رواية عودة الجاحد الفصل الحادي والعشرون21بقلم الاء الرحمن
اطلس بهدوء ما قبل العاصفة كان بيقرب منها وعينيه متعلقه بعينيها بطريقة تخوف : نقاء انا بملك طبع ربنا خلقه فيا اني هادي وصبور لابعد الحدود
لكن لما بتجنن محدش بيقدر يوقفني وما بشوفش قدامي
وانتي الوحيدة الي مش عايز ائذيكي لانك نقائي انتي بس الي بكون نقي وصافي قدامها
نقاء وقعت علبة الميك اب من ايدها وبصتله بخوف
نقاء بخوف:انت انت مين
اطلس بغضب مكتوم :انا اطلس زين السامري وعاد اسمه مره تانية بجانب ودانها اطلس زين السامري احفظي الاسم ده كويس اطلس زين السامري الاسم ده هيفضل معاكي لقبرك
نقاء هزت دماغها بلأ انت انت هو لكن لكن ازاي
اطلس بعد عنها وحاول يتمالك اعصابه :هو مين
نقاء بخوف : انا انا خايفة وبصت في عينيه حست بجد دلوقت ان الي واقف قدامها امير مش شبه تصرفات عابر وبس
اطلس هرب من عينيها الي مبحلقة فيه : مفيش خروج وما تحرجيش نفسك قدامهم لاني مش هسمحلك تخرجي النهاردة انا اتأكدت انه جدولك فاضي وما عندكيش اي عملية وعشان كده اديتك اجازة
انزلي تحت واعتذري منهم وقوليلهم انك لغيتي العملية على شانهم
ولسه هيخرج
نقاء قربت منه بتوهان ولمست وشه بأيديها
اطلس بنفاذ صبر بعد ايديها عنه :ما تلعبيش معايا يا نقاء
نقاء بتوتر ورعشة : انت حفضت كلامه ازاي
اطلس قرب على ودانها :عاشرته وحافظه عن ظهر قلب
وسابها تفهم كلامه بالطريقة الي تعجبها
نقاء بصت لاثره بصدمة وهي مش فاهماه خالص ولا فاهمة كلامه
نقاء حطت ايدها على قلبها الي كان بيدق بسرعة كبيرة وكأنه قرع طبول
مسكت فونها برعشة ومسحت دموعها وضربت على ريم
ريم كانت بتلبس هتنزل المشفى :الو
نقاء :انتي فين عايزاكي عايزاكي ضروري يا ريم انا محتجالك اووي حاسة روحي بتتسحب مني ارجوكي تعاليلي
ريم باستغراب :اهدي يا نقاء فيكي ايه بس قوليلي حاولي تهدي
نقاء بدموع:اطلس اطلس يا ريم انا حاسه انه بيخطط لحاجة عارف حاجة انا مش فاهماه طريقته وتصرفاته عينيه كل حاجة بيعملها بتشبه امير انا بقيت بخاف منه لما ببص في عينيه ارجوكي قوليلي اعمل ايه
ريم : نقاء انتي بتشوفيه كده لانك انتي عايزة تشوفيه كده او لانك محتاجة لامير في حياتك انتي بتفسري تصرفات اطلس على انها شبهه هوا لا يا ريم اطلس حاجة وامير حاجة تانية خالص وانسي زفت امير بقى ده حيوان انتي مش شايفة هو عايش حياته ازاي وانتي لسه عايشة على ذكراه ده رجع وما فكرش يسأل عن ابنه يا بنتي
انتي بس لو تهدي وتدي اطلس فرصة يقربلك هتنسي زفت ده خالص
نقاء بغضب :بقولك مش شبه هو هو مش عارفة اوصفلك الي انا حاساه ده ازاي
ريم :نقاء اقفلي دلوقت وانا هعدي عليكي بالليل ونتكلم براحتنا سلام
نقاء دخلت الحمام غسلت وشها وبصت في المراية بقت مش عارفة حتى نفسها هي بتعمل ايه وفين وصح ولا غلط
