رواية عودة الجاحد
الفصل الرابع عشر14
بقلم الاء الرحمن
مساء الخير
اطلس قرب منها وهي بتبعد لحد ما حاصرها بين ايديه على حافة الطاولة
نقاء بتوتر :اب عد
اطلس بهمس رجولي مغري :هتطلعي الاوضة ولا نطلع مع بعض لكن ساعتها هعمل حاجات اقسملك هموت واعملها من سنين
نقاء بخجل :ايه الي بتقوله ده عيب كده
فوقهم من الي هما فيه رن الفون بتاع نقاء
نقاء زقته عنها
كانت ريم
نقاء :الوو
ريم بصدمة :الحقيني يا نقاء امير هنا مش عارفة ازاي وسهم برضه هنا هيتخانقوا دلوقت ارجوكي تعالي انا مش عارفة اتصرف
نقاء بقلق :انتي بتقولي ايه
ريم :ارجووكي تعالي ارجوكي سلام سلام لانهم باين بيتخانقوا
نقاء قفلت معاها ولفت لاطلس :انا لازم اروح البيت دلوقت
اطلس سمع كل حاجة وفضل باصص ليها بصمت
نقاء كانت هتمشي
اطلس مسك دراعها وقربها منه بغضب : طول ما انتي على ذمتي اقسملك لو قربتي من الي اسمه امير ده لادفنك مطرحك اطلعي اوضتك فوق اول اوضة على ايدك الشمال
نقاء بغضب :بقولك امير مع سهم هيتخانقوا
اطلس بسخرية :ليه مش برضه امير الصديق المقرب لسهم ولا ايه على ما اضن عاشوا حياتهم مع بعض متخافيش قوي كده مش هيتخانقوا
نقاء بغضب :ابعد عن طريقي
اطلس بصلها بعينين مقحمها الجحيم وهو بيصك على سنانه بغضب :اطلعي فوق احسنلك
نقاء لسه هتتكلم
اطلس قرب منها لدرجة الخطر وعينيه على شفايفها
نقاء قلبها دق جامد وبسرعة وجريت من قدامه لفوق
ودخلت الاوضة الي قال عليها وايدها على قلبها
نقاء :يا لهوي ايه المجنون ده
.............................................
عند سهم
كان بيحاول يهدا بعد ما جه على ريم كتير قوي وتلفت اعصابهم لاتنين
سهم مسح على شعره بنفاذ صبر :ريم اهدي كده طلاق ايه الي عايزاه صدقيني هتفهمي بعدين كل حاجة بعدي عنك ما كانش في ايدي والله كنت بتقطع اكتر منك في بعدي عنك
انتي عمرك ما كنتي رخيصة زي ما بتقولي انتي احلى حاجة حصلتلي في حياتي
ريم بدموع :وانا مش عايزاك انا كرهتك كرهتك يا سهم ومسحت دموعها تعال اغيرلك على الجرح وارجع لمراتك
هنا ضرب الجرس
ريم زفرت بارتياح على امل انه نقاء جت جريت تفتح واتصدمت بأمير قدامها
ريم بصدمة :امير
سهم لفلها لما سمعها بتقول ايه واتصدم اكتر
امير قرب منه بابتسامة :ازيك يا صاحبي وحشتني
سهم لسانه اتربط ما عرفش يقول ايه امير صاحبه قدامه بكل تفاصيله بشكله بطوله بجسمها بكل حاجة
امير :ايه الصدمة خلتك نسيت تسلم عليا
سهم تدارك نفسه وبص في عينيه :انت مين
امير :هههههه انت شايف مين
سهم بصله بغضب وزقه :اطلع بره يله بره
اميير بصله بغضب مشابه :يبقى فعلا انت كمان اتغيرت زي ما قالولي ما تكونش انت كمان بقت عينك من مراتي زي ما الكل بقت عينه منها
انت وفريد والدكتور الي مش عارف جاي من انهي مصيبة وقرب منه بغضب اكبر لكن اقسملك بالله دلوقت لرجع كل حاجة خدتوها مني
سهم زقه بغضب اكبر :انت هتصدق نفسك يله ولا ايه امير مين الي جي تقول عليه هاه
ريم جريت كلمت نقاء وقالتلها الي بيحصل هنا ورجعت
امير بصلها بغضب :صاحبتك فين
سهم بغضب :اوعى تقرب منها فاهم اوعى اشوفك مقرب من نقاء
امير بسخرية:دي مراتي فاهم لو نسبتوا افكركم وابني معاها
سهم :اطلع بره بره
امير خرج وهو متعصب
ريم كانت بتترعش جامد وخايفة جدا على نقاء
سهم قرب منها وحس برعشتها :ريم اهدي اهدي يا حبيبتي مفيش حاجة
ريم بعدته عنها وبصت في عينيه :انتوا ليه بالجبروت ده ليه ليه بتدبحونا وترجعوا فجاءة وكأنه مفيش حاجة ليه وكأنه احنا الي غلطانين في حقكوا ارحمونا بقى ارحمونا
ريم بصتله بلوم :اخرج واقفل الباب وراك يا دكتور ودخلت اوضة نقاء وقفلت عليها الباب
سهم خبط عليها ما فتحتش
سهم زفر بغضب وخرج
وضرب على اطلس
اطلس :الو
سهم :انت فين
اطلس ببرود :في القصر
سهم :مراتك فين
اطلس :معايا
سهم :انا جايلك
اطلس :بانتظارك سلام
..................................................
