![](https://blogger.googleusercontent.com/img/b/R29vZ2xl/AVvXsEiLNMDQsKb-TiGrbTuJYY4DAeFqMlb5z_fJP-qcKNntEqnTAld2JSArD3Ze5Zv5yYNANijO6hzyTD_EOuqKLSDgh0KXRYZnoTzCrDyWoF5yHXy2d8r7gSUhJE20U15DDxJ29QHyP5VsyoscPgiHQAZkePQpe8pUW791B77RhYUvRvnhYHdMwe3iUGhqCyXp/s320-rw/FB_IMG_1700312919731.jpg)
رواية وردة وسط الشوك الفصل الخامس والعشرون والسادس والعشرون الاخير بقلم ريتاج محمد
مراد طلع موبايلة وفتح المعرض وجاب صورة لبراء
البنت اول لما شافت الصورة قالت بعصبية :اة ياحيوان ياقليل الأدب ياعديم الرباية بتصورني من ورايا
مراد بسرعة :لا واللة العظيم ابدا
انا عمري ماصورتك اصلا وعمري ما شوفتم اصلا دا النهاردة اول يوم اصلاا
البنت بحدة:أمال اي دة ها ممكن تفهمني
مراد بسرعة :اهو شوفتي دا الي انا بتكلم فية مش حكاية يخلق من الشبة أربعين بس انتي حرفيا نسخة طبق الأصل من براء اختي
البنت :يعني دي مش انا؟؟
مراد :وربنا ما انتي
البنت بتنهيدة :طب حضرتك افرض اني طلعت اختك هتعرف ازااي؟؟
مراد :سهلة جدا تحليل dna ونعرف
البنت طيب مثلا اختك دي كان. اسمها طيب
مراد :سمر
البنت بصدمة :احلف
مراد:اة واللة
البنت :خد الصدمة انا كمان اسمي سمر
مراد :لا مش للدرجادي يعني دي اتخطفت في نفس اليوم باليل مش هيلخق يتسجل اسمها يعني
سمر:لا واللة انا فعلا اسمي سمر ومش الناس الي ربوني هما الي سموني دا بيقولوي كان يوم ما لقوني التيشيرت الي كنت لبساة كان مكتوب علية سمر فا استنتجوا اني سمر
مراد :امممم تمام بس ايدا لحظة!! هو انتي اصلا الي معاكي في البيت دول مش اهلك....؟
سمر بحزن:امم لا . .... عرفت بالصدفة بس محدش يعرف لان هما اصلا مش مهتمين بيا او بالأخص وجودي بقا تقيل أوي عليهم بس انا مقدراهم واللة
كفاية انهم حتي اهدوني وربوني
مراد سكتت
تسريع الأحداث
خدها وراحوا عملوا تحليل dna ليها وبراء(طبعا بعد ما فهمها الموضوع وهس فرحت جدا وكان نفسها تطلع اختها )
والدكتور قالهم انوا عالاقل يومين
عدى اليومين وراحوا المستشفي
في المستشفى
سمر بتوتر:بصوا يجماعة عادي لو مطلعتش اختكوا تمام هي الحياة كدة مش دايما معانا بس عمتا خلينا متفائلين خير
وربنا مش هيعمل حاجة وحشة
الدكتور جة وهو ماسك ورقة النتيجة
واداها لمراد وقال باتسامة:مبروك إيجابي
مراد فرح جدا انو حقق وصية زهرة وفرح ان انتوا رجعتلوا وبراء كانت فرحتها كبيرة أوي لدرجة انها عيطت
ونفس الكلام سمر
سمر وهي بتمسح دموعها وبمرح:اي يجماعة النكد دا لا انا النكد مينفعنيش
وبعدين اتكلمت بتوتر :وو و كنت عايزة طلب
مراد بحب:اطلبي ياقلبي
سمر بقرف:قلبي عمتا بما اني اختكوا وكدا فا اعزموني بقى على اي حاجة كترحيب بيا وكدة
مراد بحب:انتي تؤمري
وبعدين قرب منها وقال بتوتر:هو هو انا ممكن احضنك بما انك اختي وكدة بس لو مش عاي....
