رواية اسمهان
الفصل السادس عشر16
بقلم ريم ابو القاسم
طبعا قعدته في نص السرير و ننططه عيوني قلته ح يكون منو يا ربي اكيد واحد معانا في الجامعه بس عرف كيف🐸💔 يلا ما مهم بس المشكله كيف ح يطلع لي حقي هو انا ما قدرته اخد حق نفسي 🥲💔 ....
بعدين مرت عمي جاتني قالت لي اها يومك كان كيف قلته ليها كيف يعني قالت لي فاهمه قصدي يا نونا احكي لي حكيت ليها ابتسمت و مشت ما قالت شي كانو بتعرف شي بس عايزه تسمع مني...
في ليلتي ديك جاتني رساله بعد العشاء محتواها ناسف علي قرار فصلك يسعدنا ان تأتي غدا الجامعه ... في لحظه زي دي الزول مفروض يضحك يفرح ينطط بس انا بقيت ابكي 🐸💔🥲 بكيت اول علي اني اصلا ما عملته كده و مظلومه و بكيت عشان دي المره التانيه أقع بنفس الغلط بكيت علي نفسي لانو لسه ما اتعلمت من العتره الاولى 💔... بس هانت هانت والله فعلا ربنا موجود و لا يضيع حق المظلوم ابدا (عشان كده في الدنيا دي اوعك تبقى ظالم نهائي خليك مظلوم بس ما تتنازل عن حقك بس بدون ظلم 🫶)....
الصباح مرت عمي حفلت الا اقشرا جاملتها ولبسته بدون نفس او بدون رغبه ما كنته مصدقه بس الرساله من اداره الجامعه طمنتني شويه.... لبسه عبايه بالرمادي و طرحه نفس درجه العبايه العبايه كان فيها نقش بالاسود عندي اسبورت و شنطه سوداء طقمته مرت عمي قالت لي ناقصاك شي واحد بس 🐸💔✋️ مشت جابت ساعه فضيه قالت لي كده عسل .... حضنتني و قالت لي انتبهي لنفسك تمام قلته ليها حاضر
اثناء ما انا في المواصلات امي ضربت لي لقيتا بتبكي قالت لي قلبي مقبوض عليكي لي يومين بتصل تلفونك قافل مالك يا بتي و بقت تبكي 😭😭😭💔 امي والله انا كويسه بس التلفون كان خربان ما حبيت احكي ليها و اشغل بالا قلته ليها ما تبكي يا أمي و انا اسي وصلته الجامعه بس ارجع البيت اتصل عليك قالت لي خلي بالك من نفسك قلته ليها حاضر يلا مع السلامه ❤️✨️
وصلته الجامعه لقيت الناس عاديه في الناس البعاينو لي بس بكسرو نظرهم و برجعو عادي وصلته مكتب الاداره قلته افهم الحاصل اول زول لاقاني دكتور اشرف بي ابتسامه عريضه قال لي نورتي انا ما ابديت اي ردت فعل مشيت خليتو واقف لانو عمل لي نفس الحركه 💔💔... مشيت دخلته جوه لقيت العميد قلته لي السلام عليكم قال لي اسمهان اتفضلي قعدته قال لي نحنا اسفين جدا و الطالبه الكانت السبب في تشويه سمعتك فصلناها للأبد تاني ممنوعه من الدراسه بصوره نهائيه ابتسمته بس قال لي لي كتعويض ليكي مع انو حاجه بسيطه معفيه من الرسوم الدراسيه حتى رسوم التسجيل دكتور اشرف اتكفل بيها اتصدمته طبعا دكتور اشرف 😳😳 قال لي برضو دكتور اشرف هو الكشف لينا الحقيقة انا بقيت اسمع بس😳💔 قلته لي يعني دكتور اشرف هو الوضح اني بريئه و كشف نشوى قال لي نعم... في سري قلته عملته للراجل شنو انا اتصرف كيف اسي يا جماعه🥺🥺🥺💔....
طلعته لقيتو واقف مع مجموعه من الطلاب و بشرح ليهم شي معين بعد خلص قلته لي لو سمحته يا دكتور كشحني و فات ولا عاين لي نفس حركتي 🥺💔 ...
اها البنات ديك جوني زي القدر قالو لي اسمهان الف مبروك والله زعلنا ليكي بس دكتور اشرف ما قصر اخد ليك حقك منها قلته ليهم عمل شنو 😳 قالو لي شوفي الفيديو ده ظاهر قاعدين في مطعم راقي كده تقريبا في زول بصرو فيهم دكتور اشرف قال ليها لو حكيتي لي اسي امشي اخطبك بس عشان اسمهان لو جات فتحت خشما اقول ليها دي مرتي و ادافع ليك قالت ليهو هي عشان بتضحك معاك انا عملته كده مشيت عزمتها و خدرتها و عملته العملتو قال ليها برافو عليك انتي ذكيه و قويه خليك كده و ح اعرسك عشان تنقهر زياده وانتهى الفيديو ❤️ وحده قالت لي طبعا دكتور اشرف وضح انو كلامو عن زواجا كل كذب عشان تعترف و هو عمل كده بس عشان انت طالبه ممتازه م مميزه مستحيل يطلع منك تصرف زي ده ..
مشيت خليتم دموعي جاريات وبضحك معقوله دكتور اشرف يجي منو كل ده معرفه متين وكيف و لي اتصرف كده لازم اول اصالحو بس كيف 🥺💔.