رواية ميان
الفصل العشرون20والاخير
بقلم ريم ابو القاسم
قوس لي حاجبو مخادك و كذاب و خاين ...؟! لانك ميان ما بسالك احكي لي الحاصل شنو بالضبط، صح لاني ميان ما في اي اعتبار لا لي ولا لي قراراتي انتو بتحكمو كيف بتشوفو كيف كيف تجي من بره عشان تغطي عمايل ابوك الوسخانه ، كان متفاجئ من كلامي ليو ما تتفاجئ يا عمران انا عرفته اي شي حصل زمان عرفته عمايل ابوك لي معقوله تكون عارف و ما تقول لي و عايز كمان تتزوجني بكل بساطه يعني متوقع اني كان ممكن اوافق ، ميان اهدي فعلا الحصل كان غلط بس انا ما اتزوجتك عشان اغطي لي ابوي انا ناوي اتزوجك عشان كنته حاسي بالذنب بس وقت جيت واتعرفته عليك حبيبتك 💔 و قرب عايز يمسك يدي قلته ليو زح يدك يا عمران انا لسه قرفانه منك و من الحصل كلو ولسه ما قادره اصدق نهائي مسكته راسي حاسه راسي ح ينفجر ، يعني نفسخ ، ....، بتكلم معاك يعني نفسخ اي شي، ايوا نفسخ ما بقدر اكمل معاك بعد الحصل ما قادره اعاين لي وشك كل ما اشوف وشك بشوف وش تاني ما وش عمران الانا حبيتو بشوف عمران الخاين يا عمران و بقيت ابكي اتغيرته شديد، كيف تحددي موقفي من اول موقف لينا انا الوقت داك وقت عرفته كنته زيك بالضبط ما واعي وما عارف شي غير انو مسكو ابوي و اتكلمو معاو وكنته حاضر بس حتى تحرش كانت كبيره علي عقلي الكلمه دي والامور وضحت لي وقت حكت لي امي براحه بعد اصرار كمان يعني حتى انا كنته ما قادر اصدق وقت عرفته انو ابوي هو بعمل العمايل دي مع بنات الناس و انا ما لي في الموضوع عشان تدخليني ، رفعته راسي بس انت ولدو انت من لحمو ودمو ما ح اقدر اتقبلك يا عمران في حياتي بعد العرفتو ما بقدر ، لو علي الدم كلنا اهل و كلنا مع بعض يعني انتي زاتك الدم جاري فيك ، استغفر الله العظيم يا رب طلعته الخاتم براحه و ختيتو في السرير ما ح اقدر اواصل معاك ده اخر كلام عندي، متاكده من قرارك ده يا ميان لانو وقسما بالله ح تندمي ، متاكده ايوا ، حلو شال الخاتم و طلع .. بقيت ابكي بحرقه و كنته يداب حاسه نفسي ميان العندها شخصية لاني اخدته قرار زي ده هو كان عارف ما غالبو يصارحني بس عمل شنو دسى علي اي شي كانو يا ميان حياتك ما بتحدديها انتي نحنا البنحدد مصيرك مسحته دموعي وواصلته ... حتى دراستي زواجي حتى في صحباتي كانو محاسبني و بتحكو فيها ما بعرف تاني في شنو داسنو بقيت ابكي سامعه صوت الظهر صليت و رقدته نمته صحيت بصوت عالي بصرخ ميان الحقي يا ميان قمته مخلوعه لقيت حلا بتضرب فيني قومي شوفي عمران عايز ينتحر اقسم بالله، ويعني 🥰، يعني ما بهمك ، ما بهمني افهمو ما بهمني بقى عمران عمران راسي ح يطق ، يعني نسيتي حبك ليو معقوله يا ميان هو فعلا جاء عشان كده بس هو بحبك والله بحبك و من شافك حباك بالجد يعني لسه مصره علي موقفك جاتني خالتو علويه ميان بتي انتي عارفاني زوله حق و ما برضى الا يحصل