رواية عدس بالقدحه
الفصل الثالث3
بقلم ريم ابو القاسم
قالت ليو ده شاي مرتك امي براها عيانه الشاي التقيل ما بنفع معاها ... قلته ليها انا ما عارفه كان تقولي امشي اعملو خفيف بس تصرفك ده غلط قالت لي غلط غلط جوه عينك و مشت دخلت جوه قعدت جمب نسيبتي قلته ليها والله ما قصدي مستحيل اذيك والله قالت لي عارفاكي يا بتي ... عثمان قال لي نفسي قفلت من اي شي يلا انا راجع ... الشغل قلته ليو خير ...
مشيت نظفته البيت وخلصته شغلتي كلها و جيت اشغل المكيف ابى يشتغل معاي قلته في سري مالو ده كمان اتصلته لي عثمان قلته لي المكيف ابى يشتغل قال لي خلي لمن اجي قعدته و الجو كان كعب شديد بقيت حارسه يجي متين بعد جاء شافو قال لي في زول قطع السلك دي انتي قلته لي كيف يعني اقطع السلك واضر نفسي.... طق اتذكرته عزيزه الحربايه قلته ليو دي اختك المنفسنه دي اكتد قال لي اختي مستحيل تصل للمستوى ده ما تاخدي ذنبا شايفاها جات ماشه ابتسمت لي ورفعت يدها قلته اسي اكلم عثمان يكورك وانا ما عندي دليل قلته كويس بادبك انا بطريقتي لاكن🤌....
عثمان بعد ساعتين مسكين حنيت عليو ملابسو حقت الشغل ما غيرا ولا شرب مويه بعدين صلحو مشيت جهزته ليو الحمام و عملته لي عصير ختيتو في الغرفه بعد طلع شرب و رقد نام بقيت افكر قلته انا لو مشيت معاها بنفس الأسلوب ح اخسر بيتي اخير أرخي حبه عثمان يشوف عمايلا بعدين انفض ريشي ....
بعد صحى جبته حاجات الجبنه بقيت اعمل فيها و عملته بخور بنحضر و نتونس اها جاتني دقت الباب شديد في سري قلته اقلعي بالله ... عثمان قال لي امشي افتحي الباب مشيت لقيت دي عزيزه قالت لي البخور ده وقفي امي دي بتحسس قلته ليها نحنا في الغرفه وصلكم كيف كمان😒😒😒 قالت لي وصل بالله امور الظار دي ما عايزاها في بيتنا هنا قلته ليها انتي براك قلتي بيتنا يعني عثمان كمان مشترك و طالما هو راجلي يبقى لي حق فيو قالت لي كويس ما عفنه نادت عثمان بصوت عالي جاها قال في شنو كمان رغرغت عيونا قالت ليو امي تعبت من البخور ده مرتك حالفه الا تقتل امنا قلبي وجعني كيف تكذب فيني كده البت دي هي ما صغيره عمرها 35 يعني واعيه و عارفه بس لسه قسمتا .... قال ليها كويس في شي تاني قالت ليو لا طوالي قفل الباب في وشها و دخلنا جوه قال لي ما عايزين كلام كتير وقفي البخور ده .... بقيت ابكي قلته ليو يعني تسمع كلام اختك و تحرج مرتك كده و اشهق زعلته شديد والله يكسرني قدام الحربويه دي قال لي اسف والله ما قصدي حقك علي بس اي شي تخص امي ما برضى هي اكيد ما بتكذب قلته ليو يعني انا اهون عليك وبقيت ابكي قال لي طبعا لا ما تبقى عويره امك اسي بتعملي شي يغضبا قلته ليو لا قال لي خلاص قلته لي توعدني تاني ما تحرجي قدام اختك قال لي حاضر ... وانتهى اليوم كان حلو شديد 🫶😍.....
الصباح صحيت ماشه الدكان قبل عثمان يصحي اجيب لي سكر و بسكويت مشيت لقيتا بتكنس في الحوش و الغبار ده زي ضباب قايم فوق قلته ليها اسي ده ما بضر نسيبتي ولا قله ادب و كذب وقفت الكنيس جاتني زي التور طبعا هي صحتا ما شاء الله وانا رقيقه قالت هوي الما تامه شبر عايزه تقعدي في البيت ده تحترمي نفسك و تحترميني انا اكبر منك فاهمه ..😡 قلته ليها ما فاهمه عايزه تعملي شنو يعني خمشتني من توبي و وقعت فيني ضرب وانا يدي ساي ما قدرته ارفعا بقيت اكورك يا عثمان عشان صوت المكيف و هو اصلا نايم قام بعد ما انتهت مني و صوتي راح لقيت انفى بنذف و شعري كلو قومتو لي و كلي تراب و حالتي صعبه بقيت ابكي بس. واقول يا عثمان... عثمان طلع قال ده شنو و زح مني عزيزه نفضني من التراب جاب لي كرسي قال لي اقعدي أداها كف و بقى يزعف فيني قالت ليو تديني كف عشان دي انا😡😡😡 قال ليها وقسما تفتحي خشمك تاني بفرمك حيه عجبني وسره بالي بي حالتي ديك ابتسمته ليها قامت ادتني عين ودخلت جوه اصلا عثمان بالو طويل بس لو قام صعب بقيت ابكي😭😭 و اقول ليو انت جبتني من بيت ابوي عشان اتعذب كده اسي لو فتحته فيها اورنيك حنى قال حالتي بدمع قال لي ما تعملي كده عليك الله 😭😭😭 عزيزه طيبه و قلبها كبير بس ما عارف مالا قلته ليو طيبه معاكم بس معاي ما طيبه ولا شي 😭😭💔 قال لي امسحيها في وشي حنني قلته ليو ما مشكلة بعد الرعاف وقف قال لي طيب ادخلي الحمام انا بعمل الشاي الليله و ما ماشي الشغل كمان فرحته شديد قلته حاضر بزعله كده و مشيت.....