رواية عودة الجاحد
الفصل الثاني والعشرون22
بقلم الاء الرحمن
حقيقي شكرا لجميع المتفاعلين من كل قلبي وبتأسف على التأخير
ومفيش شوية دخل امان برفقة امير
نقاء ازدردت لعابها وبصت لاطلس عشان يتصرف
اطلس بكل برود قرب من امير ومدله ايده :اهلا با دكتور عامل ايه وبصلهم تعرفوا بعض
امان :انا اتعرفت عليه على باب القصر من شوية
اطلس اومأله بدماغه
امير بص لنقاء الي كانت بتتهرب من عينيه
امير بص لاطلس :عايز اتكلم مع نقاء
اطلس :مش وقته تعال في وقت تاني عندي ضيوف دلوقت يا دكتور لو عايز تتفضل على العشاء اهلا وسهلا
الكل كان مستغرب فحوى الحديث رايح فين ومين ده
امير خرج ورقة من جيبه وقرب من نقاء :معايا ورقة بتثبت انه حضانة سيف ليا في حال اتجوزتي وبما انه والدتك متوفية وما عندكيش اخوات الحضانة ليا يا نقاء عايز ابني من غير اي مشاكل
اطلس حك دقنه وحاول يتحكم بأعصابه
نقاء هزت دماغها بلأ
نقاء بدموع وانهيار : لا لا انت مش هتعمل كده انت استحاله تعمل فيا كده يا امير مستحيل تاخده مني مستحيل انا تعبت وكبرت وربيت وبصراخ لأ انت انت ما تعرفش عنه حاجة
وزقته بدموع ارجع ارجع لمراتك وعيالك احنا مش عايزينك في حياتنا تاني ابعد عني بقى
ريم حضنتها :اهدي اهدي ما يصحش تنهاري كده
امير بغضب مكتوم :انتي الي اجبرتيني اعمل كده يا نقاء انتي لما اتجوزتي نهيتي اي حاجة كانت بينا
نقاء كانت بتترعش في حضن ريم
اطلس قرب من امان :انت محامي صح شوفلي الورقة الي بأيده دي نظامية ولا ايه
امان :قشطة
امان قرب من امير :لو سمحت يا دكتور ممكن ورقة ضم الطفل الي معاك
امير بانزعاج :بصفتك مين
امان رفع حاجبه : بصفتي محامي العيلة دي وانت داخل وعايز تاخد فرد منها
امير :اهااا اتفضل اهي
امان تمعن بالورقة الي معاه وطواها واداهاله بثقة :بس الورقة دي ما تدلكيش الحق بأنك تاخد الطفل من امه الورقة بتنص على انك رفعت قضية بحضانة الطفل ليك لانه امه تزوجت وغير مؤهلة انها تكمل بحضانته وده الي انا هثبت عكسه في المحكمة
لانه الي ما تعرفوش يا دكتور في القانون المصري بتسقط حضانة الطفل من الام في حال انها تزوجت من اجنبي ما يعرفوش الطفل
او اصابة الام بمرض هيخلي الاطفال بخطر
او ادمان الام
او تورط الام في قضية اداب لا سمح الله طبعا
او عدم اهلية الام لاصابتها بشيء عقلي او نفسي وانا شايف نقاء بكامل قواها العقلية والنفسية قضيتك يا دكتور في الفشينك هتروح وهتخسرها وتخسر ابنك
قرب اطلس منه وامير بيزدرد لعابه بالعافية من توتره
اطلس حضنه من كتفه بأيد وحده ومشي معاه لحد الباب وبهمس :اضن يا دكتور امير سمعت القضاء بيقول ايه هاه ومرة تانية تقرب من عيلتي والي خلقني ونفخ فيا الروح اقسملك اني دلوقت سمحتلك تطلع وانت بتمشي على رجليك المرة الجاية مش هخليك تطلع من بيتي على رجليك دي هاه وبهمس يخوف ابقى لو في مرة جاية جيبلي وانت جاي شهادة بتحليل DNA يثبتلي انك ابوه وغمزه وقفل الباب بوشه
اطلس لفلهم والكل مصدوم من الي بيحصل والتوتر هو المحتل لدى الجميع
اطلس :ولا كأنه في حاجة حصلت انسوا الي شفتوه ده واحد مختل نفسيا وانا هعرف ازاي هتصرف معاه
غادة بغضب :يعني تعرف ازاي تتعامل معاه وانت ايه الي يجبرك تتعامل مع ناس زي دي انا متت تعبت على ما لقيتك يا بني هموت لو جرالك حاجة ابوس ايدك ابعد عن الناس الي هتجيبلك وجع دماغ ارجوك انا مش عايزة اخسرك
