظه ...بقلم منال عباس
بابا : بلاش جنان بقي ..بس قبل ما يبدأ الخناقه رديت وقولت ...
جنى : ما فيش مشكله يا بابا انا كمان فعلا عايزه اروح محتاجه اكون بعيد عن الدنيا كلها وعن الناس طبعا ماما فرحت لما سمعت الكلام ده وبسرعه كانت بتلم هدومي قبل ما تبص عليا وتشوفني هقدر اتحرك ولا لا حسيت بنظرات الحسرة في عيون بابا هو عارف اني لا حول ليا ولا قوة..
ومفيش دقائق ...كانت ماما مجهزه شنطتي وبدات هي وبابا يساعدوني ماما حطت الروب عليا وسندتنى اختى وبابا وقعدوني على كرسي متحرك لحد ما نزلت تحت وركبت عربيه ماما
وبابا اللى قعد جنبي على الكنبه اللى ورا ...يسندنى ...
عند سامر
حنان : عاجبك اللى وصلت نفسك ليه ياما حذرتك ياما قلت لك صافي مش هتنفعك صافي دي اختي بس انا عارفه انها كلها شر ... رجعت تشرب تاني يا سامر بعد ما كلنا بدانا نحس انك اتغيرت ناوي تبقى راجل امتى وقد المسؤوليه صافي خربت على نفسها من زمان وبتخرب عليك انت كمان وانت عارف ان الطريق ده نهايته وحشه ... كفايه الكذبه اللي كدبناها على هنا .... البنت لحد اللحظه دي ما تعرفش انك كنت متجوز قبلها وان حياتك خربت برده بسبب صافي بتعيد نفس الحكايه ردي عليا انت ساكت ليه
سامر : مش قادر افهميني مش قادر ابعد خالص انا بتجنن لو ما اخذتش الجرعه اللي بتديهاني صافي بحس ان خلاص هموت
حنان : فضلت تسمع كلامها تسمع كلامها لما بقيت مدمن ... في جوازك الاولاني الدكتور قال الحمل ممكن يحصل بمعجزه ولما ما حصلش... مراتك اتطلقت منك وصممت على الطلاق ....
بدل ما تراجع نفسك وتحمد ربنا ان ربنا عوضك وهنا حملت تيجي انت بكل سهوله تضيع كل ده انا مش عارفه اقول ايه واواعيد ايه تاني انا مكسوفه من الناس دي...
عموما صافي دي انا ليا كلام معاها وانت لازم تقطع علاقتك بيها انت فاهم...
كان سامر بينه وبين نفسه عارف انه غلطان بس فعلا هو وصل لدرجه الادمان ومش قادر يسيطر على نفسه والكيف سيطر عليه ...
عند هنا
وصلت الشقه عند بابا
وبمساعدة بابا واختى دخلونى اوضتى
انا عارفه اختى طيبه ...بس غصب عنها لازم تمشي علشان اولادها ..اعتذرت ليا كتير ومشيت ..
وانا طلبت منهم انى محتاجه انام ..
كان الالم فظيع ...مغص مميت ...وتأثير البنج راح ..وبقيت هموت من الالم ...بقيت اصرخ من جوايا ...ومش عايزة حد يسمعنى ...وافتكرت شكل الست الطويله اللى خبطتنى ...قلبي وقتها ارتجف وحسيت أن فى حد معايا فى الاوضه...انا المرة دى صاحيه ومتأكده انى صاحيه ومش بحلم ....
لقيت نفسي جسمى بيرتجف وبقيت اقرأ ايات من القران الكريم ...
على داخله ماما عليا
ماما استغربت شكلى وانا وشي كله مياه من العرق والخوف
سميره بخضه : هنا مالك ...فيكى ايه ...
هنا : ماما انا خايفه اوووى ...انا حاسه ان فى ...وماكملتش لأن فون ماما رن
وماما اخدت الفون وخرجت برا ترد
لقيت الست اللى لابسه اسود ظهرت ليا
وقالت احذرى يا هنا او استحملى اللى هيحصلك ...
حسيت انى اتحولت خرساء ..لا قادرة اتكلم ولا حتى قادرة اصرخ...
وبعد شويه ماما رجعت ليا ومعاها بولة شوربه وفراخ مسلوقه
سميرة : قومى يا هنا لازم تاكلى ...علشان تاخدى العلاج
هنا : مش قادرة يا ماما ماليش نفس
ماما ضغطت عليا وبعد الحاح شديد ..شربت شوية شوربه ..واخدت العلاج ونمت ....
