رواية عودة الجاحد الفصل الخامس عشر15بقلم الاء الرحمن
مساء الخير
نقاء شدت على ايدها بغضب وموعها بتنزل :ازاي ازاي قدرت تلمس غيري فين وعدك ليا فين عشقك الي وهمتني فيه وبتبعتليىصورة مراتك بكل وقاحة على اساس ايه هغير مثلا
نقاء اتجننت من الفكرة نفسها فعلا طلع السمع حاجة والنظر حاجة تانية خالص
نقاء بصت للدولاب بغضب ولبست قميص نوم ابيض
وبصت لاوضة اطلس ومن غير تفكير راحتله وفتحت الباب
اطلس كان لسه خارج من الحمام واخد شاور
اطلس بصلها بصمت
نقاء دخلت وقفلت الباب ووقفت قدامه
نقاء والدموع في عينيها :انت صح بتقول بتحبني وبتعشقني وعايزني انا بعرض نفسي عليك دلوقت يا اطلس
اطلس فضل باصص ليها ببرود
نقاء بصراخ وغضب :ساكت ليه انا بكلمك
اطلس برضه ما اتكلمش
نقاء اتجننت وقربت منه وقبلته بكل جرأة
اطلس برغم شوقه ليها لكن اتحكم بنفسه وفضل ساكن
نقاء بعدت عنه وهي بتتنفس بسرعة جدا
اطلس ببرود :اطلعي بره واقفلي النور وراكي
نقاء بغضب وصراخ مسكت دراعه :انت ساكت ليه كده انت مش عايزني انت بترفضني انا
اطلس وهو بيحاول يتحكم بنفسه :لا حول ولا قوة الا بالله يا رب صبرني
نقاء بجنان :ما تتكلم ساكت ليه انت هتجنني
اطلس قرب منها وعينيه في عينيها :اطلعي بره يا نقاء وعدي اليوم الي مش بيخلص ده
نقاء بعند وغضب :مش هطلع
اطلس رفع حاجبه :ليه
نقاء بصتله بغضب :كده انت صح بتقول عايزني انا قدامك
اطلس بسخرية :وليه الطاعة دي ولا خايفة تنامي الملائكة تلعنك انا راضي عنك يا شيخة
نقاء بصت في عينيه :لا مش على شان كده
اطلس :اطلعي يا نقاء
نقاء قربت منه واتعلقت برقبته واتكلمت بهمس مغري :انا قدامك وليك مش عايزني بجد
اطلس غمض عينيه بغضب منها منها وانهارت حصونه الي بانيها بالعافية وقبلها بشوق وخدها لعالم ما فيهوش غيرهم
......................................................
عند سهم
روح بيته كانت والدته وريتا بانتظاره
سهم طنشهم وحتى ما ردش السلام
ريتا بسخرية :ايه ريم هانم ما سمحتش ليك تنام عندها وطردتك ولا ايه
سهم بغضب :ما تجيبيش سيرتها يا ريتا
ريتا بدموع قربت منه :سهم انا بحبك بحبك
والدته :يا حبيبي دي مراتك واولى فيك ومتحمله كل حاجة منك بس لانها بتحبك ما تقساش عليها
سهم :ربنا يسهل هطلع انام مش عايز اسمع صوت حد ولا عايز اي ازعاج
دخل اوضته وخد شاور ووهو تعبان جدا وحرارته عماله ترتفع خد مسكن وحاول ينام
.....................................................
عند اطلس ونقاء
نام على ظهره وهو بيتنفس بسرعة كبيرة
وخدها في حضنه وهي مصدومه من الي حصل والي وصلت نفسها ليه بعلاقة مع راجل ما تعرفش عنه حاجة لمجرد انها عايزة تنتقم من امير
لكن ليه حاسة ان الانسان ده مش غريب عليا حاسة اني اعرفة كل حاجة بيعملها مش غريبة عليا
اطلس حس بالتوهان الي عاشته من لحظات هو برضه نفس الشخص الي عاشرها سنين وسنين
اطلس باس دماغها :انتي كويسة
نقاء بصتله في عنيها الي بتخليه بعالم تاني خالص :انا حاسة اني اعرفك من زمان
اطلس اكتفى بابتسامة وضمها لصدره ولاول مرة ينام مرتاح من ثمان سنين بعد
........................................................
