رواية عودة الجاحد
الفصل الرابع والعشرون24
بقلم الاء الرحمن
نقاء بغضب :انت ما بتغيرش عليا هاه مش بتقول بتحبني ما بتغيرش عليا منه شايفك بتجيب سيرته بكل هدوء لا وبتفكرني فيه وباللحظات الحميمية الي بينا انا انا مش بشوفك بتغير عليا منه لا بالعكس بتتكلم عنه بكل برود ولا كأنه موجود ده انت بتغير من فريد اكتر منه مع انه المفروض العكس
اطلس بص في عينيها ومسك ايدها الي على الطاولة :هغير منه ازاي وانا وهو نفس الشخص
نقاء بصتله بصدمة ونزعت ايدها منه :نفس الشخص ازاي مش فاهمة
اطلس وقف واداها ظهره وبص باللاشيء
نقاء بتوتر ظهر على صوتها :ارجوك ما تلعبش باعصابي نفس الشخص ازاي
اطلس بصلها بصمت رجاء عينيها: الي هقوله ممكن تفتكريه خيالي او رواية بتتكتب لكن الي هقوله دلوقت وحياتك عندي حصل بالحرف
وبصلها برجاء عايزك تسمعيني من غير ما تقاطعيني خالص ولو هتعلقي علقي بعد ما اخلص سواء صدقتيني او لا
نقاء هزت دماغها بآه
اطلس لفلها ظهره وشرد :من ثمان سنين كان عندي سفرية مع فريد جت فجاءة وبلغني فيها فريد بآخر لحظات
رجعت البيت ولفلها بص في عينيها
يومها كنتي محضرالي مفاجأة فاكرة كنتي لابسة فستان احمر وزفيتيلي احلى خبر سمعته بأنك حامل
نقاء ما كانتش فاهمة بيقول ايهى
اطلس :سيبيني اكمل وهتفهمي
بلغتك بالوقت ده انه جتلي سفرية مهمة مع وفد مهم بخصوص صفقة ادوية واجهزة بسعر خيالي للمشفى فاكرة
نقاء هزت دماغها وهي مصدومة
اطلس ضحك بسخرية :سافرت مع فريد لكن في الحقيقة طلع كمين مش صفقة فريد كان مزبط كل حاجة صح عشان يوقعني بالتوكيل الي معاه ومعايا
رحنا للمكان الي فيها الصفقة
بعد ما وقعنا مع الوفد واتفقنا على صفقة خيالية عمري ما توقعت احصل عليها بيوم يومها عمري ما هنسى الموقف ده وقعت الورق وانا شايف صوىتك قدامي مش مصدق امتى هخلص وارجع مصر احتفل معاكي بحملك
لكن لما جيت اخرج لقيت تنين سادين عليا الطريق
في اليوم اياه شفت فريد تاني غير الي كان صاحبي طول عمري شفت فيه غل وحقد وكره يوزع على العالم بحاله
نقاء ما كانتش مستوعبة هو بيقول جت تتكلم
اطلس :لو سمحتي سيبيني اكمل انتي ما تعرفيش الذكريات دي بتأذيني قد ايه
المهم انا من السرعة واني عايز اخلص وانزل مصر وقعت على ورق كتير وده من ثقتي بفريد
فلاش باك
هنا شم ريحة بنزين في المكان :ايه الريحة دي وبص وراه كان فريد بيرمي كبريت في كل حتة
امير بغضب :انت اتجننت انت بتعمل ايه في ايه
فريد بص للرجالة وهزلهم بدماغه
مسكوه لاتنين جامد وربطوه وهو بيحاول يبعدهم عنه بغضب
امير بغضب :انت بتعمل ايه يا وسخ
فريد قرب منه بغضب :انا مش وسخ انا عاشق عاشق حب وحده من كل قلبه ولما جه عايز يضمها لقبله لقي اعز صاحب ليه بيخطفها منه
ليه ليه انت الي يكون ليك الحظ بكل حاجة وانا لا انت من غيري ولا حاجة ولا حاجة يا امير فاهم ولا حاجة
امير بغضب :يااااه ايه الغل والحقد ده كله
فريد مسك الورق :شايف الورق ده
الورقة دي فيها بيع شرى منك ليا بالمشفى
والورقة دي فيها طلاق نقاء
