رواية نياط القلب الفصل الرابع4بقلم حور طه
جابر يقفل باب الاوضه تاني اول ما يشوف ناديه داخله البيت::انت ايه اللي رجعك علي هنا
ناديه في دموع::رجعت علشان خلاص ما بقتش قادره اتحمل
جابر:: انا ما عنديش بنات تطلق، انت فاهمه!
ناديه تمسح دموعها وتنظر له بانكسـ ـار::انت عارف انا جايه منين دلوقتي يا بابا؟!
جابر يجلس على الكرسي ويتجاهل دموع ابنته:: هتكوني جايه من انهي مصـ ـيبه يعني؟!
ناديه بنبره مرتفعه :: البيه جوزي اللي انت مش عايز تطلقني منه ،وعايز ترجعني ليه‘ كان مقعدني مع راجل مقـ ـرف طمعان فيا، علشان مصلحته!
جابر يقف بصـ ـدمه :: انت بتقولي ايه ؟!
ناديه بانفعال:: بقول لك اللي ما رضيش تسمعه مني لما جيت لك اول مره ،واجبرتني اني ارجع لواحد بايع شـ ـرفه ،وبيتاجر فيه علشان المصلحته؟ فهمت يا بابا انا ليه عايزه اطلق...!؟
جابر بلا مبالاه::جوزك كلمني في الموضوع ده وانت فهمتي غلط، دي كانت عزومه تخص الشغل، يعني
ما فيهاش حاجه...
ناديه بصـ ـدمه::انت بتقول ايه يا بابا، عرف يضحك عليك بالكلمتين دول...
جابر يضـ ـربها بالقلم:: اوعي لسانك يطول تاني،
تلف وشك وترجعي على بيت جوزك، والموضوع ده ما تتكلميش فيه تاني....
ناديه بعصبيـ ـه:: انت بايعني زي ما هو ما باعني
ما فيش واحد فيكم خايف على شـ ـرفي ،اللي هو
شـ ـرفكم .....
جابر يشـ ـدها من شعرها ::مش هو ده اللي وقفتي قصادي علشان تتجوزيه ،اتحملي نتيجه اختيارك بقي
ناديه بوجع ودموع ::ليه في كل مره بتقول لي اختيارك.... وفيها ايه لما اختار غلط ؟مش معنى اني اخترت غلط اني اتحمل اللي بيحصل معايا ده.....
لانه كان اختياري! ليه دايما بتحسسني ان اختياري هو حكم بمـ ـوتي...!
فريال تخرج من المطبخ على الاصوات وتلاقي جابر ماسك ناديه من شعرها :: استهدى بالله يا ابو ناديه وسيبها، في ايه يا بنتي ايه اللي حصل؟!
جابر بتحزير:: كلمه زياده هتطلع من بقك، هـ ـدفينك مكانك ،انت فاهمه ....اطلعي بره!!
ناديه بنبره متالمه::انت مستحيل تكون اب ،
انت ما تفرقش عنهم في حاجه، ازاي مفيش في قلبك رحمه وخوف على بنتك....
جابر بعصـ ـبيه يمسكها ويجـ ـرها ويـ ـرميها بره البيت ::لو حاولتي ترجعي مره ثانيه هكسـ ـر لك رجلك...!
فريال ببكاء ::حـ ـرام عليك بقى، ايه اللي بتعمله في البنات ده؟!
جابر زعيـ ـق:: شفت خلفه البنات ما بيجيش من وراها غير الارفـ ـك، انا ما كنتش عايز خلفه البنات دي، لان كلها وجع قلب...
فريال ::دي عطيه ربنا ،رزقنا ببنتين زي الورد، لكن انت بتطفيها حـ ـرام عليك ...
جابر يضـ ـربها:: حرمة عليك عيشتك انت وبناتك، الا اقول عليه هو اللي يتسمع، انت فاهمه لحد ما اخلص من الثانيه دي، خليني اخلص من قـ ـرفهم
يسيبها ويخرج من المنزل وهو في حاله من الغضب...
⭐⭐⭐بقلمي حور طه⭐⭐⭐
في المستشفى بالتحديد في غرفه جواد
وتين ترفع حاجبها:: اخوك هيتحبـ ـس، لان انا هشهد عليه...
جواد:: تمام، استني انت يا وتين، كملي يا استاذه
نوال:: ماجد ضـ ـرب عليك نـ ـار وهو سكـ ـران، يعني ما كانش في وعيه ... احنا مستعدينا لاي تعويض يناسبك يا باشمهندس...
وتين بانفعال:: والتعويض المناسب لينا انه يتسجـ ـن وانتم مش هتقدروا تشتروا ارواحنا بفلوسكم...