سكت لما لقاها دخلت في حضنة حضنها بحب وعينة دمعت
براء وهي بتزقة:يعم ابعد متبقاش لزقة من اولها كدة
خليني انفرد بأختي شوية ياعم
مراد وسع وبراء أخدت سمر في حضنها وقعدت تعيط
سمر بمرح:لا بقولك اي عايزاكي فريش وفرافيش انا مبحبش النكد اة
براء وهي بتمسح دموعها بصت لمراد:اهو ياسيدي المثلث كمل
مراد بحب حضنهم هم الاتنين
وقضوا بقيت اليوم
في جو من حب ومرح
ورجعوا البيت
سمر بانبهار:ايدا هو انتوا عايشين هنا
براء :اة
سمر:ايتة ياولاة ظنا طلع عندي عيلة غنية
اوبا بقى لا بقولك اي ياميدوا انا عايزة ايفون ١٣
برو ماكس
مراد:حاضر ياستي بكرة هيبقى عندك
سمر:لا متهزرش
مراد:ههزر لية انا بتكلم بجد
سمر :لا بعم انا بهزر واللة انا معايا موبايل الحمد للة
مراد:طب اسكتي طب تعرفي
سمر سكتت
وقعدوا مع شوية وبعدين ناموا مع بعض كلهم بما ان دي اول ليلة يأتوا فيها مع بعض
...... 『تسريع الاحداث』
تاني يوم مراد صحي واخد براء وراحوا المستشفى
عشان جلسات الكيماوي بتاعت براء يشوفوا هيبداوا فيها أمتي والدكتور حددلهم معاد
وفعلا بدأوا فيها
جلسة ورا جلسة شعر براء بدا يقع تدريجيا بسبب قوة الكيماوي لحد ما وقع كلة ودا كان بيخلى نفسيتها تسوء بسبب شكلها بس هي كانت عندها يقين ان ربنا مش هيسبيها وهيطلعها من المحنة دي على خير بإذن اللة
عند حميدة وسليم
سليم مكنش عارف ان هي تعبانة اصلا وعندها كانسر وبتاخد كيماوي فا الموضوع كان عادي بالنسبالة لانة كان شبة اتعود انة ميسالش عليها فا الموضوع كان عادي
وحميدة كانت شبة انشغلت بماهر ابنها وكدة ومكنتش فاضية اثلا تتقص على حياة براء
اما عدي فهو كان جنبها بس بحجة انة بيزورها وكدة
وكان بيحاول على قد مايقدر يحسن نفسيتها في كل زيارة بيجيها ليها لانة عارف ان شعرها وقع وكدة مع إن هو مشافهوش عشان هي مختمرة بس مراد بيحكيلة
ان نفسيتها وحشة بسبب الموضوع دة
وكدة وبيتمني من كل قلبة انها تخف على خير مش لمجرد انة هيتقدملها زي ما مراد قالة بس هو بيحبها وبيتمنالها كل خير
اما منة فهي كانت حزينة جدا على الي بيحصل لبراء وكانت بتبقى واقفة جنبها وحاول كذا مرة انها تقول لسليم عالي براء. فية بس هو كان كل لما منة تفتح معاة موضوع اول بيبتدي بكلمة براء كان يخلق مليون عذر عشان ميسمعش وكان بيهي دا بجملة
[هي مفكرتش ترفع سماعة التلفون عليا يبقى انا مش ملزم اني اتطمن عليها واعرف أخبارها اي ]
وبراء كانت حزينة جدا بسبب الموضوع دة
اما محمود فكان بردوا بيروح زيارات لبراء بحكم انهم يعتبر اخوات وكدة لانة بيعزم مراد وبراء جدا
ومراد فهمة على سوء الفهم الي حصل وان الي كان بيكلمها دي مكنتش براء كانت سمر وهو أتفهم
دا وبدأ وحدة وحدة يتشد لسمر
وبقى يجي كل يومين زيارة لبراء مخصوص عشان يشوف سمر
سمر بدوا حست انها بدأت تتشد لية