في الصباح
فاقت ليلى ونزلت قالت للخدم يجهزوا الفطار وطلعت تفوق سهم وتتطمن عليه
دخلت عليه وحاولت تفوقه بالصوت ما فاقش
قربت منه واول ما حطت ايدها عليه كان جسمه بيغلي نار
ليلى بصراخ وقلق :ريتا يا ريتا يا حبيبي يا ابني ريتا
ريتا جت بسرعة :في ايه يا طنط سهم في حاجة
ليلى :بيغلي زي النار تعالي شوفيه ارجوكي
ريتا قاستله حرارته كانت عالية جدا عملتله كمادات مي
ووادته ابره خافض للحرارة خف شوية
ليلى بغضب :هو ما بيفوقش ليه طمنيني
ريتا :هيبقى كويس لكن الابرة الي اخدتها بتريح الجسم خليه ينام هيرتاح ويبقى احسن
ليلى :يا رب يا رب
ريتا :انا لازم اروح المشفى دلوقت تمام واي حاجة تحصل خبريتي
ليلى :ماشي روحي انتي
ليلى فضلت تراقب سهم وتشنجات جسمه وعرقه الي بتمسحه بقلق كل شوية
.......................................................
عند اطلس
فاق وفضل يبص لنقاء ولتفاصيلها وشفايفها المتورمة اثر قبلاته العنيفة وجسمها الي متعلم بأثار ملكيته ليها
اتململت نقاء ولاول مرة تحس انها نامت من سنين فاقت مرتاحة جدا
لكن اول ما بصت جنبها اتنفضت
اطلس ابتسم :ايه شفتي عفريت يا حبيبتي
نقاء بتوتر :هااه لا م ما فيش كانت هتقوم لكن افتكرت انها مش لابسه حاجة خالص
اطلس قرب منها وملس على شعرها بشغف : في حاجة ما تقومي
نقاء بخجل :ان انا مش
اطلس اعتلاها بلحظة وهي ميلت وشها الناحية التانية : برقة كان بيلمس بشرتها بصباعة
الي يشوفك دلوقت ما يشوفش جرئتك امبارح
نقاء الدموع لمعت في عينيها لما افتكرت امبارح بتفاصيله
اطلس كان بيقبلها برقه على وشها
نقاء بغضب :كفاية خلاص لازم اقوم دلوقت سيف هيكون فاق
اطلس بعد عنها وضحك جامد
نقاء بغضب :بتضحك على ايه انت اتجننت
اطلس سند نفسه على دراعه وبصلها وضحك بسخرية : اهم حاجة تكوني انتقمتي كويس
نقاء بصتله بعدم فهم ولفت ملاية السرير عليها وهربت من عينيه الي بتلتهمها بتوتر :انتقمت ايه ومن مين
اطلس لف وشها عليه :اوعي تقوليلي انك جيتي وعرضتي نفسك عليا لا واصريتي على الموضوع لانه العلاقة بين الراجل والست وحشتك لا سمح الله
انتي كنتي عايزة تنتقمي من امير وظهوره بلي عملتيه امبارح اوعي تفتكري اني مش فاهم الي عملتيه لا انا فاهم كويس قوي
نقاء بغضب شالت ايده عن وشها : كويس انك فاهم على شان ده مش هيحصل تاني انت وفرت عليا كلام كتير قوي انت مجرد وسيلة انتقام وحصلت
اطلس بسخرية :كويس قوي طب يا رب كل يوم تنتقمي من امير وتجيلي هنا وبص في عينيها اصلي بجد اتبسطت قوي
نقاء بصتله بغيظ ولفت الملاية عليها كويس وخرجت من الاوضة كلها
اطلس ضحك ورجع بظهره لورى وسند دماغه على دراعاته
وشرد :يااااه الزمن ده غريب قوي