والورقة دي رسالة بتوقيعك بكل حاجة عملتها لنقاء وانك عمرك ما حبتها وانك خدتها تحدي تحدي وبس وانك خدت كل فلوسها وسبتها
ههههههههه وهبقى انا الحضن الحنين الي بيضمها واتجوزها بقى
امير مع كل كلمة كان وكأنه جهنم في عنيه على الارض
امير بغضب :مش هسيبك والنعمة ما هسيبك يا وسخ اتفوووو على شكلك يا وسخ
ده انا الي عملتلك قيمة وشغلتك معايا ده انت لولايا لسه دلوقت اللقيط الي خارج من الميتم انا الي خدتك معايا وخليتك بني ادم وكنت دايما بحميك من كل حاجة انا تطعني بالشكل ده
فريد بغضب :انت دايما الاحسن مني ليه وبأيه احنا لاتنين خرجنا من ميتم يله
حظك ونصيبك انك تروح لبيت واحد غني ويورثك الطب وكل حاجة ليه وحظي ابقى ابن الشارع الي بظهر ابن العائلة الغنية وبغضب وحقد انا طول عمري في ظهرك عمري ما اذيتك لحد ما خدت احلى حاجة حصلتلي نقاء
امير بغضب :وانت فاكر انها كده هتحبك لا دي بتقرف منك يله
فريد بسخرية :هتحبني لما انت تتكل على الله
امير بسخرية :عمر الشقي بقي حظك دايما انك تفضل في المكانة الي انا هحطك فيها
فريد ولع كبريت وبصلها :لكن المرة دي انت هتفضل بالمكان الي هحطك فيه
فريد خد الورق وامير بيبصله بغضب
وخرج وولع بالمكان
وفضل يبص من بعيد لحد ما شاف النار محاوطه المكان من كل حته
ضحك بسخرية وركب عربيته ورجع مصر
باااااااااااك
نقاء هزت دماغها بلأ :مستحيل مستحيل انت اتجننت
اطلس بصلها بغضب :لا مس مستحيل وده الي حصل
نقاء بغضب :انت كداب انت بتكدب انت عايز تنتحل شخصيته وبس امير اهو زي ما سابني
اطلس بغضب مكتوم قرب منها وبص في عينيها :سيبيني اكمل ولو اتكلمتي طول ما انا بتكلم مش هيحصل طيب فاهمة
نقاء هزت دماغها بخوف لكن حرفيا ما كانتش قادرة تسمع الي بيقوله خالص
اطلس كمل :بعد ما سابني وسط النار فكيت الحبال بالعافية وخرجت والنار كلها شاعلة فيا وجسمي كله متشوه تعاليم وشي كلها مش باينة جلدي كله سايح كان ألم داخلي وخارجي عمرك ما هتحسي فيه
خرجت وفي ناس اسعفوني فضلت في المشفى اكتر من تلات مش قادر اتكلم ولا اتنفس لانه الحريق كلت الشفة السفلى كلها ومجرى التنفس تشوه
تلات سنين كاملين ما شفتش وشي بالمراية
لحد ما قدرت اوصل لسهم
كلمت سهم وجالي اميريكا
لحد دلوقت كل ما نفتكر مع بعض شكلي كان عامل ازاي وجسمي متشوه ازاي بنخاف احنا لاتنين ايوه اطلس الي قدامك بيترعش لما يفتكر شكله كان عامل ازاي وخاصة انه انتي الوحيدة الي تعرفي الجمال بالنسبالي يعني ايه وازاي كنت بقدر الجمال
جه سهم ودورنا على دكتور تجميل وكان مفيش اشطر من الدكتورة ريتا دكتورة مبدعة في مجالها في المستشفى الامريكي
عرض عليا سهم انه اغير شكل وشي لو هعمل عمليات تجميل على شان اعرف اخد حقي بعدين
لكن هنا كان في عائق قدامي والي هي الفلوس
فريد خد كل حاجة كنت بقيت على الحديدة خلاص
وسهم ثروته كلها لو هيدفعها مش هتكمل عمليتين تلاتة وانا كنت محتاج 14 عملية
هنا عرضت ريتا عرض على سهم لو هتعمل العمليات ليا هتعملها لكن بشرط واحد انه سهم يتجوزها
