رواية عودة الجاحد الفصل السابع والعشرون27بقلم الاء الرحمن
اطلس :يعني هتعيشي معايا على شان ابني وبس وبكيفك او غصب عنك مش محتاج رائيك زي ما كنت مش محتاجه من زمان وبتحذير والي عرفتيه النهاردة لو سمعت بس انه حد عرفه هحرمك من سيف ومش هتشوفيه تاني وبصلها بسخرية مش عايز منك حاجة لا حقوق ولا حاجة بعد الي عملتيه
نقاء بغضب :وانت فاكر اني انا هستحمل الحياة معاك كده انت انسان غير الشخص الي اتجوزته انا مش طايقة شكلك اصلا ولا طايقاك انا لاول مرة اشوف الفرق بينك وبين امير الي اتجوزته
انت ولا حاجة انت حتى ما قدرتش تحمي نفسك ده لو كنت صادق من فريد وسبته يأذيك ولسه مخليه داير في المشفى ويعمل الي عايزه ده لو فعلا كنت صادق والي قلته ده كله حقيقي
رد اطلس كان الم على وشها
نقاء بصتله بصدمة ودموعها بتنزل
اطلس بغضب وهو بيجز على سنانه بغضب وعظمة فكه متشنجه : خليتيني اعمل حاجة عمري ما فكرت اعملها ومعاكي انتي بالذات ما تختبريش صبري يا ام سيف هعمل خاطر لابني بس مش ليكي فاهمة سيرة فريد مش عايزها تتجاب خالص ولا حتى تفتكريه بخيالك فاهمة لاني ساعة والي خلقني مش هعدي الموضوع عادي فوقي يا نقاء فوقي وشوفي انا مين وازاي بقيت دلوقت وكله بسببه انا حياتي ادمرت في لحظة
وسابها وخد بجامة ودخل الحمام ياخد شاور ونقاء مصدومة لسه ازاي يضربها
نقاء قعدت على السرير وايدها لسه على خدها وفضلت على وضعها دموعها بتنزل
بعد مدة خرج اطلس بصلها كانت لسه على حالتها
ووشها الالم أثره عليه
اطلس زفر بغضب من نفسه وكلم المساعدة بتاعتهم تجيبله كمادات تلج
اطلس خد التلج منها وقرب من نقاء وقعد قدامها :انا اسف
نقاء بصتله بدموع طفلة بتبصله بعتب
اطلس اتنهد وشال ايدها عن وشها وحطلها كمادات التلج
اطلس : مش هتتكرر تاني مهما حصل اوعدك
نقاء بدموع : ابعد عني
اطلس بهدوء :حاضر بس حطي الكمادات على وشك ومش هتعلم ان شاء الله
نقاء بصتله بغضب وجنان : اطلع بره اطلع بره
اطلس حاول يهدا وخد ملاية :عايز انام لو سمحتي مش عايز اسمع صوت ولتالت مرة بعتذر عن الي عملته مش هيحصل تاني
وسابها ونام على الكنبة
ونقاء منهارة وبتعيط واطلس قلبه بيتعصر من صوتها المجروح
............................................. .
عند فريد
دخل امير عليه
فريد بصله بغضب :ما بدري
امير :مراتي تعبانة رحت شفتها
فريد قرب منه بغضب ومسكه من قميصه :فوق يله بلا مراتك بلا قرف انت واعي انت فين دلوقت بعد ما كنت فين انت كده هتدمر نفسك انت مش بتعمل حاجة مع نقاء واضح جدا الكدبة الي عاملينها انت غبي
امير زقه عنه :اعمل ايه يعني واطلس عامل عليها هالة مش طبيعية هخليها تحبني من جديد ازاي ها
واطلس ده مش غبي ده واعي وفهمان جدا وعارف انا مين كويس قوي
فريد قرب منه بغضب :انا عارف كويس قوي انه اطلس عارف انت مين وانك مزيف مهمتك مش اطلس انا فهمتك من الاول تعمل ايه مهمتك نقاء تقع في حبك من جديد على شان اطلس نفسه يشك بنفسه وتصدقك انت وما تصدقهوش مهما قالها يا غبي
انت كده هتدمرني
امير زفر بغضب :هعمل ايه يعني قولي انت
فريد بتفكير :بكره بكره عايزك تلبس الشخصية الي انا بنيتها ودربتها فاهم مش عايز اي غلط
قرب من الدرج وخرج ملف ده تحليل الDNAالي طلبته بكره تقنع نقاء بطريقة او باخرى تروح معاك لو هتخطفها فاهم
هحجزلك طاولة متزينة بالشموع والورد وعشوة حلوة وكلام حلو وكلمتين من الي حفظتهم ليك
فاهم احفظ الكلام كويس وكده هتشك في نفسها وحتى لو اطلس قالها هو مين ساعتها هتصدقك انت بس تمثل دورك كويس فاهم
امير :واحساسها يا فريد احساسها
فريد :احساس مين ده يا غبي احساسها احنا نقدر نحركه بأيدينا نقاء عاطفية جدا واطلس بارد جدا وامير ما كانش كده وبشرود
يمكن كان بارد من بره لكن حنون جدا جدا وعاطفي ورومانسي جدا وبيحب التجديد والتغيير