نوال بابتسامه مستفزه::هو انت ليه متعصبـ ـه اكتر من صاحب الشان نفسه ،عندك مشكله مع ماجد شخصيه يعني؟ ،في بينكم حاجه ، لان عرفت ان المشكله كانت بسببك...
وتين تؤشر باصبعها بتحذير:: احترمي نفسك واعرفي انت بتقولي ايه، اخو ده انا اصلا ما اعرفهوش...
نوال تنزل ايدها وتتجه الى جواد:: تمام يبقى احنا كده متفقين ،ما فيش مشكله شخصيه، يبقى نلم الموضوع افضل للكل ولا ايه يا باشمهندس...
وتين ::انت بتهـ ـددينا ،انا هشهد على اخوكي وهيتحبـ ـس
نوال تجلس وتنظر لجواد::ما فيش اي مشكله يا باشمهندس، ممكن ندخل في القضيـ ـه دي..
وبعدين تؤشر باصبعها على وتين:: بس الاموره الشجاعه دي هتكون الطرف الاول في القضيـ ـه واكيد انت فاهمني؟
جواد بانفعال يتبعه وخوف عليها:: خلاص يا وتين يلا اتفضلي ارجعي على البيت ،وما تتدخليش في الموضوع ده....
وتين بنرفزه::اخوك حاول يقتـ ـل ابيه ،هو رجع من المـ ـوت ،وانت جايه عشان تطلبي مننا ان احنا نتنازل علشان هو يطلع....
نوال تنظر لجواد:: افتكر ان الباشمهندس يقدر ياخد القرار لوحده....؟
وتين كانت لسه هترد عليها ولكن جواد اوقفها ::خلاص يا وتين اهدي ،ممكن لو سمحتي ترجعي على البيت...
وتين بغيظ:: حاضر همشي بس لو انت اتنازلت عن القضيـ ـه انا برده هشهد عليه....!
جواد ينظر لها بنظره تفهمها:: مش هتعملي اي حاجه من غير ما تقولي لي...؟!
وتين وتضـ ـرب بقدميها في الارض مثل الاطفال ::حاااااضر..!
جواد بابتسامه حب::: شطوره....نور وبيسان مستنينك تحت وحاولي ترجعي على البيت من الباب مش من الشباك.... فهماني يا وتين؟
وتين تنظر لنوال بغيظ واحده:: مين اللي قال لك ان انا جيت من الشباك
جواد بتلقائيه:: سمعتي انا قلت لك ايه ترجعي من الباب..... انت متربيه على ايدي....
وتين بابتسامه تخرج وتسيبهم وتنزل لنور وبيسان عشان يرجعوا على البيت
نوال :: ها يا باشمهندس قلت ايه في العرض اللي عرضته عليك ...يا ريت نلم الموضوع ده!
جواد:: ماشي يا استاذه نوال... الموضوع ده انا هلمه مش علشان اخوك ولا علشان انا خايف منكم؟
نوال بتفهم :: عارفه انك هتلم الموضوع علشان الطفله اللي لسه ماشيه وده ...عين العقل
ما خيبتش نظرتي فيك...
جواد بتحزير:: الطفله اللي انت بتتكلمي عنها دي اغلى حاجه في حياتي ،ومش هسمح لاي حد يقرب منها او من سمعتها....
نوال تقف لتذهب::اتفقنا يا باشمهندس كده احنا فهمنا بعض، هكلم المحامي يخلص كل حاجه والموضوع ده يخلص... حمدالله علي سلامتك
جواد::انستا وشرفتي يا نوال الهانم
نوال كانت تنظر له بنظرات اعجاب وبعدين تخرج من الاوضه عشان تكلم المحامي يخلص كل حاجه زي ما اتفقت مع جواد....
⭐⭐بقلمي حور طه💗بعد مرور 10ايام⭐⭐
في الجامعه.....
عمر ::هو انت ليه اسلوبك ما فيهوش انوثـ ـه
وتين ترفع حاجبها::اللهم طولك يا روح ..هي هبة منك النهارده ولا ايه ياعمر؟!
عمر بانفعال:: ممكن اعرف مين الحيـ ـوان اللي كنت ماشيه معاه ده...
وتين بضيق ::وانت مالك ان شاء الله ،وتسالني سؤال زي ده ،اصلا بصفتك ايه ؟
عمر بتعجب:: بصفتي ايه؟؟ بصفتي ان احنا مرتبطين ولا انت مش واخده بالك...
وتين بضحكه ساخره:: وامته انا قلت لك ان احنا مرتبطين، او في بينا حاجه اصلا ....
عمر بذهول :: امال خرجنا مع بعض،السينما والهدايا ده تسميه ايه...