ريتا حبت سهم قوي وسهم كان بيحب ريم
وافق على شاني وبس لكن برضه بشرط انه مش هيتجوزها غير لما انا ابقى كويس ويشوفني قدامه احسن من الاول
ابتدينا نعمل عملية ورى التانية ودكتور خارج ودكتور داخل ونزيف بيحصل والتهاب بيزيد حاجات لو هفضل اقولهالك للصبح مس هتصدقيها لانها فعلا لو بكتب قصة مش هتبقى كده
وبعد سنة ونص من العمليات بقيت الراجل الي واقف قدامك ده
اما بالنسبة لاهلي بعد ما بقيت كويس استغربت ازاي ماما وبابا او الي كنت فاكر اني ممكن فعلا ابقى ابنهم ما سألوش عني وصدقوت اني ممكن ابيع كل حاجة واسافر محدش سأل عني خالص ما انا ابن الملجىء
حلفت يومها اني هدور على عيلتي والاقيهم كان رقم الدادة بتاعت الملجىء مع فريد
خليت سهم بطريقة او بأخرى يجيبلي الرقم اتكلمت معاها ودورت انا وهي على اي ورق قديم ليا ودوروت ودورت لحد ما خلاص فقدت الامل اني الاقيهم
لحد ما في يوم كلمتني وقالتلي انها وصلت للست الي جابتني الميتم
وصلتلها بمساعدة سهم وكانت على فراش الموت تقريبا وعرفنا منها انها كانت خاطفاني من حديقة
ولما ودتني للجماعة الي كانوا طالبين عيل عرفت انهم مش عايزين عيل كبير عايزين حد صغير
وبكده ما كنتش قادرة ترجعني لعيلتي لانه ابويا كان ليه وضعه وهينهيها ويسجنها ودتني للملجىء
عرفت انه عيلتي في ايطاليا رحتلهم وعرفتهم انا مين عملما تحليل دم يثبت النسب وفعلا كنت انا العيل الصغير الي خسر حياته في الملاجىء وعند الناس
وبص لنقاء المشدوهة من الكلام الي بيتقال
واديني قدامك يا نقاء بأسمي الحقيقي وشكلي المزيف لكن مش امير الزيني لا
بأسمي الحقيقي اطلس زين السامري ابن رجل الاعمال زين السامري ابويا الحقيقي
وعلى فكرة هما كا يعرفوش اي حاجة عن الماضي بتاعي ولا حتى سكلي الحقيقي ما قولتش لاني مش عايزة امي تتأثر اكتر من كده بسبب غيابي عنها
اطلس زفر نفس طوويل وكأنه هموم العالم اتشالت دلوقت عن قلبه
قعد قدامها وبصلها :اطلس نفسه امير وامير نفسه اطلس
والراجل الي بتقولي عنه امير وانتي مش حاساه اصلا ده كوبي عن شكلي عمله فريد على شان يتوهك في الوقت الي انا قربتلك
عايز يأثر عليكي بحبك القديم
لكن غبائه عمره ما صورله اني ابقى عايش مش ميت زي ما طول عمره فاكر
اطلس مسك ايدها الي بتترعش :انا امير يا نقاء انا عشقك انا ابو ابنك سيف وابو ابنك الي جاي انتي نقائي عمري ما كنت هسمح حد يشوه نقائك ما كنتش عايز اقولك دلوقت كل الي قولته لكن في اللحظة الي فريد هيضغط عليا بأبني الي اتحرمت اشوفه بيكبر قدامي ما كانش قدامي حل الا اني اقولك
ولو لسه مش مصدقة كل الي قولته اقدر بكل بساطة اعمل DNA مع سيف وتتاكدي اني ابوه
واعملي لامير المزيف وشوفي مين فينا الصح ومين جوزك الحقيقي
نقاء فضلت باصه في اللاشيء
اطلس خاف عليها :نقاء انتي كويسة
نقاء خدت شنطتها وما بصتلوش:انا انا عايزة عايزة اروح ارجوك وما تحصلنيش مش عايزة اتكلم لو سمحت وسابته وخرجت من المطعم كامل
..........................................................