دخلت بدلت هدومها لفستان بيتي طويل بالوان الربيع الوردية وحاولت تستقوى ونزلت تحت استغربت انه سيف لسه موجود
اطلس عينيه اتعلقت فيها لكن حاول يتقمص البرود ببراعة
نقاء بابتسامة :صباح الخير من جديد
امان بأعجاب :الله ايه الجمال ده بس ده انتي يتضربلك تعظيم سلام
نقاء بابتسامة :شكرا يا امان
امان بمسرحية وايده على قلبه :احلى مرة اتقال اسمي فيها الله الاسم من بوقك له نكهة تانية
اطلس غمض عينيه يكتم انفعاله ده
غادة حست على اطلس :امان ما بس بقى الي هنا مش متعودين على هزارك ده في ايه
نقاء :لا يا طنط عادي انا طول عمري وحيدة ويشرفني انه امان ومريم يبقوا اخواتي
نقاء حاولت تطنش اطلس وما تبصلوش خالص مش عايزة تتوه اكتر من كده
امان : ده احنا الي لينا الشرف يا عسل يا مربى
مريم :هههه انا حبيتك يا نقاء اه والنعمة حبيتك ولاني حبيتك هقولك شعر ايه رائيك
نقاء بضحكة جميلة حركت قلب اطلس :اشجيني يا شاعرة
مريم :احم اححم
يقول
كتبت اسمك على الثلج وكان الحبر دمي
تخيل روعة المنظر اسمك والثلج ودمي
وزقفت لنفسها الله الله الله الله عليكي يا فنانة
نقاء :هههههههه تحفة تصدقي
امان بص لنقاء :والقمر مش هيقول شعر اصلك لو هتكحي هتقولي عبر يا ست
زين :هههههههه يا ويلي منك يا امان امتى اجوزك واعقلك
امان رفع ايديه باستسلام :انا مبسوط كده
غادة :بكرة تجيلك الي توقعك على جدور رقبتك الي رافعها دي
امان :والله لو القمر الي هتجوزها تبقى زي القمر والشمس والنجوم الي قاعدة قدامي مش هقول لا
نقاء :هههه انت جنتل اوي على فكرة
امان غمزها :اي خدمة يا عسل
اطلس بنفاذ صبر : نقاء انتي صح كنتي هتروحي المشفى يالله اطلعي هتتأخري
نقاء عرفت تستفزه لاول مرة بصتله بابتسامة وتحدي :لا يا حبيبي انا قولت عيب اسيب ماما وبابا واخواتي وهما اول مرة يشرفونا هنا الشغل يتأجل لكن هما ما يتعوضوش
امان :عبر عبر بتقولي عِبر يا ست
اطلس رفع حاجبه ورجع بظهره لورى وحك دقنه وهو باصص ليها بغموض
غادة قربت عليه :انت كويس
اطلس :بتقولي حاجة يا امي
غادة :بقولك انت كويس
اطلس :كويس جدا ما تقلقيش
اطلس وهو باص على نقاء بغموض :ام العبد
ام العبد جت جري عليه :تفضل يا بيه
اطلس وقف ودنا من ودانها وهمسلها بحاجة
ام العبد :حاضر يا بيه نص ساعة وكل حاجة هتكون جاهزة
اطلس :تمام وبصلهم ما نطلع نجدد القهوة في الجنينة
زين :انا عايز ارتاح يا بني تعبان من الطيارة
غادة :وانا كمان نبقى نشوف بعض المساء
اطلس :تمام نشوفكم المساء وبص لامان ومريم
وانتوا هتعملوا ايه
امان :مواعد واحد معرفة وعدته اول ما انزل هشوفه
اطلس رفع حاجبه :واحد ولا واحدة
امان :ههه وانت مالك اتلهي بالقمر الي معاك وخلي الواحد يتنفس هوا طبيعي مش كفاية ابوك طابق على نفسي ده انا جاي هنا مخصوص على شان يتلهي فيك عني شوية انا اخوك برضه