وكانت حزينة جدا على اختها وعلى مرضها وكانت بتدعي ليها كل يوم ان ربنا يشفيها
__________________________
بعد مرور تمن شهور بحلوهم مرهم
___________________________
انهاردة يوم النتيجة بتاعت جلسات براء
قالها مراد بتوتر لسمر
سمر بحب وتنهيدة حزن؛خير انشاء اللة ربنا مش هيسيبنا
وهيجبر بخاطرنا متقلقش
مراد بحزن :يارب يارب
ولبسوا وراحوا لبراء في المستشفى
واستنوا كتير لحد ما الدكتور طلع وفي ابتسامة على وشة وقال ببشاشة: هانت فاضل جلسة وتبقى كدة
خفت والف مبروك
مراد فرح دا وعيط وكذلك سمر
ومراد عرف منة وعدي ومحمود وهما كمان فرحوا جدا
للخبر دة وكل دا وسليم وحميدة ميعرفوش اصلا ان براء تعبانة
بعد يومين كان معاد اخر جلسة لبراء الي كانت قاعدة على سرير المستشفى بتعيط و تعبانة ودبلانة وكانها مش هي المرض غير في شكلها يمكن عشان شعرها الي
وقع كلة او انها خسرت وزن كتير أوي وضعفت
مراد بحنية وهو بيحاول يقنعها :حببتي واللة دي اخر جلسة وكدة هنبقى خفينا ونرجع البيت
براء بعياط وتعب واضح في نبرة صوتها وشكلها:و واللة ما قادرة تعبت يمراد واللة معتش مستحملة
مراد دمع على قلة حيلتة وعلى وجع صغيرتة:عشان خاطر مراد لو بتحبية
براء بعياط :واللة مش قادرة واللة انت لي مش حاسس بيا
مراد حضنها وقال:احنا استحملنا تمن شهور تلت تربعهم كانوا جلسات كيماوي خلاص فاضل على اخر الطريق تكة ونوصل ولا انتي حابة نرجع ونبدأ من الصفر تاني
براء عند الفكرة دي ومستحملتش انها ممكن تبدأ كل دا تاني أو ان هي هتتوجع نفس الوجع تاني وشكلها هيبقى كدة تاني صبرت نفسها وقالتلة:موافقة بس
دي الجلسة الاخيرة
مراد:واللة الاخيرة ياحبيبي
وفعلا دخلت جلسة الكيماوي وبعديها بيومين خرجت براء من المستشفى كليا وبقت تمام
وعدي راح طلب ايدها ومراد وافق وهي كمام كانت موافقة بس كانت حاسة ان هي كدة بتظلمو بسبب شكلها كدة وكانت بتقنع نفسها ان هي مفيهاش حاجة حلوة عشان يتقدملها
فرفضتوا وهو مياسش واتقدم مرة واتنين وتلاتة وأربعة لحد ما بالعافية وافقت
واتفقوا ان الفرح بعظ شهرين
ومحمود كنان جاب اهلو وجم اتقدموا لسمر وهي كانت فرحانة واتخطبوا وقرروا
ان فرحهم هما التلاتة بعد شهرين والموضوع صراحة بسط الكل ووافقوا
ومراد كدا يعتبر خلص كل حاجة كانت مديقاة
وقرر انة يعمل اخر حاجة عشان ميبقاش ساب حاجة وحشة في طريقة راح أقرب قسم شرطة كبير
وقدم دلائل على مارتن وبيتر وأنهم شغالين مافيا وأنهم كانوا عايزينة يشتغل معاهم وهو رفض وحكالهم بقى كل حاجة
[بعد شهرين وتحديدا قبل يوم الفرح ]
سليم راح لبراء عند فيلا مراد وخبط فتحتلة سمر وهو مان فاكرها براء
وقالها :انا اسف يبراء يابنتي انا اسف
سمر بمقاطعة:بس انا مش براء
سليم باستغراب:امال انتي مين
سمر :انا سمر ابقى اخت براء
سليم باستغراب :از...