عند امان
خد مريم وراح المشفى سأل عن مكتب سهم ودلوه عليه
السكرتيرة :هو عنده كقابلة دلوقت تقدروا تستنوا على ما يخلص
هنا خرج سهم ومعاه بنت جميلة صغيرة
امان وعينه منها مدلها ايده :امان السامري محامي المشفى هنا واخو صاحب المشفى
نور بأحراج :انا انا اسفة ما بسلمش
امان :يا صلاة النبي احسن ومؤدبة كمان
نور خدودها اتوردت وبصت للارض بخجل
سهم بص لامان بغضب :امان ادخل جوه وانا هجيلك وبص للسكرتيرة وصلي الدكتورة نور لمكتبها الجديد وبصلها بابتسامة اهلا فيكي معانا يا دكتورة
مريم زقت امان الي مبلم فيها :خش يله فضحتنا جتك القرف عيل ملزق
سهم دخل وراهم ورفع حاجبه وبص لامان :منطق الي حصل ده وحده محجبة ولابسة طويل بتمدلها ايدك تسلم عليها بتاع ايه ليه تحرج نفسك
مريم بصتله بقرف :هو ملزق بنفسه كده
امان بغيظ :خلصتوا وبص لسهم انا اطلس اطلق تعييني هنا كمحامي تمام وبص لمريم
والهانم خلاها تكنس وتمسخ قالي بالكلمة قول لسهم يخليها الشغالة بتاعتة
مريم بغيظ :ما تخرس بقى
سهم :هههه جاتكم القرف لاتنين اوك كل واحد على شغله انتي تنزلي الارضي وتستلمي محاسبة الصيدلية والبنت الي هناك هتفهمك كل حاجة
وبص لامان وانت خصصتلك مكتب جنب مكتبي ومكتب اطلس وفريد والدكتور احمد هتمسك قضايا المشفى لفترة على ما نلاقي محامي نثق فيه
امان بهمس :هي نور ايه نظامها يعمي مكتبها فين
سهم بغضب مكتوم :امان انا واطلس معندناش هزار في الشغل والبنت باين انها محترمة وعايزة تشتغل هي مش قدك ابعد عن سكتها
امان :اممممم اوك وانا بموت في الاحترام وغمزه ومشي
سهم بصله بفقدان امل
........................................................
نزلت مريم الارضي
وسألت عن الصيدلية وخبطت على الباب
كانت البنت بتتكلم مع فريد في بعض الادوية
مريم :صباح الخير انا مريم المحاسبة الجديدة
فريد بصلها بتقييم
لين :اهلا يا مريم اتفضلي الدكتور اطلس كلمني وقلي
فريد ضيق ما بين عينيه بخبث:هو انتي تعرفي اطلس منين
مريم بابتسامة بريئة:اطلس يبقى اخويا
فريد بمكر :امممم المشفى نورت صراحة ومدلها ايده انا فريد دكتور تجميل هنا
مريم بابتسامة :اهلا وانا مريم
فريد بصلها بخبث وبنفسه :ده احنا هنلعب لعب ده انتي جيتيلي من السماء
فريد بجدية :اهلا فيكي يا مريم لو احتجتي اي حاجة ما تتردديش ثانية انك تلجأيلي احنا هنا كادر واحد عن اذنكم
وسابهم ومشي
مريم تابعته بعينيها بأعجاب
لين :هههه رحتي فين حلو مش كده
مريم باعجاب :قوي قصدي
لين :هههه قصدك ايه هو فعلا يجنن تعالي اما افهمك هتعملي ايه وهتستلمي ايه
......................................................
عند ريم
ضربت على اطلس
اطلس باستغراب من مكالمة ريم
اطلس :الوو ازيك يا ريم
ريم :دكتور اطلس الحق نقاء هتنزل البيبي