عند نقاء ضربت على ريم وقالتلها كل الي حصل وخناقته مع سهم
ريم بدموع :ده جبروت يا نقاء بيطالب بكل بجاحة بحقه فيكي وكأنك مراته بجد
نقاء بتعب :جه المشفى النهاردة وشوفته واتخانق مع اطلس
ريم مسحت دموعها بتركيز :بتهزري صح
نقاء :لا ده الي حصل جه بكل برود العالم بيقولي وحشتيني وبيقول لسهم هاخدك واعوضك
ريم :الوسخ انا شفت كتير ناس بجحه لكن عمري ما شفت حد زيه حقيقي ايه العبط ده
طيب وهتعملي ايه دلوقت
نقاء زفرت بغضب :بكيفي او غصب عني انا دلوقت على ذمة راجل التفكير بحد تاني اصلا حرام وامير انا كرهته كرهته قوي لكن نفس اسألي سؤال واحد ليه ليه يعمل كده وهو الي كان ليا كل حاجة كل حاجة
ريم : وانتي ازاي هتفضلي مع اطلس لوحدكم
نقاء :مش عارفة مش عارفة بيتحكم فيا بطريقة مش مخلياني اقدر اعترض ولا اتعصب
بيتعامل مع سيف وكأنه ابنه فعلا مش حاة تانية
بيعطي مشاعر مش بياخد مش عارف هو ايه بالزبط وعايز ايه
ريم :هو لحق حبك امتى مش فاهمة
نقاء :مش عارفة ومش فاهمة
....................................................
عند اطلس
دخل عليه سهم وباين عليه الصدمة
اطلس ضحك بسخرية :شفت سخرية القدر انا شفتني النهاردة من جديد
سهم بصدمه اكبر :يعني انت شفته
اطلس وقف قدامه وايديه في جيبه :شفته بالمشفى النهاردة وفي مكتب فريد
سهم :ايوه يعني
اطلس بسخرية :يعني شفت نسختي القديمة النهاردة زيي زيك
سهم بصدمة:ده عامله عمليات مخليه انت بجد مفيش حتى ادنى فرق
اطلس :مش هيقدر يجيب روحي وشخصيتي مهما عمل
سهم بغضب :ايه البرود الي انت فيه دلوقت وهتعمل ايه
اطلس طلب من الخدم يعملوا قهوة :ولا حاجة
سهم :ولا حاجة ازاي
اطلس :يعني فريد لمى خلاه يبان وبالتوقيت ده فاكر انه هيشتت عقل نقاء بظهور امير من جديد ويشتت عواطفها وبكده هيخلي امير المزيف يسيبها من جديد وبكده هترجعله فهمتني
سهم بعدم فهم :طيب هتسيبه يقرب من مراتك كده عادي
اطلس : خليها تفرغ غضبها مني فيه هههههه
سهم 🤨:انت فاهم نفسك بجد
اطلس :ايوه هي كانت محتاحة امير على شان تفرغ غضبها منه السنين الي فاتت دي كلها صح هي فاكرة انه امير خانها واتجوز عليها وخد فلوسها وهرب صح اهو امير ظهرلها من جديد خليها تفرغ غضبها كله فيه وهبقى انا الصدر الحنين الي في ظهرها وبيدافع عنها وبيحميها منه ومن اذاه
سهم :يا ابن الايه يا لذينه طيب وانت هتقولها امتى
انت مين
اطلس زفر بتعب :مش عارف خليها يمكن لما تعرف الحقيقة تعرف لوحدها
سهم :طيب ما تجرب تقولها دلوقت نقاء قلبها طيب وهتصدقك
اطلس :هه نقاء تصدق ايه بالزبط وكل الدلائل قدامها واضحة وفريد مش مخلي حاجة عليه وخصوصا مع ظهور امير المزيف هيكون حابكها جدا