براء بمقاطعة من فوق بصوت عالى وهي نازلة من عالسلم :مين ياسمر
سليم :انا
براء بحزن:بابا
سليم راحلها بس بصلها باستغراب من هيئتها مش هي دي براء الي كانت في بيت التانية شعرها كان طويللل جدا ورموشها وحواجبها كانوا طوال وكثاف وكانت جميلة جدا
وهو مينكرش انها بردوا دلوقتي جميلة بس شعرها حتي مكملش نص رأسها وشعر رموشها وحواجبها مش طويلة زي الاول
سليم :مالك يبراء شكلك عامل كدة لية
براء بحزن:يااة لسة جاي تسأل من عشر شهور او اكتر ومحسسني انك متعرفش
سليم باستغراب:معرفش اي ؟؟
براء:متعرفش اني كان عندي كانسر في الدم وطول التمن شهور دول كنت بتعالج
سليم بصدمة:ايةة وازاي محدش يقولي
براء :حضرتك منة كانت بتحاول تقولك بس انت اظاهر مكنتش بتحبني او كنت كارهني لدرجة اني مسالتش عني
واة صح اعرفك سمر اختي الي امفروض ماتت في نفس يوم ولادتها باليل
سليم:ازاي دة
براء حكتلة كل حاجة
سلين راح قعد على أقرب كرسي بصدمة : انا انا مش عارف اقول اي بس انا فعلا اسف
براء بسخرية وحزن:اسف غلى اي
سليم بحزن:عل كل حاجة انا عرفت دلوقتي اني غلطت في حقك امتي وامك جامد اوي
براء:يااااة بعد اكتر من واحد وعشرين سنة جاي تقولي حاسس حاسس بأية
انت عارف احساسي كان اي وانا في المستشفى وانت مجيتش تزورني كنت حاسة اني مليش ضهر مع إن حق ربتا مراد كان موجود وسادد اويي بس كان نفسي احس ان انت كمان موجود حتى لو تأدية واجب انا كنت راضية واللة
سليم بعياط :انا اسف واللة حقق عليا انا اطتشفت اني كنت متجوز عقربة
براء :واكتشفت دا ازاي
سليم. قالها ان هو كان امبارح نزل الشغل بس نسي مفاتيح مهمة في البيت ورج عشان يشوفها
ودخل الشقة لقاها هادية كان هينادي على حميدة بس سمعها بتتكلم راح ورا الاوضة للي كانت قاعدة فيها وبص من ورا الباب لقاها بتكلم صورة زهرة بغل وقالت (كل الي انا كنت كتباة عشان بصراحة مش قادرة اكتب تاني )سليم بعياط:سامحيني يابنتي سامحيني عشان خاطري
براء راحت وقفت قدامة وقالت:للأسف رغم كل الي انت عملتة مش قادرة اشيل منك
سليم بفرحة وعياط:يعني انتي كدة سامحتيني
براء هزت راسها راح اخدها في حضنة وبص شاف سمر واقفة بعيد راح مشاورلها راحت جت راح اخدهم هم الاتنين في حضنة
وكدة ادي مشكلة انتهت ومننساش ان سليم طلق حميدة الحمد لله يعني 😂
[يوم الفرح بعد ما العرسان التلاتة راحوا اخدوا العرايس من الكوافير وكان شكلهم حرفيا روعة ]
عدي مكنش مصدق ان خلاص حلمة بيتحقق هو ومراد ومحمود براء وسمر ومنة كانوا حلم بعيد واتحقق