الصح وكانت بتبكي ولدي عمران بحبك يمكن اكتر مني يعني حتى وقت عملتو الحادث هو كان متاذى بس رفض يرقد وانتي لسه ما صحيتي فضل معاك لحدي اخر لحظه و بالنسبة لي حكايه ابو عمران اصلا هو زول ما كان سوي يعني ما سليم و عمران وقت عرف دخل في حاله ما يعلم بيها الا ربنا الا انا وقفته جمبو كنته بعاملو زي الطفل الصغير اتخيلي نفسك مكانو والله لا ضوقك ابوكي يكون زول ما بخاف الله و بعمل عمايل زي دي ، بقيت ابكي ، ما تبكي يا بتي عمران حلف قسم ما ينزل لو قلتي لي اقع بقع لو قلتي لي عافيه ليك خلاص،....😭😭😭💔.، ما تسكتي ميان بتي حلفتك بي الله عشان خاطر تربه امك اللسه ما نشفت عشان خاطر خالتك ، بقيت ابكي ما قادره اسكت حتى نفسي كان بتقطع 😭😭😭، عمران يموت يعني ما بقدر جناي الوحيد لو مشى تاني ما عندي زول امشي ليو عشان خاطر حبكم ، اتذكرته لحظاتنا انا وهو كلها كانو شريط او مسلسل قمته من السرير و جريت حلا قالت لي في الكبري ما كان بعيد مننا لبسته العبايه و الطرحه كيف كيف و جاريه و ببكي يا الله يا الله لقيتو واقف و ببكي او منهار عديل قلته لي عمران يعني ناوي تخليني ناوي تمشي طيب لو مشيت عندي منو في الدنيا دي تاني يمسك يدي 😭😭 و الجو كان بارد شديد و الوقت متاخر زي 10 بليل نزل قال لي مالك طالعه في الجو ده اول كده و ما لافه الطرحه كويس ، بهمك 💔 لو بهمك ما كان ركبته في الكبري و قلته عايز تعمل زي الافلام الهنديه يعني مسلسل جديد 💔، طيب جربي قولي نط يا عمران و قسما بالله ح انط ليكي ، تموت كافر يعني 💔 ، استفغر الله ح تسامحيني قرب علي نزلته راسي و رجعته ابكي ارفعي راسك يا ميان ح تسامحيني انا والله حبيتك و بحبك كمان مسكته يدي من البرد ميان احكي و دموعو نزلت في يدي رفعته راسي و مسحته لي دموعو سامحتك يا عمران حضني في اللحظه دي الهواء و الجو و الهدوء وكل شي موجود حولنا كان شاهد علي حبنا😭😭 و علي الكان جوانا❤️ هو اكتفى بالبكا بعد خلص شوفي يا ميان اوعديني اسي مهما يحصل ما ح تتخلي عني مهما كان و مهما يحصل في حياتنا ، بوعدك يا عمران 😭😭😭❤️، تمام نزل بي رجولو و طلع الخاتم مسح باقي دموعو تقبلي تتزوجيني كزوج و ام واب وحبيب ❤️ و كانت عيونو بترغرغ قلته لي بقبل لبسني الخاتم وحضني تاني قال لي بردتي شديد نرجع بعد ده بقينا ماشين قال لي علي فكره تاني ما بخليك تقلعي الخاتم ده لانو ح اعقد عليك الصباح، بس بكره ما الجمعه ، ما ضروري ما بعرف بكره عقدك يعني بكره ما في نقاش تاني ، قلته لي ما علي كيفك ، علي كيفي ما خطيبك ، حتى ولو ممكن افسخ عادي ، ما تخليني اتهور و اعقد اسي،😹😹😹 خلاص خلاص رجعنا البيت لقيناهم كلهم واقفين ووحدين قاعدين و باين التوتر اما امي و خالتو علويه كانو ببكو جاتني خالتو علويه جاريه اها طمنوني رفعته ليها يدي حضنتني و كلهم كانو فرحانين حقيقي كانت احلى لحظه في حياتي...
