رواية ميان
الفصل الثالث عشر13
بقلم ريم ابو القاسم
قفلته علي الغرفه من بره ما عايزه اتكلم او اشوف زول بقيت ابكي و ديل بره يضربو الباب ابيت افتح نهائي الباب خالتي علويه قالت لي حنان جاتك برضو ما عايزه تسلمي عليها جات تكفر ليك وقت قالت لي حنان شلته طرحه لفيتا في وشي و فتحته الباب قلته ليهم بس حنان تدخل انتو ارجعو عليك الله 🥺 ماما سلوى قالت لي اهم شي راحتك يا بتي ما تضغطي علي نفسك طيب وانتي حلوه بكل حالاتك و ما اتغير شي فيك يا ميان و انتي عارفه ليلى من زمان بتقول كلام ما ياهو ليه بس المره دي وجعك ، لانو بتقول الحقيقة يا امي😭😭😭😭 ، جات حضنتني انتي عارفه يا بتي اول مره تقولي لي امي كنته بتمنى تقوليها ولو مره 😭😭💔 امي انا زعلانه شديد و قلبي واجعني 😭😭😭 ليلى كسرتو لي و ما عملت لي خاطر ، خلاص حبيبتي ليلى بتقول كلام بره راسا واكيد ما قاصده شي ، مشيت وقفته جمب المرايه شوفي حتى ملامحي اتغيرت و بقيت شينه😭😭😭 حنان قالت ليهم دقايق خلوني معاها انتو ارتاحوا جات قعدت جمبي يعني من كل عقلك بتصدقي كلام ليلى و تختي في بالك انتي عارفه ليلى من زمان تحب تشنف و ما بعجبا العجب اسي انتي جاده بتبكي مسحت لي دموعي يرضيك اختك عروس تجي عشانك بدل تكون اسي في بيتا ومع راجلا يرضيك بس 🥺 ، عاينت ليها ونزلت راسي ارفعي راسك يا ميان ناتي تزعلي من كلام ليلى بضربك فاهمه اثناء كلامنا ده جاء عمران داخل ليلى؟😡 تاني قالت شنو المره دي 😡 ، حنان قامت قال ليها حنان ليلى قالت شنو انا بقيت ابكي قالت ليو ليلى قالت ليها قبيحه و ميان زعلت مع انو ليلى حتى ما تمت كلاما عمران اختفى من الغرفه حنان قبلت علي قالت لي شايفه الله يستر اصلا بيناتم في حساسيه انا بس ببكي هي طلعت و انا قاعده جوه ...
بلسان عمران ..
ما وقت جيت لقيت ميان وحنان بناقشو و ميان بتبكي تقريبا ليلى تاني دخلت في الموضوع و قالت ليها كلام زعلا سالته حنان حكت لي ما انتظرتها تتم باقي الموضوع مشيت فاير فيها لقيتا واقفه جمب التلاته عايزه تشرب مويه خطفته منها الباقه و اتشرقت قلته ليها انتي لسه مصره تسالي ميان و تاذيها بالكلام مش انا حزرتك منها 😡😡، انت ود متين انا اختا ان شاء الله اولع فيها جاز انت ما تتدخل سامع ، صح اختا بس بالنسبه ليها سم في حياتا معقوله اخت تحقد علي اختا بالطريقه دي ، اسمع هنا ما تتدخل في حياتنا اطلع منها عشان ما يحصل شي ما يعجبك 😒 ، كويس مش ميان دي ح اريحا من شرك وعمي بجي المساء قداما اتصلته لي عمي الو يا عمي انا جاهز الليله عايز اخطب ميان ، ان شاء الله خير يا ولدي ، خير مدام انا جاهز ما في داعي ناجل الموضوع اكتر من كده ، خلاص كدي اجي اول نناقش الموضوع ده مع اعماما و امها تمام ، ان شاء الله بس من توافقو انا ح اخطبا قدامكم ، خير يا ولدي يلا لي بعدين وقفل قلته ليها سامعه ميان لي وانا ليها انتي بعد ده ما عندك حق تتدخلي بينا عرفتي عايز امشي مسكت يدي بقت تبكي بي هستريا كاني كتلته ليها زول و فجأه شرطت قميصا و نكشت شعرا و خربشت وشها ويدها و مسكتني شديد من يدي و بقت تنادي فيهم واحد واحد جو كلهم لقوها بالحاله دي وانا ماسكا وهي بتبكي حتى ميان جات كانت بتعاين لي بصدمه ...