وكانت فرحتهم مش سيعاهم
كتبوا الكتاب تحت توصيات مراد لعدي ومحمود على براء وسمر
وكل واحد شال عروستة ولف بيها كتيييير
أوي
وبعدين راحوا عملوا سيشن التصوير
وبعديها رقوا على اغنية" خليني في حضنك ياحبيبي دا في حضنك بهدى وبرتاح........انا كل مشاعري معاك راحوا وكمان قلبي لقلبك راح ........انا بضحك وفرح من قلبي غير لو جنبي انا كانوا عليك وبتبعد عني ولو ثانية بتجنن يحبيبي عليك وتحلى الدنيا في عيني وانا جنبك فمتبعدنيش حبك فعلا بيخليني اتمسك بالدنيا واعيش وفقربك بيروح خوفي ودة وعد وملزم انا بية مهما تكون ياحبيبي ظروفي قلبك عمري ما هاجي علية ....................انا مكسب عمري اني قابلتك غيرت في عيني الايام طمنتني عالباقي في عمري حققتلي كل الأحلام اول ما عيونك دي باشوفها نش بعرف اشوف غيرها خلاص دنت هدية ربنا ليا انت حبيبي واغلى الناس وتحلى الدنيا في عيني وانا جنبك فمتبعدنيش حبك فعلا بيخليني اتمسك بالدنيا واعيش وفقربك بيروح خوفي ودة وعد وملزم انا بية مهما تكون ياحبيبي ظروفي قلبك عمري ما هاجي علية "
وكانوا فرحانين جدا لحد ما فجاءة صوت طلقة اتضربت في الهوا والمكان كلوا سكت
بخوف
وفجاءة من لا شئ يظهر بيتر ويقول :اهلا اهلا بالغالي الي بلغ عنا ومفكر اننا مش هنعرف نكوت منها ونجيبه
بس متقلقش انا مش جاي عشان أهرب انا جاي ادفع تمن الحبسة الي تحبسناها يامراد
مراد بعصبية:وتعمل اي ياعني
بيتر بسخرية :هعمل كدة و بسرعة ضرب تلقة ناحية براء في ثانية كانت اخترقت نص صدرها والفستان الأبيض بقى كلوا دم احمر
بيتر بمرض وضحكة هستيرية:مارتن كان بيقولي اني عمري ما هعرف اقتل واني ضعيف ودلوقتي اسبتلة اني ممكن اقتل مش مشكلة اخد إعدام بس اكون نفزت هدفي وفضل يضحك القاعة الكبيرة الي كانت مليانة بالناس بقى كلها صويت وناس بتجري عشان تلحق نفسها لان الشخصية الي قدامهم دي مش طبيعية بالمرة
محمود بسرعة اتصل بالشرطة والاسعاف.والشرطة جت بسرعة وقبضوا على بيتر
والاسعاف خدوا براء بسرعة
تحت عياط منة وسمر وعدي ومراد
وصول المستشفى ودخلت عمليات فورا وقعدت في العمليات اكتر من أربع ساعات
وخرج الدكتور وهو تعبان
عدي بسرعة راحلة وقال:دكتور مراتي مالها عايشة صح طمني
الدكتور بحزن :احنا عملنا الي علينا والله الرصاصة كانت بعيدة عن القلب بسنتي واحد والحمد للة قدرنا نطلعها بس بصعوبة ودلوقتي هي هتدخل في العناية وادعوا ان تعدي الاربعة وعشرين ساعة دول على خير
ومتدخلش.في غيبوبه
ومشي ....