وبص لنقاء سلام يا قمر
وسابهم ومشي
ومريم استأذنت وطلعت تتعرف على اوضتها الجديدة
فضل اطلس وسيف ونقاء
نقاء :سيف تعال ابدلك هدومك ودي اخر مرة تعصى كلامي وتطنش مدرستك محدش هنا له دعوة فيك انا امك وانا الي احدد مصلحتك فين
نقاء لسه هتمشي
اطلس مسك ايدها :سيف حبيبي روح بدل هدومك وانا وماما هنشرب قهوة على ما ترجع وهقوم العب تنس معاك
سيف بفرحة :ايييييه على طووول بحبك قوي وجري من قدامهم
نقاء حاولت تنزع ايدها منه لكن مسكها جامد
نقاء بصتله بغضب :سيب ايدي
اطلس سابها ببرود مستفز :اقعدي على شان افضل حلو وريلاكس كده
نقاء بصتله بغيظ وقعدت
اطلس بصلها ببرود لكن جواه بيحترق من نار الغيرة :مش قولت مش عايز هزار مع امان ما بتسمعيش الكلام ليه
نقاء بصدق :امان لطيف جدا وما يقدرش الواحد يوقف قدامه ويصدرله البرود الراجل عفوي وده مش غلط خالص
اطلس بصلها واتكلم بنوع من الحدة :وانا جوزك وانا الي اقرر تتكلمي ازاي ومع مين
لو سمحتي يا نقاء كلامك مع امان يكون بحدود لو انتي فرضتي الحدود دي من البداية هو مش هيتجرأ يتعداها فلو سمحتي اسمعي الكلام
نقاء بصتله بابتسامة واستفزاز : مش واثق في نفسك ولا ايه يا حبيبي ههههه
وبعدين ريح نفسك انا لا هبصلك ولا هبصله الموضوع مش في دماغي خالص لسه ما قابلتش الراجل الي يملا دماغي
اطلس ميل دماغه على جنب وهو بيبصلها بنظرات صقر بيتصيد لفريسته واتكلم بسخرية :امممم هه فعلا معاكي حق اصل بصت الراجل غير الست
وايه الراجل الي يملا دماغك مدام نقاء
نقاء افتكرت امير واتكلمت بطفولة وتلقائية :جنتل عنده اخلاق بيحترم التانيين بيحافظ على مشاعرهم اممم وطويل وجسمه حلو
وشه ما يكونش مدور ما بحبش شكل الوش ده
يحبني جدا اكتر من اي حاجة في حياته ويهتم فيا قوي واهم من كده يحب سيف ويعامله وكأنه والده
يكون راجل ناجح في الحاجة الي بيعملها
اطلس ابتسم والتزم الصمت
نقاء رفعت حاجبها بغيظ :بتضحك على ايه ما قولتش حاجة تضحك على فكرة
اطلس غمزها :طب ما احنا فينا الصفات دي يا باشا ما تدينا فرصة نثبت قدراتنا مش يمكن نعجب يا مدام وبمكر ولا تكونيش بتوصفي فيا ولا ايه
نقاء بصتله باستهزاء مصطنع :انت عندك الصفات دي خالص
هنا جت ام العبد :زي ما امرت يا اطلس بيه كل حاجة جاهزة
اطلس ونظراته مصوبه ناحية نقاء :تمام يا ام العبد تقدري تتفضلي
نقاء :هو في ايه
اطلس رجع بظهره لورى وبص في عينيها :للاسف احب ابلغك اننا بحكم اتنين متجوزين وعيلتي ما تعرفش حاجة عن ظروف جوازنا لازم انا وانتي نقعد في اوضة وحدة ام العبد نقلت حاجتك على الجناح بتاعي
نقاء بغضب :انت بتهزر مستحيل انا وانت نكون مع بعض في اوضة وحدة
اطلس وقف وقرب منها وايديه بجيبه بكل برود : خايفة
نقاء بغضب :انت بارد كده ليه استحالة ما ينفعش انا وانت نكون في اوضة
