رواية عدس بالقدحه
الفصل الثاني عشر12والاخير
بقلم ريم ابو القاسم
طبعا عارفه اسم الروايه غريب😂💛 كتبتها في نص النهار وكنته صايمه 😁 بفكر في اسم للروايه ، في نفس اللحظه نفسي في عدس بالقدحه، جات كده و لصقته الاسم دي حكايه عدس بالقدحه .😂🫶❤️
جهزته شنطتي و لبسته ولدي الصباح سميناهو علي جدو ابو عثمان (جمال) بس كان بكاي شديد ما بسكت بالساهل لو بكى ... ناس امي ما قصرو معاي ربنا يديهم العافيه يارب ❤️ كلهم مشو معاي للسوق الشعبي ودعتهم و ركبته الباص وصلته الظهر كده لقيت عثمان سلم علي في يدي و شال ولدو طوالي بقى يضحك ة يلعب فيو غاظني شديد كاني ما موجودة 😔💔 قلته لي يعني اشتقته لي جمال بس وانا لا قال لي لا بس ولدي طولته ما شفتو ... عملته نفسي زعلانه بس ولا عبرني🐸💔✋️.... وصلنا البيت اول قال لي نمشي ناس امو تشوف الولد فعلا مشينا سلمت علينا من شافتو اتذكرت جمال راجلا بقت تبكي .... و جات عزيزه شالتو لعبتو و حاسه لسه في فجوه بينا ما قادره تتعامل معاي ما بعرف خجلانه ولا غضبانه🥲....
بعد اتغدينا استأذن عثمان قال نرجع بيتنا بعد ده فعلا البيت كان صغير بس ما شاء الله تحفه مفرش حلو و الديكور حلو و كل شي مظبوط حتى نظيف عثمان قال لي عجبك قلته لي شديد 😍😍😍.. قال لي في حاجه كمان ... قلته ليو شنو قال لي اديني يدك ... مديت يدي طلع لي اربعه غوايش دهب لبسني ليها قال لي حاجه بسيطه لي أم جمال..... بقيت عامله كده😍😍😍😭😭😭🥺.. .. قلته لي شكرا يا عثمان بجد لي تتعب نفسك كده قال لي ما في تعب انا راجلك من حقي اسعدك فهمتي ما اسمع تاني كلمه تعب 😒... دخلتا عملتا لينا الجبنه بعد نومته جمال عثمان قال لي اشتقتا لأجواء دي طولته منها ياخ اتونسنا و حكينا الفات كلو ... وكانت احلى ليله .🥺💛....
الصباح عثمان جاني في المطبخ بعمل الشاي قال لي تعالي عايزك في موضوع جيت قلته لي احكي قال لي عزيزه ولد خالتي طلب يدها ... قلته ليو الاتفق معاها😳 قال لي ايوا قلته ليو كويس والله 😍😍😍 دي حاجه حلوه قال لي يعني ما اتضايقتي قلته ليو ابدا قال لي الحمد لله المهم انا مبدئيا موافق امشي اشوف رأى عزيزه فعلا مشى ليها للبيت و قالت موافقه فرحانه شديد 🐸💔 انا زاتي فرحته ارتاح منها علي الاقل تشوف حياتا تاني ما تتدخل في حياتي .... عملو خطوبه كانت حلاتا شديد و عقدو في نفس اللحظه اها العرس بعد شهر قالو قالت لي اجهز معاها الشيله و قالت لي عديل امشي معاها 😍😍✨️ .... قلته سبحان الله مغير الاحوال رحلته بي ولدي و عثمان البيت بقى طوالي ملان الناس خاشه و مارقه تبارك جابو الشيله قبل اسبوع للعرس يلا بقى جرى حجز الكوفير والزفاف حقيقي كان متعب و الخبيز و جاء يوم الزفاف لبست فستان محجب كانت قمر ياخ 😍🐸💔 ... انا لبسته لي توب كنته مطقمه مع ولدي هججنا و رقصنا وكل شويه المصور يجيبنا انا ولدي في الشاشه ... كان يوم حلو بقيت الايام الأوائل قاعده مع نسيبتي بعد عزيزه سافرت بس تاني قلته لي عثمان افضل نرحل ليها عشان براها و ممكن نأجر البيت داك فعلا ده الحصل😍 ...
بعد اسبوعين من عرس عزيزه ضربت لي رهف قالت حددو عرسا بعد شهر طوالي قلته ليها اسي بجي 😍😍😍 ... كلمته عثمان في البدايه رفض لانو ما شبع من ولدو فتره عرس عزيزه بس ... وافق في النهايه مشيت و كنته واقفه في العرس من بدايتو لي نهايتو ما قصرت معاي رهف ياخ والله 🥺🫶💛... طلعت قمر في عرسا والعرس كان بسيط بدون حفله بس لبست توب راجلا زول متدين ما عندو حفلات وبتاع.... و بعدها رجعنا البيت ....
بعد تلاته سنه....🫶
سنه جمال كبر بس بقى مع حبوبتو 🐸💔... بجينا زول نوم بس و انا حامل و عزيزه عندها بت يداب في الأربعين معاها و دخلتها في غرفتي كانت هناك و ورهف برضو حامل في التالت يداب قسمتا جات كده.... كل يوم انا و عثمان حبنا بزيد و احترامنا لبعض وكل مره بكبر في نظرو اكتر و اكتر 😍😍😍❤️✨️ و حتى الخلافات و المشاكل بنقعد نحلها و ما في علاقه خاليه مشاكل بس كيف الطرفين يقعدو و يحلوها و بالمناسبه عدس بالقدحه ما الا يكون فكره عدس بالقدحه بجد مثال لحياه زوحيه مريحه ما الا يكون بناكل سمح و نلبس سمح نكون مبسوطين لا حتى لو جمعنا صحن واحد نحنا بكون فرحانين بوجود بعض و في وشنا كل الرضا و الحمد لله طبعا دائما وابدا و نتلاقه في روايه جديده ان شاء الله 🫶❤️
تمت