فى صباح يوم جديد
طبعا كنت تعبانه جدا ....واتصلت على منار وعرفتها انى تعبانه ..
منار بخضه : مالك يا هنا ..صوتك واضح انك فعلا تعبانه ..
هنا : قدمى ليا على إجازة مرضي...
منار : طب ايه اللي. حصل
هنا : انا عند ماما يا منار ولقيت نفسي بعيط وبقولها انا خلاص فقدت الجنين
منار : لا حول ولا قوه الا بالله العلي العظيم..طب ما تزعليش نفسك ...وربنا يعوض عليكى حبيبتى...بقلم منال عباس
شكرتها وقفلت ...
وفى نفس اللحظه لقيت فونى رن ...من رقم غريب
رديت بصوت واهن من شدة التعب ...
هنا : الو
المتصل : وحشتينى يا هنا ...
بصيت للفون ..دا مش صوت سامر ...معقول دا صوت. وبقيت اكدب ودانى ...
احمد : أنا آسف انى اتصلت فى وقت زى دا ..بس دا الوقت الوحيد اللى. هتكون فيه فى شغلك ..
هنا : احمد ...عايز منى ايه يا احمد
احمد : حسيت انى اخطأت فى حقك وكان لازم اعتذرلك ...
قلبي وجعنى اكتر من كلامه بس اضطريت اتظاهر بعكس كدا
هنا : كل شئ قسمه ونصيب...
احمد : طب ارجوكى يا هنا اى خبر تشوفيه على الفيس النهارده ...اتاكدى أنه حصل غصب عنى ..واتمنى تسامحينى ...
هنا باستغراب : خبر ايه ..انا مش فاهمه حاجه ...ممكن تفسر لو سمحت
احمد : هتعرفي كل حاجه النهارده ...خلى بالك من نفسك..وقفل ...
مابقيتش فاهمه اى حاجه ...هو ليه بيحصل معايا كدا ...
مر الوقت وانا كل شويه افتح الفيس اشوف اى حاجه عنه ..بس مالقيتش حاجه ...
ماما صحيت وحضرت ليا الفطار واخدت العلاج ...وعملت نفسي هنام علشان اقعد لوحدى
لقيت ماما بتقول ..طب انا هروح مشوار وارجع بسرعه ..تكونى نمتى براحتك ..
قولت ليها تمام يا ماما ...وفعلا ماما خرجت ...وبابا جه اطمن عليا وخرج هو كمان ...
عينى غفلت شويه مش عارفه اد ايه
وصحيت على صوت ...مش قولت ليكى طريق الدخان مش طريقك ...صحيت وفتحت عنيا ..ادور على الصوت بس مفيش حد ...
فتحت الفيس بسرعه ...ولقيت .....
الفصل التاسع
صحيت على الصوت الغريب اللي بيقول لي مش قلت لك طريقه الدخان ده مش طريقك صحيت وفتحت عيني وبقيت ادور على مصدر الصوت بس للاسف ما فيش حد... فتحت بسرعه على الفيس ادور فتحت البيدج بتاع احمد المحلاوي لقيت خبر زفافه
مش عارفه انا مصدومه ولا زعلانه طب يقصد ايه بكلامه لقيت نفسي ما عنديش اي رد فعل... بقلم منال عباس
هو ليه بيحصل معايا كده طب لما هو هيتجوز اتصل بيا ليه عايز مني ايه ده المفروض النهارده زفافه يعني مشغول بكل حاجه لليوم ده عموما هو صفحه ولازم تتقفل قلت في نفسي انا في جميع الحالات ست متجوزه وما يصحش افكر في حد غيري جوزي بس لقيت نفسي بقول هو فين جوزي اتنهدت تنهيده طويله ....
قررت لازم اقوم لازم اعدي المرحله دي باي شكل مش هفضل ضعيفه دايما ولا تحت حكم حد..
فتحت الدولاب لقيت ماما حاطه الشنطه اللي فيها هدومي اخذت غيار قررت اتحامل وادخل اخد شاور واغير هدومي واشوف اي حاجه اكلها بالرغم اني ما ليش نفس لاي حاجه بس ما فيش فايده لازم اخرج من النطاق ده وبالفعل دخلت اخذت الشاور وغيرت هدومى ...