اطلس :ما انا بسألك خايفة وقرب من ودانها بهمس خايفة تضعفي قدامي ولا خايفة تشوفي امير فيا وتعرضي نفسك عليا من تاني
نقاء بغضب العالم جت ترفع ايدها هتضربه لكن مسك ايدها الي اتعلقت بالهواء وعينيهم الي اتعلقت ببعض
اطلس بغضب مكتوم :جربي تكرريها من تاني هتلاقي ايدي معلمة على وشك مع انه مش اسلوبي خالص عمري ما مديت ايدي على وحده ست ولا هعملها لكن لما الاقي الي محتاجة تتربى معنديش مانع وبكل فخر اعلمها الادب
وبصلها من فوق لتحت واضن مش هجرب حاجة جديدة عليا مفيش حاجة تجذب اوي فيكي
وساب ايدها بغضب مع وصول سيف
سيف بفرحة :بابا انا جاهز ياله نلعب
اطلس بصله بابتسامة وراح ناحيتة :ياله يا بطل
نقاء فضلت على وضعها واثر كلماته بتتردد في ودانها
نقاء اتجننت منه ومن أثر كلماته على دماغها وانوثتها
نقاء بصت لنفسها :انا انا مفيش فيا حاجة تجذب ان ما وريتك يا دكتور ابقى وريني هتستحمل ازاي
.....................................................
عند امير
حنان :يعني ايه يا امير انا ما اقدرش اسيبك هموت
امير حضن وشها بأيديه بحنيه :صدقيني يا حبيبتي مش هتأخر هو اسبوع او اتنين بالكتير اخلص الشغل بتاعي وهرجعلك بسرعة صدقيني
احمد :بس يا بابا انت هتوحشني
امير حضنه بحنية :وانت يا حبيبي هتوحشني قوي
انا دلوقت هوصلك عن اهلك وهروح الشغل تمام ما تزعليش هكلمك كل يوم
حنان بابتسامة :تمام ربنا يكون معاك يا حبيبي
امير بابتسامة :ايوه اضحكي خلي الشمس تدخل
..........................................................
عند فريد
فضل يستنى بنقاء وكل شوية يبص على مكتبها لكن ما جتش
دخلت ورد
فريد بغضب مكتوم :ما جتش لسه ؟
ورد 😏:لا
فريد بعصبية :طب اطلعي مش عايز اشوف حد ولا اقولك ابعتيلي ريم بسرعة
ورد بغيظ :اي اوامر تانية حضرتك
فريد بغضب :ما تنجزي يا دكتورة انتي هتصاحبيني ولا ايه
ورد بصتله بغضب ورزعت الباب وراها جامد وراحت لريم وقالتلها انه فريد عايزها
ريم راحتله وخبطت على الباب
ريم باهتمام :في ايه يا فريد انت كويس قالتلي ورد انك متعصب
فريد اتخلى عن جبروته واتكلم بألم وقهر :تعبان تعبان يا ريم
ريم بتأثر :انساها انساها يا فريد نقاء من زمان اوي وهي مش بتشوفك غير اخ او حتى صاحب لكن عمرها ما شافتك حبيب
فريد بألم وتعب :حاولت والله حاولت لكن مش قادر مش قادر اشوفها كده حسي فيا يا ريم والله انا بحبها ومفيش حد حبها قدي عايزك تساعديني ارجوكي
ريم بحزن عليه :ازاي
فريد :نبعدها عن اطلس صدقيني انا الي بحبها مش هو انا الي بحب ابنها مش هو امتى قوليلي امتى لحق حبها واتعلق فيها ازاي ازاي يتجوز وحدة مخطوبالي ازاي
ريم اتنهدت :انساها يا فريد لاني بحبك بقولك انساها وبصت في عينيه فريد نقاء حامل
فريد وقف بغضب ممتزج بصدمة :مين دي الي حامل بتهزري صح قولي انك بتهزري مستحيل ده
