![](https://blogger.googleusercontent.com/img/b/R29vZ2xl/AVvXsEj7l6tKYdNEPm2yOhxcDYcFjGqxJ9zmA3JJrf6lTGudoBnUfGkiFMMQytvBD4ck3CohPaJOaTMg-cvwbfZnF2ODnQgw1UwWTAZuWY9OvsT5iwo0funC1GfLXbTNAWPZgEZJAOQs_-uwx0ojAVxSBN_OeWXkWGiAjux3uTfFrBMui3IVVNrwXtC1I0BG5PA2/s320-rw/FB_IMG_1700306657162.jpg)
رواية غدر حياة الفصل الثامن8بقلم هبة احمد
ست حميدة / لا يا بنى انا عمرى ماشوفت ليهم قاريب دول كانوا ناس فى حالهم منه لله اللى ضحك على البنت الصراحة دى كانت ست البنات طول عمرها بنت بمية راجل
طارق /تشكرى ياحاجة ونزل منكسر ودموعة نزلت غصب عنه
مصلحى البواب / لما شاف شكل طارق ودموعة اللى نازله قال له مالك يابنى هو انت كنت عوز مين من السكان
طارق / كنت عوز الحاج جابر او بنته
مصلحى / اقعد يابنى انت اللى كنت متزوج الست منار صح
طارق / صح انا هو
مصلحى / ليه عملت فيها كده البنية رجعت مكسورة وابوها راح فيها ( مات )
طارق / غلطة يا حاج
مصلحى / غلطتك هدمت اسرة بحالها دى بنت طول عمرها غلبانة وبمية راجل مش بتاعة الكلام الفاضى ليه لوثت سمعتها كنت اتستر عليها وكان ليك الاجر والثواب من عند الله
طارق / تقصد اية بكلامك انا مرأتى كانت ثم انت مالك تتكلم فى اللى ملكش فيه
مصلحى / اسف يابية انا راجل امى ( جاهل ) بس مايمنعش انى باعرف فى الاصول تعرف ان ابوها مات بعد ما رجع وهى معاه بساعة وبعد كده الناس كل واحد بقى يألف حكاية شكل
طارق / قطع لسان اللى يقول على مرأتى اى كلمة
مصلحى / الفضيحة كلام وانت عارف الناس لما بتحط على حد
طارق / ممكن اعرف هى راحت فين
مصلحى / سيبها يابنى هى خلاص مبقتش بتاعتك هى مش مجروحة بس دى مدبوحة صدقنى لو شوفتها وهى ماشية مكسورة ووشها فى الارض انا بكيت على حالها
طارق / صدقنى غلطة وانا مستعد اصلحها دلوقت
مصلحى / فى غلطات عمرها ما تغتفر سيبها فى حالها صدقنى والله انا مااعرف هم راحوا فين هم قالوا انهم ريحين عند مصطفى اخوها بس معتقدش علشان مصطفى انانى وطماع مستحيل يرضى ياخد اخته عنده
طارق / بدموع صدقنى انا كنت حيوان معاها وبعترف انا اتخدعت وحكى له كلام اختة وازاى اتهمت مصطفى اخو منار انه ضحك عليها وسابها وسافر
مصلحى / مصطفى ده واحد بتاع مصلحتة دمنزلش مصر من اكتر من سبع سنين انا فاكر اليوم ده هو حكم على ابوه يبيع حته الارض واخد تمنها وسافر وعليها حتى محضرش جنازة امة وكمان ابوه
طارق / ارجوك خد رقمى اهو ولو عرفت حاجة كلمنى ممكن
مصلحى / حاضر بس تعهدنى انك متجرش الغلبانة دى تانى
طارق / متخفش انا مستعد ابوس رجلها المهم انها تسامحنى
مصلحى / لو عرفت حاجة هاتصل بيك
طارق / تشكر سلام عليكم وركب عربيتة وراح على مكتبة دخل وتمدد على كنبة الانترية ونام بعد ان اغرق وسادته بالدموع
بعد مرور اكثر من شهر
لا جديد منار عايشة هى ونوسة فى بيت ابوها المكون من ثلاث طوبق خالى من اى سكان ونرجس شبة مقيمة معاهم
صباح جديد
**********
نوسة / اومى ياكسلانة الفطار جاهز عوزين ننزل نقبض المعاش ونجيب خزين البيت وعوزة ادفع فاتورة الغاز
منار / لا تجيب
نوسة / شكلك عوزة علقة من بتاعة زمان وهزتها جامد اومى بئة فرجعت للخلف يخرببيتك مالك جسمك تلج كده هو انتى انتحرتى من غير ما تقولولى قعدت تكلم نفسها اعمل اية هاقفل الباب وانزل بس يمكن تكون لسة حية يالهههووى هو انا بكلم نفسى شكلى اتهبلت ياربى اعمل اية اكلم بوليس النجده لاااااا طب اطلب الاسعاف لااااا افتكرت اكلم خالتى بدرية وهم يتصرفوا ومسكت الفون وطلبت عده ارقام وعندما اتاه الرد قالت الحقينى ياخالتى منار شكلها ماتت
الحاجة بدرية / خبطت على صدرها يامصبتى دكانت كويسة امبارح
نوسة / والله انا ما عملت فيها حاجة تعالى والا هاسيب البيت واطفش
الحاج ايوب / مالك ياحاجة على الصبح
الحاجة بدرية / نوسة بتقول ان منار ماتتتتتت
الحاج ايوب / وقاعدة بترغى وفى مصيبة صادق تعالى بسرعة
صادق / نعم ياجدى
الحاج ايوب / بسرعة روح هات دكتور مجدى قوله جدى تعبان جامد وهاتة على ايدك
صادق / بس انت كويس ياجدى
الحاج ايوب / بطل لماضه د منار هى اللى تعبانة يلا بسرعة
الحاجة بدرية / جيب العواقب سليمة يارب
الحاج ايوب / البسى وروحى وانا هاجى مع الدكتور مجدى
الحاجة بدرية / حاضر متتأخرش علينا يارب تكون لسة عايشة
نوسة / قعدت تصرخ وتهز فى منار اوعك تسبينى لوحدى انا مليش غيرك حلفتك بالله تفوقى
الحاجة بدرية / افتحى يانوسة
نوسة / فتحت الباب واغمى عليها
الحاجة بدرية / لا حوله ولا قوه الا بالله العلى العظيم وطلب رقم الحاج ايوب فى التليفون
الحاج ايوب / انا نازل انتظر الدكتور تحت اية الاخبار عندك
الحاجة بدرية / تعالى شيل معايا نوسة وقعت اغمى عليها
الحاج ايوب / انا جاى والدكتور وصل اهو اقفلى
دكتور مجدى / هو فى اية ياعمى ما انت ماشاء الله كويس اهو
الحاج ايوب / انا كويس بس بنت صاحبى وجارتنا تعبانة اتفضل تعالى شوفها
دكتور مجدى / تحت امرك
الحاج ايوب / اتفضل يابنى ياساتر ياحاجة الدكتور جه
الحاجة بدرية / تعالى شيل معايا نوسة اتفضل يادكتور منار جوه وشاورت على الاوضة
دكتور مجدى / هاكشف على دى الاول هو فى اية شيل معايا ياعمى
الحاج ايوب / دى ممكن تنظر انما اللى جوة شكلها م٠٠٠٠٠٠٠٠٠