رواية ميان
الفصل الثاني عشر12
بقلم ريم ابو القاسم
رحعنا البيت ميان كانت متاثره شديد عشان البيت ملان كل شويه يجو يكفرو ليها قلته ليها مرتاحه هزت رسا نظام ايوا طيب اجيب ليك مويه قالت لي لا لا شويه كده جات مره كبيره قالت فكو الشاش ده و انا بعالجا ليكم قلته ليها يا حجه نحنا مشينا المستشفى و كل شي حلو واسي هدي كويسه قالت لي لا لا يا ولدي البت دي علاجا واحد والحريق ده علاجو معروف خليني اشوف شغلي فتحت شنطتا طلعت كيس ما بعرف المرقتو شنو لاكن شي زي الرماد و عايزه تعملو ليها قلته ليها دقيقه ما بسمح ليك احتراما لسنك بس لاكن لو سمحتي اطلعي بره قالت ما بتطلع وانو هي حبوبتا🐸 هي تشاكل وانا اشاكل في النهايه جانا ابوها معاذ قلته لي شوف يا عمي المره دي من قبيل مصره الا تعالج ميان وقالت الشي الرماد الشايله ده بخلي حتى اثر الحريق يروح وين الكلام ده نحنا ما سمعنا خالي قال ليها عمتى شرفه كيفك مالك ما سلمتي علينا بي هناك قالت ليو جيت عشان ميان بتي انتو لا بتجو ولا بتضربو كدي خليني اشوف شغلي 😒 ، طيب ده شنو يا عمتي قالت لي ده الشوال حرقتو و مفروف رمادو بشيل اثر الحريق خالي فجأه ابتسم قال ليها صح كلامك لي ما جاتني الفكره دي في بالي ،، قال لي يا ولدي زح دقيقه زحيت بقيت اعاين ليهم خالي معاذ فكى الشاش و ميان حاسي بيها متالمه شديد قلته لي دقيقه اكيد بوجعا فكيتو ليها براحه و كل مره تضعظ في يدي لو حست بالم بقوم بخفف بعد خلصته حبوبه شرفه جابت الشي داك و ردمتو في ميان و ادت خالي الكيس قالت ليو اسبوعين بس بتك اثر الحريق كانو ما في طبعا في الأسبوعين ديل بقيت ملازم ميان من اصحى لحدي ما امسي و فعلا كل مره بلاحظ الاثر ماشي يختفي شويه شويه و بقت حاجه بسيطه في خدها دي بقت سوداء زي الوحله تقريبآ ما ح تروح ح تبقى علامه تذكرا💔 ... يوم صحيت بعد شربته الشاي شلته لي ميان في صينيه و عايز اودي ليها الغرفه طبعا الاهل كلهم عارفين و من ميان تبقى كويسه ح اخطبا بس ليلى ما بتريحهم دايما بلقاها بتتكلم وتقول ميان لسه صغيره هي اول تعرس بس انا ما شغال بيها مصر علي قراري ده و برضو اجازتي قربت تخلص دخلته لقيتا واقفه في المرايه و ما حست بي شده ما هي سرحانه جيت وقفته جمها لقيتا مركزه مع العلامه قلته ليها انتي عارفه بقيتي حلوه شديد بيها عاينت لي قالت لي والله 🥺 قلته ليها مش حلوه بقيتي بتجنني لو كنته عارف بتكوني حلوه كده كان زمان حرقتك😉 بقت تضرب فيني قلته ليها كفايه هظار تعالي اشربي الشاي حقك و الليله ناوي افسحك ما تقولي لي لا و ما بقدر لانو اسي قربتي تتمى شهر وانتي ما بطلعي من الغرفه دي ، بس انا يا عمران ، ما بعرف قلته ليك ح تمشي يعني ح تمشي جهزي نفسك المساء و جهزي ملابسك فهمتي قلته لي حاضر هو طلع و انا شربته الشاي و طلعته ليهم بره كلهم بقو يعاينو لي مستغربين كيف طلعته من الغرفه ماما سلوى من شافتني جات حضنتني بقت تبكي خالتو علويه قالت ليها كده ما صح يا سلوى تعالي يا ميان قعدته جمبها و ابتسمته 😊 ليلى قالت لي ليك شهر زي النفسا ده دلع ما اكتر 😒😒 ماما سلوى حمرت ليها بعدين سكتت قالت لي يا بتي انتي مرتاحه كده ليلى قالت كيف تكون مرتاحه مشوهه كده عان وشك بقى قبيح كيف كلمه قبيح دي عقدتني و خلتني اقوم جاريه وانا ببكي 😭😭😭😭 ....