رواية تزوجت عمياء
الفصل السابع والثلاثون37
بقلم شيماء ناصر
#تزوجت_عمياء
37
فرح شافت محمد جاي نحيتها و قامت بسرعه تمشي محمد وقف قدامها
=اديني بس فرصة اتكلم
فرح بعناد: مش عاوزه اسمع منك حاجه
ابتسام: فرح اسمعيه ولو لمرة
فرح: انا قولت لا انت قولت الي عايزه وجرحت مشاعري وكسرتني ابعد عني بق...
حنان: يخيبها اي الي بتعملة ده لا وكمان بترقص ومحسساني انها لسة عيلة
كيان سمعت كلامها: انتي بتتكلمي عن مين ياماما
نورهان: بقولك اي خدي بعضك وشوفي انتي بتعملي اي يلا
نسمة: مش قادره حاسة بي دوخة
سماح شافت مازن ساند نسمة رحتلهم بسرعه: انتي كويسه
مازن: دايخه
سماح: طب سبها انا هتصرف روح انت...
خلصت الليلة والكل رجع علي بيته
ناهد امسكي يانسمة اشربي العصير ده
نسمة: شكرا ياماما
ناهد: هو الحمل كده في اولة متعب لزم ترتاحي ماشي
نسمة: حاضر...
احمد خبط علي اوضة ناهد: ممكن ادخل
ناهد باستغراب: اي الادب ده كلة وكمان بتستاذن
احمد: عارف اني مستحقش فرصة تانيه وعارف اني متعملتش كويس معاكي طول السنين دي بس انا هسيبك علي راحتك تفكري والي انتي عاوزاه انا هعملهولك...
في مكتب مازن
مازن: احكيلي في اي بق
عمر: عايزك معايا اخر الاسبوع
=لي
عمر: هروح اتقدم لي اهل البنت
=بجد ومين بق هي
عمر: اسمها رشا خالد المرصفاوي
مازن بدهشة: نعم؟ ده بجد ولا اي رايح تخطب اخت مراتي
عمر: هي تبق اختها
=نسمة هتفرح لما تسمع الكلام ده
عمر: يعني هتيجي معايا
=طبعا هاجي بس سبني دلوقتي واتكل علي الله علشان عندي اجتماع كمان شويه
عمر: انت بتطردني بالذوق تصدق انا لو مكنتش محتاجك مكنتش جيت يلا سلام...
عند رشا الي كانت قلقانة: طب هو عارف سني قد اي
نرمين: انتي عندك ٣٠سنه وسنك كويس وهو سنة٣٢ مناسب ليكي
رشا:مش عارفه بس خايفه
نرمين: متخفيش هو بس هيجي يتعرف عليكي
ابتسام بخنقة: انتي هتجننيني ازاي مخدتيش من الراجل وصل اومال لما نرحلة دلوقتي هيديكي الخاتم بناء على اي
ملك: معرفش اني لزم اخد وصل من عندة او ورقة علشان لما ارجعلة اخد الخاتم
ابتسام: صبرني يارب امشي نرحلة
مدحت: الشغل تحفة متشكر
في محل الدهب..
ملك: لو سمحت
-نعم يافندم
ملك: انا كنت هنا من اسبوع وجبت خاتم علشان اظبطة
-تمام يافندم معاكي وصل
ابتسام: يافرحتي
بص ليها-افندم؟
ابتسام بصت حوليها: كامرات المراقبة شغالة صح
-ايوا
ابتسام: ممكن تراجع كامرات المراقبة وتتاكد انها جت من اسبوع
-انا مش مسمحلي اعمل كده
ابتسام: لي؟