كلهم عيطوا على براء سليم ومنة ومراد ومحمود وعدي وسمر لان هي معرفتش تعيش الحياة للي هي كانت عايزاها وكانو زعلانين جدا عليها
وبكدة احلى يوم بحياتهم اتقلب لاوحش يوم
روحوا غيروا وكل واحد اخد مراتة علي بيتها وجم ل براء تاني يوم كلهم
الدكتور خرج من العناية وقال باسف:للأسف المريضة دخلت في غيبوبة
عدي بدموع :ودي هتطلع منها امتى
الدكتور:والله الله اعلم يمكن يوم يومين اسبوع اسبوعين شهر سنة سنين اللة اعلم .......
الاخير الخاتمه
بعد اربع سنين من يوم الفرح
عدي في المستشفى عند براء وقاعد قصاد سريرها
عدي بدموع وهو بيمسك ايدها:مش ناوية تصحي بقى
مش ناوية تريحيني وتريحي قلبي بقى وتصحي دنا مصدقت اتجوزك وخلاص بقيتي مراتي وهعرف اعترفلك بحبي
بس الظاهر ان القدر كان لة رأي تاني في حكايتنا
فارجوكي كفاية عليا كدة وقومي انا عارف انك سمعاني
وحاسة بيا الدكتور قالي
علفكرا كلهم حزينين عليكي طب مش ناوية تقومي عشان تشوفي بنت مراد سماها براء علفكرا
عشان بيحبك
وسمر خلفت بنت بردوا سمتها زهرة على اسم مامتك اللة يرحمك
عارفة حصل حاجات كتير أوي في الوقت الي انتي مش را....سكت فجاءة لما شاف صوباعها بيتحرك
عدي بسرعة جري وراح نادي عالدكتور
الدكتور بفرحة:هايل دا مبشر حلو انها ممكن تفوق في أي لحظة استمر وأفضل كلمها لحد ما تستجيب علفكرا هي سمعاك فكلما اكتر عن حجات هي بتحبها او مثلا أشخاص بتحبهم وهكذا
عدي بفرحة:تمام يادكتور
وبعدها الدكتور مشي وعدي قعد عالكرسي ومسك ايدها
وباسها وقال:قومي يلاا بقى عشان في مفاجأة انا عاملهالك لما تقومي
حققتلك حلمك الي كان نفسك فية مراد قالي علية
وانا نفزتهولك باسمك كمان
براء بتعب وابتسامة :بجد
عدي :اة والل....سكت عشان يستوعب انة ...انة سمع صوتها من أربع سنين وصوتها مسمعوش مش مصدق نفسة ياااة اخيرا صحيت احساس جميل اوييي
حس بية لما سمع صوتها وفي لحظة انفجر من العياط
وراح بسرعة نادى الدكتور
الدكتور جية كشف عليها وقال بابتسامة:مشاء اللة اتحسنا كتير ومؤشراتنا كمان حلوة
عدي مكنش مصدق نفسة اتصل على سمر ومراد بسرعة وقالهم وهم مكنوش مصدقين سابوا الي في ايدهم وراحوا عالمستشفى الي فيها براء بسرعة
مراد دخل بيجري وهو بيعيط
مراد بعياط وهو بيجري عليها ياخدها في حضنة
:براء حبيبي انت صحيتي اخيرا وجعتي قلبنا عليكي
براء وهي بتلعب في شعرة : ما اخدتش وقت كتير يعني
سمر بعياط:اربع سنين
براء اتصدمت ازاي يعني بقالها اربع سنين نايمة دي دي كانت حاسة انهم تلت او اربع ساعات
براء شاورت لسمر انها تيجي وسمر راحت حضنتها
وكذلك منة وسلمت على محمود
وقعدوا مع بقية اليوم وهما مكانوش مصدقين ان براء صحيت وفي آخر اليوم براء قالت باستغراب:الا صح انتوا كلكوا جيتوا تسلموا عليا فين بابا
سمر بحزن:مات من سنة ونص ربنا يرحمة يارب
