رواية اسمهان
الفصل التاسع عشر19
بقلم ريم ابو القاسم
عملنا حفله صغيره لي اسمهان كانت بتناديني ماما و عمي طول القعده كان بدمع بس كان مبسوط بوجود بناتو ❤️ و بعد صليت العشاء نومته اسمهان و شيماء و رقدته انا جاني اتصال وقته رفعته التلفون لقيت مكتوب( دكتور اشرف ) قلبي عمل شح بقيت عامله كده😳💔 ... بعد مسافه استوعبته عايزه ارد الخط فصل تاني ما رجع بقيت راجيه يرجع بس ما رجع😭😭😭...
الصباح عمي فات الشغل و شيماء الترحيل جاء ساقا بقيت انا واسمهان شغاله لي ده ده وانا في المطبخ الباب ضرب مشيت افتحو قلته بكون ده عمي نسى حاجه اتفاجئته بي دكتور اشرف 😳😳 قلته لي دكتور اشرف دقايق بس لبسته لي عبايه و خليتو يدخل قال لي كيفك قلته لي الحمد لله قال لي عارف نفسي مقصر بس والله كان عندي ظرف قلته لي ولا يهمك قال لي ما عايزه تعرفي ظرفي شنو قلته لي شنو قال لي قبل سلوى تتوفى فاتحت موضوع زواجنا مع الاسره ... رفضو قالو نحنا حاجزين بت عمك ... انا رفضته لانو اخترتك انتي بس الحاجه قالت كان عرستها ما عافيه ليك تقطع صلتك بيها خالص ... قلته لي رضى امك اكيد اهم قال لي صح ده العملتو انا في الفتره دي بقيت أصر عليها في موضوعنا كانت رافضه شديد وانا دخلته بعدها في حاله لاني قنعته بقيت ما باكل كتير حتى وزني نزل قلته لي ظاهر 🐸✋️ قال لي ايوا وبعد شافتني كده قالت لي نمشي نخطبا ليك انت حدد يوم .. دايره اتكلم اسمهان جات تحبى شغاله ماااما ماما ده كانت شايله ليها لعبه كده ....
دكتور اشرف وقت شافا رفعا قال لي دي بت سلوى قلته لي ايوا من شالا بلعب فيها بتقول لي بابا شفته الفرحه في عينو بقى يلعب فيها كاني ما في و يشاغل فيها اللحظه ديك كبر بعيوني اكتر واكتر 😍 ... مشيت اجيب لي مويه لانو وقت جاء ما عملته لي شي بعد شرب قال لي ممكن اسوقا معاي مشوار قريب قلته لي طوالي بس خلي بالك عليها تمام قال لي طيب بعد طلعو شويه خفف لي بقيت اعمل الفطور خلصته عملته عصير قلته بعد يجي اخلي يفطر لانو ده زمن فطور نظفته البيت بعد ساعه جو ....
فتحته الباب لقيت اسمهان خشما كلو شكلاته وهو شايل كيس قلته ليها ده شنو بقت تضحك قالت لي بابا 😂 قلته ليها انتي اي راجل بابا ههه وقت عاينته لي لقيت اداني عين قال لي بس انا فعلا مقام ابوها ... قلته لي صح🐸💔
دخل وخته الكيس قامت بقت ماسه طرف التربيزه و بتجر في الكيس طلع فيو شكلاتات كتيره قلته لي ده اسي ما بتاكلو براها قال انتي و شيماء قلته لي انا ده بقوم بي براي في سري🐸💔 قامت شالت وحده و فكت التربيزه بقت تمشي براها بس شويه شويه عايزه تصل لي اشرف ادتا ليو انا بقيت اعاين ليها بشغف و هي ماشه كانت اسعد لحظه و كان اسعد يوم اسمهان تمش و دكتور اشرف يرجع لي😭😭😭❤️.....بعد ادتو الشوكولاته شالا بقى يبوس فيها حقيقي شوفته حنان الاب في عينو و تعاملو مع اسمهان بعدين قلته لي خليك احضر الفطور قال عندو محاضره ومره تانيه بجي يفطر قلته لي تمام ما مشكلة طلع بقيت انا و اسمهان نعست مشت نامت بعدين اتصلته لي امي اشتقتا ليها🥺...
قالت لي نونا كيفك قلته ليها تمام قالت لي و اسمهان كيف و شيماء قلته ليها كويسين و عمك قلته ليها فات الشغل قالت لي ما كفاكي بعد ده عمك يعرس لي وحده قلته ليها مستحيل هو لو ما قال براهو عايز يعرس مستحيل انا أقبل و ممكن يعرس بس البنات ح يبقو معاي تاني لانو بقو قطعه مني 😭💔.. قالت لي انتي مجنونه ولا شنو تربى عيالك ولا تربي عيال عمك قلته ليها انتي ما عارفه يا أمي العملو عمي و مرت عمي شنو معاي لو عرفتي براكي ح تقولي لي اقعدي ايوا قلته ليها ابوي كيف قالت لي كويس والله طلع الشغل زي ما عارفه قالت لي انتي اشرف ده منو قلبي عمل شح قلته ليها مالو💔🐸 قالت لي اتصل لي ابوك امس قال طالب يد بتك و هو دكتورك ابوكي قال لي دكتورا في الجامعه كيف تعرسا قال لي انا ما كبير و ان شاء الله نسجل ليكم زياره قلته ليها قال جاي البيت....😳 قالت لي ايوا نشوفو زاتو يمكن بعاتي... 😒 ما بعرس لي بتي ساي قلته ليها خير ده فعلا دكتوري زول ما فيو كلمه قالت لي ما شاء الله يعني انتي عارفه هو عايزك قلته ليها بري بس واضح من تصرفاتو قالت لي ايوا سمعته صوت اسمهان بتبكي قلته ليها برجع ليكي بعدين قالت لي طيب وقفلت ....