ريم بحزن : مش هزار ده واقع صدقني يا فريد حتى لو اتجوزتوا قلبها هيكون مع غيرك
فريد بغضب :مهي فتحته لغير امير فتحته لزفت اطلس وسلمته نفسها ليه ليه ما ادتنيش الفرصة الي ادتها ليه انا انا الي كنت هحافظ عليها مش هو انا الي بحبها مش هو
هنا اتفتح الباب كان سهم
سهم بص لريم بغضب مكتوم :ايه الصوت ده في ايه
ريم مسحت دمعتها :مفيش عن اذنكم وسابتهم لاتنين وخرجت وسهم بيبصلها لحد ما اختفت
فريد حاول يستجمع نفسه:جاي مكتبي ليه عايز ايه يا دكتور
سهم بعملية : في دكاترة جدد النهاردة جايين عشان التدريب مش هقدر لوحدي عايزك معايا في المقابلات
فريد زفر بنفاذ صبر واتكلم بسخرية : وصاحب المستشفى العريقة دي فين مش المفروض يقابلهم هو
سهم بمكر :اصل عيلته نزلت من بره هيحتفلوا معاه لحمل مراته عشان كده مش هيقدر يجي النهاردة
فريد بصله بصمت لكن صمته كان فيه الاف الكلمات والحروف
سهم :ايه هتيجي معايا ولا ايه
فريد :تمام شوية وهحصلك
سهم راح لريم
وفريد بنفسه :ابقى اوسخ حد في العالم لو خليت نسل دكتور اطلس يستمر عن طريق نقاء
....................................................
عند ريم
كان عندها مريضة وبتعاينها
خبط سهم ودخل
ريم بغضب مكتوم :عندي مريضة يا دكتور لو سمحت
سهم :اممممم مش مشكلة هستنى اصلي جاي النهاردة كمشرف عالدكاترة واخترتك عشان اشوف عمليتك في المعاينة ودقتك وتركيزك باليلر اصل بالفترة الاخيرة سمعت عنك حاجات كتيرة بعدم التركيز يا دكتورة
ريم بغيظ مصحوب بعصبية :طيب اتفضل يا دكتور اقعد هنا
سهم قعد ببرود
وريم ابتدت بالمخدر الموضعي لحد ما اخد مفعولة وبعدين شافت ايه نوع الفلر الي هيناسب نوع الجلد بتاعها بحرفية
وحقنت واحد مليلتر من الفيلر بالشفايف وما عمقتش اكتر من 2.5 ملم
ريم بابتسامة للمريضة بعد ما وزعت الفيلر :سلامتك انا خلصت كده وكتبتلها موعد جديد بعد اسبوع وكتبتلها العلاج المناسب البدائي وارشادات تمشي عليها
المريضة :شكرا يا دكتورة يعطيكي العافية بجد بقوا روعة شكرا
ريم اومأتلها بابتسامة ومشيت
ريم قعدت خلف مكتبها وبصت لسهم :تعليقاتك يا دكتور
سهم : ما اضنش شفايفك محتاجين حاجة فيلر وبوتوكس رباني يا حبيبتي
ريم :اطلع بره عايز اكمل شغلي
سهم سند بدراعاته على المكتب بتاعه وقرب وشه منها : الساعة تمانية تكوني جاهزة اطلس ونقاء عازمينا على العشاء
ريم وهي بتحاول تلهي نفسها بالورق الي قدامها :ان شاء الله ربنا يسهل
سهم رفع دقنها وخلاها تبصله : وحشتيني يا ريم
ريم :عندي شغل يا دكتور اضن خلصت تقييمك كمشرف اتفضل بره
سهم :امممم حلو اوي ده احم يالله اشوفك المساء
وسابها ومشي
ريم زفرت نفس جامد من رئتيها بعد التوتر المصاحب لوجوده
..........................................................
