رواية ميان
الفصل التاسع عشر19
بقلم ريم ابو القاسم
دي قصه كمان براها و قصه كبيره ،احكي لي يا حلا لو سمحتي ده امر ما طلب ، ميان ما عايزه احكي ليك ارتحتي ما بقدر احكي الجزء ده بزات بس ارتاحي عمران عارف ، علي فكره يا حلا دي حياتي و انا البحدد فهمتي كونو اعرف ولا لا و ده اكبر غلط كونو تدسو مني حاجه زي دي و ما اعرف الا بالصدفه ، نفترض عرفتي ح تخسري انتي و تخسري عمران للابد ، يعني عمران ليو يد في الموضوع، لا يا ميان خلاص انا راسي ضرب ما بقدر احكي ليك اي شي امشي اي زول تاني يحكي ليك و رقدت اتغطت كلها بالبطانيه بقيت اصرخ حلا حلا ياخ و اضرب فيها بس كانت زي الحجره ابت تتزح شبر من مكانا مشيت لي حنان لقيتا نايمه دخلته غرفه ليلى لقيتا بتتكلم بالتلفون، ايوا كويسه اسي لا ما محتاجه لي شي متاكده ايوا شكرا ليك ان شاء الله بكره الساعه كم حلو ايوا مناسب معاي ان شاء الله و قفلت حضنت التلفون جيت براحه قلته ليلى قامت ناطه بقيت اضحك في منظرا😹😹😹 بتتكلمي مع منو يا حلوه ، يا زفته دي انتي 😒😒 ياخ طيرتي قلبي مبالغه لاكن تصرفك ده ابدا ما حق زول عاقل ، 😹😹 اسفه اسفه بس شكلو في عريس جاي فنتني بالمخده الجابك شنو لاني نعسانه ، صح جيت اتكلم معاك في موضوع مهم ، و هو...؟! و مشيت علي الدولاب احكي سريع عايزه اغير و ارقد ، عايزه اعرف الشي الحصل معاي زمان وقت كنته في المدرسه، الحصل شنو، ما تعملي نفسك غبيه يا ليلى انا عرفته و حلا حكت لي بس ابت تحكي لي عمران الدخلو شنو ، لو عايزه تخسري عمران بحكي ليك ، خسارتي لي عمران بحددا انا ما الموضوع، حلو جات قعدت اقعدي قعدته ، مش حكت ليك عن الاستاذ ، ايوا ...، الاستاذ ده كان ابو عمران 😊 ،ابو عمران كيف يعني، يعني راجل خالتو علويه ، كيف يعني ابو عمران يا ليلى ما قادره اصدق و مسكته راسي ، عشان كده قلته ليك اطلعي منو الموضوع ده و ما في داعي تحاولي تعرفي اي شي حصل لانو في حاجات افضل تكون نحنا ما عارفنها لانو معرفتا خساره بالنسبه لينا عرفتي🥰 ، ليلى عمران الواحد ده متاكده ، ايوا بس عمران ما عندو دخل في الموضوع، بس هو عارف يا ليلى 😭😭😭😭، ايوا عارف و اصلا هو جاء من هناك عشان يتزوجك و يغطي غلطه ابو ويصلح كل شي لانو كان حاضر زمن كنتو بتقرو سوا وعرف عمايل ابو بالصدفه زينا و زيك ، ما قادره اصدق😭😭😭 ، انتي كمان عارفه و كنتي عايزه تاخدي مني انتي و عمران و كلكم خايين كلكم ما بتحبوني امي لو عايشه ما كنته ح احتاج ليكم كنته ح اكون في حضنا و ابكى و اضحك عندها بكرهكم كلكم حتى عمران و جريت و انا ببكي😭😭😭 دخلته الغرفه بقيت ابكي و اتذكر الحصل معقوله عمران يكون عارف و ساكت لي يسكت يجي يحكي لي معقوله اعرف بالصدفه زواجي و حياتي كلها مدبره انحرمته من حاجات كتيره كلها بسبب ابوك يا عمران 😭😭😭 عملته شنو في الدنيا عشان يحصل لي كده صح انا يتيمه امي اتوفت يعاملوني كده ما عندي كلمه في البيت كل واحد عايز يفرض رايو علي كل واحد عايز يتحكم في حياه ميان فضلته ابكي للصباح حلا قامت حاولت تتكلم معاي كنته رافضه افتكرت زعلانه من امس لانو ما حكت لي لبست و مشت شويه كده الباب ضرب قلته مين قال عمران ابيت ارد بعد سمعته صوتو قال لي ادخل ابيت ارد قام دخل قال لي من قبيل بقول ادخل ما سامعاني ولا شنو و كان مبتسم زحيت راسي للاتجاه التاني، مالك في حاجه واجعاكي😅 ، قبلته عاينته ليو في عيونو لقيت وش تاني ما وش عمران الانا حبيتو و الاتمنيت اكون معاه شفته في عيونو زول انا ما بعرفو نهائي قال لي في شى واجعك حبيبي من قوله حبيبي دي شواطين راسي قامو قلته لي حبيبي هههه انت بتقول لي انا كده معقوله انت واحد خاين و كذاب و مخادع 💔...