براء بصدمة:اية انا انا ملحقتش اشبع منة او حتى اتكلم معاة لحق راح وبدأت تعيط جامد ومراد حضنها
هو وسمر وبعد شوية مواساة كل واحد روح بعد ما سلموا علي براء وعدي اخدها على فيلا كان جايبها ليهم يوم الجواز هدية لبراء
ومدخلهاش من ساعتها والصبح لما براء صحيت بعت حد ينضفها وقرر يروحها هو وبراء
واخدها وراحوا على الفيلا دي
ولما وصلوا
عدي فضل باصص لبراء كتير
براء :تعالى
عدي راحلها
راحت اخدتة في حضنها جامد وهي حست ان في في حاجة سايلة على كتفها رفعت وشة لقيتة بيعيط
براء بحب وحنان:لي بس الدموع دي
عدي بدموع:مش مصدق انك صحيتي عارفة يعني اي أفضل اربع سنين بحالهم اجيلك كل يوم المستشفى واتكلم معاكي عشان تصحي وفجاءة كدة تصحي
احساس مستوصفش
براء بحب ومشاكسة:خلاص بقى مش صحيت اهو
وبقيت معاك يبقى ميهمكش حاجة وياسيدي اقولك
هات حضن كمان يلا واخدتة في حضنها
عدي بحب:انتي مش عارفة انا اد اي كنت محتاج الحضن دة
وحضنها
وعدت الايام في حب مابينهم وانة لشة مش قادر يصدق انها صحيت
__________________
بعد مرور عشر شهور من يوم ماصحيت براء من الغيبوبة
(يوم ولادة براء +هي مرضيتش تعرف نوع الجنين اي وسابتها ببركة ربنا عشان كل الي هيجيبة ربنا اكيد حلو)
كانوا كلهم واقفين قدام اوضة العمليات وعدي واقف قلقان على براء وفضل رايح جاي رايح جاي
مراد بزعيق:يعم ماتتهد بقى خوتني يعم اي رايح جاي رايح جاي ما تتزفت في مكان
عدي:اي يعم مراتي وخايف عليها
مراد:مهي زفت اختي انا كمان فا اتهم بقى
قعد عدي عالكرسي بغيظ وسكت
بعد ساعة سمعوا صوت البيبي وكلهم كانوا فرحانين واكترهم عدي
الممرضة خرجت
وكان في في ايدها بنت وهي مبتسمة واديتها لعدي
وقالت:يتربي في عزك
عدي بفرحة اذن في ودنها وحضنها ومرضاش يديها لحد وبالاخص مراد وكان عايز يدخل لبراء بس الممرضة قالتلة مش دلوقتي
بعد خروج الممرضة بخمس دقايق سمعوا صوت طفل استغربوا وشوية ولقوا ممرضة تانية خارجة وفي ايدها ولد وبصت لعد بابتسامة وادتهالة وقالت:يتربي في عزك يارب
عدي مبقاش مصدق انة خلف تؤام وأذن في ودنة بفرحة وفضل شايلهم هم الاتنين
مراد بغيظ:يعم مخلينيش ةديك بوكس يخنفك هات عيال اختي ياض
عدي باستفزاز:تؤ عيالي ومحدش هيشلهم عارف لو وقفت على استك بنطلونك مش هتشيلهم بردك
مراد بغيظ:دنت بارد يلا يلعن سماجتك عيل سمج
وشوية وبراء فاقت وعدي دخلها بيهم هما الاتنين
براء بفرحة:ايدة هو هو انا خلفت اتنين توأم
عدي بفرحة هز راسة بمعني اة
براء بفرحة :هاتهم اشيلهم
عدي ادالها ولادها
وهي قعدت تلعب معاهم وتبوسهم بحب
براء بحب :سيلين وسليم
عدس بحب : واللة كلمتك ماهي نازلة الأرض هما سيلين وسليم
مراد دخل وهو في ايدة اكل. وعصير وكدة
واداهم لبراء واخد سيلين وجري
عدي قام جري وراة وقال بغيظ :انت يلا هات بنتي ياض بدل ماجيلك
تمت بحمد الله