انا هسيب فريد يكمل بلي بيعمله تمام وانا هكمل بلي انا بعمله وهخلي فريد يكشف نفسه بنفسه
سهم :ايوه ازاي انا مش فاهم حاجة
اطلس : هعمل فيه نفس الي عمله فيا لكن المرة دي هخلي الامير الي صنعه هو الي يعمل فيه
سهم بصدمه :اوعى
اطلس شرد
فلاش باااااك
امير :انا نفسي اعرف ايه المفاجأة الي عاملها وجايبني المسافة دي كلها
فريد بغيظ :هادم الذات انت متصربع على ايه يا دكتور ما ترحم دماغك دي شوية
امير بابتسامة :نقاء طلعت حامل وعايز الحق مش مصدق امتى اوصل مصر واروحلها
فريد :هتروحلها هتروحلها لكن الاجتماع ده مهم جدا جدا فيه مستقبلنا احنا لاتنين
امير :بقى نفسي اشوف ام الصفقة المفاجأة دي
فريد ركن العربية :اهو وصلنا انزل يا عم الفضولي
امير :ايه المكان ده غريب قوي
فريد :الوفد وصل يالله
امير :استنى افهم قبل ما ادخل
فريد :صفقة الادوية الي عايزها من سنين ومعدات ابتجميل الي ناقصة بالمشفى الوفد ده هيدينا ياهم بسعر اقل من السوق وعلى اقساط مرتاحة ده غير انهم هيلتزموا بتوريد مستحضرات لتجديد البشرة بأسعار خرافية
امير بامتنان :شكرا شكرا يا فريد مش عارف هجازيك ازاي طيب يالله ندخل على شان الحق احجز واروح مصر النهاردة
فريد :اها تمام يله
دخلوا والوفد يشرح عن منتجاته وامير كان مش مصدق انه بالفعل الصفقة دي من نصيبه
فريد جاب الاوراق
وقع هنا يا امير
امير وقع والوفد كذلك
خرج الوفد وفضل امير وفريد
امير :يالله عايز الحق احجز وانت جهز كل حاجة وحصلني بطيارة خاصة مع الاجهزة وما تجيش من غيرهم
ولسه هيخرج لقي اتنين سادين في وشه الطريق
امير بعدم فهم :انتوا مين
هنا شم ريحة بنزين في المكان :ايه الريحة دي وبص وراه كان فريد بيرمي كبريت في كل حتة
امير بغضب :انت اتجننت انت بتعمل ايه ايه
فريد بص للرجالة وهزلهم بدماغه
مسكوه لاتنين جامد وربطوه وهو بيحاول يبعدهم عنه بغضب
امير بغضب :انت بتعمل ايه يا وسخ
فريد قرب منه بغضب :انا مش وسخ انا عاشق عاشق حب وحده من كل قلبه ولما جه عايز يضمها لقبله لقي اعز صاحب ليه بيخطفها منه
ليه ليه انت الي يكون ليك الحظ بكل حاجة وانا لا انت من غيري ولا حاجة ولا حاجة يا امير فاهم ولا حاجة
امير بغضب :يااااه ايه الغل والحقد ده كله
فريد مسك الورق :شايف الورق دي
الورقة دي فيها بيع شرى منك بالمشفى ليا
والورقة دي فيها طلاق نقاء
والورقة دي رسالة بتوقيعك بكل حاجة عملتها لنقاء وانك عمرك ما حبتها وانك خدتها تحدي تحدي وبس وانك خدت كل فلوسها وسبتها
ههههههههه وهبقى انا الحضن الحنين الي بيضمها واتجوزها بقى
امير مع كل كلمة كان وكأنه جهنم في عنيه على الارض
