رواية عودة الجاحد
الفصل الثامن والعشرون28
بقلم الاء الرحمن
اطلس حصله :في ايه يا بابا
زين بصله بغموض :وبعدين
اطلس زفر بتعب :مش عارف
زين :سيبها انا شايف تعبك كله بسببها وكل الي اتعملك كان بسببها
اطلس بصله بتوهان :وابني
زين :خليه معاك وغصب عنها انا اقدر اعمل كل حاجة عايزها لكن اشوفك مرتاح انا تعبت اوي في بعدك وساندتك لما لقيتك وما قولتش حاجة انت قولتعالي على شانك وبس وحفظت سرك لكن انا شايف انك كده بتضيع نفسك من جديد وقرب منه بتأكيد انا مش شايف حب ليها في قلبك ما تنكرش ده يا اطلس
اطلس بصله :مش كده يا بابا بس انا تعبان الفترة دي ومتلخبط
زين بغضب :من غير ما تكدب عليا قول الحقيقة لسه بتحبها زي الاول
اطلس بصله بتوهان :مش عارف او مش قادر احدد تقدر تقول فقدت شغفي في كل حاجة
نقاء طلعت منها شهقه وايدها على بوقها ودموعها بتنزل
اطلس لف دماغه وكانت نقاء الي سمعت كل كلمة اتقالت
اطلس ما عرفش يقول ايه وما عرفش هي سمعت ايه بالضبط
قرب منها بتروي :نقاء
نقاء بصتله بدموع وبصت لايدها الي فيها ذبلته وما اتكلمتش سابته وجريت على عربيتها شغلتها ومشيت
اطلس كان هيحصلها
زين مسك دراعه : خرجها من حياتك كفاية لحد كده
اطلس سابه وركب عربيته وحصلها
امان خرج على صوتهم :هو في ايه
زين زفر بغضب وطلع اوضته
مريم لامان :بابا متعصب ليه
امان :ما اعرفش لكن الواضح انه كان بيتخانق مع اطلس
مريم :بابا وبيتخانق مع اطلس استحالة ده من لما رجع مش بيطيق يزعله
امان :مش عارف حقيقي
انسي هتروحي المشفى دلوقت ولا ايه
مريم بغيظ :مش شايفني جاهزة يعني
امان بهزار :ايوه مهو انا مستغرب النظام الي ناقح عليكي قوي ده خايف عليكي
مريم بغيظ :طب اسكت اسكت قفلتني على الصبح
امان حضنها من كتفها :ههههه بحبك يا بت
مريم ميلت دماغها على صدره :, وانا كمان
.........................................................
عند نقاء
فضلت ماشية في العربية هي مش عارفة رايحة فين كل الي في دماغها
انه امير ما بيحبهاش طيب اتجوزها تاني ليه رجع من جديد ليه وبوضلها حياتها بعد ما استقرت
ركنت العربية في حته فاضية
وايدها على قلبها المجروح
لكن فجاءة حست فيه فتح باب العربية وقعد جنبها
نقاء بصتله بدموع وفضلت ساكتة
اطلس بعد نظراته عنها ورجع بظهره لورا وبص قدامه من غير ما يبص في عينيها : انا كلي متلخبط يا نقاء مش قصدي الي فهمتيه بالضبط انا تعبان تعبان قوي وكل الي حواليا جه عليا جامد قوي وانتي مش بتعملي حاجة غير انك بتعندي وبس
لو كنتي بعقل غير الي انتي فيه ده كنتي اول حد كان لازم اقوله ويوقف معايا في محنتي لكن كنت عارف سواء زمان ولا دلوقت انه قلبك الي بيتحكم فيكي مش عقلك