تم العقد و بعد شهر الحفله اصلا كان ناوي اسبوعين بس دقيت جرس و ليلى الدكتور اتقدم ليها و اطرينا ناجل العرس لي 4 شهور العرس باقي لي شهر عزمته نص صحباتي 🐸💔 كانو معاي لحدي اخر شي عملنا حفله زفاف و حرتق و كنا حلوين شديد مع بعض سافرنا طوالي الحج الزمن داك صادف مع عيد الاضحى قرب عمران قرر نحج مع بعض كانت احلا مفاجأة بالنسبة لي لانو من زمان نفسي احج و اشوف الكعبه و اخيرا اتحققت المنيه كنا نحنا وناس ليلى 😍🫶.
اما حلا اتقدم ليها واحد و العرس بعد 6 شهور ...😍
بعد سنه جبته احلى مروه علي اسم امي ربنا يرحما لاني ما شفتها بس سمعته عنها حكاوي و بحبها شديد ومتاكده اني ح الاقيها في الجنه بعدين 😔
عمران كان بسافر طوالي كنته في البدايه بسافر معاو بس بعد حملته بي مروه بقى صعب بقيت مع خالتو علويه لانو براها و كل سنه بجي ياخد شهرين ويرجع و الحمد لله الليله كان يوم رجعتو من الصباح قايمه و قعده ماسكات وحنه و شعر و خالتو علويه تضحك و تهدي فيني بقيت شينه و منفوخه من الولاده لانو يداب ما تميت الأربعين و شعري قصر . المساء كده الباب ضرب طوالي جريت دخلته جوه الغرفه و بقيت راقده و متوتره و بفرك في يدي خايفه يشوفني و ما يحبني تاني🥺💔 سامعه سلم لي خالتو و البكا و سالا مني قالت ليو قاعده جوه سامعه صوت خطواطو في قلبي بعد وصل خلاص ضرب الباب ضربتين و فتحو اتخلعته طبعا من السماحه و اللون فتح و الاناقه جيت حضنتو طوالي وبقيت ابكي اخدتا مسافه وقت شافني ابيت افكو قال لي ما ممكن عايز اشوفك كفايه حض هزيت راسي نظام لا قلته لي بقيت شينه و اتغيرته ما زيك انت بقيت حليوه ووجيه 🥺💔😭😭بقي يضحك 😂 زحاني براحه قال لي حتى لو بقيتي زومي انا بحبك و هدي حلاتك زحاني شويه و عاين لي من فوق لي تحت بس زتي شويه و كان يضحك٠😂😂😂 ضربتو في يدو شايف حتى انا حاسه كده مشى علي مروه شالا براحه قال دي بتي هزيت ليو راسي ، تشبهك ، حلوه صح ، حلوه شديد كمان باسا و رقدا مسك يدي قال لي مع اني جيت عشان نيه و قلبت نيه تانيه اني احبك ربنا ختاني في الطريق ده عشان اتعرف علي انظف و احلى انسانه مهما تتغيري من شكلك و شعرك و اي شي فيك انا ح افضل احبك بكل حالاتك عرفتي بحبك يا ميان و ح افضل احبك ما عرستك عشان شكلك وبس عرستك عشان جوهرك لانك جوهره غاليه ، يعني قصدك شينه🥺 ، لا يا غبيه ما ح تفهميني المهم بحبك و خلاص ، وانا كمان بحبك حضني في اللحظه دي حسيت بالجد عمران كان لي ام واب و حبيب و كل شي دايما بثبت لي اني ما غلطانه في قراري باني اخترتو في يوم من الايام وعوضني عن حضن امي الكنته فاقده صح ما ح يكون زيها بس كان مكفي و موفي ...
تمت