امير بغضب :مش هسيبك والنعمة ما هسيبك يا وسخ اتفوووو ده انا الي عملتلك قيمة وشغلتك معايا ده انت لولايا لسه دلوقت اللقيط الي خارج من الميتم انا الي بتك معايا وخليتك بني ادم وكنت دايما بحميك من كل حاجة انا تطعني بالشكل ده
فريد بغضب :انت دايما الاحسن مني ليه وبأيه احنا لاتنين خرجنا من ميتم يله
حظك ونصيبك انك تروح لبيت واحد غني ويورثك الطب وكل حاجة ليه وحظي ابقى ابن الشارع الي بظهر ابن العائلة الغنية وبغضب وحقد انا طول عمري في ظهرك عمري ما اذيتك لحد ما خدت احلى حاجة حصلتلي نقاء
امير بغضب :وانت فاكر انها كده هتحبك لا دي بتقرف منك يله
فريد بسخرية :هتحبني لما انت تتكل على الله
امير :عمر الشقي بقي حظك دايما انك تفضل في المكانة الس انا هحطك فيها
فريد ولع كبريت وبصلها :لكن المرة دي انت هتفضل بالمكان الي هحطك فيه
فريد خد الورق وامير بيبصله بغضب
وخرج وولع بالمكان
وفضل يبص من بعيد لحد ما شاف النار محاوطه المكان من كل حته
ضحك بسخرية وركب عربيته ورجع مصر
باااااااااااااااااك
اطلس كان بيشد على ايده بغضب
سهم :افتكرت صح انا اسف
اطلس :الي حصل عمري ما نسيته على شان افتكره ولو نسيته مل ما ابص في وشي هفتكره
هنا نزلت نقاء لابسه فستان قصير ازرق
سهم بص للسلم وسكت
اطلس بصلها ببرود ونزع عينيه عنها
نقاء بصت لسهم :حمدالله على سلامتك
سهم :الله يسلمك
نقاء :تعالا هغيرلك على الجرح
سهم بسخرية :لحقت تقولك
نقاء :تصدق انك ما عندك ريحة الدم بقى بعد كل الي عملته فيها رايح تصؤخ وتخنقها وتتعصب عليها
سهم زفر بغضب :اسكتي يا نقاء انا مش طايق نفسي
اطلس بص لنقاء الي ماسكه صندوق الاسعاف :هاتي انا هغيرله وانتي قولي للخدم يحطوا الاكل اكيد وصل
سهم فضل ساكت ونقاء ادته الصندوق واطلس غيرله على الجرح
نزل سيف مبسوط جدا وكلوا مع بعض واطلس مصدوم من تغيرها
سهم استأذن وخرج
ونقاء نيمت ابنها واطلس سابها براحتها ومن تعبه دخل ياخد شاور
جتها رسالة من امير فيها صور ليه ولمراته وواولاده
(انا بعشقك يا نقاء اوعي تفتكري اني اتجوزت بكيفي انا حصلي ظروف خارجه عن اراداتي خلتني بعدت عنك اطلس هو السبب في كل حاجة حصلت لينا وبعدتنا عن بعض انا عمري ما فكرت اخونك انا بحبك بحبك )
نقاء شدت على ايدها بغضب وموعها بتنزل :ازاي ازاي قدرت تلمس غيري فين وعدك ليا فين عشقك الي وهمتني فيه وبتبعتليىصورة مراتك بكل وقاحة على اساس ايه هغير مثلا
نقاء اتجننت من الفكرة نفسها فعلا طلع السمع حاجة والنظر حاجة تانية خالص
نقاء بصت للدولاب بغضب ولبست قميص نوم ابيض
وبصت لاوضة اطلس ومن غير تفكير راحتله وفتحت الباب
اطلس كان لسه خارج من الحمام واخد شاور
اطلس بصلها بصمت
نقاء دخلت وقفلت الباب ووقفت قدامه
نقاء والدموع في عينيها :انت صح بتقول بتحبني وبتعشقني وعايزني انا بعرض نفسي عليك دلوقت يا اطلس