وتين:: والله يعني انت ربطت كم خروجه والهدايه اللي جبتهم لي بان احنا مرتبطين... لا من بكره هجيب لك هداياك
وبعدين تفتح شنطتها وتخرج فلوس وتكمل ::وادي يا سيدي حقك كم خروجه اللي خرجناها سينما
عمر باعتذار:: انا اسف بس اكيد ده مش قصدي.. احنا في بينا مشاعر...
وتين بانفعال:: لا احنا اللي بينا صداقه وده اللي انت مش واخد بالك منه...
عمر بحزن:: انك تحكي لي على اسرارك وانا اكون اقرب حد ليكي ما بترتاحيش في الكلام غير معايا دي بالنسبه لك صداقه؟
وتين ترسل تنهيده:: انت فعلا اقرب حد ليا بس كصديق وانا بحبك وبحترمك حاول تفهم، ان اللي بيني وبينك صداقه... فحاول ما تضيعهاش..!
عمر بغيره:: ويا ترى بقى اللي كنت ماشيه معاه هو ده الحبيب، بما اني طلعت صديق
وتين بضيق ::بقولك ايه يا عمر انا مش فايقه للكلام بتاعك ده لما تفوق من اللي انت فيه ده.. يبقى كلمني سلام...
⭐⭐⭐بقلمي حور طه⭐⭐⭐
تقابلها بيسان بنت خالها:: ايه مالك شيطه ليه؟
وتين بزهق:: من اللي جاي بيقول لي بحبك ده و في بينا مشاعر، وبطاطس..
بيسان بابتسامه:: تقصدي مين عمر؟
وتين:: اه عمر مش عارفه تجنن ده ولا ايه
بيسان تغمز لها:: هو انت بتتكلمي بجد مش انت وعمر مرتبطين ،الجامعه كلها عارفه كده..
وتين بانفعال:::والله معاه حق ان هو يقول مرتبطين اما اقرب صاحبه ليا بتقول لي كدا، ما قلنا اللي بيني وبينه صداقه وبس، جبته منين فكره ان احنا بنحب بعض او ممكن نكون مرتبطين دي...
بيسان بابتسامه:: طيب خلاص اهدي انتوا اصحاب وبس
وتين بنرفزه::ايوه صحاب وبس، ويا ريت الكل يفهم بقى ...
يقابلهم عاصم قدام الجامعه يتصنع الخوف اول ما يشوف وتين::وتين يلا اركبي معايا
وتين بقلق:: في ايه يا ابي ايه اللي حصل
عاصم:: ناديه تعبانه جدا وعايزه تشوفك
وتين تركب معايا العربيه وخوف ::بيسان ارجعي انت على البيت وانا هروح اشوف ابله ناديه
عاصم ياخدها ويمشوا وبيسان ترجع على البيت لوحدها
وتين تنظر الى الطريق بتركيز:: ابيه عاصم ده مش طريق البيت، انت رايح فين؟!
عاصم ينظر لها ويكمل سواقه بدون ان يعطيها جواب!
وتين يتسلل الخوف الى قلبها:: ابيه عاصم احنا رايحين على فين ،هي ابله ناديه تعبانه قوي وانت وديتها المستشفى ارجوك اتكلم يا ابيه
عاصم بدون ان ينظر لها ::ما تقلقيش يا وتين على اختك هي كويسه وما فيهاش حاجه ....في البيت!
وتين تنظر لها بخوف وشك ::طيب انت ليه كذبت عليا..قولتلي ابله ناديه تعبانه..... انت موديني فين؟!
عاصم:: في واحد عايز يقابلك ويتكلم معاكي شويه وانا بوصلك لعنده...
وتين بارتباك:: ومين ده؟!
عاصم:: ماجد بيه!!
وتين مذهول:: لا انت اكيد بتهزر، انت اكيد مش هتعمل فيا كده ،مش هتوديني عند الحيـ ـوان ده
عاصم:: الحيـ ـوان اللي انت بتتكلمي عنه ده ابن اغنى راجل في البلد ،وانا شايف ان هو معجب بيكي، ومصلحه لو انت فتحت مخك معاه؟!
وتين بصدمه من اللي بتسمعه تحاول ان تفتح باب السياره وهي ماشيه ولكن عاصم يقفله وتنزل دموعها:: لا يا ابيه..
لو سمحت ما تخوفنيش اكتر، ووقف العربيه علشان انزل
عاصم يديها قزازه ميه:: اشربي شويه ميه واهدي انا اكيد مش هسمح له ان هو يعمل لك حاجه ما تخافيش اشربي
وتين بانفعال توقع القزازه من ايده:: قلت لك وقف العربيه حالا ونزلني...
عاصم بغضب يضربها بالالم ويغمى عليها ثم يقف بالسياره ويحقنها بعقار ما ويكمل طريقه الى ماجد....!
ماذا يخبئ القدر لوتين........