نقاء بصتله ومسحت دموعها ومسكت دقنه ولفته ليها خلته يبص في عينيها : كرهتني
اطلس غمض عينيه بألم منها :مستحيل اكرهك يا نقاء انتي نقائي انا وعمرك ما هتبقي لغيري
نقاء بدموع وصراخ وقهر :اماال سكت ليه ما عرفتش تجاوب والدك ليه ما قولتلوش بحبها ليه وبدموع انت مش بتكرهني لكن برضه مش بتحبني الحب بتاع زمان صح
اطلس سكت
نقاء بدموع :ما تسكتش اتكلم
اطلس بصلها بتوهان :عايزة ايه بتدوري ورى وجعنا احنا لاتنين ليه يا نقاء عيشي وخلينا نعيش
نقاء بدموع مصحوبة بسخرية :مش قادر حتى تكدب وتقول لسه بتحبني
اطلس بغضب :لا بحبك يا نقاء بحبك لكن ما بحبش اسلوبك ما بحبش ضعفي قدامك ما بحبش عواطفك الزيادة ورمانسيتك الاوڤر ما بحبش طيبتك مع الناس
وبصلها بألم امير الي تعرفيه مات يا نقاء الي موجود قدامك واحد متمسك فيكي رغم فقدانه لكل شغفه بالحياة مش كفاية ده
مش كفاية انه انتي الحاجة الوحيدة من الماضي الي قررت ارجعها لحياتي
حتى اهلي الي ربوني ما فكرتش حتى اروح واشوفهم لكن انتي كنتي اول حاجة شفتها لما رجعت
فاكرة لما شفتك بالمطعم مع سهم وريتا منت لسه واصل مصر وانتي اول حاجة شفتها
مش كفاية المساحة الي انتي واخداها في حياتي بعد كل الي حصلي
نقاء مسحت دموعها :وانا مش عايزة المساحة دي طلقني يا اطلس انا مش عايزاك ولا عايزة ابقى جزء لا من ماضيك ولا حاضرك
اطلس:نقاء كل الي محتاجة شوية وقت بس على ما ازبط اموري واعرف انا عايز اعمل ايه ما تهديش كل حاجة بلحظة عاطفة كالعادة ارجوكي بس شوية وقت
نقاء :انا مش عايزاك من تاني الراجل الي ما اتمسكش فيا للحظة مش عايزاه العمر كله
اطلس بنفاذ صبر :على حالك على حالك يا نقاء يبقى خلاص انا هعمل الي عايزه ورأيك وعدمه واحد فهمتي يا نقاء
نقاء بقهر :انت انت اناني وعمرك ما فكرت فيا دايما شايف نفسك فوق كل حاجة دايما بتحسسني اني فاشلة ومقدرش اعمل حاجة وان انت كل حاجة
وبدموع لو كنت انت فعلا امير هتعرف انا انا تعبت ازاي في بعدك انا والله كان بيجيلي وقت من الزعل بخاف انام ما اقومش وانا بسأل نفسي انا عملتله ايه ليه ليه يعمل كده
وجي دلوقت بعد كل الي حصلي مستكتر عليا كلمة بحبك وبتحطلها اعذار
اطلس بتعب :عايزة ايه دلوقت
نقاء بصراخ :بطل برود بقى يا اخي
اطلس بصلها :نقاء ارجع المساء الاقيكي في البيت والا والله العظيم ابنك هتحلمي حلم تشوفيه
ونزل من عربيتها وركب في عربيته وراح المشفى
نقاء بصتله بحقد وقررت حاجة بنفسها ومسحت دموعها وراحت المشفى
........................................................
