رواية عدس بالقدحه
الفصل الحادي عشر11
بقلم ريم ابو القاسم
وقت جاء ابوي طوالي وقفته كنته خايفه من ردت فعلو لاكن جاء و سلم لي عثمان عادي و قعد وكمان قال لي امشي سوي لينا شاي فتحته عيني😳 قال لي بتكلم معاك يا بت بقيت اتلولم زي ام اربعه وأربعين ما فاهمه شي غايتو مشيت عملته الشاي وجبتو ابوي قال لي عثمان مرتك تلد تتم الأربعين طوالي نرسلا ليك ... عثمان قال لي ان شاء الله... ابوي قال ليو اليوم كلو سامعه بتقول اشتاقت ليك اهم شي بتي عايزه شنو و مهما كان انت ابو الطفل مستحيل نفرقك من ولدك ... بقيت اتبسم طوالي دخلته جوه صحيت رهف قلته ليها عثمان قالت لي مالو حكيت ليها بقت تنطط معاي قالت لي دقيقه انتي حامل يا بت 🐸 .... كلنا طلعنا بعدين نعمل الجبنه عثمان عايز يستأذن ابوي حلف الا يبيت معانا يمشي الصباح عثمان طوالي قعد ...
شربنا الجبنه اتونسنا بعدها عملنا العشاء امي قالت لي تعالي طبعا عارفين المطبخ 🐸😂.... قالت لي امشي فرشي غرفتي انتو امشو هناك و انا بنوم مع رهف فعلا عملته كده عثمان قلته لي لو عايز تنوم هديك الغرفه قال لي طيب مشيت رقدته وشالتني النومه عثمان مساهر بالونسه مع ابوي زي النام في مكانو الصباح كده قبل الشمس تشرق عثمان جاني في الغرفه قال لي انا بعد ده ماشي قلته لي وانا قال لي انتي تجي مع البيبي بقيت ابكي قال لي عويره انتي انا اربى ولدي ولا اربيكي انتي .... لسه زعلانه💔... بأس راسي قال لي يلا مع السلامة انتبهي لنفسك و لي ولدي فاهمه هزيت راسي قال لي يلا و ابوي قال ليو يلا نمشي عثمان قال ايوا فعلا طلع و مشى اليوم كلو ببكى و قافله علي الباب و كئيبه شديد ... تلفوني اتصل رفعتو لقيتو ده عثمان قال لي وصلته الحمد لله وهاك دي امي دايره تسلم عليك.... قلته ليها امي كيفك قالت لي الحمد لله بس خجلانه منك و علي تصرفنا معاكي يا بتي قلته ليها ابدا ما زعلانه منك انتي بره الموضوع قالت لي عزيزه بتي و عثمان ولد كيف ما ازعل و اشيل الذنب كان مفروض اقيف معاكي و بدت تبكي قلته ليها ولا يهمك حصل خير قالت لي تتحلي بالسلامة يا رب و من ترجعي عثمان ح يسكنك براكي قلته ليها ما بفارقك قالت لي افضل ليك ولي ولدك ولي عثمان... قالت لي يلا انتبهي لنفسك و ادت التلفون لي عثمان...
قلته ليو ح تسكني براي قال لي ايوا البيت جاهز بس باقي العروس و بقى يضحك قلته ليو شكرا يا عثمان قال لي ده واجبي يا العوقه يلا مع السلامة ماشي الشغل لي بعدين .... طبعا الفتره دي كانت صعبه المشي و الحركه بالنسبه لي صعبه شديد اقل مجهود نفسي بقوم بقيت قاعده بس ما بشتغل رهف يحليلا قامت بالواجب كلو ... قصه رهف امها و ابوها اتوفو في حريق و طلعت هي الوحيده العايشه حتى بعد طلعوها فقدو الأمل انو تعيش تاني بس عندها عمر و عاشت الحمد لله امي قالت بت اختي انا بربيها و بقت معانا و مرات تمشي لي خالي و خالتي التانيه بس اكتر شي معانا ... بزات وقت عرسته انا اسي أتقدم ليها واحد قالت بعد انا أوضح نعمل العرس ....
كان باقي لي شهرين انا اوجعته في نص الشهر التاني ودوني المستشفى كانت معاي امي و رهف و اخت خطيب رهف كانت معانا اليوم داك .... الحمد لله جبته ولد وقت كلمته عثمان العصر كان معانا بعد سلم لي و شاف ولد طلع مشي جاب حلاوه بقى يوزع ساي في المستشفى بعدين خرجونا ... لاحظته لي عثمان الوقت كلو ماسك ولد حتى لو اداني ليو الا لو عايز يرضع ولو جاء زول بكشر وشو بعد اسبوع و عملنا السمايه عثمان رجع .... و انا تميت الأربعين و بديت اجهز عشان ارجع بيتي ....