زين بغضب مكتوم :ما تهدي كده وتلمي لسانك جوه بوقك مش شايفة مراته منهارة
اطلس بصلها بغضب مكتوم :ما تقلقيش مفيش حاجة هتحصل انا بعرف اتصرف مع الاشكال دي كويس
وقرب من نقاء الي بعدت عنها ريم اول ما اقترب منهم
نقاء بصتله بدموع : انا اسفة
اطلس قرب منها بحنية ومسح دموعها : دموعك ما تنزلش على شان زبالة زيه وبهزار سيبيهم لحاجة اتقل من كده
مريم :ههههههه الله الله يا فنان
سهم قرب من اطلس بهمس : تقريبا يا زبالة انت بتغلط على نفسك هههه
اطلس بصله بغيظ وبص للجميع :اضن نتعشى كفايا شد وجذب بالاعصاب ولا ايه
غادة بصت لزين بغضب
زين بهمس يخوف : اهدي يا غادة لاطلع جناني عليكي الساعة دي
مريم قربت من امان : ماما حطت نقاء في دماغها ربنا يستر
امان بص لوالدته :هه ده اطلس يا حبيبتي اطلس مش امان الرايق اطلس بيعرف ياخد حق مراته كويس قوي ما تخافيش مش هتقدر تعمله حاجة هي بس خايفة عليه ليضيع منها تاني هي ما صدقت وحضنته من جديد
نقاء كانت مش قادرة تتنفس :انا انا هطلع ارتاح شوية وانزل
اطلس كان هيتكلم
زين مسك ايده :سيبها شوية مش قادرة تاخد نفسها البنت
ريم سندتها وطلعت معاها
دخلوا الاوضة ونقاء بتحاول تاخد نفسها بالعافية
ريم قفلت الباب :اهدي هاه اهدي انتي اقوى من كده مش من اول مواجهة هتتهزي كده وتوقعي من طولك
نقاء بصراخ : ليه ليه ليه يعمل كده عملتله ايه استاهل منه المعاملة دي ده الغريب الي لسه اعرفه من يومين بيهتم فيا وبابنه اكتر منه ليه يتنكر لكل حاجة عملتهاله وبدموع
ريم من لما رجع كنت بدور في عينيه على الحب الي كنت بشوفه ما لقيتش ولا نظرت حب منه ليا عملتله ايه عشان يبقى بالجبروت ده كله
ريم حضنتها :بس اهدي ارجوكي في ناس تحت وبلاش تباني ضعيفة اكتر من كده ادخلي اغسلي وشك واخرجي يالله
......................................................
عند امير
خرج من القصر وهو فعلا على اعصابه للحظة حس انه اطلس كاشف كل لعبته مع فريد وخاصة بروده الي كان موجهه ليه اواي واحد بيعشق مراته يسمح لطليقها يقرب منها حتى لو بالغلط حتى لو صدفه
فريد ضربله خرجه من حالة التوهان الي كان بيتخبط فيها
امير حاول يستجمع نفسه :الوو اهلا فريد
فريد :حصل ايه روحتلها
امير :ايوه رحتلها لكن اخ اطلس طلع محامي وقرأ الورقة كويس وعرف انه لسه رافعين القضية وما ينفعش اخد الولد من دلوقت وقال لما المحكمة تبقى تاخد الحكم النهائي يبقى من حقي اخده
فريد :واطلس ونقاء ايه رد فعلهم على الي حصل
امير :نقاء انهارت جدا وفضلت تصرخ وتقول محدش هياخد ابني
فريد :واطلس
امير بشرود :رد فعله غريب جدا
فريد عقد ما بين حواجبه :ازاي
امير :كان بارد جدا ما اهتمش بلي بيحصل خالص حتى وهو بيهددني اني ما جيش القصر بتاعه حسيت انه مش فارق معاه الموضوع
فريد :وهيفرق معاه بأيه هه هو عايز نقاء مش عايز ابنها مهو ما هيصدق انت تاخد الولد وهو يعيش حياته معاه
امير :اممم جايز كده
امير اتعمد ما يقولش عن موضوع التحليل لحاجة بنفسه
فريد :طيب بكرة اكيد هي هتيجي المشفى مش عايزك تفوت لحظة وحدة انك تفكرها بنفسك بحبها لحظاتهم مع بعض هاه عايزها تفنكر حبها القديم وتبعد عن اطلس الزفت ده
امير. بتفكير :تمام ما تقلقش كل حاجة هتبقى تمام اوعدك يا فريد
...................................................