عند فريد
كانت عينه على باب المشفى بيستنى دخول نقاء منه بأي لحظة
شاف اطلس داخل وباين عليه مش على بعضه
اطلس بص لفوق كان فريد بيبصله
اطلس بصله بغضب وطلع مكتبه وعدا من جنب فريد
فريد بسخرية:مفيش صباح الخير يا دكتور
اطلس بصله بهدوء : صباح الخير يا دكتور فريد
فريد بمكر :امال فين دكتورة نقاء بقالها يومين ما بتجيش واه صح ربنا يعوض عليكم سمعت انها سقطت
اطلس ببرود :شكرا يا دكتور صاحب واجب بحق
هنا جت نقاء وعنين فريد لمعت لما سمع صوتها كانت بتتكلم مع ريم
دماغه لوحدها بقت باتجاهها
نقاء شافتهم مع بعض راحت ناحيتهم وبابتسامة لفريد :صباح الخير
فريد وكأنه روحه رجعتله :صباح الفل حمدالله على سلامتك يا نقاء
نقاء بابتسامة :الله يسلمك يا فريد انت عامل ايه كويس
اطلس بغضب داخلي ونظرات تحذير لنقاء: عن اذنكم
نقاء بصتله بألم بعد ما مشي وبصت لفريد الي عينيه بتلمع بنظرات الحب
فريد :عايزة تتكلمي مش كده وانا عندي الي غايز اقولهولك ضروري تعالي نشرب القهوة سوى
نقاء بصتله بتوهان
فريد :هتفهمي كل حاجة دلوقت وهخرجك من توهانك ده تعالي معايا
سهم شاف نقاء رايحة لمكتب فريد واتجنن منها ومن عنادها لو عرف اطلس هيرتكب جناية
نقاء قعدت قدامه ببرود :عايز تقول ايه
فريد :نشرب قهوة الاول الموضوع مهم
نقاء :اتكلم يا فريد
فريد بص في عينيها :امير
نقاء :ماله
فريد :مطلعش امير
نقاء تصنعت عدم الفهم :ازاي مش فاهمة ازاي مطلعش امير يعني
فريد مسك ايدها :نقاء حبيبتي افهمي امير الي اتعاملت معاه طول عمري غير امير المةجود دلوقت تصرفاته طريقته اسلوبه راقبته وعرفت انه كوبي حد عمله عمليات تجميل عشان يبقى نسخة عن جوزك عايز يتوهك
نقاء بسخرية :الي هوه انت مش كده وبصتله بغضب انت عارف كل حاجة وجي تستهبل عليا
فريد قعد قدامها ومسك ايدها :ما اعرفش حاجة يا نقاء اطلس ده تعبان تعبان وكر تعابين بحالهم
بيعمل عمليات مشبوهة
خدي بالك منه يا نقاء
نقاء بعدت ايدها عنه بغضب :ليه ليه تعمل فيا كده ليه تبوضلي حياتي بالشكل ده تعمل حد شبه جوزي عشان تتوهني
فريد بص في عينيها ووقف وقرب منها :يبقى انتي عارفة هو مين وانا مش هكدب يا نقاء ايوه انا الي عملت للولد ده العمليات وخليته نسخه عن امير ما كنتش عايزك تتوهي معاه من تاني هو ما بيحبكيش هو واخدك تحدي يا نقاء والله ما في حد بيحبك قدي اقسم بالله
اطلس ما بيحبكيش
نقاء بسخرية :ولا تقصد امير مش اطلس اهو انت كملن عارف كل حاجة
وبدموع ليه تدمرلي حياتي كده ليه تبعده عني وتعمل لينا احنا لاتنين عقد نفسيه انت فاهم انا مريت بأيه فاهم انت وقعته بأيه وعملتله بايه امير بقى انسان تاني غير الي اعرفه بارد وهادي مفيش حاجة بتهمه حتى انا
فريد بغضب :ولا عمرك كنتي تهميه ولا عمره حبك انا الي بحبك انا انا الي كنت لازم ابقى جوزك وابو ابنك مش هو