وبسخرية لكن اطلس الموجود دلوقت بارد في مشاعرة من بره ومن جوه مهما حاول يبقى زي ما هوا الي حصل كسر فيه حاجات كتيره وبص لامير بسخرية اقدر اقولك فقد شغفه ناحية نقاء وبقت ليه عشرة ام ابنه رهان بيني وبينه مش عايز يخسره عشان يثبت لنفسه زي دايما انه الاقوى والاحسن في كل حاجة وبسخرية ده سبب تمسكه بنقاء
وبشرود انا اعرف امير اكتر من نفسي نظرته لنقاء مش نفسها خالص يمكن لسه بيغير لكن بيغير عليها مني انا بس بدليل انه كان معندوش مانع يقرب راجل غريب منها الي هوه انت
وقالك تطلع حقدها عليه فيك انت والي ما تعرفوش انه هو نفس الشخص
فريد بألم داخلي اطلس طول عمره واخد نقاء تحدي وبدمعة نزلت منه استغربها امير
عمري ما انسى اليوم اياه
فلاش باااك
امير :هههه ايه الفرحة الي هتنط من عينيك دي
فريد بفرحة حضنه : هطلب ايدها النهاردة بالليل وافقت تديني فرصة
امير :نفسي اعرف مين الي واخده قلبك كده
فريد :هتعرفها بالليل سلام بقى اشوفك بالليل ما تنساش تيجي هطلب عشقي قدامكم
امير :ههه تمام وانا محضرلك مفاجأة بالليل
في المساء
جه فريد وكان محضر ورد وعشاء رومانسي وقلوب وحاجات كتيرة تجنن
دخل امير وبأيده نقاء الي طايره من الفرح
فريد بعدم فهم :هو في ايه
نقاء بصت لفريد بحزن
امير بفرحة :باركلي يا صاحبي انا طلبت ايد نقاء قدام المشفى ووافقت
فريد بص لنقاء بعدم فهم :ازاي مش فاهم هو انتوا
نقاء بصت لفريد بحزن
امير :دي مفاجأتي ايه مفاجأتك بقى
فريد بص لنقاء بألم وقهر :مفاجأتي ماتت وبص لامير الف مبروك وسابهم ومشي
امير :فريد هتروح فين في ايه
فريد طنشهم لكن حلف لينتقم من خيانتهم
باااااااااك
امير :فريد رحت فين انت كويس
فريد مسح دمعته الي مستغربها ومستغرب حالته امير: مش هبقى كويس غير لما نقاء تبقى ليا
امير :بتحبها للدرجادي
فريد زفر بغضب :اعمل الي بقولك عليه وبس شككها بنفسها عايزك تعرف هي تعرف ايه بالزبط وعرفت انه اطلس نفسه يبقى امير وقلها ايه بالزبط ونقاء تقدر تستفزها بسرعة وتقدر تاخد منها الكلام الي عايزه عايزك بس تقولي هي تعرف ايه وتلخبطلها دماغها
امير :تمام اوعدك المرة دي تقدر تعتمد عليا سلام دلوقت
...............................................
عند سهم
قفل مكتبه وكان واقف مع نور جت ريم بصتله بلا مبالاة وكانت هتخرج من المشفى
سهم استأذن من نور وجري وراها
سهم :ريم استني
ريم ببرود :نعم
ريتا من وراهم : يالله يا حبيبي
سهم :اركبي هوصل ريم الاول
ريتا بدلع :محضرالك جو يجنن وبصت لريم معلش يا ريم اصل النهاردة ذكرى زواجنا الاول
ريم بصت لريتا : ريتا على فكرة سهم ما عدش يفرقلي ما تفتكريش انك بكده بتثيري غيرتي او حاجة خدي بالك من روحك وربنا يهنيكم لكن سيبوني في حالي وخلي جوزك يبعد عن سكتي
سهم بغضب :اخرررسي
ريم طنشته وركبت بالعربية من ورى
سهم بص لريتا بغضب :هربي امك عالحركة دي
ريتا طنشته وركبت
سهم شغل العربية ومشي
ركن جنب بيت ريم ولسه هيتكلم ريم نزلت من غير ما تسمعه
ريتا بغيظ :دي مش محترمة حد خالص ايه ده
سهم بغضب :اخرسي ما اسمعش صوتك فاهمة
ريتا :انت ليه مش قادر تشوف حبي ليك ليه مهما بعمل مش بتقدرلي حاجة
سهم بصلها بقرف:لانك اجبرتبني على حاجة انا مش عايزها مسكتيني في وقتها من الايد الي بتوجعني مسكتيني بصاحبي يا تساعديه واتجوزك واسيب الست الوحيدة الي حبتها يا تتخلي عن صاحبي واوقف عاجز مش قادر اساعده وانا شايفة عايش ميت
ريتا بدموع : قلبي مش في ايدي كفاية عليا اشوفك قدامي مش قادرة اتخيل حياتي من غيرك انا سبت كل حاجة على شانك وتحت امرك
سهم زفر بغضب وشغل العربية ومشي
ريتا مسحت دموعها وبنفسها:هتبقى ليا لو مش النهاردة هيبقى قريب قوي قوي يا سهم
.............................................