عند اطلس
حاول يضيع الموضوع
اطلس :قابلت الدكاترة الجدد واخترت حد
سهم بملل:صراحة تقريبا كلهم غير كفىء يتعينوا بالمشفى عندنا باستثناء دكتورة خريجة جديد اسمها نور الرفاعي صراحة مع انه مش معاها خبرة لكن البنت شاطرة جدا جدا
اطلس :مجالها ايه
سهم :تجميل جراحي جلدي رسالة الماستر بتاعتها كانت عن الطبقات الحامية للجلد عندها ابحاث صدمتني صراحة عبقرية البنت
اطلس :اممم هبقى اشوفها انت قولتلها حاجة
سهم :لا انا بس خليت الCV بتاعها وقولتلها هنبعت خبر عالايميل
اطلس :حلو والمحاسب
سهم :للاسف مفيش غير اتنين كان والاتنين مش كفاءة
مريم باهتمام :اطلس يا اخويا انت سندي مش كده
اطلس بصلها باستغراب :في ايه يا هبلة
مريم قامت وقعدت جنبه :الله هو انا بقول حاجة غلط انت اخويا وحبيبي وسندي اقولك انا بحبك اكتر من امان تصدق اه والله
امان وهو بيفصص بزر : عايزة تشتغل محاسبة عندك دي زبالة بتاعت مصلحتها ريلت لما سمعت انك عايز محاسب
وغمزه اي خدمه يا معلم انا فاهم الجو الي داير هنا كله اشر بس وانا افطمك
مريم بصتله بغيظ
امان :الله مش بتحبيه اكتر مني
سهم :هههههههه تفطسوا من الضحك
زين :وانا هتوسطلك عنده اصلا مش هأمن عليكي تشتغلي غير عنده
اطلس :امممم بما انه زين بيه اتدخل لا ده انا اعينك مكاني كمان
مريم باسته من خده :والله بحبك
اطلس :بكرة تبعتي ال CV بتاعك على ايميل المشفى تمام لانه مش كل حصص المشفى ليا عندك دكتور فريد لازم يكون عنده علم بالتعيين الجديد
مريم :تمام انا والله اعجبك وعندي خبرة بشركات كتيرة بره وعندي
امان ما خلهاش تكمل :مريم هانم المداح بيسلم عليكي ما تردش اشتغلت في شركة وعلى كتر الاجازات بتاعتها اطردت
اطلس :هههههههه ما بيسترش خالص
مريم بصت لامان بغيظ : ماشي يا فاشل
امان :ههه انا فاشل ده انا لسه مخرج المحامي الي جوايا من شوية خليت الي اسمه امير مش قاظر يتكلم لكن انا ما بحبش اتكلم عن نفسي زي بعض ناس 😉
مريم :رزل
هنا نزلت نقاء لكن تقريبا زي ما هي فضلت ملتزمة الصمت وبتحاول تجامل
اتعشوا بجو من المرح القائد بتاعه كان امان ومريم
ريم بابتسامة : انت بجد مش طبيعي
امان بضحك :اي خدمة يا برنسس
سهم بصله بغضب
امان :احم حفظا لماء الوجه وبص لريم ما تتكلميش معايا ولا توجهيلي كلام
ريم باستغراب :انا ليه
امان :اصل يعني جوزك شوية وهينقظ عليا وبص لسهم احنا بنهزر على فكرة ريم ونقاء اخواتي زيكم بالزبط
اطلس : سهم هو امان هزاره كده عفوي ما تزعلش
نقاء بهمس وصل لاطلس وريم الي جنبها : كنت انصح نفسك الاول 😏
اطلس بصلها بصمت
سهم ببرود :مفيش حاجة حصل خير
الوقت اتأخر نستأذن احنا دلوقت وبص لريم مش يالله يا حبيبتي
ريم :احم تمام
استأذنوا وروحوا في جو من الود والالفة
والكل طلع على اوضته
ونقاء لسه هتدخل اوضتها
اطلس مسك دراعها :انا قولت ايه الصبح
نقاء :انت تقول الي عايزة وانا اعمل الي انا عايزاه وحاولت تنزع ايدها منه
اطلس بغضب مكتوم وصوت مهموس :قولتلك وضع مؤقت على ما اشوف عيلتي هتفضل هنا ولا ترجع
وشدها معاه ودخلها الاوضة
نقاء بغضب :مش عايزة افضل معاك بنفس الاوضة انت ما بتفهمش
اطلس زفر بنفاذ صبر :نقاء ارجوكي حاولي تفهميني مش عايز نلفت النظر لوضعنا ده عيلتي ما تعرفش اي حاجة عن جوازنا فاهماني
نقاء : وليه ما تعرفهمش بدل ما الوالدة العزيزة كل شوية بترميني بنظرات اتهام محسساني اني اتجوزت براد بيت
اطلس قرب منها بتهديد :لما تتكلمي عن الست الي جابتني تتكلمي عنها باحترام فاهمة وتعامليني باحترام زي ما انا بعاملك باحترام فاهمة
هدخل اخد شاور واخرج مش عايز مشاكل لو سمحتي
وسابها وخد هدومه ودخل ياخد شاور ونقاء متعصبة جامد من اسلوبه ومن بروده
مفيش مدة خرج اطلس وهو بينشف بشعره لابس بجامه بيتي مريحة
نقاء حاولت ما تبصلوش وخدت منشفتها واتعمدت ما تاخدش هدوم معاها
وطنشته ودخلت الحمام وخبطت الباب جامد وراها
اطلس :هههههه هي هي لو عدا عليها مليون سنة مش تمان سنين هتفضل طفلة ما بتكبرش
................................................
