رواية اسمهان
الفصل السابع7
بقلم ريم ابو القاسم
قررته أقيم الليله تاني ثابت و سبحان الله وقت اكون بدعي دموعي دي بكونو جاريات بدعي ربنا يقويني ة اقدر اقيف برجولي من اول وجديد ومضى شهر علي القصه دي يوم اثناء ما بصلي جاتني فكره اني اسافر الخرطوم هناك و أتم باقي دراستي و اقدر انسى ... استخرته و كنته مرتاحه شديد من قراري ده ...
صحيت الصباح لقيت امي بتعمل في الفطور نحنا متعودين فطورنا بنزل مع الشاي🐸✋️ قلته ليها ما شاء الله ملاح روب الليله قالت لي ما شاء الله انتي والله قايمه تتقدلي زي العروس طول الشهر ده ما سمعنا حسك الجاتك شنو😏 قلته ليها قررته قرار مسافره الخرطوم قالت لي سجمي تسافري ليشنو ما يكون لقطي عريس من هناك🤣 و جرر فكت الضحكه قلته ليها لا لا ماشه أتم قرايتي هناك زهجته من هنا وحاسه نفسي مخنوقه شديد قالت لي طيب الرأي رأي ابوكي ...
قلته ليها خلاص جيبي اساعدك ادتني طوالي بقيت اعمل في الفطور خطيت صينيه الشاي و كبيت لي امي و ابوي مرق الصباح للزراعه و كبيت لي نفسي نسمع ليك صوت الباب وكان عالي شديد امي قامت جاريه قالت عليك الله فنو اصلا هو باقي باب😒 فتحتو لقت دي جارتنا امي قالت ليها ملك الموت جاكي جاريه كده 😒✋️ قالت ليها كان عرفتي دايره اقول ليك شنو ملك الموت ح يشيلك انتي🐸 امي قالت ليها اصلك ما بتتغيري ادخلي جوه بنشرب في الشاي ...
جات لقتني سلمت علي و قعدت قالت ما عرفتو الحاصل شنو امي قالت ليها نعرف من وين قالت ليها قالو بتك نونا مشت لشيخ كتبتو عشان كده حباها ولد خالتا و اسي ما عندكم قروش تتمو باقي الشغل و العمل اتفكى .... أمي قالت ليها منو القال قالت بري نحنا زاتنا سمعنا نسوان الجبنات امي قالت ليها اخر مره يا السره منو القال والله اضبحك حيه المره من سمعت اضبحك دي طوالي لفتحت توبا و جرت 🐸 ...
انا اصلا بقيت ما فارق معاي كلام زول امي وقت في الأرض بقت تبكي قالت لي الكلام ده ما بتعرف بيو الا خالتك و كنا ماشين بس ما مشينا معقوله تكون هي قلته ليها اهدي يا أمي 🥺💔 ما في يستاهل انا اصلا مسافره وابوي يجي بس وتاني الا يشوفوني بالعربيه و أمي دي جرر بقت تضحك اجي قلته شي بضحك انا🐸✋️ قالت لي نونا هوي اقعدي في الواطه عربيتك ما تقولي لي قلته ليها اييي😌 بقت تضحك غايتو انا متأكده تقول جنيت يلا ح اثبت ليها كلامي ده....
العصر ابوي جاء بعد خليتو يتغدى و يشرب الشاي حكيت لي عن اني عايزه اسافر الخرطوم و السبب شنو قال لي ابشري راحتك اهم يا بتي بس اتذكري راس ابوكي اوعك تنزلي بسته راسو و يدو قلته لي يابا انا ما نونا زمان و راسك ح ارفعو ليك بإذن الله قال لي خير بكلم عمك ده يجي يوديكي الصباح قال قايم داير يجيب بضاعه امشي جهزي حاجاتك باقي اليوم ده قلته لي تمام 😍 قال لي بتصل لي عمك يستقبلك تعقدي معاهم قلته لي خير يا ابوي كنته مبسوطه شديد و فرحتي كبيره اني ح اسافر و اخلي البلد دي مع انو فراق أمي وابوي صعب💔