كنت حاسه اني ضعيفه كنت حاسه اني تعبانه كنت حاسه اني مكسوره بس مش هفضل كده وده قرار
عملت كوبايه شاي ساندوتش جبنه وجبت كتاب كنت بحبه للروائيه منال عباس روايه غرام الاكابر وعشت مع الروايه وكاني بقراها لاول مره
دي حته من عندي كده يعني لزوم الهزار 😉😉😉😉
عدى وقت طويل وانا قاعده لوحدي مش عارفه بابا وماما راحوا فين وليه يتاخروا عليا وهم عارفين ان انا تعبانه قررت اتصل على ماما ورجعت غيرت رايي ما انا عارفه انها مش هترد ولو ردت هتقول مشغوله... قلت اكلم بابا وفعلا رنيت عليه لقيت بابا بيكنسل و وده مش طبع بابا ..
ومفيش دقائق ولقيت بابا وماما داخلين سوا عمرها ما حصلت بابا وماما في مكان واحد وراجعين سوا ومن غير خناق بصيت عليهم وانا عينيا كلها اسئله نفسي اسالهم في ايه بس كان باين ان في حاجه كبيره على وشوشهم... بقلم منال عباس
لقيت بابا بيقول لي
حمدى : ازيك يا هنا يا بنتي عامله ايه دلوقتي معلش تاخرنا عليكى
هنا : الحمد لله يا بابا احسن شويه بصيت على ماما عايزه افهم في ايه
سميرة : هنا انا باباكي فكرنا وقررنا انك لازم تنفصلي عن سامر الطلاق هو الحل...
بصيت باستغراب عليهم مش ده سامر اللي هم صمموا اتجوزوا وقالوا عليه مناسب رديت وانا مستغربه
هنا : هو في حاجه تانيه حصلت!!
سميرة : انا وباباكي كنا عنده ولسه راجعين وخلاص اتفقنا على كل شيء ولازم تطلقي من الشخص ده.. ده شخص فاشل انا كنت مكلفه شخص
ويجيب لي كل بياناته وحركاته من اول مره زعلت منه
وجالى تقرير عنه النهارده اللي عمري ما تخيلته سامر م*د*م*ن مخ*در*ات
ومش بس كده الفتره اللي قلنا عليه بيروح المصنع وحاله انظبط كان كله كلام كدب في كذب كان مكلف ناس يشتغلوا بداله وهو كان ماجر شقه بيقابل فيها ستات خلاص ما عادش ينفعك بعد ما ضغطنا عليه انا وباباكي ان لازم يطلقك مقابل انك تتنازلي عن حقوقك
هنا : فكرتوا و كمان قررتوا... طب فين انا في كل ده
سميرة بحده : ليه هو انت ليكي راي تاني في وضع زي ده انت مش عارفه انت بنتي مين مش عارفه مامتك داخله على انتخابات شكلها ايه لما الناس تعرف ان جوز بنتي بالاخلاق دي اكيد ده هياثر عليا
ابتسمت ابتسامه بهته وانا اللي قلت ماما بدأت تدور عليا ويهمها مشاكلي
نفسي خلاص بدات تحس بيا وتعرف قد ايه انا عايشه حياة الميتين...
فى الاخر طلع كل ده عشان الانتخابات مش هنكر ان انا مش مرتبطه بسامر قوي ومش هنكر ان حياتي معاه ما كانتش احسن حاجه ده غير ان هو فيه علامات استفهام كثيره جدا ووضعه هو وصافي اللي لحد دلوقتي ما فهمتهوش كل اللي كان بيصبرني على سامر هو طنط حنان لانها ست طيبه لكن غير كده وجوده زي عدمه في حياتي وبالتالي كان ده ردي
هنا : تمام اللي تشوفوه صح اعملوه وعن اذنكم....
اوعى حد يفكر اني وافقت على طلاقي من سامر علشان احمد ظهر تاني لا والف لا والدليل على كده ان احمد نفسه اتجوز النهارده والحلم او الرؤيه اللي شفتها الله اعلم اسميها ايه بدات تتحقق لا طريق احمد ولا طريق سامر هو طريقي...
دخلت اوضتي وقفلت على نفسي قررت احاول اعدى الفتره دي باي شكل خصوصا فعلا تعبانه ...
اتصلت على منار
منار : ازيك يا هنا يا حبيبتي وحشاني عامله ايه طمنيني عليكى
هنا : انا احسن الحمد لله بس انت عارفه تعبانه بس من الاجهاض
منار : الف سلامه عليكى حبيبتى..
تحبي اجيلك .