استغفر ربنا وقام خد شاور ولبس بدلة رمادي بقميص رمادي وجزمة سوداء وسرح شعره ونزل كان الفطار جاهز
راح لاوضة سيف وخبط
سيف فتحله وابتسم اول ما شافه :صباح الخير
اطلس نزل لمستواه:صباح الفل والعسل ازيك
سيف بفرحة :مبسووط قوي قوي اوضتي حلوة قوي لكن يا رب ماما تفضل هنا
اطلس باسه على خده :ما تقلقش هتفضل هنا اوعدك
سيف حك شعره :امممم ومدرستي
اطلس :هتكمل في مدرستك الي بتحبها وانا هعين سواق يجيبك ويوديك اهم حاجة دكتور سيف يبقى مبسوط
سيف بغيظ :انا ما بحبش المستشفيات مش عايز ابقى دكتور ما تفهموني بقى
اطلس :ليه بقى
سيف :انا بحب الرسم والتصوير بحب السوشال ميديا عايز ابقى حاجة مهندس تصميم مثلا مش لازم بما انكم دكاترة انا ابقى زيكم التغيير حلو خلي العيلة تلم كل التخصصات يا والدي
اطلس بصله بلهفة :يا ايه انت قولت ايه
سيف باسه من خده :حاسس اني عايز اقولك كده مع اني عمري ما قولتها لحد ولا حتى لابويا نفسه ما تزعلش
اطلس حضنه جامد :انا مبسوط يا حبيبي انك قولتهالي مش العكس
وبعده عنه يالله بقى الفطار جاهز انا قولتلهم يحضرولك اجمل فطار
سيف :قشطة
عند نقاء خدت شاور مختلط بدموعه عملت حاجة غبية جدا وورطت نفسها مع راجل فاهمها
نقاء بغضب من نفسها :اطلس مش غبي هو فهم انا عايز اوصل لايه وهو حاجة وجاتله وزيه زي اي راجل مش هيقاوم ست بتعرض نفسها عليه مهما كابر لو في غلط واحد بالمية مش عليه لا الغلط عليكي وعليكي لوحدك
تخيلي من اليوم الي اتغابيتي في تطلعي حامل وده وارد جدا لاني دلوقت في فترة اباضة
نقاء بغضب :انا غبية غبية اقسم بالله غبية غضبي من امير عمى على عينيا
انا بضحك على مين بس اه انا في الاول كنت بنتقم من امير لكن انا كنت مبسوطة مع اطلس ونسيت لو امير ظهر
نقاء زفرت بغضب وقفلت الميه وخرجت لبست طقم رسمي سكني بنطال سكني وجاكيت سكني وقميص ابيض
وجزمة سكني وربطت شعرها ذيل حصان وخدت شنطتها ونزلت كان اطلس وسيف بينتظروها تحت
نقاء هربت من عينين اطلس الي بتفترسها :صباح الخير
سيف بابتسامة :صباح النور
نقاء باسته على خده :نمت كويس يا روحي
سيف :احسن مرة بنام فيها
اطلس :كل بسرعة على شان ما تتأخرش يا حبيبي
وبص لنقاء
انا همشي دلوقت لازم اروح عالمشفى بدري عندي صفقة ادوية جديدة
انا عينت سواق هيجيب سيف ويوديه مش هغير مدرسته لانه اتعود عليها تمام
وانتي عربيتك معاكي حصليني لمى تخلصي فطار
نقاء بسخرية وهي بتاكل ببطىء :وانت قررت عني اني خلاص هفضل هنا لا وبتتحكم بابني كمان
اطلس حك دقنه وقرب من ودانها :صدقيني ما كنتش ناوي لولى الي حصل امبارح يا وحش وسابها بغيظها ومشي
نقاء :اااااه
سيف :في ايه يا مااما
نقاء بغضب :مفيش كمل اكلك ويالله على مدرستك
...............................................