في المساء
خدت نقاء هدومها من الاوضة الي هتشارك فيها اطلس وراحت لاوضتها خدت شاور وبدلت هدومها لفستان اسود قصير
ولبست عليه كوتشي ابيض ورفعت شعرها ذيل حصان
كانت جميلة جدا
نزلت تحت كان الكل موجود
نقاء بابتسامة :مساء الخير
غادة :اهلا يا حبيبتي مساء النور
كان الكل موجود باستثناء امان
نقاء بصت لاطلس الي ما عبرهاش حتى لو بنظرة وحدة
نقاء حبت تغيظه : امال امان فين يا طنط مش شايفاه يعني
اطلس حك دقنه ورجع بظهره لورى وبصلها بنظرات غير مفهومة: في السكة يا حبيبتي على وصول ما تقلقيش عليه
مريم قربت منها :انا من هنا وجاي هاخد زوقك والبس على زوقك اصل لبسك حلو قوي
نقاء :شكرا يا حبيبتي وانا اطول البس القمر ده
زين :فين سيف مش شايفه يعني
نقاء :سيف بينام بدري يا عمي ما بحبش اغير نظام نومه لانه بيتلخبط عشان المدرسة
غادة :ده الصح يا حبيبتي ربنا يكرمك قوليلي بقى انتي بالشهر الكام
نقاء بابتسامة مجاملة : لسه في الاول يا طنط
غادة :ربنا يتمملكم على خير يا حبيبتي
نقاء التزمت الصمت
.....................................................
عند سهم
فضل مستني ريم ما يقارب ساعة لحد ما اتجنن كانت مراقباه من بعيد بنصر عارفاه بيحب المواعيد المزبوطة لحد ما شافته خلاص هينزل من العربية مشيت بكل برود لحد العربية
ريم :مساء الخير
سهم بغضب :ليه التأخير ده كله
ريم ركبت العربية ببرود :عادي على ما خدت شاور ولبست ونزلت
سهم بصلها بغضب وشغل العربية ومشي.
فضل ملتزم الصمت طول الطريق لحد ما كسره بالاخر بأوامر كالعادة
ريم
ريم :اممم
سهم :مش عايزك تحتكي بفريد خالص سامعاني خالص
ريم باختصار :ربنا يسهل
سهم بصلها بطرف عينه وهو متغاظ من فترة هي مش عايزة تناقش ولا تحاور بتلتزم الصمت وبس
وصلوا القصر وركن العربية ونزلوا
عند اطلس كان بيضرب على امان
لحد ما ضرب الجرس معلن عن وصول ضيف جديد
دخل سهم وريم
اطلس وقف بابتسامة يستقبله ونقاء جريت على ريم
اطلس :بابا ماما هعرفكم على اعز صديق واخ عندي فريد الفاعوري
سلم عليهم بود وكأنهم عيلته فعلا وعرفهم على ريم الي حبتهم جدا وخاصة اخته بريئة جدا
ومفيش شوية دخل امان برفقة امير
نقاء ازدردت لعابها وبصت لاطلس عشان يتصرف
اطلس بكل برود قرب من امير ومدله ايده :اهلا با دكتور عامل ايه وبصلهم تعرفوا بعض
امان :انا اتعرفت عليه على باب القصر من شوية
اطلس اومأله بدماغه
امير بص لنقاء الي كانت بتتهرب من عينيه
امير بص لاطلس :عايز اتكلم مع نقاء
اطلس :مش وقته تعال في وقت تاني عندي ضيوف دلوقت يا دكتور لو عايز تتفضل على العشاء اهلا وسهلا
الكل كان مستغرب فحوى الحديث رايح فين ومين ده
امير خرج ورقة من جيبه وقرب من نقاء :معايا ورقة بتثبت انه حضانة سيف ليا في
حال اتجوزتي وبما انه والدتك متوفية وما عندكيش اخوات الحضانة ليا يا نقاء عايز ابني من غير اي مشاكل