هنا : لا يا منار انا كنت بس عايزه ادردش معاكي شويه
منار : طبعا يا حبيبتي اتكلمي انا سامعاى .. بقلم منال عباس
هنا : خلاص بابا وماما اتفقوا اني اطلق من سامر والحقيقه انا مش متضايقه
منار : لا حول ولا قوه الا بالله العلي العظيم ليه كده بس يا هنا يا حبيبتي البيوت فيها كتير مشاكل...بلاش تسرع فى القرار دا
هنا : مش تسرع ولا حاجه يا منار انا مش لاقيه نفسي في الحياه دي عمري ما حسيت ان البيت ده بيتي
المهم انا عايزه اشغل نفسي باي شكل عايزه اروح في اي مكان عايزه ابعد عن الدنيا كلها شغلانه في المدرسه مجرد وقت برجع تاني افكر واقعد مع نفسي واحس بالالم فرصه وانا في الاجازه المره دي لو قدرت تلاقي لي اي شغل بعيد عن الحياه دي بعيد عن المدرسه حتى لو فتره مسائيه انا ما عنديش مشكله المهم ابعد عن حياتي هنا
منار : ربنا يكتب لك الخير يا حبيبتي وانا طبعا تحت امرك... صحيح فاكره
محمد ابن خالي اللي قابلناه في الكافيه..
هنا : اه ماله في حاجه..
منار : اصله سالني عنك مستغرب شكلك بيقول لي بالرغم ان شكلها صغير جدا بس عينيها مليانه هموم سنين طويله..
هنا : وانت قلتي له ايه
منار : ما فيش قلت لي الدنيا مليانه مشاكل وما فيش حد مرتاح
هنا : الحمد لله...
سمعت صوت الباب بيخبط وعرفت ان انت بابا لان دي خبطته استاذنت منار اني اقفل وقلت اتفضل ادخل يا بابا
حمدى :ما تزعليش يا هنا يا بنتي من اللي عملناه ده علشان مصلحتك وانت لسه صغيره وكمان مش بس الاسباب اللي مامتك قالتها هي السبب في ان انا وافق على الكلام ده اللي خلاني اوافق انك تنفصلي عنه انه مد ايده عليكى ان خلاك تفقدي الجنين اللي كان نفسك فيه طول عمرك
مش بس كده يا هنا نظره الحزن اللي بشوفها في عينيك بتقول مش انك مش سعيده مع سامر في حقك علينا يا بنتي احنا اللي اجبرناك على الجوازه دي ما انتظرناش نتركك تفكرى
هنا : الحمد لله يا بابا قدر الله وما شاء فعل ده نصيبي.. وشكرته على انه حس بيا. باسنى من راسي وتركنى وخرج ...
مرت ايام كتير لغايه ما اتعافيت صحيا ورجعت شغلي منار ما كانتش بتحكي لحد حاجه عني لدرجه اني ناس كثيره كانوا مفكرين اني كنت اجازه عشان حامل والكل بدا يسالني عامله ايه في الحمل ما حدش عارف ان خلال الفتره دي كنت اتطلقت وما فيش حمل ما بقيتش ارد على حد... تقريبا كده بقت شبه منعزله عن الناس كلها حتى اصحابي في المدرسه ما عدا منار عدى شهور الايام كلها زي بعضها وانا كل يوم بدور على اي شغل اشغل بيه نفسي... بقلم منال عباس
وفي يوم خلصت الشغل وقررت اخرج اتمشى اتصلت على ماما استاذنت اخذ
عربيتها وقلت ليها هنزل وسط البلد اشتري شويه طلبات خاصه بيا ماما من كتر ما هي مشغوله عمرها ما كانت بترضى تسيبني اروح في مشوار لوحدي المره دي وافقت واخذت العربيه ونزلت لفيت واشتريت هدوم كثير كنت بفكر اغير حياتي كلها ستايل لبس ستايل في كل شيء..
انا بحب اقف على الكورنيش قررت اشتري ايس كريم واتمشى واشم هوا النيل ...
وانا واقفه ابص على المياه وباكل الايس كريم سمعت صوت جاي من المياه من تحت عارفه ان انتم هتستغربوا كلامي بس ده اللي حصل كان الميه فيها موجه غريبه بتتفتح وبسمع صوت غريب طالع منها بيقول لي استعدي طريقك بدا يظهر كنت خايفه بصيت حواليا مفيش ناس حواليا بصيت تانى على المياه لقيت الموجه اختفت ....
هنا بخوف : ايه الصوت دا ....
وقولت انا هروح احسن .....وروحت بسرعه على عربيتى ...ولسه بفتح الباب ...لقيت اللى بيقولى .......