اطلس راح المشفى خلص الصفقة الي اتكللت بالنجاح
كان بيضرب على سهم ما بيردش
مر على العيانين بالمشفى واتطمن على العمليات بتاعت النهاردة
اما عند نقاء دخلت مكتبها وشافت العيانين بتوعها
الممرضة :بس انا حاسة انها مش طبيعية يا دكتورة
نقاء بتوتر :هي فعلا مش طبيعية في التهاب تهيج لكن مش قادر احدد نوعه
راحت مكتبها مع دخول ريم
نقاء بصتلها بلهفه :انتي كويسة
ريم :اممم كويسة انتي ازيك
نقاء بدموع متحجرة :مش كويسة خالص
ريم قربت منها :ليه في ايه
نقاء قصت عليها الي حصل
ريم فتحت عينيها :يا جرئتك استحالة تعملي كده
نقاء بدموع :كنت عايزة اجرحة عايزه احسسه بطعم الخيانة يا ريم ليه يعمل فيا كده
ريم :لكن انتي بكده كتابتي حياتك مع اطلس خلاص
نقاء مسحت دموعها :مش عارفة مش عارفة انا تايهة وبغرق نفسي ومش عارفة اخرج من الدوامة الي انا حطيت نفسي فيها
هنا دخلت الممرضة :الحقي يا دكتورة المريضة دخلت في تشنجات
نقاء جريت تشوف في ايه
وريم بصت للساعة كانت 11 استغربت انه مكتب سهم لسه مقفول كانت عايزة تتطمن عامل ايه
..............................................
عند فريد
دخل عليه امير
فريد :انا حددتلك مكتب هيكون قريب مني عايزها تحبك من جديد فاهم انا علمتك كل حاجة بتحبها حاول تركز على حركات امير الي كان بيعمله وعصبيته وغيرته
امير رجع بظهره لورى :فريد انت خايف ليه بتهزر انا ممثل يعني التمثيل لعبتي
فريد :حلو اوي مش عايزك تنسى انك ممثل وقرب منه وبص في عينيه
محدش قرب منها غير ووحبها وحب طفولتها اوعى انت تنسى انك متجوز وعيالك ومراتك بأمر مني هيبقوا تحت التراب الا نقاء
امير :ما تقلقش انا ما عنديش قلب على شان افتحه اصلا
فريد بارتياح :كويس قوي
هنا دخلت نقاء
نقاء بابتسامة :صباح الخير
فريد :صباح النور ازيك
نقاء انتبهت انه امير موجود
امير قرب منها : صباح الجمال
نقاء طنشته وقربت من فريد :فريد لو سمحت عايزك تشوف المريضة الي عملنالها العملية مع بعض حاسس انه في التهاب في الوش لكن مش قادر احدد ايه هو
فريد :اوك يا نقاء شوية وهحصلك
لسه هتمشي امير مسك دراعها بغضب :ما تعمليش مش شايفاني فاهمة انتي ليا وليا لوحدي وعمرك ما هتكوني لغيري وبص للعقد الي برقبتها والعقد ده يشهد
نقاء زقته عنها بغضب :اوعدك عقدك ده هشيله بأذن الله لو حتى هتأذي انت ولا حاجة بالنسبالي دلوقت انا متجوزة وبحب جوزي ابعد عن حياتي يا امير
فريد :اهدوا يا جماعة مش كده
امير بغضب :مش شايفها بتقول ايه وبصلها بغضب اكبر انا جوزك الاول والاخير تفتكري انا معرفش اتجوزتوا ازاي ومتأكد انه كل واحد بينام في حتة
انتي بتحبيني انا ومتقدريش تحبي غيري قلبك اتكتب بأسمي انا
نقاء بصتله بسخرية : هتصدق لما تشوف ابنه بيكبر في بطني ان شاء الله انت حاجة وخلاص انتهت انا حياتي كلها لاطلس وبس
فريد شد على ايده بغضب من فكرة انه الكلام الي بتقوله صحيح
امير بص لفريد الي هيتجنن
امير بصلها بغضب وخرج
وفضلت مع فريد حاولت تتمالك اعصابها الي تلفت
فريد كان بيقرب منها بغضب :قرب منك بجد
نقاء:ايه الي بتقوله ده عيب كده
فريد خبط الحيطة الي وراها بغضب :اطلس قرب منك بجد ولا عايزه تجرحي امير وخلاص
نقاء فضلت ساكتة ودموعها بتنزل
فريد بصراخ :اتكلمي
اطلس كان عالباب وبيبصلهم بصمت