وبانهيار هو ما بيحبكيش يا نقاء بدليل انه قبل انه واحد غريب يقرب منك ويفهمك انه جوزك القديم هو ما حبكيش ربع حبي يا نقاء ارحميني وارحمي قلبي
نقاء بصراخ ودموع :وانت ايه هاه انت ايه ما انت شبهه استنسخت حد غريب عني وقربته مني اقل ما فيها هو كان متأكد اني في بيته وفي حضنه والوسخ الي انت عامله مش هيقدر يقربلي لكن انت ايه انت الي كنت بتوجهه وبتقوله كل حاجة عني وعن امير على شان يعرف يمثلها كويس
هنا دخلت مريم وسمعت بعض الحاجات
مريم :هو في ايه
فريد بغضب :حد سمحلك تدخلي
مريم بصت لنقاء بعدم فهم
فريد :اخرجي بره
نقاء كانت هتخرج
فريد مسك دراعها :لسه ما خلصناش كلامنا خليكي
اطلس وقف عالباب وشاف ايده الي على دراعها وغمض عينيه بغضب وحرك دماغه يمين وشمال لضبط اعصابه
نقاء نزعت ايدها منه وسابته ومشيت تحت نظرات اطلس
اطلس لمريم :انزلي تحت يا مريم او روحي لسهم يوقعلك على الادوية
مريم مشيت بعدم فهم
اطلس دخل وقفل الباب
فريد بصله بتحدي
اطلس :يبقى عرفت
فريد قرب منه :من اول يوم رجلك خطت باب المشفى كنت عارف انت تبقى مين
اطلس بهدوء : حلو اوي طيب
فريد بغضب :سيبها يا امير انت ما بتحبهاش ولا عمرم حبتها انت واخدها تحدي وبس ارحمني وارحمها
اطلس :حلو وحقي والثمان سنين الي ضاعت من عمري وابني الي عاش من غيري وشكلي الي خسرته وفلوسي ال خدتها
فريد بلهفة :هرجعلك كل حاجة بس سيبلي نقاء كل حاجة هرجعها
وبدمعة انا مش عايز حاجة يا امير انا عايزها هي وبس
وبغضب من نفسه تفتكر انا كنت عايز العيشة دي يا امير ما كنتش اتمناها ما كنتش اتمناها يا امير
عمري ما كنت امنى ائذيك وبصله بأمل انا عمري ما كنت افكر اغدر فيك لولا الي عملته
فلاش بااك
سهم :ازاي يعني مش فاهم
امير :يعني فريد بيحب نقاء وانا معجب فيها ومتأكد انها بتحبني
سهم :ايوه
امير :ولا حاجة لما قالي هتجوز وعامل مفاجاة للي بحبها رحت انا طلبت نقاء على شان لو فكر فيها تبقى ليا لاني مش هأمن على اسمي غير معاها
سهم :مش فاهم خد عقلي الصغير على قده
امير شرد : نقاء طيبة بريئة متربية بتعرف يعني ايه عيلة دي الي هقدر اخليها تحمل اسمي وانا مطمن يمكن انانية مني وانا عارف لا متأكد انه فريد بيحبها لكن انا فعلا معجب فيها طلبتها في اليوم اياه ووافقت وهو لما عرف بقى بارد زي ما انت شايف
سهم :وانت حبيتها بجد
امير :مش عارف لكن برتاح وانا معاها
باااااااااااااااك
فريد بغضب :في اليوم ده كرهتك كرهتك قوي عمري ما اذيتك انت الي ابتديت يا امير انت مش انا
ونقاء عمري ما هتخلى عنها مهما حصل
اطلس قرب منه وبص في عينيه: هتفضل قدام عينيك وعمرك ما هتطولها اوعدك هتشوفني معاها في كل لحظة وكل موقف هتتمنى لو لثانية الزمن يتكرر على شان تفكر الف مرة بلي عملته
انا بوعدك يا فريد بوعدك اني هدمرك هدمرك ودي اول حاجة اعتبرها هدية مني ليك
وفتح الفون
لقي عناوين باسم دكتور التجميل الكبير فريد الالفي يتعالج من الادمان وصور ليه داخل المصح