رواية عدس بالقدحه
الفصل السابع7
بقلم ريم ابو القاسم
وقت شفته الرسائل برقمي كانت..... اتصدمته ما بعرف متين انا اتراسلته مع راجل لانو الرساله الجاتني ما رديت للولد فتحته اتأكد من الرقم لقيت فعلا ده رقمي....😳💔 جابت من وين رقمي و كيف حصل كده طلعني من سرحتي عثمان وقت خطف من يدي التلفون قال لي كدي اشوف فتح لقى الرسائل كلاها كلام عن حب 💔... اتصدم و قبل علي اداني كف بدون ما يسالني هل انا كده ولا لا ... قال لي دي نتيجه راحتي ليك و حبي ليك تقومي تخونيني كده يا اخجلي من نفسك ...
بقيت ابكي و ماسكه خدي يعني طالما عثمان صدق و ما سألني يبقى انا ما في داعي ابرر رفعته عيوني و قلته لي انا ما خاينه و مستحيل اخونك في يوم من الايام و ح اطلع اخلي ليك البيت.... 💔✋️ و يوم تعرف الحقيقة ما تجيني نهائي و تقول عايز ترجعني قال لي مستحيل اجي لي وحده خاينه زيك فهمتي اسي امشي لي اهلك بكره دي بقطع ليك تذكره تلدي بعدو ورقه طلاقك ح تصلك في محلك ومشى بيت امو ....
بقيت عامله كده معقوله ده عثمان 😭😭😭😭... عزيزه ابتسمت لي قالت لي شوفتي وقت تلعبي بالنار😌 وزول ما مرغوب في البيت ده مصيرو يطلع منو فهمتي عاينته ليها بعين كلها غضب و دخلته بيبي او البيت بقى ما بيتي ... بقيت أبكى قلته اتأكد من رقمي فعلا لقيت المحادثه موجوده في تلفوني اني بالجد اتكلمته مع الولد داك قلته اكيد في ان في الموضوع وانا بعرف اكشف خبثك...💔
في ليلي داك قرتته الملم ملابسي شلته حاجاتي كلهم و رقدته اصلا ما جاني نوم الصباح جاني قال لي البسي يلا... لبسته بدون نفس شلته الشنطه عايزه اطلع براي قال لي اقيفي اوصلك ... قلته لي شكرا ما محتاجه توصلني مكان بقدر لنفسي ... قال لي افضل ليك توقفي عشان ما اتصرف تصرف ما يعجبك✋️...
وقفته مشى قدامي كان كل مره بشيل مني الشنطه بس المره دي ركب و فتح لي الباب نظام ادخل الشنطه و ادخل براي ركبته قلبي مكسور واني مظلومه شديد و بقيت أبكى بقى سايق حتى ولا كلف نفسو يعاين لي وصلنا شال الشنطه قال لي هاك رقم كده المقعد و مشى حتى مع السلامة ما قالا لي ٠💔....وصلته و انا ما فاهمه شي حاسه نفسي في حلم امي من شافتني بقت تبكي قايلاني جيت للولاده قالت لي مالك ما وريتينا يا ايه كان جهزنا ليكي بقيت بس ابكي اتهجمت واي زول في مكانا طبيعي تكون دي ردت فعلا وجعه بيتي راح و عثمان راح و كلو راح وانا ما عندي ذنب في القصه قالت لي ادخلي جوه يا بتي٠😍 ....لقيت بت خالتي قاعده معانا من شافتني جات علي قالت لي مشتاقين يا ايه بقيت ابكي😭....