في الصباح
فاق اطلس ودماغه مصدعه من الارق الي صابه بالليل
بص حواليه نقاء ما كانتش موجود لكن بص ناحية البلكونة بتاعتهم شافها متكورة على نفسها وشاردة
اطلس اتنهد وقام غسل وشه وسرح شعره وطلب قهوة على الاووضة وخدها وخرج لنقاء وحطها قدامها وقعد في الكرسي المقابلها
اطلس :صباح الخير
نقاء فضلت على وضعها
اطلس خد قهوته وشرب منها : كل حاجة جت فجأة وانا لوحدي وانتي مش فاهماني ودايما قلبك الي بيتحكم فيكي مش عقلك ودي سبب مشاكلنا من زمان
نقاء بصتله بدموع مترقرقة : طلقني انا مش عايزة افهمك ولا تفهمني
اطلس بسخرية :ايه عايزة تتجوزي فريد عشان تغيظيني دلوقت مش فاضل صدقيني غير كده وبس من زمان قوي وانت بتدوري على الحاجة الي بتتعبني وبتعمليها
نقاء مسحت دموعها :انا عايزاك تعمل فحص DNA عايزة اتأكد من الكلام الي بتقوله
اطلس رجع بظهره لورى وبصلها بهدوء : مش حاساني
نقاء بغضب باين في عينيها وهدوء ظاهري : مش حاساك خالص ولا حاسة حاجة ناحيتك
اطلس بسخرية : حلو اوي يا مدام وانا مش هعمله دلوقت هعمله في الوقت الي هختاره انا
نقاء بغضب :يبقى لحد ما تعمله اوعى تتعامل معايا على انك امير الي اعرفه
اطلس :وانا اصلا مش هتعامل معاكي خالص على اني امير الي عرفتيه لانه اتغير وبقى انسان تاني خالص انا اطلس اطلس زين السامري سواء تقبلتيني كده او لا فده الموجود
انا هقوم اروح للمشفى وانتي ارتاحي زي ما قال الدكتور
نقاء بعند :انا كويسة وهروح المشفى
اطلس زفر بغضب :ما تعنديش على حساب نفسك
نقاء :ملكش فيا
اطلس بتعب :زي ما انتي عايزة وسابها ودخل يلبس ونزل
كانت والدته محضره الفطار فطر وبص لامان :لقيت الشغل ازاي
امان كان هيرد لكن سبقته مريم :ههههه مش مهم الشغل المهم الي جوا الشغل اصل اخوك تقريبا وقع
امان بصلها بغيظ
مريم بلا مبالاة :داين تدان
زين :انتوا مش هتكبروا خالص وبص لاطلس
اطلس عايزك حصلني على الجنينة
اطلس اومأله في دماغه
زين سبقه والكل عايز يفهم في ايه
اطلس حصله :في ايه يا بابا
زين بصله بغموض :وبعدين
اطلس زفر بتعب :مش عارف
زين :سيبها انا شايف تعبك كله بسببها وكل الي اتعملك كان بسببها
اطلس بصله بتوهان :وابني
زين :خليه معاك وغصب عنها انا اقدر اعمل كل حاجة عايزها لكن اشوفك مرتاح انا تعبت اوي في بعدك وساندتك لما لقيتك وما قولتش حاجة انت قولتعالي على شانك وبس وحفظت سرك لكن انا شايف انك كده بتضيع نفسك من جديد وقرب منه بتأكيد انا مش شايف حب ليها في قلبك ما تنكرش ده يا اطلس
اطلس بصله :مش كده يا بابا بس انا تعبان الفترة دي ومتلخبط
زين بغضب :من غير ما تكدب عليا قول الحقيقة لسه بتحبها زي الاول
اطلس بصله بتوهان :مش عارف او مش قادر احدد تقدر تقول فقدت شغفي في كل حاجة
نقاء طلعت من شهقه وايدها على بوقها ودموعها بتنزل
اطلس لف دماغه وكانت نقاء الي سمعت كل كلمة اتقالت