رواية عز القمر
قمر : اي الصوت ده
وتقرب ناحيه الصوت
قمر بخوف والصوت لسه موجود : مين هنا
ومره واحده تصررخ
قمر برعشه : ياربي وقتو النور يقطع
وتفتح فلاش الموبايل وتسمع صوت الباب بيتفتح
قمر بخضه : مين
عز : انا متخافيش هو قاطع بقالو كتير
قمر وتقرب لي وتمسك ايدو برعشه وخوف : عز في صوت جاي من المطبخ في حد جوا
عز : حد اي اكيد من الخوف متهيألك بس
قمر : لا والله مش متهيألي انا سمعت صوت حاجه بتتحرك وتقع
عز : اهدي مفيش حد انت.. اهو النور جه
قمر : روح شوف اي الصوت ده
عز : تعالي اوريكي ان مفيش حد
قمر : لا انا خايفه
عز يشدها من ايدها
عز بضحك : بصي
قمر : اي في حد
عز : افتحي عينك وبصي
قمر : اي دده اي الي جابها هنا دي
عز : شوفتي القطه هي ال رعبتك
قمر : هي دخلت هنا ازاي
عز : انتي فتحتي الباب بعد ما مشيت
قمر : لا اه بنت عمك جت
عز بإستغراب : كانت عايزه اي
قمر برفع حاجب وايديها على وسطها : ما تسأل نفسك مش بينكم أسرار برضو؟
عز : اي ده في اي قالتلك اي المتخلفه دي
قمر : مش مهم يبقى القطه دخلت وانا مش واخده بالي
عز : اه صح رجعت العربيه
قمر : مبرروك يا حبيبي المال الحلال عمرو ما يضيع ابددا
عز : مالك قلبتي علي امي كده لي
قمر بقمص : والله؟؟
عز بضحك : خلاص متتقمصيش كده انا جعان اوي في اكل ولا
قمر : في طبعا روح غير هدومك لحد ما اغرفلك
__________________________________
بعد ساعتين
زينب : اي الي انتي بتقوليه ده
هايدي : زي ما سمعتي يا عمتو
زينب بعدم فهم : وهي لو مبتخلفش عز لي يكدب علينا
هايدي : مش عارفه فاكره لما عز قالنا انها حامل ساعتها هي اتوترت وقالت انو بيهزر يمكن قال كده عشان يجبر بخاطرها
زينب بعدم تصديق : عشان يجبر بخاطرها يكدبب علينا ويزعل قلبي ؟؟؟
هايدي وتطبطب عليها : معلش يا عمتو معلش عادي بتحصل
زينب بحسره : عادي اييي!! يعيني عليك يا ابني ياحبيبي وعلى حظك
هايدي : اكيد في حل
زينب : اي
هايدي : ان عز يتجوز ده لو قمر ترضي يعني
زينب بإعتراض : واي الي يخليها مترضاش لا هيتجوز و غصب عنها
هايدي : هيتجوز مين
زينب بإبتسامه : انتي
هايدي بخبث : انا لا طبعا يا عمتو ده عز اخويا
زينب : اخوكي اي يا كدابه انتي ناسيه وانتو صغيرين كنتي بتلفي وراه زي النحله ازاي
هايدي : مكتسفنيش بقي يا عمتو بس قمر كده هتزعل مني
زينب : ما تزعل انتي هتبقي مراتو حلالو زيك زيها ويمكن احسن
هايدي بفرحه : بجد يا عمتو
زينب : بجد
هايدي : لو حصل فعلا وعد عليا لما اجيب بنوته هسميها زينب علي اسمك يا عمتو
زينب بإبتسامه : يا حبيبه عمتو
______________________________________
قمر وتلمس على شعر عز بخفه وهو نايم على رجليها
قمر : مرتاح كده
عز : اه ايدك ناعمه هنام منك
قمر بضحك : عارف يا عز
عز : اي
قمر : انا بحب الكرتون ده من وانا صغيره
عز : اشمعنا
قمر : مش عارفه بس بيأثر فيا اوي مها اسمعو ببقي كأني بسمعو لأول مره
عز : طيب شيلي بقي البتاعه الي علي راسي دي
قمر : بتاعه؟؟ ده كمداد عشان انت سخن
عز : شيلها طيب
قمر بضحك وتشيلها : حاضر
عز بيمسك ايديها ويبوسها ويدفن وشو في رقباتها برومانسيه
قمر : مالك في اي
عز : بحبك
قمر بخجل : وانا كمان
عز بهدوء : شعرك ريحتو حلوه اوي
ويبعد وعينو تبقي في عينيها ويلمس بصوابعو على شفا'يفها ويقرب يقب'لها
قمر ضعف وإستسلام تبادلو القب'له بحب