عند سهم
في العربية
فضل ملتزم الصمت وهي طنشت وصلوا البيت
نزلت وهو متعصب من برودها ده
سهم دخل وقفل الباب وراه بغضب :افهم ايه من الي بتعمليه ده هاه
ريم ببرود :وانا عملت ايه
سهم بغضب :ريم ما تخلينيش اتجنن عليكي بأي حق قاعدة بتهزري مع الي اسمه امان ولا كأنه في حمار اسمه جوزك قاعد جنبك
ريم :الراجل عفوي بيفرض على اي حد يتقبله
سهم شدها عليه من وسطها بجنان :مفيش حد ليه حق يشوف ضحكتك ودلعك ده غيري ما تخلينيش اتجنن يا ريم انا لدلوقت ماسك نفسي صدقيني
ريم بتوتر ظهر لسهم :لو سمحت ابعد يا سهم
سهم وهو بيتنفس بسرعة:بتترعشي كده ليه
ريم :ارجوك ابعد
سهم سابها :انتي كويسة
ريم بدموع متحجرة :اجوك لو هتفضل هنا ارجوك ما تحاولش تقرب من اوضتي خالص
سهم قرب منها بلهفة :ما اقدرش انتي مش عارفة انتي وحشاني ازاي
ريم زقته بغضب ومسحت دموعها :واحنا مش جواري عند حضرتك مرة بحبك يا ريم وفجاءة تروح تتجوز ريتا وبعد ما اتجوزتها ترجع عايز ريم لا لا يا سهم اقسملك بالله لولا الي ببطني ده عمري ما كنت افكر ارجعلك من تاني انت زيك زي جهنم محدش بيدخلها وبيطلع منها سليم
وسابته مع كلماتها ودخلت اوضتها وقفلتها
وسهم قعد وايديه على وشه بيحاول يفسر النظرة الي جوا عينيها
.......................................................
عند نقاء
خدت شاور واتعمدت تستخدم الكريمات العطرية الفواحة
خرجت وهي لافة المنشفة على جسمها وشعرها الي اثار المية لسه مغللاه
اطلس كان بيراجع حاجة على اللاب
اول ما خرجت ريحة عطرها وصلته لكن ما حاولش حتى يرفع دماغه عن اللاب لانه عارف حالة الضعف الي هتصيبه وعارف دلوقت انه نقاء مجروحة بكرامتها اثر كلماته ليها الصبح وعايزة تثبتله انها بتأثر عليه
نقاء بصتله بغيظ من تطنيشه حتى انه يبصلها
سرحت شعرها بغيظ
نقاء حاولت تلفت نظره : اطلس انا هروح المشفى بكرة
اطلس بصلها ببرود اتقنه : زي ما تحبي ورجع يبص في اللاب باهتمام
نقاء بصتله بغضب وخدت قميص نوم بيتي ودخلت الحمام لبسته وخرجت
واطلس اول ما دخلت ضحك على تصرفاتها الطفولية
نقاء بنفسها :لا مهو دلوقت اكيد اكيد هيحاول ينام عالسرير لكن انا مش هسمحله ايوه هو كده
اطلس اغلق اللاب بتاعه وخد ملاية ومدد على الكنبة
اطلس :تصبحي على خير يا نقاء
نقاء 🤨 وشدت شعرها بصرخه مكتومه
نقاء :لا انا اديلك الخبر دلوقت بقى عشان تتعصب بدل ام البرود الي عايشه ده
نقاء:اطلس
اطلس من غير ما يبصلها :امممم
نقاء بحزم : عشان ما اكونش بخبي عليك حاجة يعني لانه الحاجة دي تخصك انا حجزت موعد عن النسائية هنزل البيبي